Prinston AQShning eng yaxshi universiteti deb topildi

Posted September 14th, 2016 at 10:27 am (UTC-5)
Leave a comment

 

princeton-university

AQShning taniqli jurnali Amerikadagi universitetlarning yangi reytingini e’lon qildi.

“U.S. News & World” nashri har yili 1800 kollej va universitetlarni o’zaro qiyoslab, ularga baho berib chiqadi.

Bu yilgi ro’yxatda birinchi o’rinni Prinston universiteti egallagan. Undan keyingi o’rinda Garvard universiteti. 3-o’rinni Chikago va Yel universitetlari bo’lishib olgan.

 

Bulardan tashqari ijtimoiy fanlar bo’yicha eng zo’r kollejlar, regionlar bo’ycha hamda qora tanlilar ko’p o’qiydigan kollej-universitetlar reytingi ham e’lon qilingan.

Bu yilgi va avvalgi reytinglar o’rtasidagi asosiy farq shundaki, 2016-yil o’quv yurtlarini baholashda darslardagi o’quvchilar soni ham hisobga olingan.

“Tadqiqotlar kichikroq sinflar samaraliroq va ijobiy natija berishini ko’rsatgan. Bu yangi baholash mezoni bilan o’quv yurtlari bizga beradigan ma’lumotlarni yanada yaxshiroq ko’rib chiqamiz”, – deydi nashrning ma’lumotlar bo’yicha bosh strategi Robert Mors.

Eng kuchli universitetlar o’ntaligidan, shuningdek, Kolumbiya, Stenford, Dyuk, Pensilvaniya va Jons Xopkins universitetlari hamda Massachusets Texnologiya instituti o’rin olgan.

Universitetlarning to’liq ro’yxati bilan quyidagi manzilda tanishishingiz mumkin:

Universitetlar reytingi

Toshkentdagi AQSh elchixonasi bepul til kurslarini taqdim etadi

Posted August 29th, 2016 at 12:45 pm (UTC-5)
Leave a comment

learn_english_with_alumniAQSh elchixonasi “Ingliz tilini bitiruvchilar bilan o’rganing” nomli loyiha boshlaganini ma’lum qildi. Dastur doirasida AQShda tahsil olib kelgan talabalar haftada uch marta ingliz tili darslarini o’tadi. Har bir dars bir yarim soat davom etadi. “Amaldagi til” (Language in Use) kursi 14 yosh va undan tepadagilar uchun mo’ljallangan. “TOEFLga tayyorgarlik kursi” (TOEFL Preparation Course) esa ingliz tilini kamida o’rtacha darajada biladiganlar uchun.

Darslar davomida nafaqat ingliz tili ko’nikmalari o’rgatiladi, balki Amerika hayoti va madaniyati haqida ham bilim beriladi. Darslar bepul, ammo kursga yozilishni xohlovchilar, avvalo, kirish imtihonidan o’tishi kerak. Kurs talablari imtihon davomida aytiladi.

Darslar 2016-yil oktabr oyidan boshlanadi. Ungacha 19 va 20-sentabr kunlari imtihonlar o’tkaziladi.

Imtihonda qatnashishni istaganlar yoshi kamida 14 da bo’lishi kerak.

Kurslar uchun imtihonlar quyidagi kunlarda bo’lib o’tadi:

  • Dushanba, 19-sentabr – “Language in Use” kursi uchun
  • Seshanba, 20-sentabr – “TOEFL PREP” kursi uchun

 

Imtihon uchun ro’yxatdan o’tishni xohlovchilar to’liq ism-shariflarini (ismi, familiyasi va otasining ismi), tug’ilgan kuni va joyi hamda pasport raqamini elektron pochta orqali Tashkent-irc@state.gov manziliga 12-sentabrgacha yuborishlari kerak. Email sarlavhasiga “Learn English: [kurs nomi va test kuni]” deb yozish kerak. +998 71 1402525 telefon raqamiga qo’ng’iroq qilib ham ro’yxatdan o’tish mumkin.

