Əli Novruzov: “AFU barədə bir yenilik yoxdur”

Posted April 8th, 2014 at 4:35 pm (UTC-4)
3 comments

Ali NovruzovBu həftə Sərbəst Kürsüdə tanınmış blogger, ictimai fəal və bu yaxınlarda çapdan çıxan “7 Hekayə” kitabının müəllifi Əli Novruzov oxucularımızın suallarını cavablandırıb. Canlı forum aprelin 9-u keçirilib.

—————————————————————–

21:30 / 09 aprel 2014
Sərbəst Kürsüdə hamınızı xoş gördük. Canlı forumun moderatoru Emil Quliyevdir. Qonağımız isə Əli Novruzovdur.

21:32
Emil Quliyev [moderator]: Əli bəy, Sərbəst Kürsüyə xoş gəlmisiniz.

21:33
Əli Novruzov: Çox sağ olun, sizə də dəvət etdiyiniz üçün təşəkkür edirəm.

21:34
EQ: Çox sağ olun. Gecikmədən ilk suala keçmək istəyirəm. Adnan Kamilli soruşur:
– Əli, bir zamanlar yaman bloq yazırdın. İndi niyə yazmırsan. Daha doğrusu tək sən yox, demək olar heç kəs yazmır. Mod qurtardı, bloq yazmaq da qurtardı?

21:55
Cavab: Azərbaycanda bloqların populyarlığının azalmasının səbəbi Facebook-dur. İnsanlar Facebook-da daha çox vaxt keçirir, məzmun yaradır, informasiya alır, artıq bloq yazmağa vaxt və ehtiyac qalmır. Bizdə Twitter-in populyarlığının aşağı olmasının da səbəbi Facebook-dur. Yəni Facebook-un Azərbaycanda populyarlığının yan effekti kimi sosial medianın digər qollarında durğunluq yaranıb. Bu bizim ictimai-siyasi sistemin nəticəsidirmi, yoxsa milli xüsusiyyətimizdən qaynaqlanır, deyə bilmərəm. Azərbaycanda bloqların məşhurlaşması elə bir dövrə təsadüf edirdi ki, İnternetdə bir informasiya aclığı var idi. Sonra Facebook-un funksiyaları artdı, daha çox insan xəbər paylaşmanın və yaratmanın yolunu öyrəndi, müxtəlif onlayn saytlar artdı, nəticədə bloqlar bu rəqabəti uduzdu. Bloqlarda öz fikirlərini bölüşən bir çox gənclər də keçdi müxtəlif saytlara köşə yazarlığına. Ona görə də bloqçuluqda yenə bir kiçik qrup insan qaldı. Mən indi də bloq yazıram və dörd fərqli bloqum var. Sadəcə az-az yazıram, daha çox vacib mövzulara toxunuram. Yazdığım bloq yazıları da kifayət qədər böyük əks-səda doğurur, müzakirə və qalmaqal yaradır. Yəqin yaxından izləmirsiniz.

21:57
Sual [Resul AZERI]: Men sizin kitabinizi oxumamisam. Neden behs eleyirsiniz kitabda?

22:07
Cavab: Kitab yeddi fərqli janrda yeddi qısa hekayədən və bir bonusdan ibarətdir. Alleqorik hekayədən başlayıb plagiat hekayədə bitir, bir növ ədəbiyyatın tarixinə parodiya edir. burada romantik hekayə də var, absurd da, post-modern də. Kitab haqqında rəylərlə tanış olmaq istəsəniz, bu səhifəyə baxın: https://storify.com/alinovruzov/sevenstories

22:09
Sual [Kənan]: Nurçulara mübasibətiniz necədir? Onların ölkə tədris ocaqlarının olmasını bəyənməyənlərə sözünüz nə olardı?

22:24
Cavab: Azərbaycanda türk məktəbləri çox uğurlu təşəbbüsdür. Görün nə qədər ağıllı, savadlı, təhsilli, bacarıqlı mütəxəssis yetişdirib, məzunları dünyanın hər ölkəsində təhsil alır, müxtəlif ölkələrdə çalışır. Mən özüm də türk məktəbində oxumuşam, çox keyfiyyətli təhsil almışam orada. Bu baxımdan türk məktəblərinin Azərbaycana çox xeyri dəyib, kim bunları danırsa nankorluq edir. Digər məsələlələrə gəldikdə isə – mənim nəzərimdə din fərdi bir şey olmalıdır. Hər kəs öz dinini ya dinsizliyini fərdi qaydada, azad şəkildə yaşaya bilməlidir, başqalarına öz dəyərlərini zorla sırımadan. Ona görə də dini siyasətə alət edən, siyasi və ictimai məkana gətirən heç bir hərəkatın, baxışın, partiyanın, ideologiyanın yanında deyiləm. Dövlət və din, siyasət və din bir-birindən ayrı olmalıdır.

22:25
Sual [Gunel]: Son zamanlar gencler arasindaki sessizliyi ne ile elaqelendirerdiniz?

22:30
Cavab: Heç də sakit deyillər, razı deyiləm bu fikirlə. Bu ictimai fəallıq bir qədər azalan-çoxalan xətlə gedir həmişə. Bir dövrdə gənclər çox fəal olur, sonra onlar yorulur, yerinə yeni gənclər gəlir, sonra onlar da yorulur, bu dəfə köhnə nəsil bir də canlanır… Belə təkrarlanan, sonu olmayan prosesdir. 🙂

22:34
Emil Quliyev [moderator]: Adını açıqlamayan bir oxucu yazır: AFU üçün darixanları nəzərə almanızı xahiş edirəm.

22:40
Əli Novruzov: AFU ilə bağlı hələ bir yenilik yoxdur, təəssüf ki. Yenilik olan kimi dərhal xəbər edəcəyik.

22:45
Sual [Ləman Süleymanova]: Yene kitab yazmagi dusunursunuz?

22:50
Cavab: Bəli, yenə də yazmağı düşünürəm və planlaşdırıram. Bu arada, ilk kitabımı alıb oxuduqları və bəyəndikləri üçün oxucularıma təşəkkür edirəm. Kitabın uğurlu alınmasına görə məhz sizlərə borcluyam.

22:51
Sual: Statuslarda hemise Amerikani terifleyirsen. Seni Amerikaynan ne baglayir?

22:55
Cavab: İnsan hüquq və azadlıqlarına hörmətlə yanaşan azad dünyaya həmişə rəğbətim olub, istər ABŞ olsun, istər Yaponiya, istər Lixtenşteyn. Amerikanı isə təkcə tərifləmirəm, tez-tez də Amerikan siyasətini sərt tənqid edirəm. Hər hansı bir ölkəni kor-koranə sevmək, ya da ona kor-koranə nifrət etmək mənlik deyil. Hər ölkədə sadə xalq var, dövlət var, hökumət var, siyasətçilər var, demokratlar var, ifrat sağ və sollar var, və ən əsası fərd kimi insanlar var. İnsanları sevmək lazımdır. Və insanların azadlıq və hüquqlarına hörmət edən hər yer rəğbətə layiqdir.

22:57
Emil Quliyev [moderator]: Əli bəy, forum iştirak etdiniz üçün təşəkkür edirik

22:58
Əli Novruzov: Dəvətə görə bir daha təşəkkür.

23:00
Emil Quliyev: Mən oxucularımıza da təşəkkürümü bildirirəm. Sərbəst Kürsünün növbəti sayında görüşənədək.

 

Rəşadət Axundov həbsxanadan Amerikanın Səsinin suallarını cavablandırıb

Posted January 29th, 2014 at 1:47 pm (UTC-4)
6 comments

Resadet2013-cü ildə ağır ittihamlarla həbs edilən N!DA Vətəndaş Hərəkatının üzvlərinin yanvarın 30-da növbəti məhkəməsi keçiriləcək. Onlar arasında Hərəkatının İdarə Heyətinin üzvü Rəşadət Axundov da var. 1 ilə yaxındır  həbsdə olan Rəşadət Axundov Sərbəst Kürsü vasitəsilə oxucularımızın və sosial şəbəkə iştirakçılarının suallarını cavablandırmağa razılıq verib.

Rəşadət Axundova suallarınız və şərhlərinizi aşağıdakı ŞƏRHLƏR bölməsində yaza bilərsiniz. Suallar fevralın 4-ü, çərşənbə axşamınadək qəbul olunacaq. Daha sonra onların içərisindən ən maraqlıları seçilərək Rəşadət Axundova göndəriləcək. Bir həftə ərzində Rəşadət sualları cavablandıraraq Amerikanın Səsinə göndərməyə çalışacaq.

——————————————————————————————————————–

05 Fevral
Suallar artıq Rəşadət Axundova göndərilib.
——————————————————————————————————————–

 20 Fevral 2014

Amerikanın Səsinin sualları:

Sual: Həbsdə olduğunuz müddətdə ictimai dəstəyin mövcudluğunu hiss edirsinizmi?

Cavab: Sualınıza cavab olaraq bildirirəm ki, bəli, ictimai-siyasi sektorda təmsil olunan təşkilatların, partiyaların, QHT-lərin diqqəti, dəstəyi yetərincə olub. Sadəcə problem odur ki,  geniş xalq kütləsi bizim niyə həbs edildiyimizi bilmir. Problem budur ki, cəmiyyətin böyük bir qismi nəinki bizim həbsimiz, hətta bizim də və demokratik düşərgənin digər təşkilatlarının da nə uğrunda mübarizə apardığı haqqında yetərincə məlumatı yoxdur.

Sual: Azərbaycan gəncliyinin siyasi fəallığını artırmaq üçün nə etmək olar?  Yəqin ki, bir çoxları NİDA üzvlərinin həbs olunduğunu görüb, siyasi fəaliyyətdən çəkinməyə qərar verir.  Sizin həmin gənclərə sözünüz nə olardı?

Cavab: Sualınızın ikinci hissəsindən başlayıb demək istəyirəm ki, həbslərin gənclərin siyasi fəaliyyətinə mənfi  təsir  etdiyini düşünmürəm. Əksinə biz həbs edildikdən  sonra N!DA-ya dəstək olaraq xeyli gənc qoşuldu. Fədakar mübariz insanların fəaliyyətinə isə həbslər təsir etmir, həbslər oldu-olmadı onlar həmişə meydandadırlar. Problem ondadır ki, aktiv olmayan təbəqə fəallaşmaq istəmir, həbslər onları qorxudur.

Sual: Görmək istədiyiniz Azərbaycanı təsvir edə bilərsinizmi?

Cavab: Küçədə gəzərkən ac-yalavac, dilənçi görünüşündə balaca görmədiyim Azərbaycan!

Oxucularımızdan daxil olan suallar:

Samir: Əziz qardaşım Rəşadət, N!DA-nın başqa ölkələrdə formalaşması üçün tövsiyyələrin nələrdir?

Cavab: Samir bəy, bu günlər də keçəcək, narahat olmayın. Möhkəm olun. N!DA-nın başqa ölkələrdə yaşayan Azərbaycan vətəndaşı olan tələbə və gənclər tərəfindən özəklərinin yaradılmasına müsbət baxıram. Harada yaşamasından asılı olmayaraq hesab edirəm ki, hər bir gənc ölkəsinin taleyinə biganə qalmamalı və vətəndaşlıq missiyasını anlamalıdır.

Movlan: N!DA-nın siyasi iddiasi nə zaman olacaq?

Cavab: Mövlan bəy, N!DA-nın siyasi iddiası həmişə olub. Bu da demokratik cəmiyyətin qurulmasıdır. Bizim yalnız siyasi hakimiyyətə iddialı olmaq, alternativ olmaq iddiamız yoxdur.  Biz öz haqqlarına sahib çıxmağı bacaran vətəndaşların öz iqtidarını azad seçki ilə seçməsini arzulayırıq və bunun uğrunda mübarizə aparırıq.

Rauf Binnətov: Salam Rəşadət. Həbsinizlə bağlı Avropa İnsan Haqları Məhkəməsinə müraciət etmək fikriniz varmı?

Cavab: Rauf bəy, təbii ki, Azərbaycan daxilindəki məhkəmələrdə istədiyimiz nəticələri almasaq Avropa məhkəməsinə müraciət edəcəyik.

Sakit: Həbsxanada siyasi ədəbiyyat oxumağa və yazı yazmağa məhdudiyyət varmı? Qohumlarınıza sizə görə təzyiqlər varmı?

Cavab: Həbsxanada hər hansı ədəbiyyata oxumağa maneə yoxdur. Yazı yazmağa və mətbuatda yazı dərc etməyə isə ciddi məhdudiyyət var. Bunu da oranın istintaq təcridxanası olması ilə əsaslandırırlar.

Orxan Məmməd: Rəşadət, Amerikadan salamlar! Sualım: Nelson Mandela 25 ildən çox həbsdə qaldıqdan sonra onu sevənlər ölkədə vəziyyəti elə gərginləşdirir ki, hakimiyyət Mandela ilə danışıqlara getməyə razı olur. İstərdinmi ki, səni sevənlər ölkədə belə gərginlik yaratsın və ya həmin cəmiyyətin nə vaxtsa yetişəcəyinə inanırsanmı?

Cavab: Orxan bəy, cəmiyyətin həm bizim, həm öz hüquqlarını müdafiə etməsini hər zaman arzulayıram. Ancaq bu dinc, qeyri–zorakı, demokratik üsullarla həyata keçirilməlidir, heç bir provokasiyaya və zoraki gərginliyə rəvac verilməməlidir. Dinc mübarizənin alternativi yoxdur.

Tural Abbaslı: “Biz hər zaman prinsiplər üzrə hərəkət etmişik”

Posted January 7th, 2014 at 5:08 pm (UTC-4)
7 comments

Müsavat Partiyası Demokratik Qüvvələrin Milli Şurasını tərk edib. Bu barədə qərar Müsavat Partiyasının yanvarın 6-da keçirilən divanında qəbul edilib.

tural abbasliMəsələni müzakirə etmək üçün bu həftə Sərbəst Kürsüyə Müsavat Partiyasının divan üzvü Tural Abbaslını dəvət etmişik. Yanvarın 8-də Tural Abbaslı oxucularımızın suallarını cavablandırıb.

————————————————————————————————————————————

21:00 / 08 yanvar 2014
Sərbəst Kürsüdə hamınızı xoş gördük. Canlı forumun moderatoru Emil Quliyevdir. Qonağımız isə Müsavat Partiyasının divan üzvü Tural Abbaslıdır.

21:02
Emil Quliyev [moderator]: Tural bəy, Sərbəst Kürsüyə xoş gəlmisiniz.

21:04
Tural Abbaslı: Dəvət etdiyiniz üçün təşəkkür edirəm.

21:06
Emil Quliyev: Mən oxucularımıza da salamlayıram və onları sizə ünvanladığı ilk sualı təqdim etmək istəyirəm. Adnan Kamilli yazır:

– Əminəm ki, özünüz də bilirsiniz ki, bu, yanlış qərar idi. Mənə maraqlıdır ki, partiyada o qədər dəyərli insan var, onlar necə icazə verdilər belə bir qərarın qəbuluna?

21:18
Cavab: Əvvala onu qeyd edim ki, bu qərarın qəbulunda mən də bir Divan üzvü kimi iştirak etmişəm və qərarın lehinə səs vermişəm.Odur ki, qətiyyən qərarın səhv olduğu ilə razı deyiləm.Mən əminəm ki, çox yaxın zamanda bu qərarın nə qədər doğru və vaxtında verilmış olduğunu qərəzsiz hər bir vətəndaşımız görəcək.Çünki biz bu qərarı verməzdən öncə partiya daxili çox uzun və hər tərəfli müzakirə və analiz etmişik.Onu da unutmaq lazım deyil ki, Müsavat Partiyası Milli Şuranın yaranmasında və uğur əldə etməsində ən çox əziyyət çəkən bir təşkilat olub.Hətta MŞ nın namizədi xeyirinə İsa Qəmbər kimi güclü bir siyasətçinin namizədliyindən imtina edib.Ümumiyyətlə MŞ naminə Müsavatdan daha çox güzəştə gedən ikinci bir siyzsi qüvvə olmayıb.

21:20
Sual [Rovsane Rehimova]: Bu muttefiqliq meselesi ne mesele idi? siz evveller onlarla muttefiq deyildiniz?

21:33
Cavab: Rövşənə xanım yəqin ki, Müsavatın MŞ da təmsil olunan partiya və qurumlara təklif etdiyi sazişləri nəzərdə tutur.Qeyd edim ki, eyni məntiqlə yanaşsaq deyə bilərik ki, Müsavat və orada təmsil olunan bəzi qurumlar İctimai Palata başda olmaqla bir çox digər formasiyalarda zatən müttəfiq idi. Elə isə Milli Şura adlı quruma nə ehtiyac var idi.Bizim təklif etdiyimiz müttəfiqlik və əməkdaşlıq daha çox həmin təşkilatlarla iki tərəfli və daha uzun müddətli münasibətləri nəzərdə tuturdu.Ancaq təəssüflər olsun ki,bizimlə müxtəlif qurum və bloklarda səmimi müttəfiqlik münasibətlərində olduqlarını iddia edənlər bizimlə iki tərəfli müttəfiqlikdən imtina etdi.Bəs hanı münasibətlərdəki səmimiyyət? Əslin bu bir daha sübüt edir ki, Müsavat Rəsulzadə və Elçibəy yolundakı bütün təşkilatlarla əməkdaşlıqda daha səmimi və israrkardır nəinki digərləri.

21:35
Sual [Rəhim Qasımov]: Mən Müsavatın bu qərarını gecikmiş qərar hesab edirəm. Ümumiyyətlə Müsavat gərək İsa Qəmbərlə seçkilərə gedərdi. Sualım isə belədir ki, nə üçün Müsavat Milli Şuranın namizədinə üstünlük verdi, başqanın namizədliyini saxlamadı?

21:45
Cavab: Mən qərarın vaxtında verildiyinə əminəm.Niyə Müsavat siyasi və təcrübə baxımından daha güclü və şanslı olduöğu MŞ namızədlərinə güzəştə getdi? Çünki biz həmişə Əliyev rejimi üzərində qələbənin həll edici qüvvəsini xalqın prossesslərə daha aktiv qoşulmasında görmüşük.Ancaq təssüf olsun ki, hakimiyyətin də bu yönümündəki təbliğatının birbaça nətıcəsi olaraq yalnış bir fikirformalaşıb ki,qələbə qazanılmamasının günahı müxalifətdədir.Yəni hakimiyyətin seçkiləri total şəkildə saxtalaşdırmasının,azad sözün boğıulmasının,sərbəst toplaşmaq yasağının ,repressiyaların və s. məsələlərin deyildə müxalifətin vahid namizədinin olmamasının bu məsələyə həll edici təsiri var.Müsavat Partiyası da bu məsə ilə bağlı ictimaiyyətdə yaranmış yalnış fikrin aradan qalxmasi üçün öz real şanslı namizədindən imtina etdi.Sonda həmişə olduğu kimi bu məsələ də də Müsavatın haqqlı olduğu bir daha sübut olundu.

21:46
Sual [Seva A-va]: Musavat evvel dedi, İbraqimbekov namized olmasin sonra dedi sedr olmasin, sonra dedi sedr olmasin. İstediyi her shey olandan sonra dedi voobshe cixiram. Evvelden cixa bilmezdizmi?

