باڵوێز ڕایس: ئه‌مریکا به‌ڵگه‌ی له‌ ده‌ست تێوه‌ردانی ئێران له‌ سه‌رکوتکردنه‌کان له‌ سوریا داهه‌یه‌.

Posted April 27th, 2011 at 1:15 pm (UTC-5)
1 comment

باڵوێزی ئه‌مه‌ریکا سوزن ڕایس له‌ نه‌ته‌وه‌یه‌کگرتوه‌کان ده‌رنگانی سێ شه‌ممه‌ گوتی ئه‌مه‌ریکا به‌ڵگه‌ی هه‌یه‌ سه‌باره‌ت به‌ پشتیوانی چالاکی ئێران بۆ حکومه‌تی سوریا له‌ سه‌رکوتکردنی زۆر خه‌راپ و قێزه‌وه‌نی خۆنیشانده‌رانی ئاشتیخواز.  ڕایس گوتی ” له‌ جیاتی ئه‌وه‌ی گوێ له‌ خه‌ڵکی خۆی ڕابگریت، سه‌رۆک ئه‌سه‌د بێ بنه‌ما و ناڕه‌وا‌ لۆمه‌ی بێگانه‌کان ده‌کات و له‌هامانکاتدا داوای یارمه‌تی ئێران ده‌کات بۆ سه‌رکوتکردنی وڵاتیانی سوریا به‌همان شێوازی دڵره‌قانه‌ی له‌ لایه‌ن ڕژێمی ئێران به‌کار هاتووه‌.”

ده‌مڕاستی وه‌زاره‌تی ده‌روه‌وی ئێران ڕامین مهمانپه‌ره‌ست ڕه‌تی ئه‌وه‌ی داوه‌ته‌وه‌ ده‌ڵێت ئه‌مانه‌ شه‌ڕی ڕه‌وانی و پڕوپاگه‌نده‌ی ئه‌مه‌ریکان.”

له‌ لایه‌کی تره‌وه‌ چوارشه‌ممه‌ و ه‌ به‌ پێ ئاژانسی ده‌نگو باسی فڕانس پرێس، وه‌زیری ده‌روه‌وی میسر ڕای گه‌یاند مانگی داهاتوو چاوی به‌ هاوتای ئێرانی ده‌که‌وێت تا باس بکه‌ن چۆن لاپه‌ڕه‌یه‌کی نوی له‌ پێوه‌ندیه‌کانی نێوان هه‌ردوو وڵات که‌ زیاتر له‌ 30 ساڵه‌ ئاڵۆز بووه‌‌ هه‌ڵبده‌نه‌ه‌وه‌.

شایانی باسه‌ ژماره‌یه‌ک له‌ وڵاتانی ژێر ده‌ستهه‌ڵاتی سوننه‌ له‌ هه‌رێمی که‌نداو—عه‌ره‌بستانی سعودی، به‌حرێن،ئیماراتی یه‌کگرتوی عه‌ره‌ب، کوێت، قه‌ته‌ر و عمان له‌ چه‌ندین هه‌فته‌ی ڕابوردو نیگه‌رانیان سه‌باره‌ت به‌ ئێران ده‌ربریوه‌ وه‌ تاوانباریان کردووه‌ به‌ ده‌ست تێوه‌ردان ده‌ کاروباری ناوخۆیان.

پرسیار بۆ تۆی به‌ڕێز، باشه‌ چۆن ڕۆڵی ئێران هه‌ڵده‌سه‌نگێنیت له‌ هه‌كسوکه‌وت کرد‌ن له‌گه‌ڵ ڕوداوه‌کانی ناوچه‌که‌؟ ئایا ئێران به‌م سیاسه‌ته‌ی ده‌خوازێت سه‌رنج له‌ کێشه‌کانی ناوخۆ بۆ ده‌ره‌وه‌ بگوازێته‌وه‌؟

One response to “باڵوێز ڕایس: ئه‌مریکا به‌ڵگه‌ی له‌ ده‌ست تێوه‌ردانی ئێران له‌ سه‌رکوتکردنه‌کان له‌ سوریا داهه‌یه‌.”