Batafsil ma’lumot uchun manba: http://uzbekistan.usembassy.gov/082616en.html

Ayollar uchun AQShda magistratura, doktorantura va postdoktorlik uchun grantlar

Posted August 8th, 2016 at 10:35 pm (UTC-5)
Leave a comment

AAUW-International-Fellowship-for-Women-e1422974551942

Universitet ayollari Amerika Assotsiatsiyasi (AAUW) ayollarga AQSh universitetlarida magistratura va doktorantura hamda postdoktorlik darajalarida o’qish uchun grant taqdim etmoqda. Arizachi kamida bakalavr diplomiga ega bo’lishi hamda AQShdagi universitetlardan biriga hujjat topshirgan bo’lishi kerak.

Kimlar topshirishi mumkin:

Talabgorlar ayol bo’lishi hamda magistratura, doktorlik yoki postdoktor darajalarida o’qish uchun hujjat topshirgan yoki o’qiyotgan bo’lishi lozim. G’oliblar akademik yutuqlari yuqori va ayollar masalalari bilan ishlovchi yoki ishlashni maqsad qilgan nomzodlar orasidan saralab olinadi. Grant g’oliblari o’qish tugaganidan keyin o’z davlatlariga qaytishlari shart. Tanlov jarayonida ayollar masalalari bo’yicha ijtimoiy faollik ko’rsatgan, shu sohada jamoatchilik ishlarida faol va professional ayollarga afzallik beriladi.

Grant miqdori:

  • Magistratura/birinchi professional daraja: $18000
  • Doktorantura: $20000
  • Postdoktorlik: $30000

Grant talablari:

Grant uchun da’vogar nomzod –

  • AQShdan boshqa davlatlarning fuqarosi bo’lishi (Agar AQShda bo’lsa, muhojirlik vizasidan boshqa vizaga ega bo’lishi);
  • O’qish tugagandan so’ng o’z davlatiga qaytib ketishga rozi bo’lishi;
  • Magistratura va birinchi professional daraja uchun grantga topshiruvchilar 2015-yilning 1-dekabriga qadar shu soha bo’yicha AQShdagi universitetlarga hujjat topshirgan bo’lishi va ushbu grantga to’ldirgan arizasida universitetning nomini ko’rsatishi lozim. Birinchi professional darajada deganda JD, MFA, LLM, M.Arc yoki tibbiy darajlar uchun MD, DDS kabi darajalar nazarada tutiladi;
  • Postdoktorlik uchun grantga topshirmoqchi bo’lganlar doktorlik darajasiga ega bo’lishi;
  • Ingliz tilini mukammal egallagan bo’lish lozim. Ushbu grantga arizada IELTS testining natijalari qabul qilinmaydi. Faqat TOEFL testining natijalari qabul qilnadi.  Arizachi TOEFL PBTdan kamida 550, CBTdan kamida 213 va iBTdan kamida 79 ballga ega bo’lishi lozim.

Read the rest of this entry »

Demokratiya mavzusida yoshlar uchun AQShda malaka oshirish imkoniyati

Posted May 9th, 2016 at 12:32 pm (UTC-5)
Leave a comment

HurfordDemokratiya uchun jahon yoshlar ijtimoiy harakati va  Demokratik tadqiqotlar uchun xalqaro forum (DMJ) hamkorlikda yoshlar uchun yetakchilik va tashkilotchilik ko’nikmalarini rivojlantirish dasturini e’lon qiladi. Dasturda ishtirokchilar demokratiya borasida jahon amaliyotini o’rganish, boshqa davlatlar vakillari bilan fikr almashish bilan birgalikda, oylik o’tkaziladigan onlayn forum-bahslarda ishtirok etadi. Shunindek, qatnashchilar dastur vebsaytiga blogpostlar yozish va dastur rivojiga boshqa ko’rinishlarda hissa qo’shishlari nazarda tutilgan. Dastur AQSh poytaxti Vashington shahrida to’rt oy davom etadi. Ishtirokchilar turli tadbirlar va forumlarda ishtirok etishi, o’z ishlarini taqdim qilishi kutiladi. Read the rest of this entry »

Saylov-2016: AQShda prezidentlik uchun nomzodlarning ta’lim bo’yicha qarashlari qanday?