22:00
Cavab: Əvvala onu qeyd edim ki, Müsavat Partiyası siyasətini heç bir zaman şəxslər üzərində qurmayıb.Biz hər zaman prinsiplər üzrə hərəkət etmişik.Yəni burada məsələ qətiyyən İbrahimbəyov deyil.Həm Müsavat heç zaman onun namizədliyinin əlehinə olmayıb,sadəcə olaraq ən təbii və vacib tələblər irəli sürüb ki, namızəd Bakıda olmalı və onun namizədliyini müdafiə edən xalq qarşısında bəəzi öhdəlikləri qəbul etməlidir.Rüstəm müəllimin MŞ-ya sədr olmasında Müsavatçılar yekdilliklə səs veribsə necə demək olar ki,biz onun sədrliyi əlehinə olmuşuq.Ancaq,həmsədrlik və fəxri sədrlik məsələsində İbrahimbəyovu ona görə dəstəkləməəyib ki, o Rusiya vətəndaşlığından imtina etmək fikrindən daşındığönö bəyan etdi.Tam anlaşılandır ki,Azərbaycanın gələk inkişafını Avrointerasiyada görən və bu məsələdə heç bir güzəştə yola verməyəcəyini bəyan edən Müsavat Partiyası üçün Rusiya vətəndaşının rəhbərliyi altında fəaliyyət qətiyyən qəbul edilməzdir.

22:05
Sual [Nihad Murselov]: Qarşıda Müsavat partiyasının qurultayı olacaq. Bilirik ki, sizdə həmin qurultayda başqanlığa namizədliyinizi irəli sürəcəksiniz. Arif Hacılı ilə isə bu məsələ ilə bağlı olaraq aranızda soyuq müharibənin getdiyi də heç kəsə sirr deyil. Seçkidə Arif bəy qalib gəlsə sizin Müsavatdakı karyeranıza son qoyula bilər. Əgər, Müsavatda sizə qarşı təzyiqlər olsa, nə qərar verəcəksiz?

22:20
Cavab: Müsavat Partiyası hər bir demokratik təşkilat kimi öz Nizamnaməsi üzrə fəaliyyət göstərir.Burada da göstərildiyi kimi Müsavat Partiyasının qurltayını yaxın zamanlarda keçırmək niyyətindədir.Ancaq hamıya məlum olduğu kimi hakimiyyətin qetri qanuni və qərəzli münasibəti nəticəsində bizə quruitayımızı keçirə biləcəyimiz məkan ayrılmır.Bu süni problem aradan qalxan kimi Müsavat öz qurultayını keçirəcək.Keçiriləcək qurultayda namizəd olub olmamaq məsələsi isə də bizim üçün açiq qalır. Ancaq , deməzdim ki, bu məsələyə görə mənim Arif bəy də daxil olmaqla digər namızədlərlə münasibətim soyuqdur.Biz müsavatcıyıq vər hər zaman da müsavatçı olaraq qalacağıq.Yəni qurultay nümayəndələri olan müsavatçıların iradəsi digər müsavatçılar kimi mənim üçün də əsasdır və biz bu iradəyə sözsüz tabe olacağiq.Əminəm ki,növbəti Başqanın kim olmasından aslı olmayaraq Müsavatdakı bu günkü birlik bə bütövlük davam edəcək və biz birlikdə bundan sonrada bir yerdə mübariizəmizi davam etdirəcəyik.

22:22
Sual [Bəxtiyar Hacıyev]: Tural bəy, İsa Qəmbər Müsavat başqanlığından istefa versə (çox maraqlıdır, hakimiyyətin 3-cü müddətinə etiraz edən Müsavat başqanı faktiki olaraq Müsavat nizamnaməsinə görə 3-cü müddətdir ki, başqandır) Müsavat başqanı olmaq uğrunda mübarizəyə qoşulacaqsınızmı?

İkinci sual: Keçən il bir müsahibəmdə “Milli Şuraya Qərbdən dəstək hiss etmədim” dediyimə görə rəhbərlik etdiyiniz Müsavat Gənclər Təşkilatı mənə qarşı qarayaxma kampaniyasına başlamışdınız ki, Milli Şura haqqında mənfi fikirlər səsləndirmişəm. Hətta bu kampaniyaya həbs yoldaşım olan sizlər rəhbərlik edirdiniz. Amma indi “müxalifətin birliyi Müsavatsız mümkün deyil” deyib, müxalifətin indiyə qədər ən geniş birliyi olan Milli Şuranı tərk etdiniz. Belə çıxmırmı ki, Müsavatın bu addımı müxalifətin birliyinə son qoyur? Həm də bu tərk etmə qərarı üçün ciddi əsas olmadan bunu etdiniz. Rüstəm İbrahimbəyovun Rusiya vətəndaşı olaraq MŞ sədrliyi, fəxri sədrliyini bəhanə edirdiniz, o da istefa verdi ki, getmək istəyirsinizsə, bəhanəsiz gedin.

22:33
Cavab: Bəxtiyar bəyin 1-ci sualına yuxarıda qismən cavab vermişəm.Ancaq onu da xatırladım ki, Partya nizamnaməəsində Başqanlığa İsa bəyin təklifi ilə qoyulan məhdudiyyətdən sonra isa bəy 2 dəfə Başqan seçılııb.Bəxtiyar bəyin 3-cü dəfə məsələsini haradan çıxardığını anlamadım.Nə mənim rəhbərliyim nə də müstəqil şəkildə Bəxtiyar bəyə qarşı qarayaxma kampaniyası aparıldığını isə xatıtlamıram.Biz MŞ nı müxalifətin sonsuza qədər yarattdığı biir birlik olduğunu isə qəbul etmirik.MŞ-a prezident seçkilərini hədəf götürərək yaradılmış bir birlik idi və misiyasını başa vurdu.Müsavat Partiyası yenii siyasi situasiyaya uyğun yeni addımların atılması tırıfdarıdır.Odur ki,biz müxalifətin hansısa böyük birliklərini dağıtdıığımız fikrini qətiyyən qəbul etmirikk vəə bu fikri özümüzə qarşı qərəz kimi qəbul edirik.Sonda Bəxtiyar bəəyə bir daha xatırladıram ki, qeyd etdiyi qurumu yaradan elə Müsavatın özü idi.

22:35
Sual [Rüfət Hacıyev]: Tural bəy, nə zamansa Müsavat başqanı olmağı planlaşdırırsınızmı?

22:43
Cavab: Təbii ki, nə vaxtsa Müsavat Başqanı seçilmək mənum üçün böyük fəxr və şərəf olar.Müsavat kimi bir partiyanın rəhbəri olmaq adını Azərbaycan tarixinin ən şərəfli səhifələrinə yazdırmaq deməkdir.Həm zamanında bizim həmyaşıdlarımız olan bu günkü siyasi liderlərimiz Azərbaycanın idarəçiliyində önəmli və məəsuliyyətli postlarda təmsil olunduqları halda , biz niyə belə bir gücü özümüzdə görməyək.Həm gənclərin rəhbərliyə gəlməsi əhalinin böyük qismini təşkil edən gənclər ordusunun da prosseslərə daha aktiv qoşulmasına stimul verı bilər.Odur ki., bu barədə ciddi düşündüyümüzü və sonda xeyirli bir qərar verəcəyimizi düşünürəm.

22:45
Sual: Musavatın bundan sonraki fəaliyyət planı nədən ibarətdir?

22:50
Cavab: Müsavat Partiyası Məclisinin son iclasında partiyanın 2014-cü il fəaliyyət planı qəbul olunub.Bu fəaliyyət planında 2014-cü ildə Müsavatın fəaliyyətinin əsas istiqamətləri öz əksini tapıb və biz də təbii ki, bu istiqamətdə fəaliyyətimizi təşkil edəcəyik. Həm bu il bələdiyyə seçkiləri keçirilməsi nəzərdə tutulur.Bu seçkilər onunla fərqlənir ki,burada minlərlə namızəd iştirak edirşVə bu da partiya daxili təşkilatlamaya öz tövhəsini verəcək.

22:51
Sual [Məhəmməd]: Milli Suradan cixdiginizi beyan etdikden sonra partiyadan istefalar baslayib bu istefalarin artacagini dusunmursunuzmu???

22:55
Cavab: Bu qərardan sonra istefaların başladığı fikrii ilə razı deyiləm.Minlərlə üzvü olan bir partiyanın sıralarından hələlik 1 adamın istefa verməsi hələ göstərici deyil.Və əminəm ki, partiya üzvləri bu qərarı dəstəkləyərək öz fəaliyyətlərini davam etdirəcəklər.Belə qərarlar Müsavat kimi partiyaya təsir edə bilməz.

22:57
Emil Quliyev [moderator]: Tural bəy, iki saata yaxın vaxtınız ayırıb oxucularımızın suallarını cavablandırıdığınız üçün sizə minnətdarlığımı bildirirəm.

22:58
Tural Abbaslı: Emil bəy, bu inkanı yaratdığınız üçün mən sizə minnətdaram.Təşəkkürlər!

23:00
Emil Quliyev: Mən oxucularımıza təşəkkürümü bildirirəm. Sərbəst Kürsünün növbəti sayında görüşənədək

Xədicə İsmayılova: ARDNŞ-dən dedilər ki, Anar Əliyevi tanımırıq

Posted December 11th, 2013 at 11:46 am (UTC-4)
4 comments

Bu günlərdə Global Witness təşkilatı “Anonim Azərbaycan: Azərbaycan Dövlət Neft Şirkəti və niyə Hasilat Sənayeləri Şəffaflığı Təşəbbüsü irəli getməlidir” hesabatını açıqlayıb. Hesabatda Azərbaycan Respublikası Dövlət Neft Şirkətinin fəaliyyəti barədə mübahisəli məqamlar ortaya qoyulub. Bu, son illərdə açıqlanan Azərbaycanla bağlı mübahisəli hesabatların növbətisidir.

khadija ismayilovaHesabatı müzakirə etmək üçün araşdırmaçı jurnalist, Azərbaycanla  bağlı bir çox araşdırmaların müəllifi Xədicə İsmayılovanı dəvət etmişik. Dekabrın 11-i xanım İsmayılova sizin suallarınızı cavablandırıb.

—————————————————————–

21:00/11 dekabr 2013

Sərbəst Kürsüdə hamınızı xoş gördük. Canlı forumun moderatoru Emil Quliyevdir. Qonağımız isə araşdırmaçı jurnalist Xədicə İsmayılovadır.

21:02
Emil Quliyev [Moderator]: Sərbəst Kürsəyə xoş gəlmisiniz, Xədicə xanım. Oxucularımızın suallarını cavablandırmağa razılıq verdiyiniz üçün minnətdarıq.

21:04
Xədicə İsmayılova: Dəvət etdiyiniz üçün çox sağ olun.

21:06
Emil Quliyev: Xədicə xanım, ilk sual Twitter vasitəsilə daxil olub. ArazAN adlı istifadəçi yazır:

– Anar Əliyevin kim olduğunu araşdıran olacaq?

21:13
Cavab: Doğrusu bu mövzunu 3 ildir ki, araşdırıram. Məhz elə bu sualda ilişib qalmışdım: Anar Əliyev kimdir? Yəni onun öz maraqlarını təmsil etdiyinə inanmırdım. Anar Əliyevin Rövnəq Abdullayevin dayısı oğlu olduğunu deyirlər. Amma bu məlumatı təsdiqləyən sənədlər lazımdır. Bu, ailə şənliklərinin videosu da ola bilər, hansısa qohumun müsahibəsi də.Amma mən bu sübutu tapa bilmirdim.

Hələ də sual açıq qalır.

21:15
Emil Quliyev: Adını açıqlamayan buir oxucu yazır:

– Son hesabatı beynəlxalq təşkilat açıqlayıb. Amma orada sizin adınız keçmir. Sizin bu araşdırmada rolunuz olub mu? Nə qədər yaxından iştirak etmisiz?

21:23
Cavab: Hesabatın müəllifi Global Witness təşkilatıdır. Amma bu təşkilat da hesabatında mənim bu ideyanı gündəmə gətirdiyimi deyir və 2012-ci ildə Socar Trading və Anar Əliyev haqqında danışdığım müsahibəyə istinad edir. Araşdırma zamanı mənə də müraciət ediblər. Bildiklərimlə paylaşmışam. Amma müəllif onlardır. Mənim Azadlıq radiosunun saytında dərc etdiyim yazıda isə təkcə Global Uitness təşkilatının araşdırması deyil. Orada mənim özümün tapdığım faktlar da var. Məsəlın. hesabatda Anar Əliyevin Azərbaycandakı şirkətləri barədə heç nə yoxdur.

Başqa mən araşdırdığım faktlar da var. Az sonra FB səhifəmdə yazıda sırf mənə aid faktların hansı olduğunu yayacağam. Bunu ona görə edirəm ki, əgər mənim tapdığım faktlar mübahisə doğursa, Global Uitness məsuliyət daşıyası olmasın.

21:25
Sual [Rufat Hajiyev]: Xarice getmek isteyirsiniz, gedin yasyayin da, day buboyda ezyet niye cekirsiz?

21:28
Cavab: ))) Xaricdə yaşamaq istəsəm, yaşayaram. İldə iki üç iş təklifi alıram. Amma məsələ də bundadır ki, mən burda yaşamaq istəyirəm. Öz ölkəmdə, firavan yaşamaq istəyirəm. Sizə də arzulayıram.

21:30
Sual [Gunel]: Xədicə xanım, bu ilk arasdirmadi ki, arxasindan Eliyevler ailesi cixmir. Olkede bir deyisiklik var?

21:38
Cavab: Əmin deyiləm ki, çıxmır Əliyevlərin adı. Sadəcə araşdırma başa çatmayıb. Gərək başa çatsın. “Bu biznesin arxasından Əliyevlər çıxmır” deməkdən ötrü biz əmin olmalıyıq ki, hardasa, deyək ki, Kayman adalarında Anar Əliyevin məsələn, İlham Əliyevin qızları ilə ortaq bir şirkəti yoxdur və neftdən qazanan pullar o şirkətə ötürülmür. Yaxud bu pullar nəqd şəkildə çatdırılmır ailəyə. Məsələn, Hüsni Mübarəkin sağ əli olan Huseyn Salemin şirkətlərinin araşdırılmasında iştirak etmişəm. İzi itirmək üçün bu şirkətləri iki azərbaycanlının adına keçirmişdilər. Həmin iki azərbaycanlı türk iş adamı Əli Evsenin müavinləri idilər. Əli Evsen isə pulu nəqd şəkildə Salemin uşaqlarına ötürürdü. Bizim araşdırmamız bu əlaqəni üzə çıxardı və həbslər oldu.

21:40
Sual [Rafiq Quliyev]: bu arasdirmadan sonra size elave hede-qorxu gelib?

21:41
Cavab: Hələ ki, yox.

21:43
Sual [adını açıqlamayıb]: Ne qeder gucle arasdirmaci jurnalist olsaniz da, bezi shexslere qarsi cox qerezli olursunuz. Bune sebeb nedi?

21:46
Cavab: Qərəzsiz insan yoxdur. Qərəzli olmaq normaldır. Yetər ki, qərəzi işə gətirməyə. İşdə qərəzli olmamağa çalışıram. Qərəzli olmamaq deyərkən, şəxsi fikrimi araşdırmada ifadə etməmək və heç bir qonağa güzəştə getməmək nəzərdə tuturam. Məncə alınır.

21:47
Sual [Kamil Fərəcov]: Xədicə xanım, bu təşkilat əvvəl Azərbaycan haqda hansısa hesabat açıqlayıb? Onların nəyinə lazım idi, bunu araşdırmaq?

21:56
Cavab: Global Witness təşkilatı bütün dünyada korrupsiya və insan haqları pozuntularına qarşı mübarizə aparır. Saytlarına girsəniz, hər yerdə, o cümlədən, yerləşdikləri Böyük Britaniyada korrupsiya ilə mübarizə haqqında işləri ilə tanış ola bilərsiniz. Bəzi adamlar, korrupsiyasız dünyanın daha yaxşı dünya olduğuna inanırlar. Dünya çox kiçikdir və bir ölkədəki korrupsiya dünyanın hər yerində problemə səbəb ola bilər. Məsələn, korrupsiya üzündən ekoloji faciə baş versə, bundan bütün dünya əzab çəkəcək. Yəni dünyada səmimi olaraq, korrupsiya, insan haqları pozuntuları ilə mübarizə aparan adamlar var.

21:57
Sual [İsmayil]: Siizn bu araşdırma nə vaxt başa çatacaq? Azərbaycan yəni o qədər dəhşət qaranlıq ölkədir ki, Anar Əliyevin kimliyini müəyyən etmək mümkün deyil. Hamı-hamını tanıyır.

21:58
Cavab: Müəyyən etmək azdır. sübut etmək gərəkdir.

22:00
Sual [Aytan]: Üç il araşdırma aparmısınız, nəticəsi də yoxdur. Bu araşdırmalara nə qədər vəsait xərclənib və onu kim verib? Global Witness-in hesabatı olmasaydı, mövzunun taleyi necə olacaqdı? Doğrudurmu ki, Siz bu hesabatı məqsədli şəkildə sabotaj etmisiniz. Müəyyən maraqlara görə?

22:16
Cavab: Mən 2012-ci ildə Anar Əliyev və Socar Trading barədə müsahibə vermişəm. Bu araşdırmaya pul xərclənmir. Əsas işimlə yanaşı gecələr məlumat bazalarını araşdırıram, işdən azad vaxtımda araşdırma aparıram. Əsas sualın cavabını tapsaydım, çoxdan dərc edərdim araşdırmanı. Bu araşdırma hələ başa çatmayıb. Çatsaydı, dərc edərdim. Yenə deyirəm Anar Əliyev kimdir? sualının cavabı yaxud Anar Əliyevlə başqa daha nüfuzlu şəxslər arasındakı əlaqəni sübut edən sənədlər araşdırmaya son qoyacaq. Global Uitness olmasaydı, bu sənədləri tapana qədər davam edəcəkdim araşdırmanı. Onlar dərc etdi deyə mən də açıqladım əlimdə olan faktları. Sabotaj haqqında söz gedə bilməz. Araşdırma jurnalistikasının qaydası “Follow the money” – pulu izlə prinsipidir. Pulun əslində kimin cibinə axdığını bilməliyik. Əks halda yanlış hədəf göstərə bilərik. Məsələn bu halda Anar Əliyev yanlış hədəf ola bilər.

22:18
Sual [Ismayıl]: Azerbaycanda bash veren bu qeder cinayetlere göre mesuliyyet dashiyan dövlet memurlari ve onlara bagli olanlar mutleq ifsha edilmelidir. Bizim milletin milli servetini qaret edenler öz cavablarini almalidirlar. Bu istiqametde istelinen arashdirma ve tedqiqat mutleq millete chatdirilmalidi. Men Xedice xanimdan sorushmaq isteyirem neden Azerbaycan vetendashlari butun bu faktlara biganelik gösterirler? Bu umidsizlik milletin ichinde bilgisizdikdendir ya yoxsuluqdan ya savadsizliqdan? evvelceden teshekkur edirem.

