O’quv yili tugamoqda: Ish topdingizmi?

Posted May 2nd, 2011 at 1:44 pm (UTC-5)
Leave a comment

Dunyoning ko’plab o’lkalarida navbatdagi o’quv yili o’z poyoniga yetmoqda. Jumladan, AQShda ham. Universitetni bitirayotgan aksariyat yoshlar oldida kelajak mavhum. Chunki hozir mamlakatda ish topish har qachongidan ham qiyin. Iqtisod jiddiy tanazzulga yuz tutgan 2008-yildan beri ishsizlik darajasi 9 foizdan pastga tushmayapti. Bu 1980-yillar boshidagi rekord darajaga yaqin.

“Amerika Ovozi” o’zbek xizmati bugun shu muammoni ko’tarib chiqdi. “AQShda o’quv yili tugar ekan, yosh kadrlar ish izlab sarson” nomi bilan chop etilgan maqolada oliy o’quv yurtlarini bitirayotgan amerikalik yoshlar uchun bugungi kunda ish topish jarayoni har qachongidan qiyin kechayotgani hikoya qilinadi. Maqolada iqtisodchi olima Heydi Sherolzning aytishicha, Amerikalik yoshlar bunday muammoga so’nggi yetmish yil ichida birinchi bor duch kelishi:

“Yaqin 70 yil ichida yoshlar bunday holat bilan yuzlashmagan. Krizis Buyuk Depressiya davriga qiyoslanishi bejiz emas. Universitetni tamomlayotgan studentlar oldida katta dovonlar yotibdi. Ular nafaqat o’tgan yilgi, balki undan ham avval bitirganlar bilan raqobat qiladi. Chunki mehnat o’rinlari cheklangan. Imkoniyatlar uncha ko’p emas”.

Read the rest of this entry »

Leave a comment
Tags: , ,
Posted in Karyera, Talabalar hayotidan

“Education Abroad 2011” Toshkentda!

Posted April 27th, 2011 at 11:49 pm (UTC-5)
Leave a comment

Xorjda o’qish ishtiyoqida yonayotgan hamyurtlarimiz diqqatiga!

AQSh, Angliya, Kanada, Avstraliya, Singapur, Chex Respublikasi yoki Rossiya dan birida o’qish niyatingiz bo’lsa, bu o’lkalar oliy o’quv yurtlari va ta’lim dasturlari haqida ma’lumot olish uchun yana bir yaxshi imkoniyat.

Amerika elchixonasi qoshidagi Ta’lim bo’yicha maslahat markazi (The Educational Advising Center (EAC)) Toshkentda navbatdagi xalqaro ta’lim ko’rgazmasini tashkil etmoqda.

Shoshiling, “Education Abroad 2011” nomli ushbu xalqaro tadbir ertaga va undan keyingi kun, ya’ni 29 va 30-aprel kunlari (juma va shanba) Toshkent shahrida Radisson mehmonxonasida ertalab soat 10:00 dan kech soat 17:00 gacha o’tadi.

Unda sanab o’tilgan davlatlar ta’lim maskanlaridan tashrif buyurgan mutaxassislar kurslar, ularga kirish shartlari va o’qish uchun grant olish imkoniyatlari haqida ma’lumot beradilar. Shuningdek, savollarga ulardan batafsil javob olish imkoniyatiga ham ega bo’lasiz.

Tadbirda qatnashish uchun AQSh elchixonasiga (140-24-47) qo’ng’iroq qilib, ism-sharifingizni qoldirishingiz kerak bo’ladi.

Shoshiling va bu imkoniyatdan unumli foydalaning.

Leave a comment
Tags: , ,
Posted in Amerika universitetlari, Ta'lim grantlari

Moliyaviy inqiroz AQSh ta’lim tizimi uchun qanchaga tushdi?

