هونەرمەند هۆشیار کەریم

Posted March 28th, 2014 at 7:20 pm (UTC-5)
Leave a comment

hoshyar3
دەنگ خۆشی بەهریەکە کە هەموو کەس نییەتی، دەنگ خۆشی لە گۆرانی چڕیندا، لە هۆنراوە خوێندنەوەدا، لە ووتار خوێندندا و هەر وەها لە بێژەریدا، بەڵام گرنگ چۆنیەتی دەڕبڕینی ئەو دەنگیە و کاریگەری لە سەر بیسەر.

لە بواری گۆرانی ووتندا دەنگ خۆشانێکی زۆر هەن کە بە داخەوە ئەو هەڵەیان بۆ نەرخساوە بۆ ئەوەی خۆیان بنوێنن ودەنگیان تۆمار بکەن وبەرهەمەکانیان بڵاو بکەنەوە، بە تاێبەتی ئەگەر لە نێۆ دام و دەزگاکاندا کەسانێکی ناسیاووت نەبێت و رێگات بۆئاسان نەکەن.
hoshyar2
. بەو هیوایەی دەرگاکانی هونەرە جیاوازەکان بە رووی هەمواندا کراوە بێت, نەک تەنها بۆ ئەو کەسانەی دەست رووێشتوون وە یاخود کەسانێکی ناسیاویان لەو شوێنانەدا هەیە، چۆنکە تەنها دەنگی باش و رەسەنە کە دەمێنێتەوە و رێشەی خۆی دادەکوتێ و دەبێتە بەشێک لە فۆلکلۆری میللەتان.

hoshyar1
هۆشیار کەریم یەکێک لەو هونەرمەندانەیە کە خۆێ، خۆێ گەیاندووە و لەم بوارەدا هەنگاوی هاویشتووە. لەم دەمە تەقەیەماندا کاک هۆشیارتێشک دەخاتە سەردەستپێکردنی کاری هونەری و کار و بەرهەمەکانی و پرۆژەکانی بۆ ئاێیندە, بەو هێوایەی چێژ و کەڵکی لێ وەربگرن.

hoshyar

ده‌رهێنه‌ر جه‌مشید به‌هرامی و شانۆێ چریکەی ئۆفیلیای ئەڤیندار

Posted March 12th, 2014 at 10:00 pm (UTC-5)
Leave a comment

“چریکەی ئۆفیلیای ئەڤیندار”
Ofelia
دکتۆر قوتبه‌ددین سادقی یه‌کێک له‌ که‌سایه‌تیه‌ ناوداره‌کانی هونه‌ری شانۆیه‌ له‌ ئێران، که‌ له‌ زۆری کاره‌ به‌ناوبانگه‌کانی شانۆی وڵاته‌که‌دا وه‌کو ده‌رهێنه‌ر وبازیگه‌ر به‌شداری کردووه‌. خاوه‌ن ماسته‌ره‌ له‌ بواری هونه‌ر و دکتۆراش له‌ شانۆگه‌ری له‌ زانکۆێ سۆربۆنی فه‌ره‌نسا وله‌و بواره‌دا چه‌ندین شانۆگه‌ری نووسیوه‌، له‌ نێوانیان "چریکەی ئۆفیلیای ئەڤیندار" که‌ سه‌باره‌ت به‌ کاره‌ساتی ئه‌نفاله‌ و هونه‌رمه‌ند جه‌مشید به‌هرامی وه‌رگێراوه‌ته‌ سه‌ر زمانی کوردی و له‌ ده‌رهێنانی خۆێ و به‌ هۆنه‌رنمایی خۆێ خانمه‌که‌ی ئاوات سدیق نیا له‌م رۆژانه‌دا له‌ وڵاتانی ئه‌ڵمان و سوید پێشکه‌شی ده‌که‌ن .
jam
کاک جه‌مشید سه‌ره‌رای که‌می سه‌رچاوه‌کان و سه‌ختی باری ژیان، به‌ هاوکاری گرووپی شانۆێ باران ئه‌م به‌رهه‌مه‌ که‌ به‌شێکه‌ له‌ ئازاره‌کانی نه‌ته‌وه‌یه‌ک پێشکه‌ش به‌ بێنه‌رانی کورد ده‌که‌ن له‌ شاری نۆرێنبێرگی ئاڵمان و شاری یۆتۆبۆری سوید.
jam1
ده‌هێنه‌ر و بازیگه‌ر جه‌مشید به‌هرامی له‌م هه‌ڤپه‌ێڤینه‌دا باس له‌ هه‌ندی لایه‌نه‌کانی شانۆه‌که‌دا و هه‌ر وه‌ها شانۆی کوردی ده‌کات.

هەڤپەێڤین لەگەڵ دەرهێنەر و بازیگەری شانۆ جەمشید بەهرامی

408690_487550224628388_1252418779_n

Sitar سیتار

Posted February 14th, 2014 at 4:31 pm (UTC-5)
Leave a comment

RS

Sitar
سیتار

سیتاریه‌کێک له‌ ئامێره‌ ناوداره‌ ژیه‌کانی جیهانه‌ که‌ به‌ زۆری له‌ مۆزیکی کلاسیکی هیندی و موزیکی هیندوستانیدا به‌ کار دێت. ئه‌م سازه‌ له‌ ده‌سته‌یه‌کی درێژ پێک هاتوه‌ که‌ له‌و بروایه‌دان له‌ ناوه‌راستی ئاسیاوه‌ به‌ره‌و هیندوستان روێشتوه‌ وه‌ هه‌روه‌ها له‌و بروایه‌دان ڤیینا Veena کاریگه‌ری به‌سه‌ر ئه‌م ئامێره‌دا هه‌بوو بێت.
سیتار ناوه‌که‌ی له‌ سێ تاری فارسیه‌وه‌ هاتوه‌، له‌ کاتێکدا سێ تار هه‌ر له‌ ناوه‌که‌یه‌وه‌ له‌ سێ ته‌ل وه‌ یاخود تار پێکهاتوه‌ به‌ڵام سیتارله‌ چه‌ندین ته‌ل پێکهاتوه‌.
سیتارله‌ سه‌ده‌ی 16 – 17 په‌ره‌ی سه‌ندووه‌ وه‌ له‌ سه‌ده‌ی 18 و له‌ کاتی مه‌غوله‌کاندا گه‌ێشتوه‌ته‌ باکوری هیند له‌ ده‌می فه‌رمانره‌وایی یان (سلاطین) ی دلهی وه‌ به‌و شێوه‌ی که‌ ئه‌مرۆ ده‌ێبینین،به‌ڵام حه‌زره‌ت ئه‌میر خوسره‌و هۆزانڤان و موزسیۆنی سۆفی له‌ سه‌ده‌ی 13 و 14 بناغه‌ی ئه‌و سازه‌ی داناوه.

