Xalqaro ayollar media jamg’armasi 2014-2015-o’quv yili uchun Elizabeth Neuffer stipendiyasiga tanlov boshlanganini ma’lum qiladi.

Tanlovda dunyoning istalgan burchagidan bosma, teleradio yoki internet sohasida ishlovchi ayol jurnalistlar ishtirok etishi mumkin. Nomzodlar inson huquqlari va ijtimoiy adolat mavzularini yoritgan bo’lishlari kerak. Qabul qilinganlar yetti oy davomida Boston va Nyu-Yorkda ishlash va malaka oshirish imkoniyatiga ega bo’ladi. Ular Massachusets Texnologiya instituti qoshidagi Xalqaro tadqiqotlar markazida tahsil oladi hamda “Boston Gloub” va “Nyu-York Tayms” gazetalarida ishlab malaka oshiradi.

Dasturda qatnashish tartibi

Ishtirokchilar quyidagi hujjatlarni topshirishlari lozim:

1) To’ldirilgan anketa  | Bu yerdan saqlab oling

2) To’ldirilgan ikkita tavsiyanoma formasi | Bu yerda saqlab oling

3) Ingliz tilini yetarli darajada bilishingizni tasdiqlovchi forma | Bu yerda saqlab oling

4) Rezyume yoki CV

5) Ishingizdan namunalar

To’ldirilgan anketa va boshqa formalarni e-mail orqali (neuffer@iwmf.org) yuborishingiz kerak. E-mail mavzusiga “IWMF Elizabeth Neuffer Fellowship: [Ism-familiyangiz]” deb yozishni unutmang.

Hujjatlarni quyidagi manzilgan pochta orqali ham jo’natishingiz mumkin:

Elizabeth Neuffer Fellowship
International Women’s Media Foundation
1625 K Street, NW, Suite 1275
Washington, D.C. 20006 USA

Anketalar 2014-yilning 11-apreligacha qabul qilinadi. Savollaringiz bo’lsa, ularni dastur boshqaruvchisi Ann Mariye Valentinga (+1 202-567-2609, E-mail: neuffer@iwmf.org) jo’natishingiz mumkin.

Qo’shimcha ma’lumot uchun manba: International Women’s Media Foundation