About Archives Search

Test Blog

هه‌زاره‌ها کرێکار له‌ میسر ما‌ن ده‌گرن test Click Me

دوابه‌دوای خۆپیشاندانه‌کانی دژ به‌ حکومه‌ت که‌ بوونه‌ مایه‌ی ده‌ست له‌کارکشانه‌وه‌ی سه‌رۆك حوسنی موباره‌ك، به‌ هه‌زاره‌ها کرێکار له‌ ئه‌مڕۆ چوارشه‌ممه‌ له‌ میسر مانیان گرت‌ که‌ داوای موچه‌ی زیاتر و ڕه‌وشێـکی باشتری کاریان ده‌کرد.

زیا له‌ 10‌ هه‌زار کرێکاری کارگه‌ی کۆتاڵ له‌ ئه‌مڕۆ چوارشه‌ممه‌دا ما‌نگرتنیان نوێ کرده‌وه‌. هه‌روه‌ها کارکه‌رانی له‌ شوێنه‌کانی تری کا‌ریش وه‌ك هاتوچۆ و بانکه‌کانیش هاتنه‌ ده‌ره‌وه‌.

بانکه‌کان هێـشتا له‌ میسر داخراون و وا باوڕده‌کرێت له‌ سبه‌ی پێنجشه‌ممه‌ش نه‌کڕێنه‌وه‌.

له‌ ڕۆژی سێشه‌ممه‌دا له‌شکری ده‌سه‌ڵاتداری وڵاته‌که‌ هه‌نگاوێـکیان به‌ره‌و پێش نا بۆ هێنانه‌ دی چاکسازیـیه‌‌کانی حکومه‌ت که‌ له‌لایه‌ن خۆپیشانده‌رانه‌وه‌ داوا کرابوون و به‌ڵێنیان دا به‌ دامه‌زراندنی په‌رله‌مانێکی نوێ و ئه‌نجامدانی هه‌ڵبژاردنی سه‌رۆکایه‌تی له‌ ماوه‌ی شه‌ش مانگدا.

ئه‌نجومه‌نی باڵای هێزه‌ چه‌کداره‌کان هه‌روه‌ها ده‌سته‌یه‌کیان ناونیشان کرد بۆ هه‌موارکردنی ده‌ستور و  داوایان لێکردن له‌ ماوه‌ی 10‌ ڕۆژدا پێشنیاره‌کانیان بخه‌نه‌ به‌رده‌ست.