Posted April 25th, 2011 at 11:58 pm (UTC-5)
Leave a comment

2008-yil AQShda boshlanib, so’ng butun dunyoni o’z domiga tortgan moliyaviy inqiroz bugun o’z nihoyasiga yetgani haqida aytilayotgan bo’lsa-da, ammo uning uzoq muddatli asoratlari hanuz mavjud va ulardan osonlikcha qutulishning iloji ham yo’q. AQShda ushbu inqirozdan aziyat chekmagan sohaning o’zi qolmadi. Ishsizlik 10 foizgacha chiqib, 1982-yilgi rekord darajaga yetib qoldi. Nafaqat xususiy sektor, balki davlat qaramog’idagi loyihalarga ham jiddiy putur yetdi. Byudjet kamomadi va milliy qarz keltirishi mumkin bo’lgan og’ir oqibatlar haqida bugun har doimgidan ham ko’ra ko’proq tashvish bilan gapirilmoqda. Aynan davlat byudjeti xarajatlarini kamaytirish borasidagi Kongress tortishuvlari oqibatida shu oy hatto federal hukumat butunlay ishdan to’xtab, ko’plab davlat idoralari vaqtincha faoliyatdan chiqish xavfi ostida qoldi. Faqat so’nggi soatlardagina respublikachi va demokratlar kelishuvga erishib, davlat idoralari ishdan to’xtab qolishining oldi olindi.

Ushbu maqolada moliyaviy inqirozning ta’lim tizimiga qanday ta’sir etayotgani haqida hikoya qilmoqchimiz. Mamlakat iqtisodi inqiroz bosqichidan o’tib, hozirda o’zini tiklab borayotgan bir paytda davlatdan moliyaviy ko’mak oluvchi yuzlab oliy o’quv yurtlari hanuz moliyaviy inqiroz asoratlaridan aziyat chekayotgani bir shtat misolida tahlil qilinadi.

Read the rest of this entry »

Leave a comment
Tags: , , ,
Posted in Amerika universitetlari

“Facebook”da talabalar uchun foydali sahifalar

Posted April 15th, 2011 at 8:31 pm (UTC-5)
Leave a comment

“Facebook” olamida faqat do’st orttiribgina qolmasdan, balki turli maqsad va qiziqishlarga xizmat qiluvchi rang-barang sahifa, guruh yoki tashkilot sahifalarini ham topishingiz mumkin. Bu maqolada sizlarga AQShda o’qishni istovchi talabalar uchun foydali ma’lumotlar berib boruvchi bir necha “Facebook” sahifasi haqida ma’lumot bermoqchimiz. Ushbu sahifalarga “Like” qilish orqali obuna bo’lsangiz, ular qo’yayotgan foydali ma’lumotlarni kuzatib borish imkoniyatiga ega bo’lasiz.

1. U.S. Embassy Tashkent (AQShning Toshkentdagi elchixonasi sahifasi)

Bu sahifa orqali elchixona tashkil etayotgan turli tadbir va yangiliklardan boxabar bo’lib borasiz. Rasmiy saytdan farqli o’laroq, bu yerda elchixona, ayniqsa, yoshlar uchun ta’lim olish imkoniyatini beruvchi turli xabarlarni tez-tez qo’yib turadi. Shuningdek, ushbu mavzular ostiga fikr bildirish orqali qoldiradigan savollaringizga shu yerning o’zida tezkor javob olishingiz mumkin.

2. EducationUSA (AQSh ta’limi)

AQSh hukumati tomonidan tashkil etilgan ushbu loyiha xalqaro talabalarga AQSh oliy ta’lim muassasalari va ularga qanday kirish yo’l-yo’riqalari haqida muntazam ma’lumot berib boradi. “EducationUSA” dunyoning 140 dan ortiq o’lkasida 400 dan ziyod maslahat markazlariga ega. Bu sahifadan moliyaviy ko’mak va grant dasturlari haqida ham ma’lumot topishingiz mumkin.

Read the rest of this entry »

Leave a comment
Tags: , ,
Posted in Amerika universitetlari, Ta'lim grantlari

Xubert Xamfri Dasturi – o’zbekistonlik professionallar uchun

Posted April 11th, 2011 at 6:45 pm (UTC-5)
Leave a comment

Davlat idorasida yoki jamoatchilik ishlariga aloqador tashkilotda ishlaysizmi? Ingliz tilini bilasizmi? AQShda o’z sohangiz bo’yicha bir yil malaka oshirib qaytishni istaysizmi? Unda quyida ta’rifi keltirilayotgan ta’lim dasturi aynan siz uchun. Ushbu imkoniyatni qo’ldan boy bermang. Hujjatlar 23-maygacha qabul qilinadi.

