Səkinə İskəndər-Vaşinqtonun stilinə yeni rənglər gətirən dizayner

Posted March 16th, 2015 at 3:45 pm (UTC+0)
Leave a comment

Dilşad Əliyarlı

Səkinə İskəndər modellərlə

Səkinə İskəndər modellərlə

 

Virciniya ştatında yaşayan azərbaycanlı dizayner və sahibkar Səkinə İskəndər Vaşinqtonun moda həyatına yeni çalar gətirə bilib. Artıq bir neçə ildir Səkinə İskəndər Türkiyə və Azərbaycan dizaynerlərinin geyim və aksessuarlar kolleksiyalarını amerikalılara tanıtdırır. Bu yaxınlarda onun sahibi olduğu Take 5 butikində keçirilən moda şousunda Türkiyənin tanınmış dizaynerlərinin geyimləri nümayiş etdirilib.

Səkinə İskəndər Take 5 butikində moda şousunda prezentasiya zamanıSəkinə İskəndər Take 5 butikində moda şousunda

Səkinə İskəndər Take 5 butikində moda şousunda prezentasiya zamanıSəkinə İskəndər Take 5 butikində moda şousunda

Qadınlara həsr edilmiş moda şousu qadınları və dünyanı daha gözəl etmək şüarı altında keçib. Take 5 butikinin sahibi, dizayner və sahibkar Səkinə İskəndərin moda konsepsiyasının əsasında bu durur. Şounun açılışında o, “moda və qadınlar dünyanı gözəlləşdirir, geyimlər vasitəsilə qadınların gözəlliyi tərənnüm edilir” deyir.

Səkinə və Mahir İskəndər

Səkinə və Mahir İskəndər

Professional və könüllü modellər Türkiyənin aparıcı dizaynerlərinin kolleksiyalarından nümunələri nümayiş etdirib. Səkinə İskəndərin moda sahəsində yaratdığı biznesin məqsədi Vaşinqton qadınlarını Türkiyə və Azərbaycan dizaynerlərinin kolleksiyaları ilə tanış etməkdən ibarətdir: “Belə düşündük ki, Amerikada tanınmayan dizaynerlərin kolleksiyalarını buraya gətirək və qeyri-adi dizaynları bu bazara çıxaraq. Take 5 Global şirkətini açdıq. Onun məqsədi xarici dizaynerləri Amerikada təbliğ etməkdən ibarətdir. Beş terk dizayneri ilə başladıq, çünki onlar dizayn baxımından çox fərqli idilər.”

Take 5 butiki

Take 5 butiki

Səkinə İskəndər inanır ki, hər gün işləyən, evdə və ailədə məşğul olan qadınlar da zövqlü və stilli geyimlərlə öz üslublarına şıq və ekslüzivlik elementi əlavə edə bilər: “İndi mən hansı qadına hansı stilin uyğun gəldiyini daha yaxşı anlayıram. Hansı bədənə hansı modelin daha münasib olduğunu daha yaxşı bilirəm. Bundan sonra özümü dizayner kimi irəli getmək istəyirəm. Uşaqlıq arzum dizayner olmaq olub. Bundan sonra bu arzumu reallaşdıra bilərəm.”

Take5 Boutique

Take5 Boutique

Moda şousu Vaşinqtonun Türk Qadınlar Cəmiyyəti ilə birgə təşkil edilib. Cəmiyyətin sədri Oya Kohen azərbaycanlı və türk qadın sahibkarlara dəstəklə yanaşı, şounun xeyriyyə məqsədilə keçirildiyini qeyd edib.

Şoudan yığılan vəsaitdən uşaqların təhsil səviyyəsinin yüksəldilməsi üçün Türkiyədə bir sıra məktəblərə yardım göstəriləcək.

Səkinə İskəndər butikdə

Səkinə İskəndər butikdə

Vaşinqton dünyanın siyasi paytaxtı adlandırılsa da, çoxmillətli şəhər dünya ölkələrinin mədəniyyətlərinin bir araya gəldiyi yerdir. Dizayn və moda biznesində yeni, lakin inamlı addımlar atan Səkinə İskəndər Amerikanın ən kosmopolit şəhərlərindən biri olan Vaşinqtonun stilinə özünəməxsus çalar və zövq gətirməyə çalışır.

Səkinə İskəndər

Səkinə İskəndər

Leave a Reply

Your email address will not be published. Required fields are marked *

“Qadın dünyası” bloqu

Dilşad Əliyarlının “Qadın dünyası” bloqu qadınlara həsr edilib. Burada qadın və qızlara bərabər imkanların verilməsi, müasir qadının ailə həyatı və karyera arasında balans yaratmaq səyləri, moda, gözəllik və qadınları maraqlandıran başqa məsələlər haqda yazılar təqdim edilir.

Dilşad Əliyarlı

Dilşad Əliyarlı jurnalist və yazardır. 16 ildir Amerikanın Səsində çalışır. Azərbaycan xidmətində televiziya proqramlarının yaradıcılarından biri olan Dilşad Əliyarlı Amerikadan Azərbaycan dilində yayımlanan ilk televiziya proqramları olan "Newsflash" xəbər bülleteni və "Amerika icmalı" tele-jurnalının ilk aparıcısıdır.

Calendar

March 2015
M T W T F S S
« Feb   Apr »
 1
2345678
9101112131415
16171819202122
23242526272829
3031