Tadqiqotchilar uchun “Fulbrayt” ta’lim dasturiga qabul boshlandi

Posted June 18th, 2014 at 12:49 pm (UTC-5)
Leave a comment

fulbright-pin-logoAQShning “Tashrif buyuruvchi olimlar uchun Fulbrayt dasturi” (Fulbright Visiting Scholar Program) 2015-yil uchun arizalarni qabul qilishni boshladi.

Ushbu dasturda imiy darajaga ega bo’lgan kollej va universitet o’qituvchilari yoki kamida 15 yillik ish tajribasiga ega mutaxassislar ishtirok etishi mumkin. “Fulbrayt” har yili quyidagi yo’nalishlar bo’yicha grantlar ajratadi:

  • Adliya;
  • Ta’lim;
  • Kutubxonachilik;
  • Jurnalistika;
  • Siyosatshunoslik;
  • Biznes;
  • Moliya;
  • Jamiyatshunoslik;
  • Atrof-muhitni o‘rganish;
  • Madaniyat va san’at.

AQShning Toshkentdagi elchixonasi saytida yozilishicha, ushbu dasturdan ko‘zlangan asosiy maqsad Amerika Qo‘shma Shtatlari xalqi va boshqa xalqlar o‘rtasida o‘zaro hamfikrlilikni kuchaytirish, shu tariqa Qo‘shma Shtatlar va boshqa mamlakatlar o‘rtasidagi do‘stona, samimiy va tinch munosabatlarni rivojlantirishga ko‘maklashishdan iborat.

“Fulbrayt” stipendiyasini qo’lga kiritgan olim va professionallar AQShda to‘rt oydan 10 oygacha bo‘lgan muddatda tadqiqot olib borish imkoniyatini qo’lga kiritadilar.

Read the rest of this entry »

Obama talabalar uchun qarz to’lash imkoniyatini yengillashtirdi

Posted June 13th, 2014 at 12:31 pm (UTC-5)
Leave a comment

Prezident Obama talabalar davrasida o'qish qarzlarini to'lashni osonlashtirish haqidagi buyruqqa imzo chekmoqda, 9-iyun, 2014-yil. © Photo AP

Prezident Obama talabalar davrasida o’qish qarzlarini to’lashni osonlashtirish haqidagi buyruqqa imzo chekmoqda, 9-iyun, 2014-yil. © Photo AP

AQSh prezidenti Barak Obama ta’lim krediti olgan talabalarning qarzlarini to’lashni osonlashtirish maqsadida qabul qilingan qonun doirasini kengaytirdi.

“Topganingga yarasha to’la” deb nomlanuvchi va 2010-yilda qabul qilingan qonunga ko’ra, o’qishni qarz bilan bitirgan talabalarning qarzlarni uzishga qaratilgan oylik to’lovi 10 foizdan oshmasligi kerak. Ushbu qoida 2007-yil oktabrdan keyin kredit olgan talabalargagina amal qilar edi.

Obamaning yangi buyrug’iga ko’ra, bundan buyon 2007-yildan oldin qarz olganlar ham ushbu qonun imtiyozidan foydalanish huquqiga ega bo’ladi. Mavjud o’zgarishdan qo’shimcha 5 million talaba naf olishi kutilyapti. Qonundagi o’zgarishlar 2015-yilning dekabridan kuchga kiradi.

Demokratlar saylov kampaniyalarida yoshlarga alohida e’tibor berishga urinadi. O’tgan har ikki prezidentlik saylovida ham yosh saylovchilarning aksariyati Barak Obama uchun ovoz bergan.

Noyabr oyida bo’lib o’tadigan Kongress saylovlarida ham demokratlar partiyasi talabalar e’tiborini qozonishga urinmoqda. Obamaning ta’lim krediti to’lovlarini osonlashtirishga qaratilgan yangi qarori shu maqsadga qaratilgani aytilmoqda.

Respublikachilar Obamaning bu qarorini norozilik bilan kutib olib, talabalarga moliyaviy yordam emas, balki ish kerakligini ta’kidlamoqda. Read the rest of this entry »

“Fulbright” granti magistratura uchun arizalarni qabul qilmoqda

Posted May 19th, 2014 at 12:40 am (UTC-5)
Leave a comment

http://photos.state.gov/libraries/uzbekistan/5/logos/Fulbright_Logo.jpgFulbrayt xorijiy talaba dasturi (Fulbright Foreign Student Program) ikki yilgacha bo’lgan magistrlik darajasi uchun 2015-2016-o’quv yiliga ishtirokchilardan arizalar qabul qilishni boshladi. Tanlovda muvaffaqiyatli ishtirok etib, AQSh universitetlaridan biriga qabul qilingan talabalar ikki yilgacha AQShda o’qish imkoniyatini qo’lga kiritadi. O’qish, yashash va safar bilan bog’liq barcha xarajatlar AQSh hukumatining Ta’lim va madaniyat ishlari  byurosi tomonidan ta’minlanadi.

