شهڕواڵی پیاوانی کوردی له بازارهکانی ئهوروپا به ناوی شهڕوالێ تورکیهوه
ههر میللهتیک به فهرههنگ و کهڵتۆریهوه ناسراوه که پێک هاتوه له مۆزیک، ههڵپهڕکێ، جل و بهرگ، گهمهو یاری و شتی تر و کوردیش لهو بوارانهدا زۆر دهوڵهمهنده، بهڵام به داخهوه زۆر جار به هۆی نهبونی دهسهڵاتداریهکی سهربهخۆیی کوردی ئهو وڵاتانهی دهستیان به سهر کوردستاندا گرتوه وهکو بهشێک له فهرههنگ و کهڵتۆری خۆیان دهێزانن.
کورد له مۆزیکدا زۆر دهوڵهمهنده و مۆزیکی وهکو کانیاوێکه ههمو وڵاتانی دراوسێ لێ دهنوشن.
له ههڵپهرکێدا ههر ناوچهیهک خاوهنی دهیان جۆرهها ههڵپهرکێه که ههر کام واتای خۆی ههیه.
وه له رۆی جل و بهرگهوه که بابهتی ئهم نوسینهیه، جلی ژنان ئهوهنده جوان و رهنگینه که ههمو رهنگهکانی وهرزهکانی ساڵی له خۆدا گرتوه و خۆشبهختانه کاریشیان لهسهر کراوه بۆ ئهوهی به شێوهیهکی گونجاوتربن لهگهڵ کاتدا بێ ئهوهی رهسهنیهتی خۆی له دهست بدات و ههر ناوچه و ههر بهشێکی کوردستان تایبهتمهندی خۆی ههیه، جلی پیاوانیش به ههمان شێوه.
لهوانهیه کهسانێک لهگهڵ ئهوهدا نهبن جل و بهرگهکان دهست کاری بکرێن بهڵام من لهو بروایهدام ئهمرۆ له سهردهمێکدا دهژێن که ئهو جل و بهرگانه دهبێت لهسهر ئاستێکی زانستیانهی هونهری مۆدیرنی دۆزین نۆژهن بکرێنهوه بۆ ئهوهی ههر هاوڵاتیهکی کورد له ههر شوێنیکی جیهاندا نهک ههر له بۆنه تاێبهتیهکاندا بهڵکۆ له ههر کاتێکدا به ئاسایی و به شانازیهوه لهبهری کات. ئهوتا له ههندێ وڵاتانی رۆژئاوا جل و بهرگی پیاوانی کوردی نۆژهن کراونهتهوه بهڵام به داخهوه مۆرکێکی تر له سهر دراوه.
له 90 کاندا شهڕواڵی پیاوان به کهمێک دهستکاری بۆ ژنان به کار هێنرا، ئهمرۆ شهڕواڵ وه یاخود پهنتهلۆنی پیاوانی کوردی به چهندین دهستکاری و به چهندێن( ستاێلهوه) کهوتونهته بازارهکان بهڵام به داخهوه نهك به ناوی شهڕواڵی کوردی بهڵکۆ تورکی، جا ئهو کاره چ له نهزانین دا کرا بێت وه یاخود به مهبهستهوه ئهرکی کهڵتور و فهرههنگ پارێزانی کورده مۆرکی کوردانهی نهک ههر شهڕواڵ به تهنێ بهڵکۆ ههموو جل و بهرگی کوردی بپارێزن.
له گوندێکدا له دایکبووم که کهم تیایدا ژیام بهڵام ههموو یادگارییهکانی منداڵیم خسته خورجینێکهوهو کردم به شانما و وهکو دهروێش ئهم شار و ئهو شار و ئهم وڵات و ئهو وڵاتم پێ کرد، تا ئهمرۆش به زیندویی ماونهتهوه.