22:22
Cavab: Bilgisizlik də var. Savadsızlıq da, gücsüzlük də. Ölkədə hüquq mühafizə və məhkəmə sistemləri işləmir.Amma bu da faktdır ki, heç kim, hətta müxalifət liderləri də bu işlərin araşdırılması üçün prokurorluğa rəsmi ərizə ilə müraciət etməyib, sonra da prokurorluğu hərəkətsizliyə görə məhkəməyə versəydilər, bu işlər indi Avropa Məhkəməsində idi. Mən jurnalist olaraq, bunu edə bilmərəm. Çünki onda tərəfsiz araşdırmaçıdan, məhkəmə çəkişməsinin tərəfinə çevriləcəm. Bunu etsəm, daha araşdırma apara bilməyəcəm. Araşdırma aparmaq isə vacibdir. Bilgisizlik də var. Savadsızlıq da, gücsüzlük də. Ölkədə hüquq mühafizə və məhkəmə sistemləri işləmir.

Amma bu da faktdır ki, heç kim, hətta müxalifət liderləri də bu işlərin araşdırılması üçün prokurorluğa rəsmi ərizə ilə müraciət etməyib, sonra da prokurorluğu hərəkətsizliyə görə məhkəməyə verməyib.
22:23
Sual [Kamil]: Bu qədər faktlar ARDNŞ görəsən niyə cavab vermir. Desinlər ki, dayı oğlu deyil, fialnkəsdir, filan yerdə anadan olub, filan təhsili var və s. Susmaq razılıq əlaməti deyilmi?
22:26
Cavab: Dedilər, biz bu adamı tanımırıq. 🙂
22:30
Sual [Rasim]: Araşdırmanın ne vaxt bitəcəyini ehtimal edirsiniz?
22:35
Cavab: Ehtimalım yoxdur bununla bağlı. Amma ümid edirəm ki, Global Witnessin araşdırmasından sonra başqa ölkələrin hüquq mühafizə orqanlarının işə qarışması üçün beynəlxalq səylər olacaq.
22:36
Sual [Atabəy]: Bu qədər araşdırma eləyirsiniz, nəticəsi nə olur? qazancınız nə olur?
22:39
Cavab: Mən araşdırmanı ona görə aparıram ki, mənim üçün maraqlıdır. Bunları hamının bilməsini də vacib saydığım üçün tapdıqlarımı dərc edirəm. Mən işimin faydalı olduğuna inanıram. Misir pullarının izi ilə bağlı araşdırmamız göstərdi ki, sonra bu araşdırmalardan istifadə olunur xalqın pulunun xalqa qaytarılması üçün. Üstəlik peşəmin adı budur. Araşdırmaçı jurnalistəm.
22:40
Sual [Sabir]: Araşdırmaya marağınız haradan yaranıb?
22:45
Cavab: Bu maraq hamıda var. Bu və ya digər dərəcədə. Sadəcə mən həm də araşdırma aparmaq üçün müəyyən qabiliyyətlər əldə etmişəm. Kurslar keçmişəm. İndi də bildiklərimi başqa jurnalistlərə öyrədirəm.Qızırğanmıram.
22:46
Sual [Aynur]: Xədicə xanım, bir jurnalist kimi son seçkiləri necə qiymətləndirərsiniz?
22:47
Cavab: Seçki olub Azərbaycanda? Olan nə idisə, seçki deyildi.
22:49
Sual: Size qarsi cirkli emele gore qaldirdiginiz is ne yerdedi?
22:52
Cavab: Təəssüf ki, dirənib. İndi prokurorluğu hərəkətsizliyə görə Avropa Məhkəməsinə vermişik. media Hüquqları İnstitutu bu işləri aparır. Ümid edirəm ki, nə vaxtsa işlərin üstü açılacaq. Məndən ötrü hər şey aydındır. Bu işin sifarişçisi prezident və onun ailəsidir. Cİnayət işinin aparılmamasına da məhz onlar sifariş veriblər. İstintaqın aparılmamasına da məhz onlar sifariş veriblər.
22:53
Sual [Gulnare]: Ölkədə insanların susqunluğunun səbəbini nədə görürsünüz?
22:56
Cavab: İki səbəb var. Qorxu və pul. Hökumətin pulu çoxdur. Bəzilərini qorxuda bilir, bəzilərini də pulla susdurur.
22:57
Emil Quliyev [moderator]: Xədicə xanım, Sərbəst Kürsüdə iştirakınız üçün təşəkkür edirik.
22:59
Xədicə İsmayılova: Təşəkkür edirəm. İzləyicilərinizə də suallarına görə təşəkkürlər.
23:00
Emil Quliyev: Çox sağ olun! Mən də oxucularımıza minnətdarlığımı bildirirəm. Sərbəst Kürsünün növbəti sayında görüşənədək…

Altay Göyüşov: Cümhuriyyət kimliyimiz, Rəsulzadə isə Cümhuriyyətin pasportudur

Posted November 27th, 2013 at 10:51 am (UTC-4)
13 comments

Prezident İlham Əliyev Məhəmməd Əmin Rəsulzadənin 130 illik yubileyi ilə bağlı sərəncam imzalayıb. Sərəncamda bildirilir ki, 2014-cü ilin yanvarında Azərbaycan Xalq Cümhuriyyətinin banilərindən biri, Azərbaycan Milli Şurasının sədri Məhəmməd Əmin Rəsulzadənin anadan olmasının 130 illiyi tamam olur. Məsul dövlət qurumlarına yubileyin keçirilməsinə dair konkret tədbirlər planı hazırlamaq tapşırılıb.

Bir çox müşahidəçilər son illər Azərbaycan Cümhuriyyətinin banilərindən olan Məhəmməd Əmin Rəsulzadənin adının bir çox yerlərdən çıxarıldığını bildirir. Bu səbəbdən İ.Əliyevin son qərarı cəmiyyətdə bir növ çatqınlığa səbəb olub.

Altay GoyushovMəsələni müzakirə etmək üçün bugünkü Sərbəst Kürsü forumuna REAL: Respublikaçı Alternativ Vətəndaş Hərəkatının İdarə Heyətinin üzvü, tanınmış tarixçi Altay Göyüşovu dəvət etmişik. Noyabrın 27-si Altay bəy oxucuların suallarını canlı cavablandırıb.

————————————————————————————————————————————–

21:00/27 noyabr 2013

Salam, əziz Sərbəst Kürsü izləyiciləri! Canlı forumun moderatoru mən Emil Quliyevəm. Qonağımız isə REAL: Respublikaçı Alternativ Vətəndaş Hərəkatının İdarə Heyətinin üzvü, tanınmış tarixçi Altay Göyüşovdur.

21:02
Emil Quliyev [moderator]: Altay bəy, sizi Sərbəst Kürsüdə xoş gördük. Oxucuularımızı da salamlayıram.

21:03
Altay Göyüşov: Salam, Emil bəy, dəvətə görə minnətdaram, oxucuları da salamlayıram.

21:04
Emil Quliyev: Təşəkkür edirik, Altay bəy. İlk sualı Aynur Elgünəş göndərib. O yazır:

– 20 il once de Heyder Eliyev Resulzadenin 110 illiyi ile bagli serencam vermishdi. Ne etdiler? Umumiyyetle, 2 ay erzinde ne etmek olar? Axi hele hec tedbirler plani hazir deyil.

21:13
Altay Göyüşov: Mən razıyam ki, Cümhuriyyət qurucularına layiq olduqları qiymət verilməyib, irsləri lazım olan şəkildə öyrənilməyib. Halbuki bu insanlar Azərbaycan Cümhuriyyəti adlanan dövlətin əsasını qoyublar. Yadınıza salmaq istəyirəm ki, Sovetləşmədən əvvəl sabiq SSRİ-nin ind mövcud türk-müsəlman respublikalarından yalnız Azərbaycan adlanan dövlət qurulmuşdu. Yəni tutaq ki, Özbəkistan, Türkmənistan, Qırğızıstan, Qazaxıstan bunlar sovetləşmədən sonra yaradılmış dövlət qurumlarıdır. Halbuki bura sovetlər gələndə artıq qurulmuş, iki il fəaliyyət göstərmiş Azərbaycan Resbublikası var idi. Bütün bunları nəzərə alanda gəldiyimiz qənaət budur ki, bu Cümhuriyyəti quranlara layiq olduqları qiymət verilməyib. Amma bu qiymət gec-tez veriləcək. SSRİ onları ümumən yaddan çıxartmaq istədi, şair və yazıçılar, tarixçilər əleyhlərinə xeyli yazılar yazdılar, amma nəticəsi olmadı. Fərmana gəlincə ümumən əlbəttə ki, müsbət addımdır, amma adekvat, layiqli tərzdə, təntənəli şəkildə reallaşdırılmasına ehtiyac var ki, kaqız üzərində qalmasın. Yoxsa dediyim kimi, bu günə kimi Cümhuriyyət və onun qurucuları adekvat qitmərlətini almayıblar.

21:15
Sual [Adnan Kamilli]: Altay bəy, salam. Sizi Sərbəst Kürsüdə yenidən görmək xoşdur. Sualın bundan ibarətdir ki, siz Respublikaçı partiya olaraq Rəsulzadə irsini necə davam etdirməyi düşünürsünüz? Ümummilli liderimizin 130 illiyini necə qeyd etməyi planlaşdırırsınız?

21:27
Cavab: Salam Adnan bəy, mən hesab edirəm ki, Rəsulzadə irsinin birinci ən vacib hissəsi ölkənin istiqlaliyyətinin bərpası idi ki, biz bunu gördüyümüz üçün xoşbəxtik. O proseslərdə iştirak etdiyimiz üçün ikiqat xoşbəxtik. Amma Cümhuriyyət və Rəsulzadə irsinin tam bərpası üçün ölkədə demokratiyanın təntənəsinə ehtiyac var. Çünki Azərbaycan Cümhuriyyəti dünyada ilk müsəlman demokratiyası olub. Cümhuriyyət irsi iki hissədən istiqaliyyət və demokratiyadan ibarətdir. Biri 20 ildir ki, bərpa olunub, ikincisi istiqamətində hələ çox ciddi işlər görülməlidir. Nəhayət, REAL-ıın konkret baxışı ondan ibarətdir ki, ölkədə Cümhuriyyət dövründə olduğu kimi parlament respublikası olmalıdır. Qonşu Gürcüstan bunu artıq həyata keçirmiş hesab oluna bilər və bizim də məqsədimiz bundan ibarətdir. Nəhayət mən bir məsələni xüsusi vurğulamaq istəyirəm ki, mən ümumiyyətlə bu “ümummilli lider” məvhumunu dövrümüzə, müasir dəyərləriə adekvat hesab etmirəm. Sözsüz ki, Rəsulzadə vizionu və fəaliyyəti etibarilə 20-ci əsr Azərbaycan tarixinin ən parlaq fiqurlarındandır. Mən ona Azərbaycan Cümhuriyyətinin, müasir Azərbaycanın qurucularından biri kimi baxıram. Bu prosedə onunla yanaşı Topşubaşov, Xoyski, Usubbəyov və digər böyüklər iştirak edib.

21:29
Sual [Elvin Abdulsoy]: Hokumetin teskil edeceyi bu tedbirlerde sizin elece de diger muxalif teskilatlarin istiraki mumkun olsa istirak edersiniz mi taskilati islerde ReAl olarag?

21: 34
Cavab: Elvin bəy, biz bu məsələni REAL olaraq müzakirə etməmişik. Fəqət xüsusiyyətimiz, məramımız və amalımız budur ki, biz dövlətin və xalqın xeyrinə ola biləcək istənilən prosesdə varıq.

21:36
Sual [Araz Bağırov]: Müəllim sizcə bu sərəncamın bu qədər gecikməsinin səbəbi nədir?

21:44
Cavab: Araz bəy, vallah onu bilmirəm, fəqət gecikməsi faktı ilə razıyam. Cümhuriyyətimiz bizim kimliyimizdir, Rəsulzadə isə Cümhuriyyətin pasportu. Biz 20 ildir bu adamlara adekvat qiymət verməkdə gecikirik. İndi Bakıda başda Rəsulzadə olmaqla bütün bu insanlara, qürbətdə vətənin istiqlaliyyəti uğrunda mübarizə apararaq vətən həsrəti ilə vəfat edənlərə, eyni zamanda Xoyski, Usubbəyov, Behbud ağa Cavanşir kimi şəhidlərimizə də abidə qoymağa, xatirələrini əbədiləşdirməyə təəssüf ki, gecikmişik.

21:46
Sual [Resul]: Salam Altay bey,necesiniz?Sizi bir kollega kimi tebrik edirem…bele telebeler munasibeti ile!)Sualim beledir:1)cenab Resulzadeniye bunlarin yadina birden-bire dushdu,ozude sechkiden sonra?2)Siz tarixchisiniz,bilirsiniz ki,o dovurde Resulzadeye-ADR-a komek eden bezi milyonchular olub-hem maddi hem menevi.Bu milyonchularin adi niye chekilmir,adlarina muzey,kuche verilmir?Verilse de,orda da day-day prinsipi ile,simpatiya ve diger parametrler prinsipi ile verilir…hetta prezident teqaudu,ev,mashin-terifleyen,bagishlayin yaltaqlanan,podxod eden bezi milyonchu “nevelerine”(uzaq qohumlari,ya da sonradan sened duzeldib pulla o adi ozlerine goturenlere verilir?)olmaz ki dovlet 5-10 esl milyoncu nevelerine,teqaud versin,”mugenniler” o KISHILERDEN chox edib beyem olkemiz uchun?Sag olun…

22:06
Cavab: Rəsul müəllim, söhbət mənim tələbələrimdə deyil. Sadəcə biz 20 ildir müstəqilik və indi müstəqllik nədir onun töhfəsini görürük. Gənc nəsil müstəqillik dövrünün yetirməsidir.Tamamilə fərqli keyfiyyətlərə malikdir. Texnologiya əsridir. İndi o nəsil cəmiyyətin avtoritetidir. Siz O olmasın bu olsun filmini yadınıza salın, bir tərəfdən Məşədi İbad, Həsən bəy, Həsənqulu bəy, Rza bəy, Rüstəm bəy, Qoçu əsgər, o biri tərəfdə isə Mirzə Cəlil, Sabir və ən əsası Sərvər və dostları. Yeni nəsil ibarəli desək, Sərvər və dostlarıdır. Yəni dediyim odur ki, keyfiyyətcə yeni bir nəsil var ki, yeni informasiya texnologiyaları vasitəsilə qloballaşan dünyanın bir parçasıdır. Onlar ümümbəşəri dəyərlərin bir parçasıdır və bu dəyərləri siyasi mənsubiyyətlərindən də üstün tuturlar.

O ki qaldı suallarınıza 1) Rəsulzadə haqqında fərmanın niyə indi verildiyini deyə bilmərəm, amma bir daha qeyd edim ki, müsbət addım hesab edirəm, təki reallaşsın bu işlər.
2) Milyonçular məsələsinə gəlincə, hesab edirəm ki, ümumiyyətlə biz hələ keçmişimizə, məsələn, Şərqi Avropada, Pribaltikada olduğu kimi adekvat qiymət verməmişik. Bu çox ciddi problemdir və bizim inamla irəli getməyimizə mane olur əslində. Bu hər məsələdə özünü göstərir. Biz indi heç kimi günahlandırmırıq, amma adekvat ümumbəşəri dəyərlər çərçivəsindən ağa-ağ qaraya-qara deməliyik ki, gedəcəyimiz yolu daha aydın görə bilıək. Yalnız bu münasibət bizə müasir dəyərlər üzərində qurulmuş güclü cəmiyyət qurmağa kömək etmək iqtudarındadır. Fəqət mən qəti şəkildə inanıram ki, bu gec-tez baş verəcək.
22:08
Sual: [Quliyev Dursun]: Dunen Azadliq radiosunda,Musa Nagiyevin nevesinin,nagiyevin nevesi yoxdur ve bunu hami bilir… intervyusuna baxdim,orada demek olar butun faktlar bu qadin terefinden keskin shekilde tehrif olunur, bu qadin Azerbaycan tarixini ozu istediyi kimi yazir ve bunun qarshiliginda yaxshi kapital elde edir…Niye tarixciler susur,bu yalanlara bilmiyerekden icaze acir,Sagliqla
22:12
Cavab: Dursun bəy, mən bu məsələ haqqında məlumatsızam, ona görə bir şey deyə bilmərəm. Amma razıyam ki, hansısa mübahis varsa, bilavasitə Musa Nağıyev irsinin araşdırılması ilə məşğul olanlar aydınlıq gətirməlidirlər.
22:14
Sual [Aygul Ismayil]: Salam Altay bey.menim fikrimce bu usul I.eliyevin yeni metodudur,numene ucun ilk once qezetlerin,kitablarin(xususende muxalif qazetleri)satisina mehdudiyyet qoyur ,Memmed Emin Resulzade,Elcibey ve.s bu kimi dahi sexsler haqqindaki melumatalari ortadan qaldirir daha sonra ozunu ele aparir ki guya bunlarin hec birinden xeberi yoxdur,derxal qazetlerin,kitablarin satisi berpa edilsin,derxal Resulzadenin 130 illiyi kecirilsin ve.s kimi sozleriyle xalqin gozunu boyamaq isteyir. bu menim fikrim idi ve sizinde meseleye olan movqeyinizin menimkiyle ust-uste dusub-dusmemesi mene maraqlidir.
22:20
Cavab: Aygül xanım, çox sağ olun sualınıza görə, yuxarıda yazdığımı təkrar edə bilərəm ki, biz doğrudan Cümhuriyyət qurucularına adekvat qiymət verməkdə gecikmişik və bu da birmənalıdır ki, hökumətin bu istiqamətdə atdığı addımlar cəmiyyətin rəğbətinə səbəb olacaq. Çünki camaat belə addımların atılmasını səbirsizliklə və səmimiyyətlə arzulayır.
22:22
Sual [Rauf Binnetov]: Salam Altay Müellim ve Emil Müellim Memmed Emin Resulzade nadir Azerbaycanlılar biri olubdur ki omrünün 35 ilini mühaciretde keçirmesine baxmayaraq Azerbaycanın müsteqilliyinin yeniden elde edilmesi üçün çalişan nadir insanlardan biri olub sualım beledir Cenab Presidentin Resulzadenin 130 illik yubileyinin kecirilmesine qerar vermesinden sonra onun 1955 ilden beri mezarı ankarada yerleşir onun mezarının Azerbaycana getirilmesi meselesi qaldırıla bilermi?
22:34
Cavab: Rauf bəy, bu məsələ uzun müddətdir müzakirə predmetidir. Çətindir mənim üçün birmənalı münasibət bildirmək, çox faktorlar-vəsiyyətləri, ənənələrimiz, dünya təcrübəsi və sairə nəzərə alınmalıdır. Amma əgər xalq Cümhuriyyət qurcusunun məzarının məmləkətə daşınmasını müzakirə edib qərar verərsə, bu məsələ əlbəttə həll oluna bilər. Həmçinin Rəsulzadədən başqa Topçubaşovun da, Xoyskinin də, ölkədən kənarda basdırılmiş dogərlərinin də məzarlarına aidən bu barədə düşünmək lazımdır. Yəni bu məsələyə kompleks yanaşmaq lazımdır.
22:36
Sual [Veli Memmedov]: Salam,Altay bey..sizce indiki iqtidarin fikri nedi?.yeni Resulzadeni bize unutdurmaq,elecede elcibey ve s.. Ve bunlara qarwi ne etmek lazimdı?
22:44
Cavab: Salam Vəli bəy, yuxarıda yazmışam ki, Rəsulzadəni Sovet hökuməti unutdurmaq, ona qara yaxmaq istədi, lakin bacarmadı. Çünki Rəsuzldaınin elədikləri o qədər birmənalı idi ki, bunun üstündən xətt çəkmək, silmək mümkün deyil. Ona görə düşünmürəm ki, Azərbaycanın indiki hakmiyyətinin Rəsulzadəni unutdurmaq fikri olsun. Sadəcə Cümhuriyyət qurucularına layiq olduqları dəyəri verməkdə çox gecikmişik. Mən hesab edirəm ki, bu həm də bizim ölkədə demokratiya quruculuğundakı problemlərimizlə bağlıdır. Yəni ölkədə demokratik cəmiyyət quruculuğuna paralel olaraq, cümhuriyyət irsinin adekvat qiymətləndirilməsi də baş verəcək.
22:46
Sual [Musayev]: Salam. 1)Sizce indiki dovrde bize Memmed Emin Resulzade kimi sexsiyyet lazimdirmi? Ele bir sexsiyyet varmi indi?
2)Resulzade bu gunumuzu gorseydi sizce ne ederdi ve ya ne deyerdi?
3)Esl adi nece olmusdur: Mehemmed Emin yoxsa Memmed Emin? 1 menbede biri digerinde ise o biri yazilir. Aydinliq getirseydiniz yaxsi olardi.
Tesekkurler.
22:56
Cavab: Salam, 1) Sözsüz ki, bu cür yetkin siyasi düşüncəli insanlar bizə ideallarımıza yetişməkdə çox yardımçı olardı. Etiraf etmək lazımdır ki, istər ictimai maraqlara bağlılığna, istər siyasi-ideoloji savadına, istərsə də dəyərlərinə görə indiki ziyalılar və xadimlər o dövrün siyasi-ictimai fiqurları ilə müqayisədə obyektiv səbəblərə görə zəifdirlər. Rəsulzadə, Topçubaşov, Xoyski tipi yetişdikcə cəmiyyətimiz də yetkinləşib, təkmilləşəcək və inkişaf edəcək. 2) Rəsuzladə məncə istiqlalımızdan fərəhlənər, sevinər, torpaq itkilərini və demokratik quruculuq sahəsindəki çatışmazlıqları isə görüb məyus olardı. 3) Bilirsiniz bu sırf əlifba məsələsidir. Əski əlifba ilə yazılanda mütləq klassik formada Məhəmməd (Muhəmməd yazılır). Amma Türkiyədə olarkən latın qrafikası ilə olan yazılarda adı Mehmet (Məmməd) kimi qeyd olunur. Prinsipial fərq də yoxdur, çünki Muhəmməd, Məhəmməd, Məmməd, Mehmet eyni addır.
22:57
Emil Quliyev: Altay bəy, maraqlı söhbətə görə minnətdarlığımızı bildiririk.
22:58
Altay Göyüşov: Çox sağ olun, Sizə də, oxuculara da təşəkkür edirəm.
23:00
Emil Quliyev: Çox sağ olun! Mən də oxuculara təşəkkür edirəm. Sərbəst Kürsünün növbəti saylarında görüşənədək…