ss
له‌ ده‌می ئیمبراتوری مه‌غۆلدا له‌ کیشوه‌ری هیندی له‌ نێوان ساڵانی 1526 – 1857 له‌ دیوه‌خانی مه‌غوله‌کان عودی ئێرانی لێ ژه‌نرابوو و له‌وانه‌یه‌ بناغه‌یه‌کی بۆ درووستکردنی سیتار دابین کردبێت، به‌ڵام به‌ هه‌ر جۆر به‌ڵگه‌یه‌کی فیزیکی له‌ بوونی سیتار نه‌بوه‌ تا رووخانی ئیمبراتوری مه‌غول له‌ نێوان ساڵانی 1690 – 1720 .‌
ws
سیتار ده‌کرێ 18، 19 وه‌ یاخود 20 سیم وه‌ یاخود ته‌لی هه‌بێت که‌ 6 یان 7 له‌و تارانه‌ ده‌ژه‌نرێن وه‌ ئه‌وانه‌ی تر هاوده‌نگن وه‌ بۆ به‌هێزکردنی ده‌نگی ته‌له‌کانی ترله‌وێدان. سێ شێوه‌ له‌ سیتاری مۆدیرنی ناوبانگ هه‌یه‌ که‌ به‌ فۆرم وشێوه‌ی جیاوازی دێن و زۆر جار به‌ ناوی ئه‌وکه‌سانه‌ی درووستیان ده‌که‌ن وه‌ یاخود ژه‌نیاره‌کان ناوبانگیان ده‌رده‌که‌ن. دوو له‌وانه‌ی ناوبانگن، یه‌کێکیان به‌ ناوی سیتاری gayaki یه‌ که‌ هه‌ندێ جارێش پێ ده‌ووترێ سیتاری شێوه‌ی ڤیلایه‌ت خان و 6 ته‌لی ژه‌نیاری هه‌یه‌ وه‌ ئه‌وه‌ی به‌ باشی رازاوه‌ته‌وه‌ به‌ سیتاری شێوه‌ی رافی شانکه‌ر ناسراوه‌. چونیه‌تی باشی سیتاریش وه‌کو هه‌ر ئامێرێکی تر ڕاوه‌ستاوه‌ له‌سه‌ر چونیه‌تی ئه‌و داره‌ی لێ درووست ده‌کرێت. هه‌ندێ سیتار ڕاوه‌ستاوه‌ له‌سه‌ر ئه‌وه‌ی چ کارخانه‌یه‌ک وه‌ یاخود چ که‌سێک درووستی کردوه‌ که‌ به‌ نرخێکی زۆر له‌سه‌رت ده‌که‌وێت، ئه‌وانه‌ی که‌ ناودارترن کۆنه‌کان وه‌کو Rikhi Ram ی دلهی یان Hiren Roy کۆلکه‌تا.

سیتار له‌سه‌ر ئاستێکی جیهانیدا
مایسترۆی سیتار ڤیلایه‌ت خان بۆ ماوه‌ی فه‌ره‌تر له‌ 50 ساڵه‌ له‌ گه‌شتی موزیکیدایه‌ له‌ ده‌روه‌ی هیندوستان وه‌ یه‌کمین موزسیۆنی هێندی بوو که‌ پاش سه‌ربه‌خۆ بوونی هیند له‌ ساڵی 1951 له‌ ئینگلیستان موزیک بژه‌نی و سیتار به‌ جیهان بناسێنی و پاشان له‌ کۆتایی 1950 و له‌ سه‌ره‌تاێ 1960 رافی شانکه‌ر له‌گه‌ڵ ته‌بڵه‌ ژه‌نی هاوکاری ئاڵا راخه‌ Alla Rakha ده‌ستیان کرد به‌ زۆرتر ناسینی موزیکی هیندی به‌ ڕۆژئاوا.


FS
سیتار یه‌کێک له‌ ئامێره‌ دڵگیرو غه‌مگینه‌کانی موزیکی جیهانه‌ که‌ ئاسانی له‌ هه‌ر پارچه‌ موزیکێکدا به‌ ئاسانی ده‌ست نیشان ده‌کرێت و یه‌کێک له‌و ئامیرانه‌دایه‌ که‌ مۆرکی کیشوه‌ری هیندی پێوه‌یه‌.

سیتارزۆرتر ناوبانگی دایه‌وه‌ پاش به‌ کارهێنانی له‌ لایه‌ن گروپی بیتڵزه‌وه‌ The Beatles که‌ له‌ سه‌ر ئه‌نجامی فێربوونی George Harrison جۆرچ هاریسن هات له‌سه‌ر ده‌ستی Ravi Shankarرافی شانکه‌ر و Shambhu Dasشامبوداس. به‌ڵام Yardbirds یه‌کمین گروه‌ بوون که‌ سیتاریان به‌ کار هێنا به‌ڵام تومارکراوه‌که‌یان بلاو نه‌بوه‌وه‌ و له‌به‌ر ئه‌وه‌ جۆرج هاریسن به‌ یه‌کمین که‌س داده‌نرێت له‌ هێنانی سیتار بۆ ناو موزیکی پاپ Pop
هه‌روه‌ها Brian Jones له‌ گروپی Rolling Stones له‌ گۆرانی هه‌ره‌ خۆشی Paint it Black به‌ کاریان هێنا.

هه‌ر وه‌ها موزسیون و گروپه‌ ناوبانگه‌کانی تری جیهان که‌ سیتار له‌ گۆرانی و ئاوازه‌کانیان به‌ کار هێنا جیمی په‌ێج له‌ گروپی Led Zeppelin,،
Sifla

The Animals, The Moody Blues, Fleetwood Mac, John Mclaughlin & Shakti ,The Doors, Yes, Aerosmith, R.E.M, Metallica, Shakira هه‌ر وه‌ها سیتار له‌ جۆره‌ها به‌شه‌کانی تری موزیک وه‌کو جاز، راک، پاپ، فلامینکۆ و … و چه‌ندین فۆرمی تریش به‌ کار هاتوه‌.