Posted March 15th, 2016 at 5:49 pm (UTC-5)
Leave a comment

AQSh prezidentligi uchun saylov kampaniyasi qizg’in pallaga kirdi. Ular turli sohalarda o’z qarashlarini olg’a surib, o’zlariga ko’proq tarafdor yig’ishga urinmoqda. Blogimiz yo’nalishidan kelib chiqib, biz bugun o’quvchilarimizni asosiy nomzodlarning oliy ta’lim bo’yicha qarashlari va rejalari bilan tanishtiramiz.

Demokratlar

225px-Hillary-Clinton-circleDemokratlardan asosiy nomzod bo’lishi kutilayotgan Hillari Klinton talabalarning to’rt yillik kollejni qarzsiz tugatishi uchun barcha imkoniyatlarnni yaratish kerak, degan fikrda. Unga ko’ra, har bir talabaga, moliyaviy ahvoliga qarab, imtiyozli kredit berilishi kerak. Nomzod, shuningdek, o’quv yurtlarining ta’lim olish narxini haddan ziyod ko’tarib yuborishiga chek qo’yish lozim, deya fikr bildiradi.

225px-Bernie-Sanders-circleDemokratlardan yana bir nomzod Berni Sandersning oliy ta’lim bo’yicha qarashlari ancha keskin. U to’rt yillik davlat kollejlarida o’qishni butunlay bepul qilish tarafdori. Hozirgi paytda bakalavr darajasi majburiy ta’limning bir qismi kabi davlat tomonidan to’liq qoplanishi kerak, deydi nomzod.

Sanders o’tgan asrning 80-yillarigacha ayrim shtatlarda ba’zi davlat oliy oq’uv yurtlari bepul ta’lim berganini misol qilib keltiradi. Shuningdek, Germaniya, Finlandiya va Chili kabi davlatlarda hanuz ta’lim bepul ekanini u AQSh uchun o’rnak qilib ko’rsatadi.

Respublikachilar

225px-Donald-Trump-circleRespublikachi nomzodlar orasida peshqadamlik qilib kelayotgan Donald Tramp ta’lim bo’yicha aniq rejalarini taqdim etgani yo’q. Shunisi aniqki, u shtatlardagi ta’lim tizimlarining federal hukumat tomonidan boshqarilishiga qarshi. U Ta’lim vazirligini butunlay yo’q qilishi yoki qisqartirishi haqida gapirgan, amerikaliklar qaysi maktabda o’qish bo’yicha qaror berishda ko’proq tanlov imkoniyatiga ega bolishi kerak, degan.

225px-Ted-Cruz-circleYana bir respublikachi nomzod Ted Kruzning ham ta’lim bo’yicha aniq qarashlari ma’lum emas. U ta’lim tizimini va talabalar qarzi bilan bog’liq hozirgi holatni isloh qilish niyatida ekanini aytgan, ammo buning qanday amalga oshirilishi bo’yicha aniq reja taqdim etgani yo’q. U ta’lim krediti olish natijasida talabalarning qanchalik qarzga botayotgani haqida gapirar ekan, o’zining ham ta’lim uchun olgan 100 ming dollardan ziyod qarzidan yaqinda qutilganini eslatib o’tadi.

225px-Marco-Rubio-circlePrezidentlikni ko’zlayotgan yana bir nomzod senator Marko Rubio ta’lim tizimini isloh qilish haqida gapirib, oqishning nafaqat haddan ziyod qimmatga tushayotganini, balki sifati pasayganini ham ta’kidlaydi. Unga ko’ra, AQSh oliy ta’lim tizimi XXI asr standartlariga javob bermaydi. Rubio takllif qilgan rejaga ko’ra, har bir oliy o’quv yurti o’qishga kirayotgan talabaga bitirgandan so’ng qanday ish topishi mumkinligi va oladigan maoshi miqdori haqida batafsil ma’lumot berishi kerak. U, shuningdek, malaka oshirish va hunar o’rgatish dasturlari uchun federal hukumat ko’proq moliyaviy yordam ajratishi kerak, degan fikrda.