 

Rauf Arifoğlu:120-140 min nüsxə qəzetimizi ticari dövrüyyədən çıxarıblar

Posted November 12th, 2013 at 4:58 pm (UTC-4)
3 comments

“Azərbaycan” nəşriyyatı noyabrın 12-dən “Azadlıq” qəzetinin çapını dayandırıb. Qəzetin çapının nə vaxt bərpa ediləcəyi məlum deyil. Yeni Müsavat qəzeti də çapı dayandırmamaq uğrunda mübarizə aparır. Bu qəzetin də qarşıdakı günlərdə çapını dayandıracağı istisna olunmur.

Rauf Arifoglu - 1Qəzetlərin çapı ilə bağlı yaranmış son problemləri müzakirə etmək üçün bu həftə Sərbəst Kürsüyə Yeni Müsavat qəzetinin baş redaktoru Rauf Arifoğlunu dəvət etmişik. Noyabrın 13-ü Rauf bəy sizin suallarınızı cavablandırıb.

———————————————————————————————————–
21:00 / 13 noyabr 2013

Salam əziz Sərbəst Kürsü oxucuları.  Sərbəst Kürsü canlı forumunun moderatorunu mən Emil Quliyev aparıram. Sərbəst Kürsünün qonağı isə Yeni Müsavat qəzetinin baş redaktoru Rauf Arifoğludur.

21:02
Emil Quliyev [moderator]: Rauf bəy, Sərbəst Kürsüyə qatıldığınız üçün sizə minnətdarlığımızı bildiririk. Bildiyiniz kimi forumda canlı olaraq oxucularımızın suallarını cavablandırırsınız.

21:04
Rauf Arifoğlu: Məmnunam. İştirakçıları salamlayıram. Sualları gözləyirəm.

21:06
Emil Quliyev: İlk sualı Rufet adlı istifadəçi göndərib. O yazır:

– Rauf bəy, Azadlıq qəzetini artıq bağladılar. Sizi də bağlanmanız gün məsələsinə oxşayır. Artıq seçki də başa çatıb. Belə bir addım atmaqlarının arxasında nə durur. Məntiqsiz deyilmi?

21:11
Cavab: Məntiqsizdir. Əslində hakimiyyət onun üçün ciddi problem yaratmayan seçkidən sonra bu cür addımlar atmamalı idi. Xüsusi ilə fundamental azadlıqlardan sayılan söz azadlığının üzərinə bu cür getməsi, tənqidçi medianı tamamilə susdurmaq istəməsi təəccüb doğurur. İstənilən halda reaksiya olacaq. Həm daxildən, həm də xaricdən. Qınaqlar, bəyanatlar, tələblər… İqtidar, prezident davamlı gündəmə gələcək. Bu baxımdan, baş verənlər qəzetlərin də, iqtidarın da ziyanınadır.

21:12
Sual [Adnan Kamilli]: Rauf bəy, qəzetinizin APA TV ilə əməkdaşlığının olduğu görünür. Bu əməkdaşlığın sizə bir köməyi olmur?

21:15
Cavab: Bizdə APA TV-nin və 10-a yaxın başqa media quruluşunun banerləri reklam olunur. Yalnız bir köməyi dəyir – reklama görə pul ödəyirlər.

21:17
Sual [Məhəmməd Salmanlı]: Musavat Partiyasının sizə maliyyə köməyi ola bilərmi?

21:26
Cavab: Müsavat Partiyası abunə kampaniyasında bizə dəstək oldu. 1200 manat dəyərində 100 müsavatçı Yeni Müsavata abunə yazıldı. Məsələ burasındadır ki, müxalifət partiyaları çox kasıbdırlar. Onların heç bir yerdən maliyyə qaynaqları yoxdur. İstəsələr də, qəzetlərə böyük miqdarda dəstək verə bilməzlər. Əslində, son aylara qədər Yeni Müsavat qəzetinin maliyyə dəstəyinə ehtiyacı olmayıb. Son illərdə-  qəzetlərin qiyməti 20 qəpikdən 40 qəpiyə qalxandan sonra Yeni Müsavat qəzeti yüksək gəlirlə işləyib. Biz 2005-ci ildən – 8 ildir ki, problemsiz və gəlirlə işləyirik. Bu səbəbdən də bir səra hallarda qəzetimiz kimlərəsə –  məsələn, siyasi dustaq ailələrinə, demokratik düşərgənin müəyyən əlamətdar tədbirlərinə arada-sırada dəstək verə bilirdi. Lakin bizi son aylarda yürüdülən siyasətlə iflas həddinə gətiriblər-  bu səbəbdən də indi cəmiyyətdən dəstək axtarırıq. Dəstək istəyinin də yalnız bir mahiyyəti var: Çap etdiyimiz qəzet nüsxələrini ictimaiyyət nümayəndələri, partiyaların üzvləri abunə şəklində alsınlar. Çünki hazırda qarşıya çıxan problemimiz yayım-satışla bağlıdır. Bizə çap etdiyimiz qəzeti Bakıda satmağa imkan vermirlər. Paytaxt qəzet satışına yasaqlanıb.

21:27
Sual [Rasim]: Sizin maliyyə problemləriniz başlıca olaraq nədən qaynaqlanır?

21:45
Cavab: Bizim maliyyə problemlərimizin bir neçə səbəbi var. 1. “Yeni Müsavat”a reklam vermirlər. İş adamlarına, o cümlədən də xarici sahibkarlara “qara siyahı” verilib. Reklamlar veriləndə, həmin siyahəda olan tənqidçi mediaya, müxalifətə yaxın qəzetlərə pay düşməməlidir. Əks halda, həmin şirkəti cəzalandırırlar. 2. Biz bu şəraitdə –  reklamsızlıq  şərtlərində işimizi və bütün biznesimizi satışın üzərində qurmuşduq. 2012-ci ilin may ayına qədər mən hər ay 300-330 min nüsxə qəzet satırdım. Bu da bizi müsbət balansla idarə edirdi. 2012-nin may ayından başlayaraq Qasid Mətbuat Yayımı Firmasının köşklərini götürməyə başladılar. Şəhərin ən mərkəzi yerlərindəki Qasid köşkləri “Press-Kiosk” adlanan köşklərlə əvəzləndi. Onlar da bəyan etdilər ki, biz mexalifət qəzetləri satmırıq. Beləcə, 150 yeni köşk bizi satmaqdan imtinaetdi. Nəticə – ayda  60 min nüsxə satılan tiraj itirdik. Daha sonra Qasid firması ən müxtəlif bəhanələrlə digər köşklərində satdığı nüsxələrimizin pullarını ləngitməyə başladı. İndi isə ümumiyyətlə vermir. Bunlarla paralel olaraq, “Eurovision” dövründə şəhərin mərkəzindəki bütün qəzet stendlərini götürdülər ki, pis görünür, sonra qaytararı. Onu da qaytarmadılar. Bakının bütün mərkəzi hissəsində qəzetlərin səyyar satışı qadağan edilib. İndi isə metrostansiyaların ərazisində tənqidçi mediaya aid qəzetlərin satışı qadağan edilib. Buraya biz günlük 1300 qəzet verirdik. Yəni satış sahəsini məhdudlaşdırmaqla, 120-140 min nüsxə qəzetimizi (aylıq) ticari dövrüyyədən çıxarıblar. Bu da ciddi maliyyə defisiti yaradıb. Yalnız son 1 ayda 2000 nüsxə (günlük) tirajımız dövriyyədən çıxarılıb.

Üstəlik, üzərimizdə məhkəmə cəzaları var. 57 manat civarında cəza icraya yönəldilib. Bunlardı bizi iflasın astanasına gətirən səbəblər.
21:47
Sual [Gulnare Refiyeva]: Emekdaslariniza her hansi tezyiqler olur?
21:57
Cavab: Son vaxtlar təzyiqi əməkdaşlara yox, birbaşa qəzetə edirlər. Axırıncı 3 ilimiz məhkəmələrdə keçib. Təxminən 10 iddia dosyesi üzrə 3 milyon manata yaxın isk altında onlarla proses keçirtdik. Cəlal Əliyev, “GilanHoldinq”, Ziya Məmmədov ailəsi, Səfər Əbiyev və 6 ordu generalı, Bəylər Əyyubovun olduğu iddia edilən Poladtökmə zavodu…Amma mitinq və hadisə yerində döyülən, saxlanan müxbirlərimiz də var. Günay Musayeva, Fərahim İlqaroğlu, Araz Bayramov, Röya Rəfiyeva. Hərdən də təhdidlər alırıq. Bu cür hallar daha çox mənim özümlə bağlı olur. Alışmışam deyə, əhəmiyyət vermirəm.
21:58
Sual [Nurlan]: Rauf bəy, sizə qarşı bəzən tənqidlər səslənirdi ki, xəbərləri fərqli mənalarda təqdim edirsiniz. Həqiqətən belə şeylər olur?

22:11
Cavab: Sual daha konkret olsaydı, yaxşı olardı… Amma deyim ki, mən doğrudan da anormal həcmdə tənqidə məruz qalıram. Düz 16 ildir ki, belədir. 1997-ci ildən, qəzetimiz gündəliyə keçəndən və ölkənin ən tirajlı media orqanı ünvanını qazanandan…Həm iqtidardan, həm də müxalifətdən şiddətli tənqid alıram. Hansı ki, rəhbərlik etdiyim layihə 16 ildir ki, N1-dir. Bu cür uurlu layihənin müəllifi olaraq, hesab edirəm ki, bu, haqsızlıqdır. Müxalifət liderlərini bu qədər tənqid etsələr, bəlkə də yeri olardı; 20 ildir hakimiyyətə gələ bilmirlər, birləşməyi bacarmırlar və s. deyərək… Lakin rəhbəri olduğu qəzeti, saytları müvəffəqiyyətlə işlədən,    liderliyi kimsəyə verməyən bir media menecerini hədəfə götürmək anormallıqdır. Hakimiyyətdəkiləri anlayıram –  onlar mahiyyətcə bütün azadlıqlara qarşıdırlar; lakin müxalifət düşərgəsindən gələn tənqidlərin çoxunu haqlı bilmirəm. Mən heç kimin qarşısında öhdəliyi olmayan özəl bir müəssisənin –  media qrupunun rəhbəriyəm. Yayım siyasətinə görə ancaq oxucuların qarşısında məsuliyyət daşıyıram. Onlar da bu siyasəti təqdir etməyəndə qəzeti almırlar, saytlara girmirlər, vəssalam.

22:13
Sual [Samirə Qasımova]: Milli Şuranın gələcək fəaliyyəti nədən ibarət olacaq? Bir də Milli Şura qəzetləri xilas etmək üçün hansısa addım atmağı planlaşdırır?

22:18
Cavab: Mənim fikrim belədir, bu mövzuda: Milli Şura Azərbaycan siyasətinin faciəsidir. Belə bir qurumun ancaq adı var. Heç bir strukturu, fəaliyyəti, siyasətə real təsiri yoxdur. Seçkidə də ancaq neqativ rol oynadı. Milli Şura adından bütün prosesləri Cəmil Həsənli, Gənclər Hərəkatları və iki müxalifət partiyası apardı – Müsavat və AXCP. Nə qədər tez olsa, o qədər faydalıdır –  Milli Şura buraxılmış elan edilməlidir.

22:19
Sual [Sultan]: Rauf bəy, sizcə Azərbaycanda azad media kimə lazımdır daha çox – müxalifətə, xalqa, qəzetlərə, yoxsa hakimiyyətə?

22:22
Cavab: Hər kəsə lazımdı. Azad media, fundamental azadlıqlardan ən önəmlisidir. Hər hansı bir ölkədə o yoxdursa, başqa azadlıqların durumundan, hətta mövcudluğundan danışmağa dəyməz. Onun vəziyyəti necədirsə, ümumilikdə bütün azadlıqların vəziyyəti də o cürdür.

22:24
Sual [Araz]: Rauf bəy, qəzetinizdə Güneyə niyə çox az yer ayırırsınız?

22:32
Cavab: Bəzən bu sualın tərsini verirlər: Niyə çox yer ayırırsız deyə… Amma hesab edirəm ki, Güney Azərbaycan  Güzey qədər bizimkidi, doğmadı; özbəöz torpaqlarımızdı və haqqımız çatır oradan da yazmağa. Hesab edirəm ki, doğrudan da az yazırıq, bunu çoxaltmaq lazımdır.Bu azlığı saytlarımız vasitəsi ilə çoxaltmaq mümkündür. çünki qəzetimiz ancaq Azərbaycanda yayılır.

22:34
Sual [Mədinə]: Rauf bəy, sizdən səmimi olmağınızı xahiş edərək bir sual verim. Bu gün Azərbaycan jurnalistikasının da çatışmayan çoxlu cəhətləri var. Bunların ən başlıcaları hansılardı və bunları necə aradan qaldırmaq olar?

22:43
Cavab: Səmimi deyirəm. Çatışmyan o qədər cəhət var ki… Amma peşəkarlıq göstəriciləri ən vacibidi. Jurnalistikada peşəkarlıq göstəricilərinin məhdudluğu getdikcə daha çox üzə çıxır. Ali təhsil müəssisələrində jurnalist yetişdirməklə bağlı ciddi problemlər var. Üstəlik, bu sahədə yüksək gəlir olmadığına, biznes indeksləri aşağı olması səbəbindən ən istedadlı insanlar fərqli istiqamətləri seçirlər.

22: 46
Sual [Bəxtiyar Ramazanov]: İsa Qəmbərin Milli Şuranın vahid namizəd olması düzgün olmazdımı?

22:49
Cavab: Mən İsa bəyin iddiaçı olmasını istəyirdim. Lakin onun dəstəklədiyi Cəmil Həsənli variantını da məqbul sayıram.

22:51
Sual [Şahin Əhmədov]: Prezident seçkilərinin nəticələrini necə qiymətləndirərdiniz?

22:54
Cavab: Prezident seçkilərində xalqın fəallığı minimum, saxtakalıq maksimim oldu

22:56
Emil Quliyev [moderator]: Rauf bəy, iki saatınızı ayırıb Sərbəst Kürsüdə iştirakınız üçün minnətdarlığımızı bildiririk. İnşallah qəzetinizin fəaliyyətinda yaşanan problemlər  tezliklə aradan qalxar.

22:58
Rauf Arifoğlu: Təşəkkür edirəm. İnşallah, ölkəmizin bütün problemləri nə zamansa aradan qalxar.

Sizə də təşəkkür edirəm ki, bizə bu imkanı yaratdınız.
23:00
Emil Quliyev: Mən oxucularımıza da suallar göndərdikləri üçün təşəkkür edirəm. Sərbəst Kürsünün gələn buraxılışlarında görüşənədək… SƏRBƏST KÜRSÜ SİZİN BLOQUNUZDUR!

Rahim Hacıyev: “Azadlığ”ın kağız variantı dayansa, saytın fəaliyyəti mümkün olmayacaq

Posted October 30th, 2013 at 10:34 am (UTC-4)
3 comments

Azərbaycanın müasir tarixinin ilk müstəqil qəzetlərindən biri olan Azadlıq qəzeti maliyyə sıxıntıları ilə üzləşərək bağlanmaq təhlükəsi ilə üzləşib. Qəzet rəsmiləri isə deyir ki, maliyyə sıxıntıları prezident seçkilərindən dərhal sonra qəzetə qarşı təzyiqlərin artması ilə bağlıdır. Qəzet dünən dəstək kampaniyası keçirdiyi bir vaxt Yasamal rayon Məhkəməsi Azadlıq qəzetini daha 3 min manat cərimə edib.

rehim haciyevQəzetin düşdüyü durumu müzakirə etmək üçün Sərbəst Kürsüyə Azadlıq qəzetinin baş redaktorunun birinci müavini Rahim Hacıyevi dəvət etmişik. Bu gün, oktyabrın 30-u Rahim bəy oxucularımızın suallarını canlı olaraq cavablandırıb.