من هێشتا نامۆم – کیا عەزیز و ژەنراڵی پاییز

Posted January 31st, 2014 at 7:11 pm (UTC-5)
Leave a comment

general
کە هاوین هێدی هێدی بەرەوئاوا بوون دەچیت و لە پشتی کێوەکاندا بە ئەسپایی وون دەبێت، دەمە و کازێوە خۆرێکی زەرد هەڵدێت و پاییز دەست پێ دەکات و بە شوێن پێ گەڵا زەردەکاندا دەگێنە بەر دەرگای چەرداغی ژەنڕاڵی پاییز کە لە گەڵا وریوە زەردەکانی پاییزدا درووستکراوە. ژەنڕاڵی پاییز لە پەنجەرەیەکەوە دەڕوانێت کە هەموو شتێک زەردە، لە جیاتی بەفر، تەرزە و باران گەڵای زەرد دەبارێ و وەکو رووباری زەردی چین دەریایەک لە گەڵای زەرد درووست دەبێ و گەڵاکانیش لە هەڵسان و کێشانی شەپۆلەکانی غەمی دەریای پاییزدا بێ ئوقرە و بێ ئارامن. دارەکان قژیان ئەڕەنن و لە هەر گەڵایەک نۆتێک و لە نۆتەکانیش سیمفۆنیایەکی پاوەموری درووست دەبێت.
377897_239067702822288_552596275_n
1380602_598234356905619_84946284_n
زۆر جار بە گوێماندا دێت کە “کورد مردوو پەرستە”، کە سایەتیەکانمان تا لە ژیاندان کەس لایان لێ ناکاتەوە و پاش ماڵئاوایی کردنیان دەکەونە یادیان و رێز و ستایش کردنیان. بەڵام دەرهێنەری کورد کیا عەزیز تا هاوریەکەی لە ژیاندایە دەیەوێ ئەو رێز و ستایشەی لێبگرێت و خۆشەویستی خۆی بەرامبەر بەو هاوریە دیرینەی پێشان بدات.
32312_507679475961108_2951819_n1455998_617804974948557_1155935780_n
محەمەد عومەر عوسمان ناسراو بە ” ژەنراڵی پاییز” هۆزانڤانێکی ناوداری کوردە کە لە هەر هۆنراویێکیدا بۆنی گەڵاکانی پاییزلێەوە دێت و لە سەر گەڵا زەردەکان بە دڵێکی تەنگ، پڕ لە غەم و پەژارە ڕاز و نیازی خۆێ و ئەڤیندارە دڵ شکاوەکان بە جەوهەری شەونمی پاییزی هۆنراوەکانی دەنووسێتەوە.
met camera
کاکە کیا پاش دووری و دابڕانی دەیان ساڵە لە هاوریە خۆشەویستەکەی بێر لەوە دکاتەوە کە فیلمێک سەبارەت بەو هاوریەی کە هەمیشە کۆڵەباری گەڵای زەردە، فیلمێک درووست بکات بۆ ئەوەێ ببێتە بەڵگەیەک بۆ نەوەکانی داهاتوو. کیا، فیلمی Still I am a stranger واتە من هێشتا نامۆم یان کەسێکی نامۆم درووست دەکات.
617331_432299660165757_1549040916_o
محەمەد عومەر ۆوسمان – ژەنراڵی پاییز

کیا عه‌زیز

ده‌رهینه‌ری سینه‌مایی، نووسه‌ر، بەرهەمهێنەر

پاش تیپه‌راندنی كۆرسی ده‌رهینه‌ری سینه‌مایی ،وینه‌گرتنی سینه‌مایی له‌ هۆله‌ند، به‌ره‌ وئه‌مه‌ریکای باشوورئه‌كه‌ویته‌ ڕی(به‌رازیل،ئارژانتین،ئۆرۆگوای)و کاری فیلمسـازی له‌ شاری (بۆێنیس ئاێریس)ی پایته‌ختی ئارژانتین ده‌سـتپـێـکردووه‌ وساڵی ٢٠٠٧ به‌ كوورته‌ فیلمی( سوواڵكه‌ر) پاشـان فیلمی دۆكومینته‌ری (كورسی) (The chair-La Silla) كه‌له‌ چه‌ند

ڤستیڤاڵیكی فیلمدا نمایش كرا . له‌ سـاڵی ٢٠٠٨ له‌ مۆنته‌ڤیدۆی پایته‌ختی ووڵاتی ئۆرۆگوای فیلمێكی دۆكومینته‌ری له‌سه‌ر فوتبالیستی ناوداری جیهانی و كاپیتانی تیمی میللی ئوروگوای(Dario Silva) درووست ده‌كات و پاشان ئه‌گه‌ریته‌وه‌ بۆ شاری (بۆێنیس ئاێریس)ی پایته‌ختی ئارژانتین فیلمی (نان- Bread) وفیلمی( 3rd I.D. Right ) به‌هاوكاری چه‌ند سینه‌ماكاریكی ناسراوی ئارژانتینی دروست ده‌كات .

له‌ساڵی ٢٠٠٩ له‌ هۆڵه‌ند فیلمیكی دۆكومینته‌ری هۆڵه‌ندی له‌سه‌ر هونه‌رمه‌ندیكی هۆله‌ندی كه‌مئه‌ندام دروست ده‌كات.

سالی٢٠١٠ كوورته‌ فیلمیكی هۆڵه‌ندی له‌سه‌ر هونه‌رمه‌ندیكی كوردی هۆله‌ند درووست ده‌كات و له‌ساڵی٢٠١٢ پاش ١٨ساڵ دابڕان ،فیلمیكی دۆكیومینته‌ری(پۆرترت) له‌سه‌ر زند‌گی ونامۆبوون وغوربه‌تی شاعیری ناسراوی كورد حه‌مه‌ عومه‌ر عوسمان(ژانرالی پاییز) له‌ ووڵاتی سوید درووست دەکات.
unnamed

جیگای سه‌رنجه‌، ٣ له‌م فیلمه‌ دۆكۆمینته‌ریانه‌ قاره‌مانه‌كانی كه‌سانی كه‌مئه‌ندامن و ته‌نها فیلمه‌كه‌ی ژانرالی پاییز نه‌بیت كه‌ به‌ زمانی كوردیی یه‌، فیلمه‌كانی دیكه‌ هه‌موویان به‌ زمانی ئیسپانی و هۆڵه‌ندین

http://www.sayefilm.com/index.php?page=the-chair

وە سەبارە بە فیلمەکەی ” ژەنراڵی پاییز” ئەم وتووێژەێ خوارەوەمان لەگەڵ دەرهێنەری کورد کاک کیا عەزیز ساز دا بەو هیواێەی بە دڵتان بێت سوود بەخش بێت.

گفت و گۆ لەگەڵ دەرهێنەر کیا عەزیز Hevpévın legel derhéner Kıa Ezız

ئیبراهیم کییڤو- دەنگی نەتەوەکانی رۆژئاوای کوردستان

Posted November 7th, 2013 at 3:46 pm (UTC-5)
Leave a comment

ke1
که‌م جار‌ هه‌ڵکه‌وتوه‌ هونه‌رمه‌ندێکی نه‌ کوردی ئه‌و وڵاتانه‌ی کوردستان به‌ سه‌ریاندا دابه‌شکراوه‌ کارو ژیانی هونه‌ریان بۆ کورد ته‌رخان کردبیت. به‌ڵام ئه‌رمه‌نیه‌کان به‌ پێچه‌وانه‌وه‌، هه‌ر له‌ کۆنه‌وه‌ هونه‌رمه‌ندی ناوبانگی ئه‌رمه‌نستان و جیهان ئارام خاچه‌تۆریان له‌ بالێتی گایانه‌ Gayane, Dance of the Young Kurds بەشێکی ئەو بالێتە بۆکچ و کورێکی خۆشه‌ویستی کورد تەرخان کردووە، هه‌ر وه‌ها کا‌ره‌په‌تێ خه‌چۆ Karapetê Xaço و ئارام تیگران Aram Tigran ئه‌وه‌نده‌ وه‌کو گۆرانیبێژی کورد ناسراوون که‌متر وه‌کو ئه‌رمه‌نی.\
ئه‌مرۆش ئیبراهیم کییڤو موزسیۆنی رۆژئاوای کوردستان زۆری هونه‌ره‌که‌ی، ئاواز و گۆرانیه‌کانی بۆکورد ته‌رخان کردووه‌.
ئیبراهیم کییڤو له‌ ساڵی 1966 له‌ گوندێکی بچووکدا (Tlele)له‌ حه‌سه‌که‌ له‌ داێکبووه‌، له‌ خانه‌واده‌یه‌کی ئه‌رمه‌نی ناوچەی وان که زۆری خانەوادەکەی بێجگە لە باپیری سەرکیس کیڤۆرکیان کە لەو دەمەدا تەنها ٨ ساڵی تەمەنی بوە‌ له‌ کۆمه‌ڵ کوژی ئه‌رمه‌نیه‌کاندا رزگاری بوه‌ و پاشان براوەتە گوندێکی ئیزیدیەکان.
ئیبراهیم هەر لە تەمەنی مناڵیەوە لەگەڵ فەرهەنگ و کەڵتورە جیاوازەکانی ناوچەکەدا ئاشنایی پەێدا کردووە، هەر لە کورد و ئەرمەنیەوە بگرە تاکو عەرەب و ئاسوری و کلدانیەکان.
ke2
ئیبراهیم لە مناڵیەوە دەست دەکات بە فێربوونی عود، بزوک و ساز و باغلەمە و خوێندنی باڵای لە حەسەکە بە کۆتایی دەهێنیت و پاشان لە حەلەب بەردەوام دەبێت لە سەرخوێندن و راهێنانی موزیکی بە تاێبەتی لەگەڵ ئاوازدانەر نوری ئەسکەندەر و پاشان لە کۆلیژی مامۆستایان وانەی موزیک دەڵێتەوە.

