Narcisistët dhe psikopatët janë gogolë origjinalë. Ata u bëjnë dëm të tjerëve, ndërsa mohojnë gabimet e veta. Këtë mbrojtje psikologjike mendja përdor për të mohuar realitetin dhe për të shmangur ndjenjën e keqe.
Sa shpesh njeriu i zemëruar mohon atë që përbrënda e di se ekziston? Mbrojtja e mohimit dëmton sjelljen për të ruajtur imazhin e mirë për veten, edhe pse të tjerët mund të shohin përmes fasadës.
Sa herë kjo mbrojtje shtohet, më shumë probleme krijohen për vete dhe të tjerët. Mohimi shmang përgjegjësinë për veprimet e dëmshme duke thënë ‘Unë nuk e kam bërë.’ Kështu, personi mëson të gënjejë dhe gjithë kohën beson në gënjeshtrën e vet. Mohimi është i papërgjegjshëm në nivel të pandërgjegjshëm, sepse personi nuk pranon të vërtetën në lidhje me sjelljen e tij të keqe
Mohimi është mbrojtje e papjekur së bashku me mashtrimin dhe shtrembërimin, sipas Manualit IV të Shoqatës Amerikane të Psikiatrisë. Njerëzit të cilët nuk janë të hapur për informacione dhe kritika në lidhje me veten mund të bëhen mjeshtër të mohimit.
Një fëmijë, i cili nuk pranon se ka bërë gabim vepron brenda kufijve normalë të zhvillimit. Një i rritur, i cili mohon të vërtetën e shëmtuar përsa i përket vetes, është mbërthyer në mbrojtje të pamenduar. Mohimi është ndryshim i përgjegjësisë që vjen nga brenda kur personi ndjehet i pafuqishëm e i kapur në mendësi të vjetër.
Pa vullnet nuk ka ndryshim, mësimet e jetës mohohen dhe personi bie në grackën e tij. Carl Jung besonte se shërimi nga mohimi ndodh kur personi harron egon e vet.
