ABŞ Dövlət Departamenti Kazan görüşünün nəticələri haqda:”Ümidlər boşa çıxdı”

Posted June 27th, 2011 at 3:01 pm (UTC-5)
Leave a comment

ABŞ Dövlət Departamenti Amerikanın səsinin Birləşmiş Ştatların Azərbaycan, Ermənistan və Rusiya prezidentləri arasında iyunun 23-də Kazan şəhərində görüşünün nəticələrinə reaksiyası ilə bağlı sualını cavablandırıb.

Dövlət Departamentinin sözçüsü Viktoriya Nuland ABŞ-ın münasibətini bildirərək deyib: ”Ermənistan və Azərbaycan prezidentləri Kazanda görüş zamanı Baza prinsipləri üzrə razılığa gələ bilməyib. Bununla belə, Rusiya prezidenti Dmitri Medvedevlə birgə verdikləri bəyanatda onlar bir sıra məsələlər üzrə daha yaxşı anlaşmaya nail olduqlarını, Baza prinsipləri üzərində işi davam etdirməyə razı olduqlarını və gələcəkdə bir araya gələcəkləri barədə razılıq əldə ediblər. Mən yenə də deyərdim ki, ümidlər boşa çıxdı”.

Kazan görüşündən öncə ABŞ prezidenti Barak Obama Azərbaycan prezidenti İlham Əliyev və Ermənistan prezidenti Serj Sarkisyana zəng edib. Prezident Obama mayın 26-da ATƏT-in Minsk qrupunun həmsədr ölkələrinin Dağlıq Qarabağ münaqişəsinin dinc yolla nizamlanması istiqamətində həlledici addımın atılmasının vacibliyi vurğulanan birgə bəyanatını xatırladıb və tərərfləri Baza prinsiplərinə dair razılıq əldə etməyə çağırıb. Rusiya prezidenti Dmitri Medvedevin iştirakı ilə keçən Kazan görüşündə tərəflər razılıq əldə edə bilməmiş və açıqladıqları birgə bəyanatda baza prinsiplərinin razılaşdırılması üçün şərait yarada biləcək bir sıra məsələlər üzrə qarşılıqlı anlaşmanın yarandığını qeyd etmişlər.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>