ئیبراهیم شارەزاییەکی باشی هەیە لە زمانەکانی کورمانجی (کوردی) ئەرمەنی، تورکی، عەرەبی و ئاسوری و هەر وەها گۆرانیەکانیان. ناوبراو لە ساڵانی ١٩٩٣ و ١٩٩٥ لە فیستیڤاڵە ناوبانگەکانی سوریادا چەند خەڵاتێکی وەرگرتوە .
کییڤو ساڵانێکە لە فیستیڤاڵی مۆرگنلاندی ئەڵمانی بەشداری دەکات و ئەمساڵ بە هاوبەشی لەگەڵ موزیکڤانانی تری کوردستان وەکو کەێهان کەڵهور، گانی میرزو و فرمێسک لە هەمان فیستیڤاڵدا بەڵام ئەمجار لە باشوری کوردستان بەشداریان کرد.

ئیبراهیم کە تازە لە باشوری کوردستان و ئەڵمانیا گەرابوەەوە و لە دەمی وتو وێژمدا لەگەڵ موزسیۆنی ناوبانگی کورد، گانی میرزو لە بەرسەلۆنە بە هەڵکەۆت کاکە ئیبراهیمیش لەوێ بوو وە بە هەڵمان زانی ئەم گڤت و گۆیەێ لەگەڵ ساز بدەێن، بەو هیوایەی زۆرتر لەگەڵ کارەکانێدا ئاشنا بن.


Interview with Kurdish – Armenian Singer/ Musician Ibrahim Keivo هەڤپەێڤین لەگەڵ گۆرانبێژ و موزسیۆنی کوردی – ئەرمەنی ئیبراهی کییڤو

عود ژه‌نی ناوبانگی کورد گانی میرزۆ وفیستیڤاڵی مۆرگنلاند

Posted October 18th, 2013 at 1:39 am (UTC-5)
Leave a comment

مۆرگنلاند فیستیڤاڵ Morgenland Festival فییستیڤالێکی موزیکی جیهانی ئه‌ڵمانیه‌‌ که‌ له‌ ساڵی 2005 وه‌ ده‌ستێپێکردووه‌ و بۆ ماوه‌ی 10 ڕۆژ به‌رده‌وام ده‌بێت و تێدا جۆره‌ها موزیک و کاری هونه‌ری و فه‌رهه‌نگی نمایش ده‌کرێت وه‌ یاخود پێشان ده‌درێت. فیستیڤاڵه‌که‌ بێجکه‌ له‌ به‌شداریکردنی گروپه‌کانی موزیک و گۆرانیبێژان، هه‌ر وه‌ها جۆره‌ها کاری هونه‌ری تریش وه‌کو شانوگه‌ری، شێوه‌کاری، فوتوگرافی و هه‌ڵپه‌رکێ تێدا پێشان ده‌درێت.
له‌ ساڵانی رابوردوو له‌ به‌شی موزیکدا ژماره‌یه‌ک له‌ هونه‌رمه‌نده‌ ناوبانگه‌کان تێدا به‌شداری کردوون، له‌ نێوانیان موزسیۆنی ناوبانگی کورد و ئێران که‌ێهان که‌ڵهور،موزسیونی کورد گانی میرزۆ، ئاینور، فرمێسک، ئیبراهیم کییڤ، گۆرانبێژی ناوبانگی ئازه‌ری ئالم قاسیمۆف، دوده‌ک ژه‌نی ناوبانگی ئه‌رمه‌نی ژڤان گاسپاریان و چه‌ندین هونه‌رمه‌ندانی ناوبانگی تری ڕۆژهه‌ڵاتی ناڤین و جیهان.

ڤیستیڤاڵه‌که‌ ئه‌م ساڵ بۆ یه‌کمین جار و به‌ هاوکاری و داخوازی موزسیونی عود ژنی کورد گانی میرزۆ گواسترایه‌وه‌ کوردستان و چه‌ندین کونسێرت له‌ شاره‌کانی هه‌ولێر و سلێمانی به‌رێوه‌ چوو.
ئه‌وه‌ی شایانی ئاماژه‌ پێکردنه‌ ئه‌و هونه‌رمه‌ندانه‌ی بۆ ئه‌م جۆره‌ فیستیڤاڵانه‌ بانگهێشت ده‌کرێن وه‌کو هونه‌رمه‌ندانێک له‌و وڵاته‌ی لیه‌وه‌ دێن پێناسه‌ ده‌کرێن نه‌ک وه‌کو نوێنه‌ری موزیکی نه‌ته‌وه‌یه‌ک له‌ نه‌ته‌وه‌ جۆراوجۆره‌کانی ئه‌و وڵاتانه‌دا، که‌ له‌سه‌ر ئه‌نجام موزیکه‌کانیان وه‌کو موزیکی تورکی، ئێرانی، (عێراقی و سوری”عه‌ره‌بی”) پێناسه‌ ده‌کرێت تاکو موزیکی کوردی، که‌ له‌و بروایه‌دام هه‌مان رێبازی تواندنه‌وه‌ وئه‌سیملاسیۆن‌ که‌ ئه‌و وڵاتانه‌ی‌ کوردستان به‌ سه‌ریاندا دابه‌شکراوه‌ به‌ بیر دێنیته‌وه‌.