Rubio sarmoyadorlarni talabalar ta’limiga pul tikishga ham taklif qilgan. Bu rejaga ko’ra, talabaning o’qish xarajatlarini qoplagan tomon keyinroq shu talabaning maoshidan ma’lum ulushni olib turadi.

Grin karta lotereyasi uchun arizalar qabuli boshlandi

Posted October 10th, 2015 at 1:49 pm (UTC-5)
Leave a comment

DV_lottery

AQShda doimiy yashash va ishlash huquqini beruvchi “Grin Karta” (Green Card) hujjatini olish uchun lotereya o’yinlari boshlandi.

Ariza https://www.dvlottery.state.gov/ sayti orqali onlayn topshiriladi.

Bu lotereya asosida Amerika hukumati har yili o’rtacha 50 ming muhojirga immigratsion viza beradi.

Maqsad bu jamiyatni boyitish, etnik va madaniy xilma-xillikni ta’minlash. Bu boradagi qonun AQSh Kongressida 1990-yilda qabul qilingan.

2017-yil «Turli millat vakillari uchun immigratsiya vizalari – DV» (Green Card) lotereyasiga ro‘yxatga olish 2015- yil 1-oktabrdan 2015-yil 3-noyabrgacha davom etadi.

Lotereya o’yinida qatnashish bepul. Hujjat qabul qilingani haqida tasdiqnoma, registratsiya raqami beriladi. Tanlov natijalari 2016-yilning may oyida e’lon qilinadi.

Qatnashchilar lotereyada g’olib bo’lgan yoki bo’lmaganligini tekshirishi uchun “DV Lottery” dasturiga ariza topshirgan mahal berilgan tasdiq xatiga ega bo’lishi kerak.

Ushbu xatdagi tasdiq nomerini AQSh Davlat departamentining maxsus veb sahifasiga kiritib, lotereyada yutgan yoki yutmaganligingizni aniqlashingiz mumkin.

Lotereyada g’olib bo’lganlar va dasturda qatnashayotganlar bilishi lozim bo’lgan muhim huquqiy ma’lumotlar haqida shu yerda o’qing: “Grin karta” g’oliblari uchun foydali maslahatlar

Texas universitetida ilmiy tadqiqotchilar uchun grant

Posted September 9th, 2015 at 11:09 pm (UTC-5)
Leave a comment

texasAQShdagi Texas Universiteti Garri Rensom markazi butun dunyodan ilmiy tadqiqotchilarni o’z ilmiy ishlarini olib borishda Markaz kolleksiyasidan foydalanishga taklif etadi. 2016-2017-o’quv yili uchun markaz 70 ta tadqiqotchi uchun grant ajratadi. Tadqiqotlar gumanitar sohada, jumladan, adabiyot, fotografiya, kino, rassomchilik, musiqa va madaniy tarix kabi yo’nalishlarda bo’lishi kerak. Dasturga qabul qilingan tadqiqotchilar ilmiy ishlarini 2016-yil 1-iyundan 2017-yil 1-avgust oralig’ida tugatishlari lozim.

Grant uchun quyidagilar ariza topshirishi mumkin:

  • Bir oydan uch oygacha bo’lgan qisqa muddatli tadqiqot stipendiya dasturiga ariza topshirmoqchi bo’lgan nomzodlar doktorantura darajasiga ega yoki mustaqil tadqiqotchi bo’lishi lozim. Mustaqil tadqiqotchilar doktorantura darajasiga ega bo’lmasa-da, ilmiy izlanishlar olib borgan bo’lishi kerak. Agar nomzod doktorantura talabasi bo’lsa, uni 2016-yil 1-iyunga qadar tugatishi lozim va bu haqda tadqiqot taklifi hamda tavsiyanomalarda aytib o’tishi lozim.
  • Dissertatsiyani tugatish uchun stipendiya dasturiga ariza topshirmoqchi bo’lgan nomzodlar doktorantura talabalari bo’lishi lozim.

Read the rest of this entry »

Postdoktor darajasi uchun Fulbrayt stipendiya dasturiga qabul boshlandi

Posted August 12th, 2015 at 3:07 pm (UTC-5)
Leave a comment

 

fulbright-scholar-program

Fulbrayt tadqiqotchilar uchun bir yillik akademik almashinuv dasturi doirasida AQSh universitetlaridan birida postdoktorlik ilmiy tadqiqotini amalga oshirish imkoniyatini taqdim etadi.