Xabaringiz bo’lsa, AQShda magistratura o’qish uchun grant ajratuvchi “Muskie” dasturi moliyaviy yetishmovchiliklar bois o’tgan yili faoliyatini to’xtatdi. Shundan beri Fulbrayt dasturi AQSh hukumatining magistratura uchun xorijlik talabalar uchun ajratayotgan yagona granti bo’lib turibdi.

Xorijda, xususan, AQShda o’qish imkoniyatini qidirayotgan vatandoshlarimiz uchun ushbu dastur ayni muddao. Dastur talablariga javob beruvchi  barcha vatandoshlarimizni unda ishtirok etishga chaqiramiz.

Dastur haqida qisqacha ma’lumot:

Fulbrayt Xorijiy Talaba Dasturi gumanitar yo‘nalishlar, tabiiy fanlar, jumladan, muhandislik va ijtimoiy fanlar bo‘yicha o‘qish uchun ariza va hujjatlarni qabul qiladi. O’zbekistondagi AQSh elchixonasi veb saytining dastur haqidagi ma’lumotlar sahifasida Edmund Maski Bitiruvchilar Stipendiyasi dasturida  ko‘zda tutilgan akademik yo‘nalishlar bo‘yicha o‘qishni istagan nomzodlar Fulbrayt Xorijiy Talaba Dasturiga ariza topshirishi mumkin. Bu yo’nalishlar quyidagilardan iborat: Read the rest of this entry »

Eng kuchli universitetga kirish uchun a’lo baholar kifoyami?

Posted April 20th, 2014 at 9:12 pm (UTC-5)
Leave a comment

2013-10-15-IvyLeagueAQShning eng zo’r universitetlariga kirish va grant olish uchun minimum talablar nimalardan iborat ekani haqida yaxshi ma’lumotga egasiz. Bu haqda avvalgi maqolalarimizda ham ma’lumot berganmiz. Keling, ularni yana bir bor esga olaylik.

Demak, AQShda magistratura bo’yicha yaxshi universitetga qabul qilinishni istasangiz va qabul qilinish bilan birga grant olish umidingiz bo’lsa, avvalo, bakalavrlik diplomingiz bo’lishi, bo’lganda ham, a’lo baholarga o’qigan bo’lishingiz kerak.

Shuningdek, AQShda o’qish uchun xorijlik talabalarga ingliz tili bo’yicha qo’yiladigan minimum talablarga javob berishingiz kerak. TOEFL yoki IELTSdan olgan balingiz qancha baland bo’lsa, grant olish imkoniyatingiz ham shuncha yuqori bo’ladi.

Bulardan tashqari, qabul uchun hujjat topshirish jarayonida yoziladigan esselaringiz a’lo darajada bo’lishi kerak.

Endi asosiy maqsadga o’tamiz.

AQShda “Ivy League” deya ataluvchi eng kuchli universitetlar guruhi bor. Bularga quyidagi o’quv yurtlari kiradi:

1. Brown University

2. Columbia University

3. Cornell University

4. Dartmouth College

5. Harvard University

6. Princeton University

7. University of Pennsylvania

8. Yale University

Bu universitetlar AQShning eng nufuzli oliy o’quv dargohlari hisoblanadi va bu yerga kirish chet ellik talabalar u yoqda tursin, ko’plab amerikaliklar uchun ham ushalmas oliy orzu. har yili yangi talabalar talabgorlar orasidan tanlab-tanlab, chertib-chertib olinadi. Demak, mazkur universitetlarga kirish juda qiyin.

Read the rest of this entry »

Yozgi maktab dasturi uchun Nyu-Yorkka tashrif buyuring

Posted March 16th, 2014 at 4:03 pm (UTC-5)
Leave a comment

summer-school-610x259“BMTning Tamaddunlar ittifoqi” hamda “EF Ta’lim Birinchi” tashkiloti 18 yoshdan 35 yoshgacha bo’lganlar uchun Yozgi maktab dasturini taqdim etadi.