من له‌و بروایه‌دام له‌مه‌و دوا له‌م جۆره‌ فیستڤاڵانه‌‌دا به‌شدار بوان ده‌بێت وه‌کو هونه‌رمه‌ندانی نه‌ته‌وه‌ و گه‌ڵان بانگهێشت بکرێن بۆ پاراستنی پێناسه‌ی نەتەوایەتی و مۆرکی موزیکی خۆیان.
گانی میرزۆ یه‌کێک له‌ موزسیونه‌ دیاره‌کانی ئەو فیستیڤاڵە بوە لە ماوەی چەند ساڵی رابوردوو.
گانی موزسیونێکی کوردی رۆژئاڤایه‌ و هه‌ر وه‌کو له‌ بایوگرافیه‌که‌ێدا هاتوه‌ له‌ داێکبووی شاری قامیشلۆیه، له‌ ده‌می مناڵێدایه‌ له‌ حه‌له‌ب ژیاوه‌ که‌ یه‌کێک له‌ شاره‌ گرنگه‌ ئابوری و که‌ڵتوریه‌کانی سوریادایه‌.
ئه‌و له‌ کونسرڤاتوری حه‌له‌ب خوێندنی موزیکی به‌ کۆتایی گه‌یاندوووه‌ و له‌گه‌ڵ چه‌ندین له‌ موزسیونه‌ ناوبانگه‌کان وه‌کو Nuri Escadar و Qadri Dala هاوکاری کردووه‌ و موزێک فێر بوه‌ و پاشان له‌ ساڵی 1994 – 2000 له‌ کونسرڤاتوری Liceu Conservatory له‌گه‌ڵ پرۆفیسۆرانێکی ناوبانگدا وه‌کو مانوێل گرنادوس فلامینکۆی خوێندووه‌.
گانی له‌ ساڵی 2005 گروپێکی پێکهێنا که‌ موزیکی کوردی له‌گه‌ڵ جاز، فلامینکۆ و موزیکی تردا تێکه‌ڵاو ده‌کرد و له‌ چه‌ندین له‌ وڵاتانی ئه‌وروپاییدا کونسێرتی هه‌بوه‌.
گانی ئێستاکه‌ سه‌رۆکی به‌شی موزیکی ئۆریه‌نتاڵه Department of Oriental Music (Ziryab) ‌ له‌ خوێندگای موزیک له‌ به‌رسه‌لۆنه‌ Barcelona وه‌ هه‌روه‌ها پرۆفیسۆری گیتاری فلامینکۆ له‌ Liceu Conservatory.
گانی تا ئێستا سێ CD بڵاو کردوه‌ته‌وه‌ Ronî، Totico وه‌ 1001 Noches, 2006 واته‌ هه‌زار و یه‌ک شه‌و.

پاش گه‌ڕانه‌وه‌ی گانی و گروپه‌که‌ی له‌ باشوری کوردستان به‌ باشمان زانی سه‌باره‌ت به‌ فیستیڤاڵه‌که‌ ئه‌م هه‌ڤپه‌ێڤینه‌ی‌ له‌گه‌ڵدا ساز بده‌ێن، هیوادارم سوود به‌خش بێت.

ئەمەش هەندێ لە کارەکانی تری هونەرمەند گانی میرزۆ

شلێر باپیری وهه‌ڵبژاردنەکانی جوانترین و شایسته‌ترین کچ (ژن) له‌ هەرێمی کوردستان

Posted October 10th, 2013 at 8:53 pm (UTC-5)
Leave a comment

Tıkaye leser Wénekan kılık bıke bo gewrekırdnewe تکایە لەسەر وێنەکان کلیک بکە بۆ گەورەکردنەوە

ساڵانە لەسەر ئاست و پلەی جیاواز وجۆراو جۆردا کێبرکی هەڵوەژێنی جوانترین کچ وە یاخود ژن بە رێوە دەچێت، چ لە شاروچکە بچوکەکان، شارەکان وە یاخود ئوستانەکان کە لەسەر ئەنجام لە هەر ئوستانێک، یان ئیالەتێک خانمێک وە یاخود کچێک بە نوێنەرایەتی ئوستانەکەی هه‌ڵده‌بژێریت و لە پێشبڕگی سەرانسەری وڵاتەکەدا بەشداری دەکات و پاشان جوانترین و شایستەترینیان نوێنەرایەتی وڵاتەکەی دەکات لەسەر ئاستێکی نێونەتەوەییدا واتە لە کێبرکی جوانترین و شایستەترین ژن لەسەر ئاستی هەموو جیهان.
بێگومان ئەمە دیاردەیەکی شارستانیە کە لە سەرانسەری جیهاندا بەرێوە دەچێت چ لەو وڵاتانەی سیکولارن وە یاخود لەو وڵاتانەی لە رووی ئاینیەوە پارێزکارن. ئەوەی شایانی ئاماژە پێکردنە ئەو کچانەی وە یاخود ئەو ژنانەی لەم کێبرکیانەدا بەشداری دەکەن بە واتای ئەوە نییە ئەمانە لە هەرە جوانترین و شایستەترین کچانی ئەو وڵاتەدان، بەڵکۆ تەنها جوانترینی ئەو کۆمەڵە کچانەن کە لەو پێشبرگیەدا بەشداریان کردوون، ئەگەنە لەوانەیە سەدان و هەزاران کچانی جوانترو شۆخ و شەنگتر هەبن کە ئەو هەلەیان بۆ نەرەخساوە لەو جۆرە پێشبرگیانەدا بەشداری بکەن، بەڵام سەرە رای ئەوە دەست خۆشی و ئافەرینی ئەو کچانە دەکرێت کە بەجەرگانە لە کۆمەڵگایەک کە تا رادەیەک پارێزکاردا لەو پێشبرگیەدا بەشداریان کردوون و بەو هێوایەی ئەمە هاندەرێک بێت لە ئایندەدا ژمارەیەکی زۆرتر بەشداری بکەن بە تاێبەتی ئەوانەی لە ناوەوەی وڵاتدان، له‌ هه‌مان کاتدا ده‌بێت سوپاسی ئه‌و داێک و باوکانه‌ بکرێت که‌ وا رێگایان به‌ کچه‌کانیان داوون بۆ ئه‌وه‌ی له‌و جۆره‌ پێشبرگیانه‌دا به‌شداری بکه‌ن.
بە داخەوە من بۆم نەرەخسا پێشبرگیەکە ببینم بەڵام لە رێگای ئەو کلیپانەی بڵاو بۆنەتەوە بەرنامەکە بێ کەم و کۆری نەبوە و وا دەردەکەوێت هەڵسۆرانی کێبرگیەکە بە ئەندازەێ پێویست شارەزاییان لە کارەکەدا نەبوە کە شیانی هەیە پەێوەندی بە سەرچاوە جیاوازەکانەوە هەبێت بە تاێبەتی لە رووی داراییەوە.

بۆ بەشداری کردن لەو کێبرکیانە هەندی پرینسیپ وە یاخود هەل و مەرج هەیە کە دەبێت رەچاو بکرێت لە رووێ راهێنانی کاندیدەکان، هەلس و کەوتیان، جل لەبەکردن، شێوەێ روێشتنیان، قسەکردن و وەڵامدانەوە، فێرکردنی جۆری پرسیارەکان، پۆزلێدان، چۆنیەتی راوەستان، وێنەگرتن، ئارایش و چەندینی تر، کە لە هەموو ئەو شتانەدا کەم وکۆڕی لە کاندیدەکاندا بەدی دەکرا.