AQSh hukumati tomonidan moliyalashtiriladigan Xubert Xamfri bir yillik, to‘liq grant bilan ta’minlovchi dastur bo‘lib, u o‘rta pog‘ona lavozimlarda ishlovchi professionallarga, liderlik qobiliyatiga ega, davlat va jamoat xizmatlarida ishlagan hamda AQShning ilg‘or universitetida o‘zi tanlagan dastur bo‘yicha mustaqil ta’lim olish imkoniyatidan to‘liq foydalana oladigan malakali xodimlar uchun mo‘ljallangan.

Dastur ishtirokchilari AQSh hukumati tomonidan beriladigan sertifikat bilan taqdirlanadilar. Xubert Xamfri Stipendiyalar Dasturi Afrika, Osiyo, Lotin Amerikasi, Karib orollari, Yaqin Sharq, Yevropa va Yevrosiyo mamlakatlarining yetuk mutaxassislarini o‘z kasb-korlarining o‘rta pog‘onasidagi davrda AQShga olib kelib, bir yillik o‘qish va professional tajribalar orttirishlari uchun imkoniyat yaratadi. Xamfri Dasturi sobiq Senator va Vitse-Prezident Xubert Xamfri xotirasi va erishgan yutuqlari sharafiga 1978-yilda tashkil tashkil etilgan.

Tanlov g‘oliblari o‘zlarining mamlakat miqyosidagi yetakchilik qobiliyatlari va jamoat xizmatlarida faoliyat yuritish rejalari asosida aniqlanadi. Dastur Amerika Qo‘shma Shtatlari fuqarolari va ularning chet mamlakatlardagi hamkasbdoshlari o‘rtasida mustahkam aloqalar o‘rnatishga, fikr almashish va butun dunyo bo‘ylab o‘zaro hamfikrlilikni kengaytirishga maqsadida tashkil etilgan.

Stipendiyalar raqobat asosida davlat yoki xususiy sektorda bo‘lgan jamoat xizmatlarida faoliyat yuritishga ahd qilgan malakali nomzodlarga taqdim etiladi. Ishtirokchilar quyidagi yo’nalishlar bo’yicha dasturda qatnashishlari mumkin: Read the rest of this entry »

Leave a comment
Tags:
Posted in Ta'lim grantlari

Toshkentda Xalqaro Ta’lim ko’rgazmasi

Posted April 8th, 2011 at 6:40 am (UTC-5)
Leave a comment

12-aprel kuni Toshkent Xalqaro Maktabida (Tashkent International School) chet el oliy o’quv yurtlarining ta’lim ko’rgazmasi tashkil etilmoqda. Unda AQSh, Yevropa, Birlashgan Arab Amirliklari hamda Kanadadan bir qator nufuzli universitetlar ishtirok etadi. Tadbir 12:30 da boshlanib, 14:30 gacha davom etadi. Ishtirok etish uchun oldindan ro’yxatdan o’tish shart emas, ammo o’zingiz bilan shaxsingizni tasdiqlovchi hujjatingizni olib borishingiz tavsiya etiladi.

AQSh elchixonasi ishtirokida o’tayotgan ushbu ko’rgazmada quyidagi o’quv yurtlarining qatnashishi kutilmoqda:

1. American InterContinental University, London. London | United Kingdom;
2. Emirates Academy of Hospitality Management. Dubai | United Arab Emirates;
3. Glion Institute of Higher Education. Montreux | Switzerland;
4. IE University. Segovia | Spain;
5. John Cabot University. Rome | Italy;
6. Johnson & Wales University. Providence, Rhode Island | USA;
7. Lynn University. Boca Raton, Florida | USA;
8. MODUL University Vienna. Vienna | Austria;
9. Penn State. University Park, Pennsylvania | USA;
10. State University of New York – Plattsburgh. Plattsburgh, New York | USA;
11. University of British Columbia. Vancouver, British Columbia | Canada;
12. The University of Tulsa. Tulsa, Oklahoma | USA;
13. Vanderbilt University. Nashville, Tennessee | USA;
14. Wartburg College. Waverly, Iowa | USA

Read the rest of this entry »

Leave a comment
Tags: , , ,
Posted in Amerika universitetlari, Ta'lim grantlari

Diqqat, tanlov: Magistratura va Aspirantura (PhD) bo’yicha o’qish uchun hujjatlar qabul qilinmoqda

Posted April 5th, 2011 at 11:49 pm (UTC-5)
Leave a comment

AQShda o’qish uchun ko’plab hukumat grantlari borligi haqida oldingi maqolamizda xabar bergan edik. Bungun biz ayni shu dasturlar orasidan hozirda hujjat qabul qilayotgan, ya’ni yangi o’quv yili uhun tanlovni boshlagan bir necha dastur haqida ma’lumot bermoqchimiz.