Ushbu dastur Nyu-York shahri markazidan 45 km. uzoqlikda joylashgan EF Xalqaro ta’lim markazida 2014-yilning 16-avgustidan 23-avgustigacha bo’lib o’tadi. Uni o’tkazishdan quyidagilar maqsad qilingan:

1. Yoshlarning madaniyatlararo aloqa bo’yicha malakalarini kuchaytirish orqali ularning imkoniyatlarini yanada oshirish;

2. Chegaralararo o’zaro hamkorlikni tashkil etuvchi loyihalarda yoshlarning ishtirok etish imkoniyatlarini kuchaytirish;

3. Yoshlar o’rtasida munosabatlarni shakllantirish va tanishlar orttirish.

Bir hafta davomida ishtirokchilar BMT darajasida ko’rib chiqiladigan muhim masalalar – tinchlik, xavfsizlik, taraqqiyot, inson huquqlari, gumanitar yordam hamda xalqaro huquq masalalari bo’yicha treyningdan o’tishadi.

Yozgi dasturda qatnashish uchun tanlab olingan nomzodlar quyidagilar bilan ta’minlanadi.

  1. Nyu-Yorkka kelish va ketish bilan bog’liq safar xarajatlari;
  2. Yotoqxona;
  3. Oziq-ovqat;
  4. Bir hafta davomida bo’lib o’tadigan barcha darslarga kirish imkoniyati;
  5. Nyu-York shahridan aeroportgacha olib boradigan transport;
  6. Viza xarajatlari;
  7. Tibbiy sug’urta.

Dasturda ishtirok etish uchun nomzodlar quyidagi talablarga javob berishi lozim:

  1. 18 va 35 yosh oralig’ida bo’lish;
  2. Biror yoshlar guruhi, diniy tashkilot, nodavlat-notijorat tashkiloti faoli bo’lish yoki ijtimoiy tadbirkorlik, bloggerlik hamda ko’ngilli sifatida boshqa tashkilotlarga yordam berish bilan shug’ullanish;
  3. Kamida 2015-yilning mayigacha yaroqli bo’lgan pasportga ega bo’lish;
  4. Ingliz tilini o’rtachadan yuqoriroq darajada bilish.

Kerakli hujjatlar 2014-yilning 22-apreligacha topshirilishi lozim. Anketani quyidagi havola orqali topshirishingiz mumkin:

Apply Now

Dastur bilan bog’liq savollarga javoblar: FAQ (Ingliz tilida)

Ayol jurnalistlar uchun ilmiy-amaliy kurs

Posted March 2nd, 2014 at 8:31 pm (UTC-5)
Leave a comment

http://www.tashabbus.uz/wp-content/uploads/2014/02/Elizabeth-Neuffer-Fellowship-610x259.png

Xalqaro ayollar media jamg’armasi 2014-2015-o’quv yili uchun Elizabeth Neuffer stipendiyasiga tanlov boshlanganini ma’lum qiladi.

Tanlovda dunyoning istalgan burchagidan bosma, teleradio yoki internet sohasida ishlovchi ayol jurnalistlar ishtirok etishi mumkin. Nomzodlar inson huquqlari va ijtimoiy adolat mavzularini yoritgan bo’lishlari kerak. Qabul qilinganlar yetti oy davomida Boston va Nyu-Yorkda ishlash va malaka oshirish imkoniyatiga ega bo’ladi. Ular Massachusets Texnologiya instituti qoshidagi Xalqaro tadqiqotlar markazida tahsil oladi hamda “Boston Gloub” va “Nyu-York Tayms” gazetalarida ishlab malaka oshiradi.

Dasturda qatnashish tartibi

Ishtirokchilar quyidagi hujjatlarni topshirishlari lozim:

1) To’ldirilgan anketa  | Bu yerdan saqlab oling

2) To’ldirilgan ikkita tavsiyanoma formasi | Bu yerda saqlab oling

3) Ingliz tilini yetarli darajada bilishingizni tasdiqlovchi forma | Bu yerda saqlab oling

4) Rezyume yoki CV

5) Ishingizdan namunalar

Read the rest of this entry »

AQShda o’qish uchun grant topish yo’llari

Posted January 19th, 2014 at 11:14 pm (UTC-5)
Leave a comment

© Lawschoolplan.com

© Lawschoolplan.com

Bizga kelayotgan savollarning aksariyati grantlar haqida bo’lyapti. AQShda o’qish uchun ta’lim grantlarini qanday topish mumkin? Navbatdagi maqolamizda ana shu mavzuga yana bir bor to’xtalishga qaror qildik.