شایانی ئاماژە پێکردنە کێبرکیەکان له‌ سه‌رانسه‌ری جیهان بەرامبەر بە ساڵانی رابوردوو گۆڕانێکی زۆری بەسەردا هاتوە بە تاێبەتی ئەگەر لە پێشدا تەنها تێشک لەسەر جوانی بوە، ئێستاکە تواناییە جۆراوجۆرەکانی ئەو خانمە ڕۆڵێکی گرنگ دەبینن وه‌کو زانیاری، پۆز، که‌سایه‌تی و هه‌ر وه‌ها له‌سه‌ر وێنه‌کانیان،پوخته‌ی کارو ژیاننامه‌، جل و به‌رگی ئێواران و چاوپێکه‌وتنی که‌سایه‌تی که‌ هه‌ر کام له‌مانه‌ سه‌نگینی و قورسایی خۆی هه‌یه‌ له‌ نومره‌ی ده‌نگدانه‌کاندا، واتە جوانیەکە هەر دەرەوە نییە بەڵکۆ لە ناوەوەش.

کچان و ژنانی کورد ئه‌مه‌ یه‌کمین جاریان نییه‌ له‌ کێبرکیه‌کی وه‌هادا به‌شداری بکه‌ن به‌ڵکۆ دیاره‌ له‌ درێژایی ده‌یان ساڵاندا له‌ عیراق کچانی کورد به‌شداریان کردووه‌ و پله‌ی یه‌کمیشیان به‌ ده‌ست هێناوون. ئه‌وه‌ی که‌ باش لێ دڵنیام له‌ ساڵی 1971 خانمه‌ ناسکه‌ شاڵی پله‌ی یه‌کمی به‌ ده‌ست هێنا و هه‌ر وه‌ها ژینا زه‌هاوی له‌ ساڵی 2009 و له‌ ساڵی 2001 یش کچێکی تری کورد یه‌کمین پله‌ی به‌ ده‌ست هێنا به‌ڵام پاش یه‌ک مانگ لێ سه‌ندرابوه‌‌وه‌ به‌ هۆێ ئه‌وه‌ی بۆ ماوه‌ی سێ مانگ شوی کردبوو وپاشان جیا بوبوه‌، چونکه‌ یه‌کێک له‌ مه‌رجه‌کانی به‌شداریکرن نابێ کاندیده‌که‌ شوی کردبیت، هه‌ر وه‌ها له‌ رێگای ناوه‌کانه‌وه‌ شیانی هه‌یه‌ براوه‌ی ئه‌م ساڵانه‌ش هه‌ر وه‌ها کورد بن، نه‌رمین قدوری ساڵی 1954،شاهیناز النقاش ساڵی 1967، نه‌رمین که‌تان ساڵی 1979 و ئاڵا عه‌بدولهادی ساڵی 1996.

بۆ ئەو کەسانەی دژ بەم جۆرە کێبرکیەدان و بە بازرگانی کردن بە کچانەوە وە یاخود ژنانەوە ناوی دەبەن، ئەوەندەی پەێوەندی بە بازرگانیەوە هەیە بەو پییەی کۆمپانیا گەوراکان پوڵێکی زۆری تێدا خەرج دەکەن بۆ ئاگاداری و پرۆپاگەندە بۆ بەرهەمەکانیان لە هەمان کاتدا دەرگایەکی زۆر بە رووی ئەو کچانەدا دەکاتەوە، کە تا ئەو رادەییەی من ئاگادار بم زۆری براوەکان ئەمرۆ لە سینەما و تەلفزیۆن و بوارە جیاوازەکانی هونەردا کار دەکەن.

شلێر باپیری که‌ خۆێ یه‌کێک له‌ خانمه‌ شۆخ و شه‌نگه‌کانی کوردستانه‌ و هه‌میشه‌ سه‌رقاڵی چالاکیه‌کانی ژنانه‌ و به‌ هۆێ کارکردنی له‌ ده‌زگاکانی میدیادا زۆر جار له‌ نزدیکه‌وه‌ چاودێری ئه‌م جۆره‌ چالاکیانه‌یه‌ که‌ به‌ هه‌ڵمان زانی سه‌باره‌ت به‌ کێبرکی ئه‌م دواییه‌ی جوانترین کچی سالی 2013 هه‌رێمی کوردستان ئه‌م هه‌ڤپه‌ێڤینه‌ له‌گه‌ڵدا ساز بده‌ێن و سه‌رنج و تێبینیه‌کانی به‌ گوێگران و بینه‌رانمان را بگه‌ێنین. هیوادارم سوود به‌خش بێت.


وتو وێژ لەگەڵ شلێ باپیری Hevpéyvın dıgel Şılér Bapırı

هونەرمەندی کورد چیا مەدەنی

Posted September 1st, 2013 at 10:51 pm (UTC-5)
Leave a comment

سوید یه‌کێک له‌و وڵاتانه‌دایه‌ که‌ ده‌رگای هه‌مێشه‌ به‌رووی په‌نابه‌راندا واڵا بوه‌ و هەڵێکی زۆری بۆ په‌نابه‌ره‌ کورده‌کان ره‌خساندووه‌ ، به‌ هه‌مان شێوه‌ش په‌نابه‌ره‌ کورده‌کان به‌ تاێبه‌تی گه‌نجان ئه‌و هەڵەیان قوازتوه‌ته‌وه‌ بۆ که‌ڵک وه‌رگرتن له‌ دەرفەتەکان و پێشەوە چوون لە بواره‌ جیا جیاکان وپێکهێنانی ژیانێکی سه‌رکه‌وتوو و به‌خته‌وه‌رانه‌.
چیا مه‌ده‌نی یه‌کێک له‌و کوردانه‌یه‌ که‌ توانیوه‌ پاش چه‌ندین ساڵ له‌و وڵاته‌ کارنامه‌ی ما‌سته‌رله‌ کامپیوته‌ر به‌ ده‌ست بهێنی، به‌ڵام هه‌ر وه‌کو زۆر جار مرۆڤ هه‌ر له‌ مناڵیه‌وه‌ جۆره‌ به‌هره‌یه‌ک لێ دیار ده‌که‌وێت و خێو به‌ جۆره‌ شتێک وه‌ یاخود یاریه‌ک ده‌دات وپاشان له‌وانه‌یه‌ له‌ نەو‌جوانیدا بوێ ساغ بێته‌وه‌ چ رێگایه‌ک بگرێته‌ به‌ر.

چیا له‌ دەمی لاویه‌تی له‌به‌ر ئه‌وه‌ی لەو دەمەدا هه‌ر ئۆکۆردیونی و سینثساێزه‌ر synthesizer ی له‌به‌ر ده‌ستدا بوه‌ ئەویش هێدی هێدی دەستیکردووە بە خۆ فێرکردن و پاشان له‌ سه‌ره‌تای نه‌وه‌ته‌کاندا که‌ دێته‌ سوید له‌ دبیرستانی موزیک وه‌رده‌گیردرێت و له‌وێ ده‌ست به‌ خوێندنی موزیک ده‌کات و تا راده‌یه‌ک جیهانبینی سه‌باره‌ت به‌ موزیک ده‌گۆردرێت و زۆر شت فێر ده‌بێت.

کاک چیا له‌گه‌ڵ چه‌ندین له‌ هونه‌رمه‌ندانی کورد کاری کردووه‌ لە نێوانیان نه‌جمه‌ی غووڵامی و میکائێل.
‌.
له‌م دواییانه‌دا وە بە دەنگی خۆێ چه‌ند گۆرانیه‌ک تۆمار کردووه‌ که‌ دوواترینیان گۆرانیەک بوه بۆ ڕۆژئاوای کوردستان ‌.