Dasturda quyidagilar qatnashishi mumkin:

  • O’zbekiston fuqarolari. Nomzod ariza topshirish davomida O’zbekistonda istiqomat qilayotgan bo’lishi lozim;
  • Doktorantura va unga teng darajaga ega yoki ariza topshirish vaqtida kamida 15 yillik ish tajribasiga ega;
  • Ingliz tilini ilmiy tadqiqot olib bora oladigan darajada biladigan shaxslar. Agar arizachi tanlab olinsa, nomzodning ingliz tilini bilish darajasi AQSh elchixonasida yakkama-yakka suhbat davomida tekshiriladi.

Read the rest of this entry »

Qishloq xo’jaligi sohasi vakillari uchun AQShda malaka oshirish imkoniyati

Posted July 22nd, 2015 at 3:54 pm (UTC-5)
Leave a comment

http://grantlar.uz/wp-content/uploads/2015/07/Agriculture-099-640x300@2x.jpgAQSh Qishloq Xo’jaligi Departamenti va Kochran dasturi katta va o’rta darajadagi qishloq xo’jaligi va uni boshqarish sohasi professionallari uchun AQShda qisqa muddatli (2-3 haftalik) trening dasturini ochiq deb e’lon qiladi.

Dasturning maqsadi O’zbekistonda mahalliy aholining oziq-ovqatga bo’lgan ehtiyojini ta’minlash uchun kerak bo’lgan qishloq xo’jaligi tizimini rivojlantirish hamda boshqa davlatlar bilan savdo aloqalarini kuchaytirishga yordam berishdan iborat.

Dastur 2016-yilda bo’lib o’tadi. Aniq sanasi keyinroq ma’lum qilinadi. Dasturning 2016-yilgi mavzusi “Hosildan keyingi qishloq xo’jaligi”.

Dastur agrobiznes, qishloq xo’jaligiga aloqador davlat organlari va boshqa qishloq xo’jaligi tashkilotlari xodimlari, shu soha bo’yicha tadqiqot olib boruvchilar uchun ochiq. Arizachilar qishloq xo’jaligi sohasida boshqaruvchi, texnik xodim, tadqiqotchi, professor, administrator yoki soha siyosatini ishlab chiquvchilar bo’lishi mumkin. Read the rest of this entry »

Jurnalistlar uchun Daniel Pearl Stipendiya dasturi

Posted June 11th, 2015 at 1:54 pm (UTC-5)
Leave a comment

Jurnalistlar uchun Daniel Pearl Stipendiya dasturi

Daniel Pearl Stipendiya dasturi Daniel Pearl Jamg’armasi va Press Partners tashkiloti tomonidan tashkil etilgan bo’lib,  musulmonlar ko’pchilik bo’lgan davlatlardan bo’lgan professional jurnalistlar uchun kasbiy malaka oshirish amaliyotini taklif qiladi.

Dastur mart oyida boshlanib, ikki hafta AQSh poytaxti Vashington shahrida professional va shaxsiy malakani oshirishga bag’ishlangan treninglar tashkil etiladi. Dastur o’rtalarida esa jurnalistlar  yozish, tahrir qilish, multimediya reportajlarini tayyorlash va jurnalistik tekshiruv o’tkazish sir-asrorlarini o’rganadi. Dastur davomida ishtirokchilar bir hafta Los-Anjelesdagi tahririyatlarda hamkasblarining ishlari bilan tanishadi.

Dasturning maqsadlari:

  • Jurnalistlarning kasbiy va shaxsiy malakasini oshirish;
  • Jurnalistlarga sohadagi texnologiyaning yangi imkoniyatlarini tanishtirish;
  • Amerika jamiyati va matbuoti hamda ularning ishlash tartibini tanishtirish;
  • Dasturda egallangan bilimni boshqa jurnalistlarga ham yetqazish;
  • Va boshqalar. Read the rest of this entry »

Muallif haqida


Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.