——————————————————————————————————————————-

21:00 / 30 oktyabr 2013

Salam əziz Sərbəst Kürsü oxucuları. Həmişə olduğu kimi bu gün də Sərbəst Kürsü canlı forumunun moderatoru mən Emil Quliyevəm. Sərbəst Kürsünün qonağı isə Azadlıq qəzetinin baş redaktorunun birinci müavini Rahim Hacıyevdir.

21:02
Emil Quliyev [moderator]: Rahim bəy, sizi Sərbəst Kürsüdə salamlayırıq. Vaxtınızı ayırıb Sərbəst Kürsəyə gəldiyiniz üçün minnətdarıq.

21:04
Rahim Hacıyev: Buyurun, mən də bütün oxucuları salamlayıram.

21:06
EQ: Rahim bəy, ilk sualı Mohsim adlı oxucu göndərib. O yazır: Men sizi her gun oxuyuram. Ancaq saytdan. Ele ede bilmessiz ki saytdan oxunuşa göre size pul gelsin?

21:13
Rahim Hacıyev: Azərbaycanda mövcud olan sosial iqtisadi vəziyyət belə planların həyata keçirilməsinə imkan vermir. Bu məsələni detallı şəkildə dəfələrlə araşdırsaq da real nəticənin əldə olunması mexanizmi mövcud olmadığından həyata keçirmək mümkün olmadı.

21:15
EQ: Anar Yusufov email vasitəsi ilə yazır: Sizin ümumilikdə hara və nə qədər borcunuz var? borcları yaradan səbəblər nədən irəli gəlib?

21:21
Cavab: Üzərimizdə 65 min manat məbləğində məhkəmə cəriməsi var. Nəşriyyata olan borcumuz 20 min manatdan çoxdur. Qasid firmasının bizə olan borcu 55 min manatı keçib. Vəziyyəti daha da ağırlaşdıran səbəblərdən biri də metro stansiyalarında qəzetin satışına qadağanın qoyulmasıdır. Əməkdaşlara olan borcumuz 8 min manatı keçib.

21:22
Sual [Adnan Kamilli]: Sizin saytda reklamlar çox az olur. Bu barədə nə üçün addım atmırsınız?

21:29
Cavab: Hakimiyyətin qadağaları nəticəsində heç bir yerli və xarici şirkət “Azadlıq”-a reklam vermir. Bu məsələdə bizdən asılı heç nə yoxdur.Azərbaycanda iqtisadi plüralizim olsaydı, qapımızdan reklam verənlər əskik olmazdı.

21:31:
Emil Quliyev: Azadlıq qəzetinin baş redaktoru Qənimət Zahid də Sərbəst Kürsüyə məsələ ilə bağlı mövqeyini yazıb:

– Azadlıq hər zaman diktaturadan əziyyət çəkib. Hamı diktaturadan əziyyət çəkir. Amma Azadlıq diktaturaya qarşı ictimai etirazın tribunası olduğuna görə, həmişə susdura bilmədikləri və bilməyəcəkləri yüz minlərlə insanın qisasını ondan almağa çalışıblar. ,,Azadlıq,, qapatmaq cəhdi şərəfli cəhd deyil. Azadlığın qapadılmasına, hətta, kimsə nail olsa belə, həmin adam, həmin hökumət və onun başçısı Azərbaycan tarixinə ən qara ləkələrdən birini üzərinə alaraq düşəcək. Çünki Azadlıq Azərbaycanın ən yeni tarixinin ən parlaq işıqlarından biridir!

21:38
Rahim Hacıyev: “Azadlıq”qəzeti bütün çətinliklərə məhrumiyyətlərə və dəhşətli təzyiqlərə baxmayaraq ğlkəmizdə işıqlı idealların təntənəsi naminə parlaq mübarizə tarixi yaradıb. Qəzetin qəhrəman və fədakar kollektivi ölkədə mövcud olan sərt avtoritar rejimlə böyük iradə və qətiyyət göstərərək mübarizə aparır. İdealist insanların toplaşdığı bu qəzet artıq çoxdan vicdan simvoluna çevrilmişdir. Mən kollektivin hər bir üzvü ilə fəxr edirəm və qürur duyuram.

21:40
Sual [Rufet]: Sizə necə yarım edə bilərik?

21:47
Cavab: Sayıtımızda və qəzetdə fərdi hesab nömrəsi var. Abunə yazılmaqla kömək etmək olar. Bəzi şəxslər redaksiyaya gələrək birbaşa yardım göstərir. Ətraflı məlumatı buradan əldə edə bilərsiniz: http://www.azadliq.info/component/content/article/368-azadliga-destek/20926-azadliga-destek.html

21:49
Sual [Nurlan]: Hazırda qəzetiniz çapa çıxır.

21:52
Cavab:
Hələ bir neçə gün yaşamağa dəyər. Sonrasını allah bilir.

21:54
Sual [Vasif Ağayev]: Hökumətdən yardım istəmək fikiriniz varmı? Ya da borcunuzun silinməsi

22:02
Cavab: Bu sizi müflis etməkdən ötrü açıq aşkar çalışan şəxsdən borc istəməyə bənzəyir.Hakimiyyət “Azadlıq”-ı susdurmaq üçün bütün üsul və vasitələrdən istifadə edir. Onlara müraciət etmək üçün heç bir ümidverici əsas yoxdur. İş o həddə çatıb ki, məhkəmə bütün yayım firmalarına “Azadlıq”-a pul verməyi qadağan edib.

22:04
Sual [Kamila]: Qəzet bağlansa, saytınız fəaliyyət göstərəcəkmi? Bəlkə xərcləri azaltmaqdan ötrü ikisindən birinin fəaliyyətinə xitam verəsiniz?

22:09
Cavab: Bəla burasındadır ki, qəzet satışdan maliyyələşir. Kağız variantı dayansa, saytın fəaliyyəti mümkün olmayacaq. Bunu hökumət də yaxşı bilir.

22:10
Sual [Resadet Əliyev]: AXCP-dən maliyyə dəstəyi almaq mümkün deyilmi?

22:20
Cavab: Azərbaycanda faktiki birpartiyalı sistem qurulub. Heç bir gerçək müxalifət partiyasının ciddi maliyyə imkanları yoxdur. Hakimiyyət müxalifəti bütün ciddi maliyyə imkanlarından məhrum edib. başqa vətəndaşlar kimi bəzi cəbhəçilər də az məbləğdə yardım göstərə biliblər. Göstərilən yardımlar bizim problemləri həll etməyə qətiyyən yetərli deyil. Ölkədə elə qorxu mühüti yaradılıb ki, bizə kömək etmək istəyən imkanlı adamlar real addım atmağın onlara nələrə başa gələcəyini düşünərək belə hərəkətlərdən çəkinirlər.

22:23
Sual [Gülarə xanım]: Hazırda nə qədər pul yığmısınız? Bəlkə yığılan pullar hesabatı barədə daha şəffaf sistem tətbiq etsəniz, daha çox adam ianə edər. Sadəcə bir təklifdir.

22:36
Cavab: Redaksiyaya birbaşa yardım edənlərə qəbz verilir. Adları bunun üçün ayrılmış xüsusi jurnala yazılır.İanələrin hesabatlılığı ilə bağlı hər hansı çatışmazlığ istisna olunur. Edilən yardımlar o qədər də çox deyil, buna baxmayaraq bu yaxınlarda ianələrlə bağlı ətraflı məlumat veriləcək.Bir məsələyə münasibət bildirməmək mümkün deylil, illər uzunu böyük qətiyyət və cəsarət göstərərək sərt avtoritar rejimlə mübarizədə geri çəkilməyi ağlına belə gətirməyən insanların vicdanlılığına şübhə ilə yanaşan şəxsin bunun üçün heç bir əsasının olmadığını qətiyyətlə bəyan edirəm. Risklərlə dolu mübarizədən çəkinməyən insanların göstərilən yardımlarla bağlı hesabatdan çəkinməsi mümkündürmü?

22:38
Emil Quliyev: Twitter vasitəsilə Ramil Abasov yazır:
– Mənə elə gəlir ki, siz pulları toplayın qaytarsanız da, onlar bağlamaq üçün nəsə tapacaqlar. Sizcə belə olan halda harınlamış bəzi məmurlara əlavə pul vermək nəyə gərəkdir? Onsuzda planlarında bağlamaqdırsa, hansı yolla olur olsun bağlayacaqlar.

22:53
Rahim Hacıyev: Mübarizədə idillik həyat yoxdur. Bu mübarizə dəyərlər sistemləri arasında olan mübarizədir. Heç nəyə baxmadan, heç nədən çəkinmədən, sonadək və son haqqında düşünmədən nəinki hər gün, hər saat, hər an bu iş aparılmalıdır. Biz mübarizənin fəlsəfəsinə uyğun işimizi qururuq. “Azadlıq”-ı “Azadlıq” edən təntənəsi uğrunda mübarizə apardığımız ideallara sədaqətimizdir. Bizim üçün başlıca məsələ onların nə edəcəyi deyil, bizim nə edəcəyimizdir.

22:55
Emil Quliyev: Rahim bəy, Sərbəst Kürsüdə iştiraka görə sizə təşəkkürümü bildirirəm. Eləcə də qəzetinizin tezliklə bu böhranı geridə qoymasını arzulayıram.

22: 58
Rahim Hacıyev: Dəvətinizə görə təşəkkür edirəm.

23:00
Emil Quliyev [moderator]: Mən oxucularımıza da təşəkkürümü bildirərək gələn Sərbəst Kürsüyədək sizinlə sağollaşıram. SƏRBƏST KÜRSÜ SİZİN BLOQUNUZDUR!

İsa Qəmbər: Diplomatik normalara zidd davranış iqtidara yeni problemlər yaradacaq

Posted October 16th, 2013 at 9:58 am (UTC-4)
19 comments

Keçən həftə Azərbaycanda keçirilən prezident seçkilərində bəzi beynəlxalq qurumların mənfi münasibət bildirməsindən sonra müxalif Milli Şura və onun prezidentliyə namizədi Cəmil Həsənli razılaşdırılmış etiraz mitinqi keçirib. Minlərlə insanın iştirak ilə keçən bu mitinqdən sonra  Milli Şura oktyabr ayının 20-nə növbəti mitinq təyin edib.

Demokratik Qüvvələrin Milli Şurasının gələcək fəaliyyəti  barədə oxucularımızın suallarına cavab tapmaq üçün Milli Şuraya daxil olan Müsavat Partiyasınnı başqanı İsa Qəmbəri dəvət etmişik. Oktyabrın 16-sı İsa Qəmbər oxucularımızın suallarını cavablandırıb.

—————————————————————————————————————————–

21:00 / 16 oktyabr 2013

Sərbəst Kürsüdə hamınızı xoş gördük. Canlı forumun moderatoru Emil Quliyevdir. Qonağımız isə Müsavat Partiyasının başqanı İsa Qəmbərdir.

21:02
Emil Quliyev [moderator]: İsa bəy, Sərbəst Kürsüdə sizi salamlayırıq. Bayram günü vaxtınızı ayırıb, dəvətimizi qəbul etdiyiniz üçün minnətdarıq. Sizin və eləcə də bizi izləyənlərin hamısının Qurban bayramınızı təbrik edirik!

21:04
İsa Qəmbər: Emil bəy, sizi və bütün iştirakçıları  salamlayıram və Qurban bayramı münasibətilə təbrik edirəm!

21:05
Emil Quliyev: İştirakçılar və öz adımdan sizə təşəkkürümü bildirirəm. Keçək daxil olan suallara. İlk sual Elvin Cahangirov adlı oxucudan daxil olub. O yazır:

– SALAM İSA BƏY. 10 İL BUNDAN ƏVVƏL BU GÜN BAŞ VERƏN HADİSƏLƏR HAMIMIZIN XATİRİNDƏDİR. ƏGƏR SİZ BU İL YENİDƏN PREZİDENTLİYƏ NAMİZƏD OLSAYDINIZ ŞÜBHƏSİZ Kİ, ON MİNLƏRLƏ İNSAN SİZİ DƏSTƏKLƏYƏCƏKDİ. BELƏ OLAN TƏQDİRDƏ HAKİMİYYƏT YENƏ DƏ 10 İL ƏVVƏLKİ KİMİ XALQI AZADLIQ MEYDANINDA ƏZƏRDİMİ?

21:10
Cavab: Elvin bəy, salam,
Bəli, bu gün təkcə Qurban bayramı günü deyil, 16 oktyabr həm də 2003-cü ildəki şərəfli və acı günün 10-cu ildönümüdür.
Hadisələr heç bir zaman eyni qaydada təkrarlanmır, indi dövr də başqadır, şərtlər də başqadır. 2003-cü ildən fərqli olaraq 2013-cü ildə həm xalq, həm də beynəlxalq birlik İlham Əliyevə güvənməyə heç bir əsas və arqument olmadığını bilir. Biz də daha təcrübəliyik.

21:12
Emil Quliyev: Zulfuqar adlı Facebook istifadəçisi yazır:  “İsa bəydən soruşun ki, nə vaxtsa xalqın sərvətini yeyib?”

21:15
İsa Qəmbər: Bizim evimizə heç bir zaman haram daxil olmayıb və olmayacaq, heç bir zaman rüşvət almamışam və almaram, dövlərin və xalqın malına göz dikməmişəm və dikmərəm!

21:16
Sual [Afiq]: Salam. Biz hamınız bilirik ki, seçkilər demokratik yolla keçmədi. Bəs niyə seçkidə Milli Şura təmsilçiləri seçkinin demokratik keçirildiyini təsdiqləyirlər? Bir də 2003 ildə xalq sizi seçdi, niyə bu xalqa prezident kimi fəaliyyət göstərmədiniz?

21:22
Cavab: Afiq bəy, salam.
Seçkilərin saxta olduğu barədə Cəmil Həsənlinin Seçki Qərargahının hesabatları, bəyanatları var. Hansı Milli Şura üzvü seçkilərin demokratik keçməsini söyləyib?
2003-cü ildə baş verənləri isə bütün dünya bilir: xalqın səslərini, mənim qələbəmi oğurladılar, minlərlə fədakar vətəndaşımızı həbs etdilər, döydülər, işkəncə verdilər, Həmidağa Zahidovu öldürdülər. Rejim xalqın Konstitusion hüquqlarını tapdayaraq hakimiyyəti mənimsədi.

21:24
Sual [Əliağa Ağazadə]: Salam İsa bəy! Əksər hərbi hissələrdə bülletenlər 1 gün qabaqdan işarələnib hazırlanır. Əsgərlər isə yalnız adlarının qarşısına qol çəkirlər. Hal-hazırda əsgərlikdə olan tanıdığım 1 şəxsdən aldığım məlumata görə Ağdamda yerləşən hərbi hissələrdən birində Cəmil Həsənliyə səs vermək üçün bülleten tələb edən və aldıqdan sonra səs verən əsgəri komandanlığa satıblar. Hal-hazırda həmin əsgəri incidirlər. Seçkilər zamanı hərbi hissələrdə müşahidəçilər niyə olmur?

21:30
Cavab: Əliağa bəy, salam,
Hakimiyyət seçkidə xalqdan səs almayacağını bildiyi üçün kütləvi saxtakarlığa gedir, hərbi hissələrdə və həbsxanalarda isə hətta müşahidə işini qurmağa da imkan vermir.
Həmin əsgərin adını yazsanız, biz onu müdafiə edərik.

21:31
Sual [Bəxtiyar Hacıyev]: Salam İsa bəy, bayramınız mübarək!
Müsavat Partiyasının qurultayı nə vaxt olacaq? Müsavat partiyasının başqanının dəyişəcəyi gözlənilirmi? Ümumiyyətlə, hakimiyyətin və Müsavat rəhbərliyinin dəyişməsi ilə bağlı proqnozlarınızı eşitmək maraqlı olardı, nə vaxt dəyişiklik olacaq?

21:42
Cavab: Bəxtiyar bəy, salam və təşəkkür! Sizinlə birgə.
Məncə, bu iki məsələni müqayisə etmək o qədər də korrekt deyil, çünki hakimiyyət Əliyev rejimi tərəfindən qəsb edilib və xalqın hakimiyyəti dəyişmək kimi Konstitusion haqqı tapdanır. Bu hakimiyyətin dəyişməsi cəmiyyətin və xalqın siyasi iradəsindən asılıdır və düşünürəm ki, buna çox az qalıb.
Müsavat Partiyasının rəhbərliyi isə nizamnaməyə uyğun qaydada dəyişir və demək olar ki, hər qurultayda rəhbərlik əsaslı şəkildə yenilənir. Partiyamızın Məclisinin və Divanının tərkibinə diqqət yetirsəniz buna əmin olarsınız. Partiyamızın başqanına gəldikdə isə bu dəyişiklik yenə də nizamnaməyə əsasən qurultayımızda baş verəcək. Son illər hakimiyyət qurultayımızı keçirməyə imkan vermir. İndi seçki bitəndən bu məsələyə diqqətimiz artacaq və qurultayımızı keçirmək üçün bütün imkanlardan istifadə edəcəyik. Son divan iclasında (14 oktyabr) bu vəziyyəti bir daha dəyərləndirdik.

21:43
Sual [Rehman]: Salam, İsa bəy sizi Sərbəst Kürsüdə gördüyümüzə şadıq.
Seçkilərdə iştirak elədik və baş verənləri gördük. Məntəqələrdə sizin konkret olaraq nə katiblərdən, nə sədrlərdən, nə də ki barmaq izi yoxlayanlardan təmsil edən yox idi, sadəcə müşahidəçilər var idi. Belə olan halda seçkidə qalib gəlmək olarmı?

21:51
Cavab: Rəhman bəy, salam, təşəkkür edirəm,
Haqlısınız, komissiyalarda bir nəfər də olsun təmsilçimiz yoxdur, hakimiyyət seçki komissiyalarını tam inhisara alıb. Buna görə də seçki günü baş verən kütləvi saxtakarlıq və qanun pozuntularını yalnız müşahidəçilər vasitəsi ilə qeydə alıb, aktlaşdıra bilirik. Amma, qarşısını ala bilmirik, çünki müşahidəçilərin prosesə müdaxilə etmək hüququ yoxdur.
Bu, çox ciddi problemdir, ona görə də biz illərdir ki, seçki komissiyalarının formalaşdırma prinsiplərinin dəyişməsini, seçki prosesində iştirak edən bütün əsas iştirakçıların komissiyalarda təmsil olunmasını tələb edirik. Bu problemin həllində həm ölkə ictimaiyyətinin, həm də beynəlxaq birliyin ortaya iradə qoymasına ehtiyac var.

21:52
Sual [Emrah]: Əgər Amerika, Rusiya,Türkiyə və ATƏT bu seçkiləri rəsmi tanısalar ve iqtidarla əməkdaşlığa davam etseler, siz də çıxış yolunu iqtidarla dialoqdamı görürsüz, yoxsa bu şəkildə davam edəcəksiniz, yaxud da istefa etməyi düşünürsünüzmü?

21:59
Cavab: Bütün dünya bu seçkini tanısa da, tanımasa da, bu iqtidarla əməkdaşlıq etsələr də, etməsələr də mən rejimə qarşı və demokarikləşmə uğrunda mübarizəmi davam etrəcəyəm. İstə Müsavatın başqanı, istər sıravi üzvü kimi.  İstefa barədə seçkiləri uduzan, səsvrmədə 1-2 % səs alanlar düşünməlidir, seçkini udan bizlər yox.

