ئه‌حمه‌دی نه‌ژاد و ڕۆژهه‌ڵاتی ناوه‌ڕاست

Posted April 13th, 2011 at 1:10 pm (UTC-5)
Leave a comment

سه‌رکۆماری ئێران مه‌حمود ئه‌حمه‌دی نه‌ژاد ده‌ڵێت ئه‌و‌ وه‌های ده‌بینێت که‌ ڕۆژهه‌ڵاتی ناوه‌راستی ‘نوێ’  بێ ده‌ستێوه‌ردانی ئه‌مه‌ریکا، ئیسرائیل و هاوپه‌یمانانی تری دێته‌ کایه‌وه‌.

به‌ پێی ئاژانسی ڕه‌سمی ده‌نگ و باسی ئێرانی- ئیرنا- سه‌رکۆمار ئه‌حمه‌دی نه‌ژاد چوارشه‌ممه‌ له‌ سه‌ردانێکی بۆ ئوستانی سیستان و بلوچستان گوتی وڵاته‌که‌ی له‌گه‌ڵ وڵاتانی تری هه‌رێمه‌که‌  ناڕازین له‌وه‌ی ئه‌و به‌ نه‌خشه‌کانی ” کۆلۆنیالیستی و سته‌مکارانه‌”ی ئه‌مه‌ریکا و هاو‌په‌یمانانی ناوی برد.

ئه‌و هه‌روه‌ها به‌ توندی ڕه‌خنه‌ی له‌ ‌ئیسرائیل گرت و گوتی تاران  هیچ کاتێک حکومه‌تی ئیسرائیل  له‌سه‌ر “خاکی فه‌ڵه‌ستین” به‌ ڕه‌سمی ناناسێت.

پر‌سیار: باشه‌ به‌ ڕای ئێوه‌ ئه‌حمه‌دی نه‌ژاد مه‌به‌ستی له‌م ڕۆژهه‌لاته‌ی ناوه‌ڕاستی نوێـیه‌ چیـیه‌؟  سیاسه‌تی ئێران به‌رامبه‌ر به‌ خۆنیشاندانه‌کانی جه‌ماوه‌ری بۆ ئازادی له‌ هه‌رێمه‌که‌ چۆن هه‌ڵده‌سه‌نگێنن؟  ئایا ئێران سیاسه‌تی هاوشێوه‌ی هه‌بووه‌ به‌رامبه‌ر به‌ داواکاریـیه‌کانی خه‌ڵکی له‌ حکومه‌تانیان؟

Leave a Reply

Your email address will not be published. Required fields are marked *

موعته‌به‌ر شێروانی

من موعته‌به‌ر شێروانی له‌وه‌تای ساڵی1992 له‌گه‌ڵ به‌شی کوردی ده‌نگی ئه‌مه‌ریکا کارم کردووه‌ واته‌ نیزیکه‌ێ ‌پێنج مانگ پاش دامه‌زراندنی به‌شی کوردی. له‌ ماوه‌ی ئه‌م ساڵانه‌دا، ڕوماڵی ڕوداوه‌کانی هه‌رێمی و جیهانم بۆ به‌شی کوردی ده‌نگی ئه‌مه‌ریکا کردووه‌. سه‌باره‌ت به‌ ڕوداوه‌کان، گفت وگۆم له‌گه‌ڵ شاره‌زایان و پسپۆران کردووه‌. بۆ ماوه‌ی چه‌ندین ساڵان، میوانداره‌تی و هاومیوانداره‌تی ژماره‌یه‌ک به‌رنامه‌ی هه‌فتانه‌م کردووه وه‌ک به‌رنامه‌ی پڕۆسه‌ی سیاسی له‌ ئه‌مه‌ریکا و به‌رنامه‌ ماڵبات و خێزان‌. ئێستا به‌ به‌رده‌وامی یه‌کێکه‌ له‌ میوانداره‌کانی به‌رنامه‌ی هه‌فتانه‌ی هه‌لۆ واشنتنم که‌ تێدا زۆربه‌ی سره‌نج ده‌درێته‌ سه‌ر ڕوداوه‌ سیاسیه‌کانی ڕۆژ. هاوکات له‌گه‌ڵ کارکردن له‌گه‌ڵ به‌ شی کو‌ردی ده‌نگی ئه‌مه‌ریکا، له‌سه‌ر خوێندن به‌رده‌وام بوم و بڕوانه‌مه‌ی ماجسته‌رم له‌ ڕۆژنامه‌وانی و کاروباری گشتی وه‌رگرت. پێشتریش، بروانا‌مه‌ی به‌که‌لییوره‌سم له‌ توێژینه‌وه‌ ناونه‌ته‌وییه‌کان وه‌رگرت.

ده‌رباره‌ی ئه‌م بڵاگه‌

مه‌به‌ست له‌م بڵۆگه‌ ئاڵوگورکردنی بیروڕا له‌گه‌ڵ تۆ خوێنه‌ری به‌ڕێزه‌ له‌مه‌ڕ ڕوداوه‌کانی ناو ئێران، بزاڤی بزوتنه‌وه‌ی ئۆپۆزسیون ناسراو به‌ بزوتنه‌وه‌ی سه‌وز به‌ ڕێبه‌رایه‌تی میر حسێن موسه‌وی و مێهدی که‌رروبی ، مه‌سه‌له‌ی ئازادی ده‌ربڕینی بیروڕا، وه‌ پێشێلکاریه‌کانی مافه‌کانی مرۆڤ له‌م وولاته‌.