چیا هێشتا رێگایەکی زۆری لە پێشدایە و کارێکی زۆرتر بەو هیوایەی لە ئایندەدا گوێبیست و هەر وەها بیانبینین.
با پێکەوە گوێ لەم وتو وێژە بگرین و لە زاری خودی کاکە چیا وە گوێ لە چالاکی و کاروبارەکانی بگرین. ئومێدەوارم بە دڵتان بێت و بە
هیوای سەکەوتن

ماریا فه‌رانتوری Maria Farantouri

Posted August 15th, 2013 at 2:07 am (UTC-5)
Leave a comment



موزیک وڵاتێکی بێ سنووره‌، وه‌کو با له‌م په‌ڕی جیهانه‌وه‌ تا ئه‌و په‌ڕ په‌ی دکات، وه‌کو شه‌پۆله‌کانی ده‌ریا له‌ هه‌ڵسان و کێشاندایه‌، وه‌کو باران‌ یان به‌ خوڕ دیته‌ خوارێ وه‌ یاخود به‌ نمه‌ نم. وه‌کو باڵنده‌یه‌که‌ له‌ ئاسمانی بێ سنووردا شه‌قه‌ی باڵی دێت، موزیک ئارامیمان پێ ده‌به‌خشێت یان ده‌مانخاته‌ جۆش و خروش‌، ده‌مانکاته‌ گریان و چاو به‌ ئه‌سر یان پێکه‌نین و لێۆ به‌ خه‌نده‌، موزیک هاوڕێ ژیانه‌ له‌ خۆشی و ناخۆشیدا.‌ موزیک وه‌کو یه‌کیك له‌ پێداویستیه‌کانی ژیانه‌ وه‌کو خواردن بۆ مێشک و ئاو بۆ تینیوه‌یه‌تی دڵ.
ئه‌و موزیکانه‌ی‌ له‌ ناو جه‌رگه‌ی میلله‌تانه‌وه‌ له‌ داێک ده‌بێت، ئه‌وانه‌ی له‌ دایک بووی کۆمه‌ڵگایه‌، ئه‌وانه‌ی ڕه‌نگدانه‌وه‌ی خۆشی و ناخۆشیه‌کانی میلله‌تانه‌‌، ئه‌و موزیکانه‌یه‌‌ که‌ هاتوون بۆ ئه‌وه‌ی ریشه‌ی خۆیان دا بکوتن و بۆ هه‌میشه‌ بمێننه‌وه‌.

ماریا فه‌رانتوری Maria Farantouri وه‌ یاخود هه‌ندێ جار به‌ ماریا فه‌راندوری ناسراوه‌ یه‌کێک له‌و جۆره‌ ده‌نگانه‌یه‌ و یه‌کێک له‌‌ هه‌ره‌ گۆرانبێژه‌ ناوبانگه‌کانی یونانه‌ که‌ پاش ده‌یان ساڵ گۆرانیه‌کانی نه‌ک هه‌ر له‌ دڵی یونانیه‌کان به‌ڵکو له‌ دڵی زۆری که‌سانی تر له‌ سه‌رانسه‌ری جیهاندا به‌ زیندوویی ماونه‌ته‌وه‌.
ماریا له‌ 28 نۆڤامبری ساڵی 1947 له‌ ئه‌ثینا له‌ ده‌ورانێکی زۆر سه‌ختدا له‌ داێک بوه، له‌و ده‌مه‌ی یونان وه‌کو به‌شی زۆری ئه‌وروپا تازه‌ له‌ وێرانیه‌کانی شه‌ڕی دوه‌می جیهانی و داگیرکردنی ئه‌ڵمانیا ڕزگاری بوبوو.
Mikis Theodorakis. Maria Faranturi. Pablo Neruda
ماریا بێجگه‌ له‌وه‌ی گۆرانیبێژە هه‌ر وه‌ها چالاکی کاروباری ڕامیاری و فه‌رهه‌نگیه‌ و له‌گه‌ڵ کۆمه‌ڵێک له‌ هه‌ره‌ موزسیۆنه‌ ناوبانگه‌کانی یونان وه‌کو تیودوراکیس ئاوازدانه‌ری زۆربا و موزیکی فیلمی Zکاری کردووه‌‌ که‌ له‌سه‌ر چه‌ندین له‌ هۆنراوه‌کانی پابلو نیرودا ئاوازی داناوه‌ و ماریا فرانتوری تۆماری کردوون.
ئه‌گه‌ر فیلمی Z به‌ یاد بهێنه‌وه‌ ده‌بینین چۆن ثیودوراکیس وماریا ساڵۆنی سینه‌ماکانیان ده‌هێنا له‌رزه‌.

له‌ ده‌می ڕژیمی له‌شکه‌ری یونانی له‌ نێوان ساڵانی 1967 – 1974 ماریا فرانتوری له‌ ئه‌وروپا کۆمه‌ڵێک گۆرانی شوڕشگێری و پرۆتیستی له‌گه‌ڵ Miki Theodorakis تۆمار کرد. له‌ ساڵی 1971 چه‌ند گۆرانی و پارچه‌ موزیکی گیتاری ثیودوراکیسی تۆمار کرد به‌ هاوکاری گیتار ژه‌نی ئوسترالی جان وولیم که‌ حه‌وتیان له‌ هۆنراوه‌کانی هۆزانڤانی ناوبانگی ئیسپانی فیدریکۆ گه‌رسیا لۆرکا بوو.

ماریا فه‌رانتوری بێجگه‌ گۆرانی چڕین به‌ زمان یۆنانی هه‌ر وه‌ها به‌ زمانه‌کانی ئینگلیزی، ئیسپانی و ئیتالیایش گۆرانی تۆمار کردووه‌.
ماریا گۆرانی “Hasta Siempre, Comandante” (واته‌ بۆ هه‌میشه‌ کۆماندار وه‌یاخود قوماندار، فه‌رمانده‌ که‌ ئاماژه‌یه‌ به‌ تشێ گیڤارا) له‌ ئاوازی ئاوازدانه‌ری کوبی Carlos Puebla تۆمار کردووه‌. ماریا هه‌ر وه‌ها له‌گه‌ڵ جه‌ندین له‌ ئاوازدانه‌ره‌ ناوبانگه‌کانی یونان کاری کردووه‌ له‌ نێوانیان Manos Hatzdakis, Eleni Karaindrou, Mikalis Bourboulis.

ماریا فه‌رانتوری خاوه‌ن ده‌نگێک قوول، هه‌ست بزوێنه‌رو پڕ له‌ ئازار و جۆش خرۆشه‌.
ماریا له‌ ساڵی 1983 – 1993 ئه‌ندامم په‌رله‌مانی یۆنان بوه‌ له‌سه‌ر لیستی پارتی پان هیلانیکی یۆنان ( پاسۆک)
ماریا فه‌رانتوری هه‌ر وه‌ها له‌ ئاوازی Taner Akyol بو بۆئازاره‌کانی گه‌لی کوردیش گۆرانی ووتوه‌.

