Namik Tan:”Ermənistanla münasibətlərin yaxşılaşdırılması Dağlıq Qarabağ münaqişəsinin həlli ilə bağlıdır”

Posted March 8th, 2011 at 10:21 pm (UTC-5)
Leave a comment

Türkiyənin ABŞ-dakı səfiri Namiq Tan Vaşinqtonda Con Hopkins universitetinin Beynəlxalq Araşdırmalar mərkəzində Türkiyənin xarici siyasət kursuna dair məruzə edib. Cənab Tan Türkiyənin Avropa İttifaqına üzvlüyü, Türkiyə-Ermənistan münasibətləri, Dağlıq Qarabağ münaqişəsinin həlli kimi bir sıra geniş məsələləri şərh edib. Səfir Tan Türkiyənin Dağlıq Qarabağ münaqişəsinin nizamlanması prosesində Minsk qrupunun səylərini dəstəklədiyini bildirib.

“Burada ciddi vəziyyətlə qarşılaşmışıq. Bununla Azərbaycan torpaqlarının işğalını nəzərdə tuturam. Azərbaycan torpaqlarının 20 faizi işğal altındadır. Bu, qəbuledilməzdir. Problemin əsas hissəsi bununla bağlıdır. Biz Minsk qrupunun səylərini dəstəkləyirik. Qrupa daxil olan üzv ölkələr məsələ ilə ciddi məşğul olur. Keçən həftə bizim xarici işlər nazirinin yardımçısı Vaşinqtonda idi və o da məsələni müzakirə edib və fikir mübadiləsi aparıb. Münaqişə regionda ümumilikdə vəziyyətə təsir edir, region ölkələrinin bölgədə tərəqqi yolunda səylərinə mane olur. Münaqişənin tez zamanda həllini tapmalı olduğuna inanıram.”

Türkiyə səfiri Ermənistanla münasibətlərə də toxunaraq deyib ki, iki ölkə arasında problemlərin həlli Dağlıq Qarabağ münaqişəsinin nizamlanmasından sonra daha asan ola bilər.

“Bu məsələlər bir-bir ilə bağlıdır. Azərbaycan-Ermənistan Dağlıq Qarabağ münaqişəsinin həlli yolu tapıldıqdan sonra bizim də Ermənistanla problemlərin həlli istiqamətində səylərimizi gücləndirməyimiz daha asan ola bilər.”-deyə o bildirib.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>