22:00
Sual [Murad]: Isa bey salam. Bu seckilerde siyasetciler, gencler, ziyalilar hamisi birlesib seckide xalqin desteyini alib qalib geldiniz ama hakimiyyet buna imkan vermedi. Seckiden vaxt getdikce prosesin olmemesi, insanlarin oz haqlari ugrunda mubarize aparmasi ucun ne etmek lazim oldugunu dusunursunuz ?

22:13
Cavab: Murad bəy, salam.
Çox önəmli sualdır. 1-cisi  mübarizəni davam etdirmək, seçki saxtakarlıqları barədə faktları seçki qərargahımıza təqdim etmək, seçkidən az məlumatlı vətəndaşlarımızı bilgiləndirmək, prof. Cəml Həsənlinin tədbirlərində, görüş-mitinqlərində iştiak etmək.
2- cisi demokratik müxalifət partiyalarına, müstəqil gənclər təşkilatlarına üzv olmaq və üzv cəlb etmək,
3-cüsü bütün imkanları səfərbərliyə alıb, vətəndaş cəmiyyəti strukturlarına yardım etmək.
4-cüsü ruhdan düşməmək, bu seçkidə biz qalib gəlmişik, etiraf etsələr də, etməsələr də biz bünü bilirik.

22:15
Sual [Cavid Hacıbəyli]: Bayramınız mübarək İsa bəy. Ramiz Mehdiyevin ABŞ-a qarşı ittihamını necə qiymətləndirirsiz? Hakimiyyətin legitimliyi bu dəfə asan olacaqmı? Hakimiyyət nümayəndələrinə qarşı sanskiyaların olma ehtimalı nə qədərdi?

22:23
Cavab: Cavid bəy, təşəkkür edirəm, sizinlə birgə!
Son sualdan başlayaq. Hakimiyyətin seçkini saxtalaşdıran nümayəndələrinə qarşı sanksiyaların tətbiq edilmə ehtimalı kifayət qədər yüksəkdir, çünki ATƏT-in DTİH Bürosunun verdiyi seçki hesabatından sonra bu hakimiyətin legitimliyi ciddi şübhə altındadır. Hər şey cəmiyyətin fəallığından və iradə nümayişindən asılıdır.
Rejim ATƏT-in rəyini dəstəkləyən ABŞ-a qarşı çox qəzəblidir, amma deyirlər ki, qəzəbli başda ağıl olmaz, odur ki, Ramiz Mehdiyevin və müdafiə nazirliyinin diplomatik normalara zidd davranışı iqtidara yeni problemlər yaradacaq. Üstəlik Rusiyanın da miqrantların məsələsində Azərbaycan hakimiyyətinə təzyiqi bu rejimin “uğurlu xarici siyasətin” təbliğatını bərbad edir.

22:24
Sual [FAZLI]: Axshaminiz xeyir hormetli ISA BEY. BAYRAMINIZ mubarek. Sizce xalqi bu biganelikden ve qorxu sindromundan neca xilas etmak olar??

22:30
Cavab: Fazil bəy, salam, təşəkkür edirəm, sizinlə birgə!
Çox mühüm movzuya toxunursuuz, bu geniş bir söhbət tələb edir.
Burda qısaca onu bildirim ki, 1-cisi xalqı qınamaq həm yanlışdır, həm də faydasızdır. Çünki günah xalqda deyil, onu əzən rejimdədir.
2-cisi xalqla əlaqələri daha da genişləndirmək, izahat və təbligat işini  güçləndirmək lazımdır.
3-cüsü xalqa daha çox nümunə göstərməliyik, cəsarət və fədakarıq nümunəsi: professor Cəmil Həsənli kimi, minlərlə müsavatçı, cəbhəçi, nidaçı kimi.

22:31
Sual [Amid]: İsa bəy salam. İlk öncə bayramınızı təbrik edirəm. Rusiyada baş vermiş adi bir ölüm işinin sişirdilərək bu cür etnik toqquşma müstəvisinə gətirilməsinin səbəbi nə ola bilər? Həmyerlimizin həbs olunarkən jurnalistlərin gözü qarşısında fiziki zorakılığa məruz qalması, Daxili İşlər Naziri Kolokoltsevin qəbul otağına gətirilərək alçaldılmasının səbəbi və indiyə kimi hakimiyyətin bununla bağlı Rusiya tərəfinə heç bir reaksiya verməməsi nəylə bağlıdır?

2240
Cavab: Amid bəy, salam, təşəkkür edirəm, sizinlə birgə!
Rusiyada məişət zəminində baş vermiş ölüm hadisəsinin bu cür şişirdilməsi məncə, iki səbəbdən baş verir.
1.        Rusiyada kifayət qədər ciddi problemlər var, Moskvadakı son seçkilər göstərdi ki, xalq vəziyyətdən narazıdır və dəyişiklik istəyir. Hakimiyyət xaqlın diqqətini real problemlərdən yayındırıb ictimai narazılığı miqranatların üzərinə yönəltmək istəyir.
2.        Rusiya hakimiyyəti Avrasiya Birliyinə Azərbaycanı da cəlb etmək istəyir və saxta seçkilərdən sonra çətin vəziyyətdə olan Əliyev rejiminə miqrantların geriyə göndərilməsi təhdidi ilə də təzyiq göstərmək istəyir.
Hadisələri diqqətlə müşahidə etməkdə fayda var, çünki ola bilər ki, bizə bəlli olmayan başqa səbəblər də var.

22:41
Sual [İlqar İsmayılov]: Isa bəy, salam. Bayramınız mübarək. İstərdim biləm hal-hazırda saxtalaşdırılmış seçkilərdən sonra proqnoz və gözləntilər nədir: müxalifət növbəti bələdiyyə və parlament seçkilərinə hazırlaşmaq fikrindədir, yoxsa hakiiyyət qəsbkarlarını geri çəkilməyə vadar etməyi fikirləşir. Sualı elə-belə vermədim. Cəmiyyətin pessimist ruhlu elementləri bu qatarın artıq getdiyini, Qərb və ABŞ-ın sonunda hakimiyyətlə “taraz” razılaşma quracağını düşünür.
2. Siyavuş Novruzov müxalifəti YAP-çı gənclərlə hədələdi və bir müddət öncə Sabirabadda olduğu kimi ayın 20-nə planlaşdırılan mitinqə təxribat hazırlandığını faktiki olaraq anons etdi. Sizcə hakimiyyət blef edir, yoxsa növbəti 16 oktyabr planlayır? Təxribata qarşı planlar varmı?

22:50
Cavab: İlqar bəy, salam, təşəkkür edirəm, sizinlə birgə!
1.        Seçki hələ bitməyib, ən azı Konstitusiya Məhkəməsinin qərarına qədər demokratik mübarizə davam etməlidir. Bütövlükdə isə hər şey xalqın fəallığından və fədakarlığından asılıdır.
2.        Biz müstəsna olaraq dinc mübarizə aparırıq və bunu dəyişmək fikrində deyilik. Növbəti dinc kütləvi aksiyanı 20 oktyabra təyin etmişik. Əlbəttə, hər zaman olduğu kimi yenə də diqqətli olacayıq ki, problem yaranmasın. Amma, təxibatların qarşısını almaq polisin vəzifəsidir, hər kəs bilir ki, təxribat olacaqsa bu rejimin törətdiyi növbəti cinayət olacaq.

22:51
Sual [Ibrahim]: İsa bəy, tez-tez deyirlər “müxalifət gəlsə ancaq özləri üçün mənfəəət güdəcək, vədlərinə inanmırıq, bunlar yeyib doyub müxalifət gəlsə talayacaq.” Necə cavab verərdiniz belə düşünənlərə?

22:56
Cavab: İbrahim bəy,
Belə düşünənlərə  əvvəla onu demək lazımdır ki, bu iqtidar doymayıb və doymayacaq, çünki görməmişdirlər. Bunların doymaması ilə bağlı yüzlərlə sübut gətirə bilərəm, kimsə bunların doymasına bircə sübut gətirə bilərmi?!
İkincisi, biz deyə bilərik ki, bir dəfə hakimiyyətdə olmuşuq, uğurlarımızla yanaşı səhvlərimiz də olub. Amma, bizim hakimiyətin rüşvətə, korrupsiyaya bulaşdığını kimsə fakt və arqumentlə sübut edə bilərmi?
Üçüncüsü və ən mühümü, seçici heç kimə şərtsiz-qeydsiz inanmamalıdır. İnam və səs şərtli və müddətli olmalıdır. Cəmiyyət istənilən hakimiyyətə nəzarət təşkil etmək iddiasında və güçündə olmalıdır, düzgün işləyən, xalqa və ədalətə xidmət edən siyasətçilər və hakimiyyətə etimad yaranmalıdır, vədlər verib hakimiyyətə gələndən sonra xalqa deyil, öz marağına ximət edənlər isə bir daha xalqdan etimad və səs almamalıdırlar!

22:57
Emil Quliyev [moderator]: İsa bəy, bayram günü iki saatınızı ayırıb oxucularımı maraqlandıran suallara cavab verdiyinizə görə dərin təşəkkürümü bildirirəm. Bayramınız mübarək!

22:59
İsa Qəmbər: Emil bəy, bu gözəl bayram günündə məni dəvət etdiyiniz üçün, vətəndaşlarımızla təmas imkanı yaratdığınız üçün mən sizə təşəkkür edirəm.

İştirakçılara da xüsusi təşəkkür və Bayram təbriki!

23:00
Emil Quliyev: Çox sağ olun, İsa  bəy. Mən də bizi izləyənləri Qurban bayramı münasibətilə təbrik edirəm. Sərbəst Kürsünün növbəti sayında görüşənədək…SƏRBƏST KÜRSÜ SİZİN BLOQUNUZDUR

İqbal Ağazadə: Demokratikləşmə üçün hər kəslə müttəfiqlik etməyə hazırıq

Posted October 1st, 2013 at 1:14 pm (UTC-4)
14 comments

Azərbaycanda oktyabrın 9-da keçiriləcək Prezident Seçkiləri yaxınlaşdıqca, ölkədə seçkilərə maraq da artmaqda davam edir. Namizədlərin bəziləri görüş-mitinqlər keçirərək, bəziləri sadəcə debatlarda çıxış edərək, bəziləri isə sadəcə səlahiyyətli nümayəndələrini debatlara göndərərək elektorat qazanmağa çalışır.  Bu vasitələrin hamısından istifadə edən namizədlərdən biri də İqbal Ağazadədir.

Oxucularımızın suallarına cavab verməsi üçün bu həftə Sərbəst Kürsüyə Milli Məclisinin üzvü İqbal Ağazadəni dəvət etmişik. Oktyabrın 2-si İqbal Ağazadə sizin suallarınızı cavablandırıb.

——————————————

21:00 / 02 oktyabr 2013
Salam əziz Sərbəst Kürsü oxucuları. Həmişə olduğu kimi bu gün də Sərbəst Kürsü canlı forumunun moderatoru mən Emil Quliyevəm. Sərbəst Kürsünün qonağı isə prezidentliyə namizədi İqbal Ağazadədir.

21:02
Emil Quliyev [moderator]: İqbal bəy, sizi Sərbəst Kürsüdə salamlayırıq. Seçkiyə cəmi bir həftə qalmış vaxtınızı ayırıb Sərbəst Kürsəyə gəldiyiniz üçün minnətdarıq.

21:05
İqbal Ağazadə: Hər vaxtınız xeyir. Bütün Amerikanın Səsi dinləyicilərini salamlayıram.

21:06
Emil Quliyev: Təşəkkkür edirik. İqbal bəy, ilk sual Fərid adlı istifadəçidən daxil olub. O yazır:

– Salam İqbal bəy, əvvəlcə onu deyim ki, çıxışlarınız çox təqdirəlayiqdir və ümidvericidir, çünki konkret öz proqramınız haqqında danışırsınız, hər sıravi vətandaşın edə biləcəyi quru tənqid üzərində qurmamısınız seçki kampaniyanızı. ***

Elə ona görə də sizə təhsil siyasəti ilə bağlı sual vermək istərdim. Konkret doktorantura pilləsindəki təhsillə bağlı hansı islahatları aparmağı düşünürsünüz? Hal-hazırda ki, elmi-tədqiqatla məşğul olan inistutların, inkişaf etmiş ölkələrdə olduğu kimi universitetlərə inteqrasiyasını nəzərdə tutan bir proqramınız var mı?
Əvvəlcədən təşəkkür edirəm və uğurlar arzulayıram.

21:15
Cavab: Elmə dövlət sifarişi həyata keçirilməlidir. Elmə dövlət sifarişi həyata keçirilməyəndə, sifariş tərəfi olmayanda elmin məhsuldarlığı aşağı düşür. Qondarma akademiya sistemi qurulub, köhnə elmi işləri tədqiq etməklə praktikada tətbiq olunmayan elmi sahələri tədqiq edir. Biz düşünürük ki, elmi sahələr ayrı-ayrı ölkə daxilində inkişaf etmiş sənaye strukturları ilə birləşdirilməlidir. Azərbaycanın bütün sahələri üzrə elmi işlərə sifarişlər həyata keçirilməlidir. Məsələn, Dövlət Neft Şirkəti tərkibindəki institutlar birləşdirilməlidir və Neft Şirkətinin sifarişlərini həyata keçirilməlidir. İndi sifarişləri daha çox xarici mütəxəsssislər həyata keçirir, dövlət sifariş həyata keçirmədiyinə görə illərlə eyni sahələr təkrarlanır.  
Dövlət təqdiqata pul ayırmarıdır. Bizdə isə əksinə pul verib müdafiə edirlər. Biz isə pul verməliyik ki, daha yaxşı tədqiqatlar etsinlər. Sistemli elmi işlər üçün də “Elm haqqında qanun ” qəbul olunmaqla çox ciddi maliyyə ayrılmalıdır.

21:18
Sual [Mehman]: İqbal Agazadeye sualim beledir ki : siz prezdent seçildiyiniz teqdirde avropaya inteqrasya siyasetini davam etdirceksiz yoxsa Rusiya ve Iran kimi olkelerle muttefiqlik siyaseti apatacaqsiz?

21:25
Cavab: Çox qısa cavab budur: Birinci növbədə Avropaya Birliyi ilə Şərq Tərəfdaşlığı Proqramı çərçivəsində Assosiativ üzvlük məsələsini dərhal həll edəcəyik, ondan sonra Cənubi Qafqaz Birliyi ideyasının müəllifi kimi bu birliyin yaranması və 3 Cənubi Qafqaz respublikasının Avropa ailəsinə, Avropa Birliyinə daimi üzv olması üçün üç respublikanın birgə mübarizəsini və qanunlarımızın, idarəetməmizin, yaşam tərzimizin Avropa standartlarına uyğunlaşdırılmasını təmin edəcəyil. Xarici siyasətimizlə bağlı ətraflı bizim saytımızdan (www.iqbalagazade.com ) məlumat ala bilərsiniz.

21:27
Sual [Mahir Məmmədli]: Milli Şuranın bəzi tərəfdarları sizin Cəmil Həsənlinin lehinə namizədlikdən imtinanızı təklif edirlər. Buna münasibətiniz necədir?

21:40
Cavab: Mən hesab edirəm ki, bu gün Milli Şuranın namizədin lehinə yox, əksinə, Cəmil müəllim bizim xeyrimizə öz namizədliyini geri götürməlidir. İki sadə səbəbə görə. 1) Mən şəxsən Cəmil müəllimdən siyasi təcrübəyə və siyasətçi olaraq daha çox imkanlara malikəm və cəmiyyətin daha böyük kəsimini birləşdirməyə gücüm çatar. Nəinki məhdud Milli Şura çərçivəsində olan həm də Milli Şuradan kənar, həm də cəmiyyətin digər hissələri ilə münasibətdə gərginlik yaşayan tərəf kimi 2) İkinci tərəfdən isə Cəmil Həsənli Milli Şura tərəfindən namizədliyi irəli sürülsə belə bütövlükdə xalqın namizədi ola bilsəydi , bu barədə düşünərdim. Amma təəssüf ki, Milli Şuradan da daha çox iki partiyanın – AXCP və Müsavatın namizədi oldu və bu istiqamətdə namizədliyimi Müsavat və AXCP-nin namizədinin xeyrinə geri götürməyimin elə bir perspektivini görmürəm. Amma cəmiyyətdə döyüşən, vuruşan tərəflərdən daha çox barışa və dialoqa ehtiyac olduğu üçün Cəmil müəllim məhz bu etapda, hələ ilk günlərdən qeyd etmişdim, namizədliyini mənim xeyrimə geri götürsə, məncə cəmiyyət daha çox qazanacaq. Hərhalda Milli Şura və Cəmil müəllim bu barədə düşünməlidir.

21:42
Sual [Rasim Həsənli]: Salam İqbal bəy,
Əvvəla sizi uğurlu təbliğat və maraqlı çıxışlarınıza görə təbrik edirəm. Namizədlər arasında seçilirsiniz. Amma xeyli suallarım da var. Yaxşı cavab versəniz bəlkə sizə səs verdim.
1. Seçiləcəyinizə inanırsınız? İnanmırsınızsa, niyə seçkidə iştirak edirsiniz?
2. Tutaq ki, prezident seçildiniz. Komandanız varmı ölkəni idarə etməyə? Kimlər idarə edəcək Azərbaycanı?
3. İlham Əliyev seçkidən sonra sizə nazir postu təklif etsə, razılaşarsınızmı?
4. Milli Şuranın şansını necə qiymətləndirirsiniz bu seçkidə?
5. Niyə hər çıxışdan sonra studiyadan tez çıxırsınız?
6. 9 oktyabr 2013-cü il saat 21:00-da (tam bir həftə sonra) məlum olsa ki, siz ya da Cəmil Həsənli qalib gəlib, amma İlham Əliyevi qalib elan edirlər, nə edəcəksiniz?

22:12
Cavab: 1) Seçiləcəyimə inanıram və inanıram ki, Azərbaycan xalqı gec-tez məhz mənim tərəfimdən aparılan siyasətin qalib gəlməsinə səs verəcək. Nə zaman olacaq, bunu hissə-hissə, addım-addım gərək xalqa çatdırasan. Yoxsa, qucağında saxlayınca və fikirləri seçiciyə çatdırmadan başımızda saxlasaq seçicinin bizim haqqımızda məlumatı olmaz. Mən Azərbaycanda seçicilərin məhz bizim konsepsiyaya səs verəcəyini görürəm. Amma təbii ki, seçici ilə ünsiyyət məsələsində problemlər var, siyasi maarfiflənmə məsələsində problemlər var, hakimiyyətin yaratdığı əngəllər var, nəticəsizlik sindromu var, bütün bunların hamısını üst-üstə gələndə bəlkə kiməsə real görünmür. Amma siyasi fəaliyyətlə məşğul olduğumuz gündən bu günə qədər həm partiya sədri kimi, həm də prezidentliyə namizəd kimi biz cəmiyyət üçün qazanclarımızı artırmışıq və bu qazancın bir gün bizi hakimiyyətə gətirəcəyinə inanırıq. Bu, gec-tez mütləq olacaq. Biz istəyirik ki, 2013-cü ildə olsun. Biz seçiciyə doğru mesajımızı veririk, gerisi seçiciyə qalıb.