AQShga o’qish uchun kelish jarayonining eng qiyin bosqichi ham shu aslida. Ya’ni, grant topish. Avvalgi maqolalarimizda ham bu mavzuga alohida to’xtalganmiz. Ular bilan tanishib chiqishingizni yana bir bor tavsiya etamiz.

Birinchi maqola: Diqqat: AQShda o’qishni istovchilar uchun yordam beramiz!

Ikkinchi maqola: AQShda ta’lim: Qayerda va nima o’qimoqchisiz?

Uchinchi maqola: AQShda ta’lim: Grantlarni qanday topish mumkin?

Quyida grant topish uchun bosib o’tilishi lozim bo’lgan muhim jarayonlarni bosqichlarga bo’lgan holda qisqacha yana bir bor tushuntirib o’tamiz.

Birinchi bosqich: Tilni va bilim-malakalarni oshirish

AQShda oq’ish juda qimmat ekani hammaga ma’lum. Ko’plab amerikaliklar ham o’qishga pul to’lay oladigan darajada boy emas yoki ortiqcha pullari yo’q. Ular, odatda, ta’lim kreditlari olishadi. Chet elliklarning AQShdan ta’lim krediti olishi oson emas yoki to’lov foizlari juda qimmat bo’ladi. Shuning uchun ular oldidagi eng yaxshi variant bu o’z hisoblaridan o’qish yoki grant topish.

O’z hisobidan AQShga kelib bir necha yil ta’lim olish va yashashga qurbi yetadiganlar kam. Shuning uchun bu variant haqida to’xtalish niyatimiz yo’q. Zotan, puli bor odam uchun hamma eshiklar ochiq. Ular bizning maslahatimizga muhtoj ham emaslar.

Read the rest of this entry »

Talabalar uchun maxsus axborot seminarlari (Toshkentda)

Posted January 5th, 2014 at 5:10 pm (UTC-5)
Leave a comment

http://photos.state.gov/libraries/adana/5/logos/EducationUSA_logo_color_120x70.jpg

© US Embassy Tashkent

Toshkent shahrida istiqomat qiluvchi yoki Toshkentga kelish imkoniyatiga ega bo’lgan talabalar diqqatiga!

Toshkent shahridagi AQSh elchixonasida joylashgan Ta’lim maslahat markazida kelayotgan kunlar talabalar uchun maxsus bir necha muhim axborot sessiyalari tashkil etilmoqda. Ularda AQShda grant asosida o’qish, grantlarni topish yo’l-yo’riqlari hamda AQShda o’qish sir-sinoatlariga oid muhim ma’lumotlar beriladi. AQShda o’qish niyatida bo’lgan barchaga ushbu yig’inlarda qatnashishni tavsiya qilamiz.

1. 9-yanvar kuni 16:00 da AQShning Barea kollejida o’qigan o’zbekistonlik talabalardan biri ushbu kollejga kirish yo’l-yo’riqlari haqida ma’lumot beradi. Barea kollejining o’ziga xos jihati shundaki, unda xorijlik talabalar uchun 100 foizlik grant beriladi. Albatta, bu kollejning xorijliklarni o’ziga eng ko’p jalb etadigan jihatlaridan biri. AQShda bepul ta’lim olish istagida bo’lganlarga ushbu axborot sessiyasini o’tkazib yubormaslikni maslahat beramiz.

2. Bundan tashqari, 16-yanvar kuni 16:00 daIllinois universitetida tahsil olayotgan yana bir o’zbekistonlik talaba AQShda biznes boshqaruvi (MBA) bo’yicha o’qish sir-sinoatlari va o’ziga xosliklari haqida ma’lumot beradi. Shu soha bo’yicha o’qishga qiziqayotganlar bu uchrashuvga tashrif buyurib, o’zlarini qiziqtirayotgan savollarini Illinois universitetida o’qiyotgan yurtdoshlariga berishlari mumkin bo’ladi.

Read the rest of this entry »

O’qituvchilar uchun AQShda malaka oshirish imkoniyati

Posted December 29th, 2013 at 11:57 pm (UTC-5)
Leave a comment

O’qituvchimisiz? Ingliz tili, ijtimoiy fanlar (ijtimoiy ta’lim, fuqarolik huquqi, tarix yoki geografiya) yoki matematika va tabiiy fanlardan birini o’qitasizmi? Unda siz ikki oy muddatga AQShga kelib o’qib ketish imkoniyatiga egasiz. Shoshiling, Toshkentdagi AQSh elchixonasi 2015-yil uchun yangi ta’lim grantini e’lon qildi.

