Amerikada yaşayan azərbaycanlı icmasının üzvləri ABŞ prezidenti Barak Obama və Konqres üzvlərinə Dağlıq Qarabağ münaqişəsinin nizamlanması çağırışı ilə məktub göndərib.
ABŞ-da yaşayan azərbaycanlıların şəbəkəsi USAN bu ayın əvvəllərində ABŞ liderləri və qanuvericilərin diqqətini Azərbaycanda qaçqınların problemi və Dağlıq Qarabağ münaqişəsinin nizamlanmasının vacibliyinə yönəltmək üçün məktub kampaniyasına başlayıb. Bu, artıq dördüncü ildir ki, Amerika azərbaycanlıları belə bir məqsədlə məktub kampaniyası keçirir. Məktubda icma üzvləri Obama administrasiyası və ABŞ Konqresini Dağlıq Qarabağ münaqişəsinin ədalətli həllinə, Azərbaycanın ərazi bütövlüyünün bərpası və bütün qaçqınların öz evlərinə qayıtmasına yardım etməyə çağırır.
AzeriDiaspor bloqunun Facebook səhifəsinə üzv olmaq üçün