2)Azərbaycanı mənim rəhbərliyimlə Azərbaycanın ən layiqli insanları idarə edəcək. Bu xalqa xidmət etmək istəyən, xalqın problemlərini bilən kifayət qədər yeni nəsil nümayəndələri var. Nədənsə, hər kəs bu ölkəni kimin edəcəyindən narahatdır. Doğrudanmı bu ölkədə onun problemlərini bilən və bu ölkəyə layiqincə xidmət edəcək insanlar yoxdur? Ola bilər ki, onlar bizim partiyada deyillər, amma biz cəmiyyət üçün çalışırıq və cəmiyyətdə belə insanlar çoxdur. Onların hamısının bizim quracağımız hakimiyyətdə yeri var. Biz xalqın hakimiyyətini quracağıq.

3) Mən Azərbaycanın demokratikləşməsi üçün çalışıram. Hesab etsəm ki, bu post Azərbaycanın demokratikləşməsinə zərrə qədər də töhfə verəcəksə, mütləq orada iştirak etmək lazımdır. Çalışaram ki, bu barış və dialoq pəncərəsi olsun və cəmiyyət yeni münasibətlər sisteminə daxil olsun. Bu, məncə hakimiyyətin də yeni müstəviyə keçidini təmin edən addım olar.

4) Bu seçkidə Milli Şuranın şansı mənim şansımdan azdır. Ona görə ki, Milli Şura elektoratını, dairəsini olduqca kiçiltdi. Cəmil müəllimin şansı vardı ki, dairəni genişləndirsin. Amma o ənənəvi çevrəni də kiçiltdi. Biz isə əksinə, daha böyük açılım etdik, cəmiyyətin bütün təbəqələrinə mesaj verdik, cəmiyyətin siyasətə neytral qalan və seçicilərin əksəriyyətini təşkil edən hissəsinin də bizə xoş münasibətini qazana bildik. Əgər görsəydim ki, Milli Şuranın şansı mənim şansımdan daha artıqdır, 2003-cü ildə olduğu kimi, demokratikləşmə prosesi naminə şansın çox olduğu yerdə dayanardım.

5) Birinci bizim tərəf müqabilimiz hakimiyyətdir və hakimiyyətin namizədi şəxsən orada olmadığına görə, bunu real debat saya bilmərik. İkincisi, Azərbaycan Seçki Məcəlləsinin tələblərinə uyğun olaraq, efir vaxtından istifadə namizədin öz əlindədir. Hakimiyyətin müəyyənləşdirdiyi debat formasına etiraz edirəm, çıxış formamı özüm müəyyənləşdirirəm və studiyanı ona görə tez tərk edirəm. Üçüncüsü, həm də debat səhnəsinin acınacaqlı mənzərəsi mənim tez çıxmaqla haqlı olduğumu bir daha sübut etdi.

6) Biz bütün imkanlarımız çərçivəsində seçkilərin nəticələrinin gerçək nəticələr olmasına çalışacağıq. Amma bu təkcə İqbal Ağazadənin yerinə yetirə biləcəyi bir missiya deyil. Cəmiyyət, siyasi qüvvələr, vətəndaş institutları və beynəlxalq ictimaiyyət bu sahədə bizə dəstək verməsə, təkbaşına və partiyamla edə biləcəyim çox az şey var. Ona görə də bu istiqamətdə hər bir kəsin mövqeyinin ədalətli, obyektiv və mübariz olmasını istəyirəm.

22:15
Emil Quliyev [moderator]: Twitter vasitəsilə Shebnem Karsli adlı istifadəçi yazır:
– 5 il önce baykot etmiş kesimin bu il seçkilere qatılması üçün hansı deyişiklik baş verib?

22:17
İqbal Ağazadə: Adamlar daha yaxşı düşünməyə başlayıblar.

22:19
Sual [Leyla Məmmədova]: Iqbal bey, sizin cixislarinizi ailelikce maraqla izleyirik. Tebligat materiallarinizi da paylayirdilar, facebookda da izleyirem sizi. En yuksek seviyyede tebligatinizi davam etdirirsiniz. Size ses verecem.
Bir genc kimi diqqetimi ceken bir sozunuz var. Heqiqeten genclere ayda 100 manat odemekle menzil vere bilersiniz? Bu bosh veddir yoxsa hesablanmish bir platforma teklifi? Bir de niye 100 manata ev verirsiniz ki? olmaz ki ele genclerin ishi cox olsun, maashi cox olsun ve ozleri ev alsinlar ozlerine?
Teshekkur edirem cavaba gore.

22:26
Cavab:
Hörmətli Leyla xanıma dəstəyinə və xoş sözlərə görə təşəkkür edirəm. 100 manata mənzil almaq çox sadədir. Mənzilin 1 kvm 320 manata başa gəlir. – Təbii ki, rüşvətsiz və korrupsiyasız sistemdə. Bu gün ipotekaya ayrılan kreditlər 25-30 illiyə verilir, qiymətlər bazar qiymətinə uyğunlaşdırılır, üzərinə bank faizləri gəlir, faizləri isə banklar götürür, dövlət yox. Nəticədə, 80 kvm-lik bir mənzil 100-120 min manata başa gəlir. Biz isə 21 il ərzində ayda 100 manat almaqla, həm dövlətin pulunu geri qaytarırıq, həm də vətəndaşa xidmət edirik. İpotekaya ayrılan 80 milyon manata, biz bu şərtlərlə 3000-dən artıq mənzil tikə bilərik. Halbuki, ayrılan 80 milyon manat 3000 mənzil üçün ipotekaya kifayət etmir. Biz çox istərdik ki, gənclərə mənzil verməyək, özlərinin yüksək maaşlı işləri olsun və özləri mənzil ala bilsinlər. Amma bütün cəmiyyətlərdə mənzilə ehtiyacı olan kəsim olur və biz o ehtiyacı ödəmək istəyirik. Biz eyni zamanda gənclərimizin daha çox iş yerləri ilə təmin olunması və daha yüksək maaş alması üçün də çalışacağıq və düşünürük ki, gənclərə ayda 100 AZN ödəməklə mənzil sahibi olmağı təklif etməyimiz heç də onların iş yerləri və yüksək maaşla təmin olunmasına zidd deyil.

22:27
Sual [Nigar]: Salam, İqbal bəy. Sizə bu seçkilərdə uğurlar arzu edirəm. Sizə bir sualım var. Sizin Qarabağla bağlı fikrinizi bilirəm. Çox dəstəkləyirəm amma cəmiyyətin bunu qəbul edəcəyinə inanmıram. Siz İctimai televiziyada teledebatda Qarabağla bağlı proqamınızı səsləndirəcəksiniz? Bir Qarabağlı olaraq bu fikri səsləndirmək sizə ağır deyil ki?

22:29
Cavab: Nigar xanıma da təşəkkür edirəm arzuları üçün. Bəzən cəmiyyət üçün reallıqları qəbul etmək ağır olur. Amma problemin başqa həlli yolu da olmur. Mənə Qarabağlı kimi ən ağır gələn itirdiklərimdir, şəhidlərim, torpağım, doğmalarım. Bundan sonra itirməmək üçün çıxış yolları axtarırıq və itirdiklərimizi qazanmaq üçün. Məncə, bu ən optimal yoldur və bu proqramı səsləndirəcəyik, nə qədər çətin və ağır olsa da. Biz ermənilərlə dost olmağa məhkum olmasaq da, qonşu olmağa məhkum olduğumuzu unutmamalıyıq.

22:30
Sual [Elvin]: Salam, İqbal bəy. Sizə seçkidə bol uğurlar diləyirəm və namizədimin sizsiniz. Sizə sualım odur ki, Milli Şura ilə birləşmədən hansısa bir müttəfiqlik etməyi düşünürsünüz?

22:34
Cavab: Elvin bəyə də təşəkkür edirəm seçiminə görə. Biz demokratikləşmə üçün hərkəslə müttəfiqlik etməyə, masa arxasında oturmağa hazırıq. Yetər ki, bunu istəyənlər olsun.

22:35
Sual [Vaqif]: Salam İqbal bəy, ilk öncə icazə verin sizi Azərbaycan standartlarında fərqli, yeni, orijinal seçki kampaniyası üslublarınza görə təbrik edim, hesab edirəm siz 9 nəfərdən fərqli olaraq Azərbaycanın gələcəyi üçün ciddi perspektiv vəd edən yeni nəslin lideri obrazını yaratmısınız. Məncə düşünən insanlarımız üçün məhz sizin obrazınız daha cəlbedicidir.
Sualım isə belədir ki sizcə hakimiyyət özü daha maraqlı görsənmirmi ki muxalifetin obrazi deyismesin, her sey ancaq dava ve soyush mustevisinde olsun, cunki hakimiyyet numayendeleri sizin fundamental arqumentlerinize reaksiya vermeden daha cox Cemil Hesenlinin uzerine getmekle bu enenenin deyismemesine calismirmi? fikirleriniz cox maraqli olardi, tesekkur edirem, ugurlar size

22:39
Cavab:
Kampaniyamızı diqqətlə izlədiyinizə görə Vaqif bəyə təşəkkür edirəm. Sizinlə çox razıyam ki, hakimiyyət ona müxalif olanların obrazının mənfi çalarlarla zəngin olmasının marağındadır və hər zaman bunu yaratmağa çalışır. Müstəvini ona uyğun qurur. Bizim gücümüz və ağlımız onda olmalıdır ki, o müstəviyə çıxmayaq. Təəssüf ki, hər zaman bunu bacarmırıq. Biz güclü olduğumuz yerdə mübarizə aparmalıyıq və məncə qismən də olsa, buna nail oluram.

22:40
Emil Quliyev [moderator]:
Twitter vasitəsilə  Fariz Məmmədzadə sizə belə bir sual ünvanlayıb:

– IQBAL BEY sizce bu seckilerde xalqim verdiyi duzgun sesler hesablanacaq..yoxsa bosu bosuna umidlenirik??

22:43
Cavab: Fariz bəy, ümid sonuncu ölər. Biz bircə şeyə ümidliyik. Azərbaycan mütləq demokratikləşəcək. Azərbaycanda mütləq demokratik seçkilər keçiriləcək. Azərbaycanda mütləq demokratik mühit formalaşacaq. Bu gün və ya sabah. Hakimiyyətlər Azərbaycanda xalqın səsi ilə formalaşacaq.  Bir qədər artıq səy göstərsək, bir qədər artıq mübarizə aparsaq bu gün, olmasa, sabah buna nail olacağıq. Amma bunun olacağına heç bir şübhəm yoxdur.

22:45
Sual: [Samir]: Salam İqbal bəy, çıxışlarınızı dinləyirik. Siz namizədlər içərisində ən layiqlisiniz prezident olmağa. Sizə bir sualım var və cəmiyyətində məncə düşündüyü bir sualdır bu. Bir dəfə siz İlham Əliyevi 2008 seçkilərindən sonra təbrik etdiniz. Bu demokratik ölkələrdə siyasi əxlaqdır. Amma təbrikdən sonra bu hakimiyyətin əxlaq anlayışının olmadığını bu 5 ildə bir daha gördünüz. Bu seçkilərdə də siz yox İlham Əliyev qalib gəlsə yenə təbrik edəcəksinizmi?

22:50
Cavab: Səmimi sualınıza görə sizə təşəkkür edirəm. Bir şey ki, əxlaqdır və yaxşı əxlaq nümunəsidirsə, nədən biz onu dəyişməliyik? Əksinə, qarşı tərəfin o yaxşı əxlaqa gəlməsi üçün uzun müddət mübarizə aparmalıyıq. Əks təqdirdə, biz o nümunələri göstərməsək, cəmiyyət deqradasiyaya uğrayacaq, cəmiyyət daha pis ənənələrin şahidi olacaq. İttihamlardan da qorxmuruq, biz çalışırıq ki, Azərbaycan insanı yeni dəyərlərin, yeni yanaşmaların obrazını yarada bilsin. Nə qədər çətin, nə qədər ağır olsa da.

22:51
Sual [Nərmin]: İqbal bəy, kampaniyanız digərlərinə nisbətdə uğurlu görünür. Normal seçkilər keçirilən ölkədə kifayət qədər uğur qazana bilərdi. Reallıq isə sizə də, bizə də bəllidir. Sualım belədir: MŞ-dan sizə təklif gəlsə son anda gücləri birləşdirmək barədə yanaşmanız necə olar? Real dəyişiklik üçün siz özünüz ilkin addım atıb digər MŞ üzvləri ilə yox, məhz Cəmil Həsənli ilə bu prespektivləri müzakirə etmək istərdinizmi?

22:53
Cavab: Təşəkkür edirəm Nərmin xanıma. Demokratiya üçün hər şeyə hazırıq. Demokratikləşmə üçün iddialarımızdan da geri durmağa hazırıq. Amma hər şey reallığa və məntiqə söykənməlidir. Cəmil müəllimə hörmətim böyükdür, istənilən məsələni müzakirə etməyə hazırıq.

22:53
Sual [Kamran]: Axşamınız xeyir Hörmətli İqbal bəy. Əvvala sizə bu çətin yolda uğurlar arzu edirəm. Sualım isə belə olacaq:
Əgər seçkidə qalib gəlməsəniz lakin əvvəlki seçkiyə nisbətən çox səs toplasanız bunu özünüz ve patiyanız üçün uğur sayacaqsınızmı? Əvvəlcədən təşəkkür edirəm

22:56
Cavab: Ən böyük uğurumuz cəmiyyətin qazanması olar. Bizim partiya olaraq qazancımız da cəmiyyətin qazancından keçir. Mənim az və ya çox faiz səs almağım cəmiyyətin maraqları içərisində olacaqsa, sevə-sevə qəbul edərik. Yox, 80 faiz səslə qalib gəlim, amma cəmiyyət uduzsun, ona çox məyus olaram. 1 faiz səs alsam, cəmiyyət qazansa, ona sevinərəm.

22:57
Emil Quliyev [moderator]: İqbal bəy, iki saata yaxın vaxtınızı ayırıb oxucularımızın və eləcə də bir həftə sonra səs verməyə hazırlaşan seçicilərin suallarını cavablandırdığınız üçün Sizə minnətdarlığımızı bildiririk.

22:59
İqbal Ağazadə: Mən də təşəkkür edirəm və mənim də bütün dinləyicilərə bir sualım var. Seçiminizi etmisinizmi? Etməmisinizsə, məni seçməkdə tərəddüd etməyin. Hamının ümidlərini və etimadlarını doğruldacam. Təşəkkür edirəm.

23:00
Emil Quliyev: Mən forumda iştirak edən izləyicilərə də suallara dərin təşəkkürümü  bildirirəm. SƏRBƏST KÜRSÜ SİZİN BLOQUNUZDUR! Növbəri Sərbəst Kürsüdə görüşənədək…

Altay Göyüşov: Oğurlanan səs vətəndaşın səsidir

Posted September 17th, 2013 at 4:01 pm (UTC-4)
10 comments

 

Mərkəzi Seçki Komissiyası (MSK) sentyabrın 13-də keçirilən iclasında REAL Vətəndaş Hərəkatının lideri İlqar Məmmədovunprezidentliyə namizədliyini qeydə almayıb. REAL 41 247 seçici imzası təqdim etsə də, MSK imzalardan 4982-ni etibarsız hesab edib. Beləliklə tələb olunan 40 min seçici imzası bəs etmədiyindən MSK  İlqar Məmmədovun namizədliyini qeydə almayıb. REAL Vətəndaş Hərəkatı isə seçkilərdə Milli Şuranın vahid namizədi Cəmil Həsənlini dəstəkləyəcəyini bildirib.

REAL VH-nın seçkilərlə bağlı qarşıdakı planlanları və İlqar Məmmədovun namizədliyinin qeydə alınmamasına aydınlıq gətirmək üçün bu həftə Sərbəst Kürsü canlı forumuna REAL-ın İdarə Heyətinin üzvü, tanınmış tarixçi Altay Göyüşovu dəvət etmişik. Sentyabrın 18-də keçiriləcək canlı forumda Altay Göyüşov sualları canlı cavablandırıb.

————————————————————————————————-

21:00 / 18 sentyabr 2013

Sərbəst Kürsüdə hamınızı xoş gördük. Canlı forumun moderatoru Emil Quliyevdir. Qonağımız isə REAL Vətəndaş Hərəkatının İdarə Heyətinin üzvü, tanınmış tarixçi Altay Göyüşovdur.

21:02
Emil Quliyev [moderator]: Altay bəy, Sərbəst Kürsüdə sizi salamlayırıq. Dəvətimizi qəbul etdiyiniz üçün minnətdarıq.

21:03
Altay Göyüşov: Çox sağ olun Emil bəy, minnətdaram dəvətə görə.

21:04
Emil Quliyev: İlk sualı Fərid adlı oxucu göndərib. O yazır:

– Salam. Seçki təbliğatının birinci günündə məlum oldu ki, Cəmil Həsənli 4 il gözləyə bilməyib, pensiyaya vaxtından əvvəl çıxıb. Hər nə qədər bu fakt Dubaydakı məlum villalarla müqayisəyə gəlməsə də, hər halda Cəmil Həsənlinin əlindəki imkanlar da prezidentlə müqayisə olunası deyil. Nəticə odur ki, Cəmil Həsənli haqqı olmadan vaxtından əvvəl 2000 manatlıq pensiyaya çıxıb (özü də təkzib etmədi). Üstəlik, Əli Kərimli və İsa Qəmbər kimi adamlar hansı ki, bir- birinə güzəşt etməlilər bu seçkilərdə, ona görə də ziyalıynan gedəsi olurlar seçkiyə- Cəmil Həsənli qalib gəlsə hakimiyyətə gələcəklər. (Milli şuranın elan edilməsi və vahid namizəd məsələsini sona anda güc-bəlaynan həll elədilər) Mənim demokratik dəyişikliklər edəcəyinə yeganə ümid yerim olan Real hansı əsaslarla heç bir əsaslı proqramı olmayan Cəmil Həsənlini dəstəkləyir, onun doğrudan da ölkədəki sabitliyi qoruya biləcəyinə necə inanır? Söhbət şəxsiyyətdən gedirsə, lütfən pensiya məsələsini şərh etməyini xahiş edirəm və ümumiyyətlə şəxsiyyətə görə prezidentliyə namizədi dəstəkləmək nə dərəcədə məntiqlidir? Əvvəlcədən çox sağolun və Reala 2015 parlament seçkilərində uğurlar.