“Fulbrayt” ta’lim dasturi haqida ko’pchiligimiz eshitganmiz. Ushbu dastur doirasida bir-biridan mustaqil bir necha ta’lim grantlari mavjud bo’lib, hozirda ularning ikki turi bo’yicha hujjatlarni qabul qilish boshlandi. Bular “Fulbrayt Xorijiy talaba Dasturi” hamda Ilm-fan va Texnoogya sohasida iqtidorli talabalar uchun xalqaro Fulbrayt Dasturi. Ishtirok etish shartlariga javob beradigan barcha yurtsohlarimizni ushbu imkoniyatdan unumli foydalanib qolishga chaqiramiz. Har ikki grant talablari va hujjat topshirish yo’l-yo’riqlari haqida quyida ma’lumot beramiz.

1. “Fulbrayt Xorijiy talaba Dasturi” ikki yilgacha bo‘lgan muddatda AQShda magistrlik darajasini olish bilan bog‘liq o‘quv xarajatlarini qoplaydi. Fulbrayt Xorijiy Talaba Dasturi gumanitar yo‘nalishlar, tabiiy fanlar, jumladan, muhandislik va ijtimoy fanlar bo‘yicha yo’nalishlarga o’qish uchun qabul qiladi. “Edmund Maski Bitiruvchilar Stipendiyasi Dasturi”da ko‘zda tutilgan akademik yo‘nalishlar bo‘yicha o‘qishni istagan nomzodlar Fulbrayt Xorijiy Talaba Dasturiga topshirmasliklari kerak. Chunki bu yo’nalishlar uchun Fulbrayt grant ajratmaydi. “Maski” dasturi doirasidagi o’quv yo’nlishlari quyidagilar: Read the rest of this entry »

Leave a comment
Tags: , ,
Posted in Ta'lim grantlari

AQShda o’qish sari ilk odimlar: Viza turlari va ularni qo’lga kiritish sir-sinoatlari haqida

Posted March 31st, 2011 at 2:35 pm (UTC-5)
4 comments

Eslatma: Quyida berilayotgan maslahatlar AQShda o’qish imkoniyatini qo’lga kiritgan va shu yo’lda viza olish jarayonini o’z boshidan o’tkazgan bir talabanining rasmiy manbalar asosida tayyorlagan ma’lumotlaridir. Rasmiy axborot uchun AQSh hukumati va elchixonasi saytlariga murojaat etishingizni tavsiya qilamiz.

AQShda o’qish istagida bo’lgan vatadoshlarimiz uchun foydali bo’lgan ma’lumotlarni berishda davom etamiz. Bugungi maqolada AQShda talaba sifatida o’qish uchun lozim bo’ladigan viza turlari va ularni qo’lga kiritish yo’l-yo’riqlari haqida ma’lumot bermoqchimiz.

Agar siz AQShga, asosan, turizm yoki boshqa qisqa muddatli maqsadlar bilan tashrif buyurishni istasangiz, lekin bu safaringiz davomida haftasiga 18 soatdan kam bo’lgan qisqa muddatli ta’lim kurslarida ham o’qishni istasangiz, buning uchun talaba vizasi olishingiz shart emas. Oz muddatga tashrif buyuruvchilar uchun beriladigan Tashrif vizasi (Visitor (B) Visa) bilan shunday kurslarda o’qib qaytishingiz mumkin. Lekin o’qish soati haftasiga 18 soat yoki undan ortiq bo’lsa, bu holatda talaba vizasi olishingiz kerak bo’ladi. Shuningdek, o’quv seminarlari yoki ilmiy konferensiyalarga qatnashish uchun keluvchilardan ham talaba vizasini olish talab etiladi.