Hujjatlarni topshirish muddati 3-mart, 2014-yil, 18:00.

Muallimlik fazilatlari va yutuqlari dasturi (The Teaching Excellence and Achievement (TEA) Program) AQSh Davlat Departamentining Ta’lim va Madaniyat Ishlari bo‘yicha Byurosi dasturi bo’lib, Yevropa va Yevroosiyo, Sharqiy Osiyo va Tinch okeani, Yaqin Sharq, Janubiy va O‘rta Osiyo, Sahro Afrikasi va G‘arbiy yarim shar mintaqalaridan 156 nafar o‘rta maktab o‘qituvchilarini har yili o‘z sohalarida tajribalarini kengaytirish, dars berish qobiliyatlarini rivojlantirish hamda AQSh to‘g‘risidagi bilimlarini yanada oshirish uchun AQShga olib keladi.

Xalqaro qatnashchilar 75-78 nafar o‘qituvchilardan iborat ikki guruh bo‘lib, yiliga ikki marta AQShga tashrif buyuradilar. Ularning dasturlari o‘quv metodologiyasi, darslarni rejalashtirish va ishtirokchilar vatanlaridagi sharoitda o‘qitish metodologiyasi strategiyalarini ishlab chiqish, internetda izlanishlar va yozuv-chizuv ishlari uchun hamda o‘quv qo‘llanmasi sifatida kompyuterlardan foydalanish bo‘yicha kurs ishlari va jadal treninglardan iborat. Shu bilan birga, olti haftalik dastur qatnashchilarni AQSh ta’lim tizimi bilan bevosita tanishtirish va tajribalar almashish maqsadida ikki haftadan iborat o‘rta maktabda dars berish amaliyotini ham o‘z ichiga oladi. Dastur davomida qatnashchilar uchun AQSh madaniy yodgorliklariga tashriflar uyushtiriladi hamda ularga akademik ko‘mak ko‘rsatiladi.

Read the rest of this entry »

Xitoyliklar dunyoning eng tirishqoq talabalari deb topildi

Posted December 8th, 2013 at 7:49 pm (UTC-5)
Leave a comment

http://coxrare.files.wordpress.com/2013/11/chinese-schools.jpg?w=600

© Photo AP

Dunyoning eng tirishqoq va qobiliyatli talabalari qayerda ekanini bilasizmi? Ular Amerikada emas. Yevropada ham emas. Xalqaro talabalarni baholash dasturi bo’yicha yaqinda olib borilgan tadqiqot natijalariga ko’ra, dunyoning eng aqlli talabalari Xitoyning Shanxay shahridan ekan.

Matematika, o’qish va aniq fanlar bo’yicha o’tkazilgan imtihonlarda shanxaylik talabalar dunyoning 65 davlati talabalari orasida eng yuqori baho to’plagan. Ular hatto AQShliklarni ham ortda qoldirgan.

Bunday imtihon har uch yilda Iqtisodiy hamkorlik va taraqqiyot tashkiloti tomonidan 15-16 yoshli o’quvchilar o’rtasida o’tkaziladi. So’nggi testda eng yuqori 10 o’rinning yettitasini sharqiy Osiyo davlatlari vakillari egallagan.

AQShlik o’quvchilar jami davlatlar orasida 36-o’ringa loyiq deb topilgan. Ular matematika bo’yicha xalqaro o’rtacha natijaga qaraganda kamroq ball to’plagan. O’qish va boshqa aniq fanlar bo’yicha esa o’rtacha darajani qayd etgan.

Dunyo bo’ylab o’tkazilgan imtihonlarda 65 davlatdan yarim million o’quvchi ishtirok etgan.

Iqtisodiy hamkorlik va taraqqiyot tashkilotining ma’lum qilishicha, kelajakka ishonchi yuqori bo’lgan va o’z imkoniyatlarini yuqori baholagan yoshlar imtihonlarda eng yaxshi natijani ko’rsatgan. Masalan, shanxaylik o’quvchilar nafaqat o’z oldilariga qo’ygan maqsadlariga erisha olishiga ishonadi, balki shu yo’lda lozim bo’lgan barcha ishni qilishga tayyor, deydi tashkilot vakillari.

Read the rest of this entry »

Muallif haqida



Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.