  1. سوتانی رۆح says:

    ئه وه سه ره تایه کی نوێی سیناریۆ سیاسیه کانی ناوچه که ن،،،له م ساتانه دا که سه رانی ئسلامی توند ره وه کان کۆتاییان هات،،ده بیت شیوه یه کی تری ئه م ستراتیژه به رێوه بچێت،،،بی گومان بۆزیاتر دابین کردنی به رژه وه ندیه کانی رۆژ ئاوایه کان،ئه گه ری زۆر هه یه که شه ری مه زهه بی روی ناوچه ک بگرێته وه
    که له ئستادا وولاتی ئێران،جه مسه ری سه ره کی ئه و هاوکێشه یه یه،،ده بێت شه ری نێوان شیعه و سونه
    سنوره کانی زیاتر به ر فراوان بکرێت،،،که سعودیه و کویت و ئمارات و پاکستان و لوبنان و یه مه ن و
    به حره ین و زۆر وولاتی تر ده گرێته وه،،،ئه مسیناریۆیه ده مان گێرێته وه بۆ 500 سالی رابوردی ئه وروپا
    که رینیسانسایان ده ست پیكرد،،ده بێت گه لانی ناوچه که ئاگادار بن له وه ی،،،که پێکه وه ژیانی پێک هاتنی
    نه ته وه کان،،زامن کردنی،،ئاسوده ی و زۆری به ر هه م و یه کسانیی له دابه ش کردندا
    سه ر که وتن بۆ نه ته وه چه وساوه کان

Leave a Reply to سوتانی رۆح Cancel reply

Your email address will not be published. Required fields are marked *

موعته‌به‌ر شێروانی

من موعته‌به‌ر شێروانی له‌وه‌تای ساڵی1992 له‌گه‌ڵ به‌شی کوردی ده‌نگی ئه‌مه‌ریکا کارم کردووه‌ واته‌ نیزیکه‌ێ ‌پێنج مانگ پاش دامه‌زراندنی به‌شی کوردی. له‌ ماوه‌ی ئه‌م ساڵانه‌دا، ڕوماڵی ڕوداوه‌کانی هه‌رێمی و جیهانم بۆ به‌شی کوردی ده‌نگی ئه‌مه‌ریکا کردووه‌. سه‌باره‌ت به‌ ڕوداوه‌کان، گفت وگۆم له‌گه‌ڵ شاره‌زایان و پسپۆران کردووه‌. بۆ ماوه‌ی چه‌ندین ساڵان، میوانداره‌تی و هاومیوانداره‌تی ژماره‌یه‌ک به‌رنامه‌ی هه‌فتانه‌م کردووه وه‌ک به‌رنامه‌ی پڕۆسه‌ی سیاسی له‌ ئه‌مه‌ریکا و به‌رنامه‌ ماڵبات و خێزان‌. ئێستا به‌ به‌رده‌وامی یه‌کێکه‌ له‌ میوانداره‌کانی به‌رنامه‌ی هه‌فتانه‌ی هه‌لۆ واشنتنم که‌ تێدا زۆربه‌ی سره‌نج ده‌درێته‌ سه‌ر ڕوداوه‌ سیاسیه‌کانی ڕۆژ. هاوکات له‌گه‌ڵ کارکردن له‌گه‌ڵ به‌ شی کو‌ردی ده‌نگی ئه‌مه‌ریکا، له‌سه‌ر خوێندن به‌رده‌وام بوم و بڕوانه‌مه‌ی ماجسته‌رم له‌ ڕۆژنامه‌وانی و کاروباری گشتی وه‌رگرت. پێشتریش، بروانا‌مه‌ی به‌که‌لییوره‌سم له‌ توێژینه‌وه‌ ناونه‌ته‌وییه‌کان وه‌رگرت.

ده‌رباره‌ی ئه‌م بڵاگه‌

مه‌به‌ست له‌م بڵۆگه‌ ئاڵوگورکردنی بیروڕا له‌گه‌ڵ تۆ خوێنه‌ری به‌ڕێزه‌ له‌مه‌ڕ ڕوداوه‌کانی ناو ئێران، بزاڤی بزوتنه‌وه‌ی ئۆپۆزسیون ناسراو به‌ بزوتنه‌وه‌ی سه‌وز به‌ ڕێبه‌رایه‌تی میر حسێن موسه‌وی و مێهدی که‌رروبی ، مه‌سه‌له‌ی ئازادی ده‌ربڕینی بیروڕا، وه‌ پێشێلکاریه‌کانی مافه‌کانی مرۆڤ له‌م وولاته‌.