Amerika azərbaycanlılarının Novruz şənliyi

Posted March 21st, 2011 at 12:09 pm (UTC-5)
Leave a comment

Vaşinqtondakı Azərbaycan Ticarət və Mədəniyyət Mərkəzi martın 20-də Novruz bayramı münasibətilə böyük bayram şənliyi keçirib. Amerika azərbaycanlılarının ən çox sevdiyi və böyük məhəbbətlə qeyd etdiyi Novruz şənliyinə bu il 250-dən artıq adam toplaşmışdı. Ənənəvi Novruz şənliyinə paytaxt Vaşinqton, Merilend, Virciniya və Delaver ştatları ilə yanaşı, ABŞ-ın başqa ştatlarında yaşayan həmvətənlərimiz də qatılmışdı. Qonaqlar üçün xüsusi konsert proqramı hazırlanmış, milli nemətlərlə bəzədilmiş bayram süfrəsi açılmışdır. Məşhur kaman ustası İmamyar Həsənovun çalğısı, ABŞ-ın“İpək Yolu” ansamblının ifa etdiyi Azərbaycan rəqsləri şənliyə xüsusi əhval-ruhiyyə gətirdi. Novruz ənənələrinə uyğun olaraq Bahar qız qonaqları təbrik edib, onlarla rəqs etdi. Balacalar isə Azərbaycan dilində öyrəndikləri şerləri əzbər söylədi. Qonaqlar arasında rəqs müsabiqəsi keçirildi və qaliblərə hədiyyələr verildi. Novruz şənliyinin təşkilində çox fəal iştirak edən gənclər isə bayram tonqalı qalamış və tonqalın üzərindən tullanmışdır. Gənclər Novruz şənliyinə toplaşanları tonqal ətrafında yallı rəqsinə dəvət etmişdir.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>