21:37
Cavab: Fərid bəy, əvvəla sualınıza görə çox sağ olun. Dəstəyinizə və diləklərinizə görə də minnətdaram. Əvvəla onu qeyd edim ki, biz REAL olaraq Milli Şuranın təsisi dövründə onun təşəbbüsçüləri ilə danışıqlar prosesində olmuşuq. Bu danışıqlardan qabaq müxalifətin birliyinə tərəfdar olduğumuzu, lakin bu birliyin müəyyən bəlli təməllər üzərində qurulmasını istəmişik. Biz ölkədəki vəziyyət bilirik. Anlayırıq ki, demokratikləşməni təmin etmək üçün ölkədəki sağlam qüvvələrin ittifaqda fəaliyyətinə ehtiyac var. Sadəcə biz birliyi ad xatirinə, görüntü xatirinə istəməmişik. İstədiyimiz nəticə əldə edə biləcək bir biriliyin yaranması olub və buna görə şərtlərlə çıxış etmişik və danışıqlar prosesinə qoşulmuşuq. Lakin istədiyimiz şərtlərin təmin olunmadığını gördükdə, birliyin formatı ilə razılaşmadıqda, üstəgəl Avroatlantik məkana inteqrasiya məsələsi ilə bağlı, az da olsa tərəddüd hiss etdikdə Milli Şuraya qoşulmamaq qərarına gəlmişik. Fəqət yenə də biz birlik tərəfarı olduğumuzdan vahid namizədi dəstəkləyə bilcəyimiz mesajını dəfələrlə təkrarlamışıq. Ancaq gördük ki, istər təşkilati məsələlərdə, istər vahid namizədə seçimi məsələsində açıq-aydın problemlərin gözardına vuruldu, nəticədə Milli Şuranı yaradan qüvvələr arasında söz atışmasının başlaması ilə əslində MŞ-yə getməməyimizlə düzgün atdığımızı bir daha hiss etdik. Biz seçkiyə öz namizədimizlə getmək qərarını qətiləşdirdik. Prosedurları keçdik, toparlandiq, gözləmədiyimiz dəstəyi aldıq. Amma bildiyiniz kimi hökumət bizə baryeri yaratdı. Eyni zamanda Milli Şura da ölkənin ən görkəmli ziyalılarından olan Cəmil müəllimi seçməklə fiaskonun kənarından qayıtmağa müvəffəq oldu. Qeyd edim ki, biz Rüstəm müəllimi də 20-ci əsr Azərbaycan intteligentsiyasinin ən parlaq nümayəndələrindən hesab edirik, onu fəxrimiz hesab edirik. Fəqət onun qeydiyyata alınması ilə bağlı problemlərin olacağını görməmək mümkün deyidli. Digər tərəfdən Rüstəm müəllimin Rusiya ilə sıx təmasları sözsüz ki, həm istməyənlərin əlinə əlavə təbliğat kartları verəcəkdi, həm də Rusiyaya Milli Şuradan bizim hökumətlə alverində təzyiq kimi istifadə etməsinə şərait yaradacaqdı. Bunlar hamısı baş verdi. Birlik tərəfdarı olsaq da, MŞ-nin bu uğursuzluğa açıq aydın şəkildə gedirdi. Nəhayət bütün bunlar baş verdi, yuxarıda dediyim kimi, Milli Şura araya düşən söz-söhbətlərlə uçurumun kəndarına gəldi. Fəqət son anda Cəmil müəllim qətiyyən bunu istəməməsinə baxmayaraq birlik xatirinə vahid namizəd olmağa razılaşdı. Bu vaxta qədər biz artıq öz namziədimizlə seçkidə iştiraka gedəcəyimizi qərara aldığımızdan öz prosesimizi davam etdirdik. Cəmil müəllim Milli Şuranın vahid namizədi olmaqla yanaşı bizə şəxsən yaxın olan adamdır. Mənim uzun müddət bir yerdə işlədiyim adamdır. İlqar həbsdə olanda yardıma gələn insanlardan biridir. Əlbəttə bütün bunlar da faktordur. Lakin əsas məsələ odur ki, hakimiyyət bizi seçkiyə buraxmamaq qərarı verəndən sonra, biz mütləq müxalifət namizədini dəstəkləməli idik. Müxalifət namizədi isə məhz Cəmil müəllimdir. O ki qaldı o dediyiniz məsələyə, konkret faktla əlaqədar heç nə deyə bilmərəm. yalnız bir məqama toxunmaq istəyirəm. Birincisi Cəmil müəllim bütün kollektiv və tələbələri məhz təmiz bir insan kimi tanıyır. O yaddaşlarda məhz bu xüsusiyyəti ilə həkk olunub.

21:38
Sual [Elmir]: Altay müəllim salam,
Hər seçkidə təxminən belə olur. Səsvermə öncəsi hamı həyəcanlıdır, dəyişikliyə ümid artır…və budur ilkin nəticələr və İlham Əliyev növbəti 5 ilə prezidentdir. Narazı əhali meydanlara gedir etiraz üçün. Yenə polis, yenə daxili qoşunlar. Vətəndaşlar döyülür. Xarici səfirliklər biraz narahat olurlar. Ondan sonra yenə durğunluq. Bu cür mürəkkəb vəziyyətdən çıxmaq üçün 2015-ci ildə REAL-ın planları nədən ibarətdir?

21:49
Cavab: Salam Elmir bəy, mən hesab edirəm ki, biz işlərimizi adekvat qura bilsək REAL 2015-ci ilə kimi ölkənin ən güclü siyasi təşkilatına çevriləcək, 2013- seçkilərinin nəticələrindən asılı olmayaraq. Məsələ burasındadır ki, biz hesab edirik ki, hətta bu seçkidə hakimiyyət bütün resurslarını cəm edib “qalib” çıxsa belə, zəifləməsi prosesi gedəcək və bu halda 2015 dövrünə artıq əlinin altındakı resurslar da total saxtakarlığı həyata keçirəməyə kifayət etməyəcək. Əgər biz yanılırıqsa və əgər hakimiyyət Şİmali Koreyalaşdırma istiqamətində addımlarını möhkəmləndirməyə müvəffəq olacaqsa, bu hamımız üçün, bütövlükdə Azərbaycan üçün faciə olacaq.

21:50
Sual [Vəli Məmmədov]: Altay mellim.,bizim ucun sizin fikirleriniz cox maraqli olub ,hemise..muxtelif movqeylerden sizin fikirlerinizi dinlemisik ve bizi maraqlandiran bir nece sual var bu barede. fikirlerinizi bildirmeyinizi xaiw ederdim…indi hal hazirda ereb olkelerinde baw veren hadiselerin esas mahiyyeti,ve bizim olkeden hem azad suriya ordusu terefden hemde hizbullah terefden doyusmeleri..ve bu hadiselerin selib yurusleri ile muqayisesi..bawqa bir maraqlandiran sual ise qarabagda muharibe bas verse yalniz milli ordu vurusacaq yoxsa konulluler de.yeni konulluler yene yigiwacaq.1ci qarabag muharibesinde bunlar nece olmuwdu.axir vaxtlar guney azerbaycandaki hadiseler gamohun liderinin azerbaycana buraxilmamasi.milliyetcilerin hebsi,bu barede xaiw…..altay m. Tesekkurler

22:00
Cavab: Vəli bəy, ərəb ölkələrində baş verən proseslərin mahiyyəti ədalətsizlikdən, avtoritarizmdən, diktaturadan bezmiş bir bölgənin partlamasıdır. Son 20 ildə əhali xeyli cavanlaşmış, bu canlaşımış və savadlanmış təbəqə ifrat işsizlik və ədalətsizliklə üz-üzə qalmışdı. Bir gün bu yığılan etiraz enerjisi partlayacaqdı və bunun üçün sadəcə qığılcıma ehtiyac var idi. Qığılcım Tunisdə oldu, internet və sosial şəbəkəlkər isə onu alovlandırdı. Sadəcə proseslərin nəticəsində yaranan situasiyanan ürəkaçan olmaması problemi var. Bu da əslində anlaşılandır. Diktatura nə qədər çox davam edirsə, fəsadları bir o qədər ağır olur. Gördüyümüz də məhz budur. Bizim azərbaycanlıların Süriyada hər iki tərəfdə vuruşması isə bizim özümüzdəki kimlik böhranı ilə əlaqədardır. Sovet dövründə həll edilməmiş, sadəcə konservasiya olunmuş problemlər bu gün üzə çıxır. Demokratik rejim qura bilməməyimiz isə vəziyyəti daha də çətinləşdirir. Məh hesab ediərm ki, bu məslələrin həllini yalnız demokratikləşmədə tapmaq mümkündür. O ki qaldı Qarabağ məsələsinə. Bilirsiniz əslində bizim demokratikləşməyə mane olan əsas məsələ elə bu problem olub. Qonşunun ərazi iddiası bizləri normal inkişaf məcrasından uzaqlaşdırıb. Biz o problemin girovuyuq. Amma yalniz biz yox, bizdən daha çox məhz qonşu. Məhz bunun nəticəsidir ki, indi qonşu demək olar ki, tamamilə istiqalliyyətini itirmək təhlükəsi ilə üzləşib. Problemin həlli bu problemi yaradan Rusiyaya yaxınlaşmaq deyil. İkinci dünya müharibəsindən sonra öz arasındakı mübahisələrin həlılində silahli konfliktlərdən qaçan Avropaya yaxınlaşma, oraya inteqrasiya etməkdir. Demokratikləşməkdir.

22:01
Sual [Samir]: REAL a nece oldu ki qoshuldunuz? Oradaki esas uzvlernen neche muddetdir tanihsiniz?

22:09
Cavab: Salam Samir bəy, mən oradakı insanları sadəcə ictimai həyatdan tanımışam, şəxsi tanışlığım olmayıb. Bizi birləşdirən ideyadır. Həm strateji, həm taktiki məslələrdə oxşar düşünməyimzidir. REAL kollektiv bir kimlikdir. Yeni bir kimlikdir. Savadlı bir kimlikdir. Plüralistik bir kimlikdir. Barışdırıcı bir kimlikdir. Uğurla yoluna (çətin yola) dava edə bilərsə, məncə bir ümid yeridir. Getdikcə bu daha aydın şəkildə özünü göstərəckdir. Əgər REAl layiq olduğunu sübut edə biləcəksə, hələ çox tanımayanları öz ətrafında birləşdirəcək. Biz imzatoplama kampaniyasında bunu gördük. Tanımadığımız insanlar sanki işığa yığışıb bizi ruhlandırırdılar. Ən maraqlısı odur ki, bizə dəstəyə gələnlərin xeylisi də məhz bizi tənqid edənlər idi:)

22:10
Sual [Rauf Binnetov]: Salam Altay ve Emil muellim Xos Gorduk sizi Altay muellime 3 sualim var 1 Sual Ilgar Memmedovun hebsden Azad edilmesi ucun Avrupa Insan Haqlari Mehkemesine Real Vetendas Herekatinin bir uzvu olaraq gondermeyi dusunursunuzmu ? 2 Sual Azerbaycanin Memhemmed Emin rezulzade Uzeyir Bey Hacibeyov Seyid Cefer Pisavari Neriman Nerimanov Mircefer Bagirov Sixeli Qurbanov ve Sah Ismayil kimi tarixi sexsiyetlerimiz baresinde sizin fikirlerinizi oyrenmek menim ucun cox maraqlidir? 3 Sual Simali ve Cenubi Azerbaycanin birlesmesi sizce mumkundurmu Urmu golunde bas veren ekoloji felaket golun qurumasi ve Tehran hokumeti terefinden ora Kurd silahlahlilarinin yerlesdirilmesine ve movcud tarixi aspakte nezer salanda turkmencay ve culustan muqavilllerinden sonra Rusiya ve Iran terefinden parcalanan bir xalqin nece Almanyanin serqle qerbin soyuq muharibeden sonra berlin divarlarini dagitaraq musteqil oldu vaxtile edaletsiz sekilde 2 yere parcalanmis 1 xalqin Arazin direklerini yararaq nece bu 1989 dekabrin 31 bu bas vermisdi birleseceyine inanirsinizmi sizce buna imkan serait ve furset varmi?

22:26
Cavab: Salam Rauf bəy, əvvəla onu deyim ki, İlqar bəyin həbsi ilə bağlı artıq Avropa Məhkəməsinə müraciət olunub və işə çox sürətlə baxılıb, kommunikasiyalar bitib, indi qəarr gözləyirik. Sadaladığınız şəxsiyyətlərin hamısı haqqında burada yazmaq çətindir, vaxt müsaid deyil. Bizim tarix hələ çox öyrənilməlidir. Yalınız onu deyim ki, bu şəxslər içərisində Azərbaycan kimliyi və dövlətini qurmuş Məhəmməd Əmin və Üzeyir bəylər tam fərqli kateqoriyaya aiddir, mənim nəzərimdə. O ki qaldı Güney məsələsinə. Bizim indi işimiz burada Azərbaycanımızı inkişaf edtirib onu cəlb edici bir məkana çevirmək olmalıdır. Güneydə vəziyyət biz düşündüyümüz kimi sadə deyil. Sözsüz ki, rejimin türk dilinə, türk kimliyinə münasibəti repressivdir. Amma iki məsələyə fikir verin. Birincisi odur ki, Siz İran terefi deyirsiniz 19-cu əsrə, amma fakt odur ki, o vaxt İrani iadrə edən Qacarlar etnik azərbaycanlı idilər. Cümhuriyyət dövründə İrana göndıərdiyimiz ilk diplomatik missiyaya da məzh Qacar nəsilndən olanlar daxil edilmişdi. İki azərbaycanlı görüşürdü, biri iranı, biri isə Azərbaycanı təmsil edirdi. Bu gün də eyni vzəiyyətdir. Bizim azərbaycanlılar Xamneyi olmaqla İranda ən yüksək vəzifələrdəirlər. Bu o deməkdir ki, həmin o türk və azərbaycanlı kimliyini təzyiqə məruz qoyanlar ellə hardasa özümüzünkülərdir. İndi mənim fikrimcə İranda istıər Pəhləvi, istər indiki rejim dövründə azərbaycanlı, türk kimliyininin bu qədər basqıya uğramasının səbəbi məhz demokratik azadlıqların olmamasıdır. İranın demnokratikləşməsi həmçinin bizim azərbaycanlıların da üzləşdiyi basqdılardan yaxa qurtarması iləı nəticələnəcək.

22:27
Sual [Elcin Qurbanli]: Altay mellim.bize real herakatin ideologiyasi,isteyi meqsedi haqda xaiw melumat vererdiz. Tesekkurler.

22:36
Cavab: Salam Elçin bəy. REAL sağçı, fərdi azadlıqları, parlament demokratiyasını, vətəndaş hüquqlarınl, azad ticarəti, din və vicdan azadllğını, mülkiyyət hüquqlarını dəstəkləyən bir siyası görüşdür. Biz Avroatlantik məkana, Avropaya inteqrasiyanı strateji xətt hesab edirik. Bunu kefimizdən etmirik, düşünürük ki, Cənubi Qafqazın sabitliyi, inkişafı və azadlığını bu yolla təmin etmək daha asandır. REAL daxilində yeganə mübahisə mövzusu necə hökumət olmalıdır məsələsidir. Bəziləri sosial məsuliyyəti böyük olan iri, səlahiyyətli hökumət, bəziləri isə yalnız dövlət üçün lazım olan baza funksiyalarını yerinə yetrən kiçik hökumət tərəfdarıdırlar.

22:37
Sual [Yaqub Mehdiyev]: Genclere meslehetiniz, gedmek yoxsa qalmaq?) en aktual sualdi gencler arasinda hal-hazirda.

22:41
Cavab: Sağ olun Yaqub bəy, yalnız bir məqsədlə getməyin tərəfdarıyam. Təhsil almaq üçün. Çünki təəssüf ki, məmləkətdə təhsil acınacaqlı vəziyyətdədir. Yaxşı təhsil alandan sonra isə adekvat qərarı öznüzüz asanlıqla verəcəksiniz.

22:42
Sual [Vəli Məmmədov]: Altay mellim.bize meslehetiniz ne olar???.bir azerbaycan turk genci olaraq bize sozunuz?

22: 49
Cavab: Vəli bəy, məncə əvvəlki sualım elə sizin də xitabınıza cavab ola bilər. Oxumaq, savadlanmaq, müasirləşmək və inkişaf etmək lazımdır. Bizim gənclər də istedadlı, bacarıqlı, qabiliyyətli gənclərdir. Sadəcə onlara inkişaf etmiş ölkələrdə olan şəraiti yaratmaq lazımdır

22:49
Emil Quliyev [Sabir-email]: Seçkilər saxtalaşdırılsa, bu müxalifətin, içi sizin təşkilat qarışıq öz haqqını əldə etmək potensialı varmı?

22:53
Cavab: Sabir bəy, namizədlər və onların tərəfdarları, cəmiyyət, vətəndaşlar, beynəlxaılq demokratiya seçki saxtalaşdırmasinin qarşısını almaq üçün bütün qanuni vasitələrdən istifadə edtməlidir. Saxtalaşdırmanın fəsadları bütün cəmiyyətə, bütövlükdə dövlətə aid olur. Oğurlanan səs yalnız səs verilənin, yəni namizədin deyil, vətəndaşın oğurlanan səsidir. Mənim fikrimcə namizədin siyasi təşkilatın boynuna düşən iş istər vətəndaşların iştirakına nail olmaq, istərsə də beynəlxalq ictmaiyyətin diqqətini prosesə cəlb etmək olmalıdır. Aydındır ki, saxtaılaşdıran fəaliyyətə mane olur. Amma məhz bu baryerləri aşa biləcək təşkilat, namizəd, qüvvə dəyişlkilıərə aparcaq yolu aça bilər.

22:53
Sual [Elçin]: Salam. niyə 41000 dən çox səs toplamısınız, amma MSK tərəfindən 5000 nə yaxın səsin saxta olduğu ilə asanlıqla barışıb, etiraz etmədən, artıq 2015 – ə plan qurursuz. ya mübariz olmadığınız qənaəti yaranır, ya da həqiqətən saxta səs yığmağınıza dəlalət edir. bu “mübarizliklə” prezident seçkilərinin də saxtalaşmağına da eyni cavab gözləmək olar. insanları arxası ilə aparan MÜBARİZ bizə lazımdır.

22:56
Cavab: Elçin bəy, biz barışmamışıq. Mübarizəmizi davam etdiririk. Ya ölkənin demokratikləşməsinə nail olacağıq, ya da siyasətdən gedəcəyik. Biz 2015-ci ili sadəcə olaraq ilk əvvəldən özümüz üçün son hədd kimi müəyyənləşdirmişik. Dinc mübarizə isə davam edir. Bu gün məhkəmə də oldu. Fəqət Siz bizdə hətta məhkəmədə də qərarların siyasi olduğunu bilirsiniz. Ona görə də namizədimiz İlqar Məmmədov müraciət etdi ki, məhkəmə onun qeyidyattını yubadacağı təqdirdə tərəfdarlarımız Cəmil Həsənliyə səs versin.

22:57
Emil Quliyev [moderator]: Altay bəy, sualları cavablandırdığınız və dəyərli fikirlərinizi bizilə, eləcə də oxucularımızla bölüşdüyünüz üçün Sizə dərin təşəkkürümü bildirirəm. Eləcə də oxuculara göstərdikləri diqqətə və suallara görə minnətdaram.

22:59
Altay Göyüşov: Emil bəy, Sizə də, radionuza da, oxuculara da bu imkana görə minnətdaram. Sağ olun! Bizimkilərin gecəsi xeyrə, Sizə isə uğurlu günlər:)

23:00
Emil Quliyev: Çox sağ olun!
Sərbəst Kürsünün növbəti sayında görüşənədək…SƏRBƏST KÜRSÜ SİZİN BLOQUNUZDUR!

BLOGLAR