سەرچاوەکان:گوگڵ.مەڵپەری ماریا فەرانتوری .ویکیپیدیا

که‌مانچه‌ ژه‌نی کورد شه‌هریار جه‌مشیدی

Posted August 6th, 2013 at 12:15 am (UTC-5)
Leave a comment


بێگومان بۆ هه‌ر مرۆڤێک ژیان له‌ ده‌ره‌وه‌ێ وڵات جیاوازی هه‌یه‌ له‌گه‌ڵ ناوه‌وه‌ێ وڵات و شیانی هه‌یه‌ ده‌ر‌گات بۆ بکرێته‌وه‌ و کاره‌کانت باشتر به‌ره‌و پێش بچن‌ وه‌یاخود تووشی ئاسته‌نگ بیت، به‌ڵام مرۆڤ ده‌بێت هه‌میشه‌ به‌ هیوای ئه‌وه‌ بێت ژیانی سبه‌ێ له‌ ئیمرۆ باشتر بێت.
هونه‌رمه‌ندی موزیک ژه‌نی کورد شه‌هریاری جه‌مشیدی نزیکه‌ێ 10 مانگه‌ له‌ وڵاتی که‌ندا ده‌ژێت و له‌ چه‌ندین چالاکی هونه‌ریدا به‌شداری کردووه‌ و به‌ هیوایه‌ ئه‌گه‌ر بۆێ بره‌خسێ له‌ به‌شی موزیکدا ماسته‌ره‌که‌ێ به‌ ده‌ست بهێنی.
شه‌هریار پێش به‌ جێ هێشتنی ئێران سه‌ر په‌رشتیاری تیپی موزیکی دیلان بوو و له‌گه‌ڵ ئه‌و تیمه‌دا له‌ چه‌ندین کۆنسیرت و به‌رنامه‌ێ موزیکی به‌شداری کردوه‌ وه‌ له‌گه‌ڵ زینده‌ یاد گۆرانیبێژی ناوچه‌ێ کرماشان یه‌دوڵا ره‌حمانی سی. دی ئه‌ڵوه‌ناتیان بڵاو کرده‌وه‌ و چه‌ند جارێکیش سه‌ردانی باشوری کوردستانی کردووه. درێژەێ وتو وێژەکە لەم لینکەی خوارەوە گوێبیستی دەبن

هه‌ڤپه‌ێڤین له‌گه‌ڵ که‌مانچه‌ ژه‌ن شه‌هریار جه‌مشیدی



Jani Diylan

له‌ گوندێکدا له‌ دایکبووم که‌ که‌م تیایدا ژیام به‌ڵام هه‌موو یادگارییه‌کانی منداڵیم خسته‌ خورجینێکه‌وه‌و کردم به شانما و وه‌کو ده‌روێش ئه‌م شار و ئه‌و شار و ئه‌م وڵات و ئه‌و وڵاتم پێ کرد، تا ئه‌مرۆش به‌ زیندویی ماونه‌ته‌وه‌.
له‌ دێی کارێز له‌ که‌ناره‌کانی ڕووباری ئه‌ڵوه‌ن و شاری خانه‌قین له‌ دایكبووم، به‌ڵام له‌ خانه‌واده‌یه‌کی کرماشانی که‌ زۆربه‌ی خوشک و زینده‌یاد تاکه‌ براکه‌م له‌وێدا له‌ دایکببوون.
هه‌رچه‌نده‌ من زاده‌ی کوردستانی باشورم به‌ڵام له‌ ڕووی فه‌رهه‌نگه‌وه‌ له‌ ژێر کاریگه‌رییه‌کانی فه‌رهه‌نگی ڕۆژهه‌ڵاتی کوردستان بووم، به‌ تایبه‌تی کاریگه‌رییه‌کانی ڕادیۆی کرماشان و خۆم به‌ خوێنکارێکی ئه‌و زانکۆیه‌ ده‌زانم.
هیواو ئاره‌زووه‌کانم هه‌ر له‌ سه‌ره‌تای ژیانمه‌وه‌ هونه‌ری سینه‌ماو موزیک بوو. خوێندنی سه‌ره‌تایی و ناوه‌ندی و ئاماده‌یم له‌ به‌غدا به‌ کۆتایی گه‌یاند و له‌ ئاموزشگای عالی دانشگای تاران Social Workerم خوێندووه‌. پاشان له‌ ساڵی 1976 بۆ ماوه‌ی دوو ساڵ له‌ کۆلیژه‌کانی مه‌یامی موزیکم خوێند، پاش گواستنه‌وه‌م له‌ مه‌یامیه‌وه‌ بۆ شیکاگۆ و پاشان بۆ کالیفۆرنیا چوومه‌ به‌شی زانسته‌کانی ڕامیاری و له‌ که‌ناردا کلاسه‌کانی ژورنالیزم، فۆتۆگرافی و ئه‌ندازیاری ده‌نگم خوێند. بۆ ماوه‌ی چه‌ندین ساڵ له‌ ڕێگه‌ی American film Technologies بۆ کۆمپانیای Ted Turner له‌ سه‌ر ڕه‌نگکردنی زۆربه‌ی فیلمه‌ ڕه‌ش وسپییه‌کانی هۆلیوود کارم کرد. هه‌روه‌ها دوو ساڵیش بۆ هه‌مان کۆمپانیا له‌ وڵاتی مه‌کسیک کارم ده‌کرد. له‌و 24 ساڵه‌ی که‌ له‌ کالیفۆرنیا بووم ساڵانێکی زۆری له‌ ته‌له‌فیزیۆنێکی خۆجێی کوردیدا کارم ده‌کرد و دڵخوازانه‌ و له‌ سه‌ر ئه‌رکی خۆمان به‌ڕێوه‌مان ده‌برد. زمانه‌کانی کوردی، ئینگلیزی، ئیسپانی، فارسی و عه‌ره‌بی به‌باشی ده‌زانم و شاره‌زاییم له‌ هه‌ندێک له‌ زمانه‌کانی تریش هه‌یه‌.
له‌ ساڵی 1991 له‌گه‌ڵ گروپی موزیکی Darvak که‌ گروپێکی ئاماتۆر له‌ موزسیۆنانی ئێرانی و ئه‌مه‌ریکایی پێکهاتبوو و به‌شه‌ کوردییه‌که‌ی له‌ ئه‌ستۆی مندا بوو ده‌ستم به‌ کاری موزیک کرد.
چه‌ند گۆرانییه‌کم له‌ ته‌له‌فیزیۆنه‌ کوردییه‌کاندا کلیپ کرد به‌ڵام به‌داخه‌وه‌ له‌ شه‌ڕی ناوخۆدا بوون به‌ قوربانی.
له‌ ساڵێ 2002 وه‌ له‌ به‌شی کوردی ده‌نگی ئه‌مه‌ریکا ده‌ستم به‌ کار کرد. بێجگه‌ له‌ ئاماده‌کردن و پێشکه‌شکردنی ده‌نگوباسه‌کان له‌ چه‌ندین به‌رنامه‌ی تردا کارم کردووه‌. ئێستاکه‌ش سه‌رگه‌رمی به‌رنامه‌ی کاروانسه‌رای هونه‌رم.