Barak Obama: Söz adamı, yoxsa iş adamı?

Posted August 9th, 2011 at 2:16 pm (UTC-5)
Leave a comment

Alman filosof Friedrich Nietzsche deyərdi ki, söz ağızdan çıxdığı andan öz qüvvəsini, cazibəsini itirməyə başlayır.  Yəni, ecazkarlıq məhz ifadə olunmamış fikirlərdə qalır.  Belə görünür ki, prezident Barak Obamanın çıxışlarını izləyən Los Anceles Times yazarı Andrew Malcolm da Qərb dühasının qənaətini bölüşməyə başlayıb.  “Siz heç görürsünüz ki, ötən həftələrdə prezident Obama nə qədər nitq söyləyib?  Təsadüfi deyil ki, onun reytinqinin ən aşağı həddə çatması da elə bu vaxta təsadüf edir,” deyə Malcolm yazır.

“Ordunu istisna etməklə, söz prezidentin arsenalında ən qüvvətli silahdır.  Nə deyirsən de, hamı sözünə diqqətlə qulaq asacaq.”  Malcolm hesab edir ki, Barak Obama öz nitq söyləmə qabiliyyətinin vurğunu olaraq deyilən sözlərin öz kəsərini tədricən itirdiyinin fərqində deyil.  “Problem ondadır ki, həqiqi liderlik danışmaq, ya göstəriş verməkdən ibarət deyil.  Bir az vaxt keçir, amma tədricən dinləyicilər ritorikanı, qanunauyğunluğu, və böş sözləri tutmağa başlayırlar.”  Bəlkə elə bu səbəbdəndir ki, prezident Obama danışdıqca ABŞ səhm birjası əlavə 200 bal itirdi.

Leave a Reply

Your email address will not be published. Required fields are marked *

Əsgər Möhsümoğlu

Əsgər Möhsümoğlu on ildən çoxdur ki, Amerikanın Səsində çalışır. Ali təhsilini Saint Olaf Kolleci, Stanford Universiteti və Maryland Universitetində alıb. Tarix elmləri doktorudur. "Vaşinqtonun Nəbzi" azərbaycanlı oxuyucuları siyasi, iqtisadi və sosial mövzularda Qərbdə cərəyan edən müxtəlif debatlarla, mətbuat icmalları ilə tanış edir.

Videolarınızı bizə göndərin!

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>

Categories