ژنانی کورد له‌ سینه‌مای ئێراندا

Posted August 26th, 2011 at 10:57 am (UTC-5)
Leave a comment

سه‌ره‌ رای ئه‌و ئازادیه‌ سنورداره‌ی که‌ بۆ کورد ڕه‌خساوه‌ له‌ بواره‌ هونه‌ریه‌کاندا وه‌ سه‌ره‌ رای ئه‌و ئازادیه‌ که‌مه‌ی که‌ له‌ ئێراندا بۆ ژنان هه‌یه‌ و بۆ ژنانی کورد که‌متره‌، هێشتا که‌سانێک توانیویانه‌ له‌م بواره‌دا وه‌کو ئه‌ستیره‌یه‌ک له‌ جیهانی هونه‌ردا بدرۆشینه‌وه‌.
سینه‌مای ئێران له‌م ساڵانه‌ی دوایی و له‌ ڤیستیڤاڵه‌ جیهانیه‌کاندا خه‌ڵاتی به‌رچاو و شاێسته‌ی به‌ ده‌ست هێناوه‌ هه‌رچه‌ند له‌ چه‌ند ساڵی ڕابوردودا وه‌کو باس ده‌کرێت ئه‌و ئازادیانه‌ به‌ تاێبه‌تی بۆ کورده‌کان و ئه‌و هونه‌رمه‌ندانه‌ی‌ ڕه‌خنه‌ له‌ ڕژیم و سیستمه‌که‌ ده‌گرن‌ که‌متر بوه‌ته‌وه‌ و که‌متر فیلمه‌کانی ئێرانی له‌ ڤیستیڤاڵه‌ جیهانیه‌کاندا پێشان ده‌درێن ،‌ ژنانی کوردیش له‌ ژێر ئه‌و بارو دۆخه ‌و ئه‌و هه‌ل و مه‌رجه‌دا هه‌رچه‌ند به‌ ژمارێکی که‌م به‌ڵام وه‌کو هونه‌رمه‌ندانێکی به‌ توانا له‌ هونه‌ری سینه‌مادا له‌ ئێران ناویان ده‌رکردوه‌ و ئه‌کرێ به‌ هونه‌رمه‌ندانێکی وه‌کو مه‌هناز ئه‌فزه‌لی، فه‌خری خوروش، مه‌ریه‌م بۆبانی، مه‌هوه‌ش ئه‌فشار په‌ناه‌ و ثریا به‌هشتی ئاماژه‌ کرد

فیلمێک لە لایەن هونەرمەندی کورد مەهناز ئەفزەلی

Leave a Reply

Your email address will not be published. Required fields are marked *

Jani Diylan

له‌ گوندێکدا له‌ دایکبووم که‌ که‌م تیایدا ژیام به‌ڵام هه‌موو یادگارییه‌کانی منداڵیم خسته‌ خورجینێکه‌وه‌و کردم به شانما و وه‌کو ده‌روێش ئه‌م شار و ئه‌و شار و ئه‌م وڵات و ئه‌و وڵاتم پێ کرد، تا ئه‌مرۆش به‌ زیندویی ماونه‌ته‌وه‌.
له‌ دێی کارێز له‌ که‌ناره‌کانی ڕووباری ئه‌ڵوه‌ن و شاری خانه‌قین له‌ دایكبووم، به‌ڵام له‌ خانه‌واده‌یه‌کی کرماشانی که‌ زۆربه‌ی خوشک و زینده‌یاد تاکه‌ براکه‌م له‌وێدا له‌ دایکببوون.
هه‌رچه‌نده‌ من زاده‌ی کوردستانی باشورم به‌ڵام له‌ ڕووی فه‌رهه‌نگه‌وه‌ له‌ ژێر کاریگه‌رییه‌کانی فه‌رهه‌نگی ڕۆژهه‌ڵاتی کوردستان بووم، به‌ تایبه‌تی کاریگه‌رییه‌کانی ڕادیۆی کرماشان و خۆم به‌ خوێنکارێکی ئه‌و زانکۆیه‌ ده‌زانم.
هیواو ئاره‌زووه‌کانم هه‌ر له‌ سه‌ره‌تای ژیانمه‌وه‌ هونه‌ری سینه‌ماو موزیک بوو. خوێندنی سه‌ره‌تایی و ناوه‌ندی و ئاماده‌یم له‌ به‌غدا به‌ کۆتایی گه‌یاند و له‌ ئاموزشگای عالی دانشگای تاران Social Workerم خوێندووه‌. پاشان له‌ ساڵی 1976 بۆ ماوه‌ی دوو ساڵ له‌ کۆلیژه‌کانی مه‌یامی موزیکم خوێند، پاش گواستنه‌وه‌م له‌ مه‌یامیه‌وه‌ بۆ شیکاگۆ و پاشان بۆ کالیفۆرنیا چوومه‌ به‌شی زانسته‌کانی ڕامیاری و له‌ که‌ناردا کلاسه‌کانی ژورنالیزم، فۆتۆگرافی و ئه‌ندازیاری ده‌نگم خوێند. بۆ ماوه‌ی چه‌ندین ساڵ له‌ ڕێگه‌ی American film Technologies بۆ کۆمپانیای Ted Turner له‌ سه‌ر ڕه‌نگکردنی زۆربه‌ی فیلمه‌ ڕه‌ش وسپییه‌کانی هۆلیوود کارم کرد. هه‌روه‌ها دوو ساڵیش بۆ هه‌مان کۆمپانیا له‌ وڵاتی مه‌کسیک کارم ده‌کرد. له‌و 24 ساڵه‌ی که‌ له‌ کالیفۆرنیا بووم ساڵانێکی زۆری له‌ ته‌له‌فیزیۆنێکی خۆجێی کوردیدا کارم ده‌کرد و دڵخوازانه‌ و له‌ سه‌ر ئه‌رکی خۆمان به‌ڕێوه‌مان ده‌برد. زمانه‌کانی کوردی، ئینگلیزی، ئیسپانی، فارسی و عه‌ره‌بی به‌باشی ده‌زانم و شاره‌زاییم له‌ هه‌ندێک له‌ زمانه‌کانی تریش هه‌یه‌.
له‌ ساڵی 1991 له‌گه‌ڵ گروپی موزیکی Darvak که‌ گروپێکی ئاماتۆر له‌ موزسیۆنانی ئێرانی و ئه‌مه‌ریکایی پێکهاتبوو و به‌شه‌ کوردییه‌که‌ی له‌ ئه‌ستۆی مندا بوو ده‌ستم به‌ کاری موزیک کرد.
چه‌ند گۆرانییه‌کم له‌ ته‌له‌فیزیۆنه‌ کوردییه‌کاندا کلیپ کرد به‌ڵام به‌داخه‌وه‌ له‌ شه‌ڕی ناوخۆدا بوون به‌ قوربانی.
له‌ ساڵێ 2002 وه‌ له‌ به‌شی کوردی ده‌نگی ئه‌مه‌ریکا ده‌ستم به‌ کار کرد. بێجگه‌ له‌ ئاماده‌کردن و پێشکه‌شکردنی ده‌نگوباسه‌کان له‌ چه‌ندین به‌رنامه‌ی تردا کارم کردووه‌. ئێستاکه‌ش سه‌رگه‌رمی به‌رنامه‌ی کاروانسه‌رای هونه‌رم.