Talabalarga beriladigan uch xil viza turi mavjud: F, M va J.

F-1 vizasi AQShda ingliz tili kurslarida yoki kollej va universitetlarda o’qishni istovchi xorijliklarga beriladi. Bu viza sohiblari o’qishlari davomida haftasiga 20 soatgacha ishlashlari ham mumkin. F-1 vizasi bilan o’quvchi talaba o’ziga qaram bo’lgan oila a’zolarini AQShga olib kelmoqchi bo’lsa, uning oila a’zolariga F-2 vizasi beriladi. F-2 vizasidagi odam AQShda ishlashi va o’qishi mumkin emas. Agar F-2 sohibi maktabga qatnashi lozim bo’lgan yosh bola bo’lsa, bunday holatda unga o’qish uchun ruxsat beriladi.

Read the rest of this entry »

4 comments
Posted in Vizalar haqida

Obama xalqaro talabalarning AQShda qolishini istaydimi?

Posted March 29th, 2011 at 12:01 pm (UTC-5)
Leave a comment

Yaqinda AQSh Kongressiga qilgan xitobida, AQSh prezidenti Barak Obama chet ellik talabalarni o’qishlari bitgandan so’ng o’z vatanlariga qaytarib yuborish haqidagi siyosatni notog’ri deya baholadi:

“Bugun o’quv dargohlarimizda ilmlarini oshirayotgan Amerikalik bo’lmagan yuz minglab talabalar bor. Ularning ayrimlari hujjatsiz ishchilarning farzandlaridir, ular ota-onalarining qilgan ishlariga javobgar emaslar. Ular Amerikalik bo’lib voyaga yetgan, bizning bayrog’imizga sodiqlik ko’rsatadi, shunday bo’lsa-da, ular har kuni deportatsiya qilinish xavfi ostida yashashadi. Boshqalar esa kollej va universitetlarimizda o’qish uchun xorijdan kelishadi. Lekin oliy darajali diplomlarini qo’lga kiritishlari bilan, ularni bizga qarshi raqobat qilishlari uchun uylariga qaytarib yuboramiz. Bu mantiqsizlik”.

Read the rest of this entry »

Leave a comment
Tags: , ,
Posted in Karyera, Talabalar hayotidan, Vizalar haqida

Familiyangiz nima?

Posted March 28th, 2011 at 7:24 am (UTC-5)
3 comments

Muharrir: Quyidagi maqola “FLEX” dasturi bo’yicha AQShda tahsil olgan o’zbekistonlik talaba tomonidan yozilgan:

Bilasizmi, aslida o’zbek xalqida familiya mavjud bo’lmagan. Ota-bobolarimiz o’tmishda ismi va otasining ismi bilan chaqirilgan. Hozirgi kunda bizda urf bo’lgan –ov; -yev, -ova; -yeva qo’shimchalarini qo’shish orqali yasaladigan familiya ruslardan kirib kelgani ko’pchiligimizga ma’lum. Masalan, biror kishining familiyasi Abdusamadova bo’lsa, u Abdusamadning nabira qizi, Hamidov bo’lsa, Hamid boboning nabira o’g’li ekanini yaxshi bilamiz.

Boshqa joylarda bu borada urf qanday? Masalan, amerikaliklarning familiyasi qanday yasalishi yoki qayerdan olinishi haqida o’ylab ko’rganmisiz? Nega bu yerdagi familiyalar binikiga o’xshamaydi? Keling, avvalo, bu mavzuga qanday qiziqib qolganim haqida gapirib beray.

Ilk bor Amerikaga kelganimda, bir oilada bobosining ham, o’glining ham, nabirasining ham bir xil familiyada ekani meni ajablantirgandi. Axir familiya faqatgina boboning ismi bilan bo’lishi, keyingi avlodda bu familiya otaning ismi bilan almashishi kerak emasmi deb, ulardan shu haqda so’rab ko’rdim. Bildimki, Amerikada familiyalar faqat boboning  ismi bilan bo’lishi shart emas ekan, balki ilk ajdodlaridan bo’lgan biror kishining nomi familiya sifatida ishlatilgan bo’lsa, o’sha ism oilda avloddan avlodga familiya bo’lib o’tib kelaverar ekan.

Read the rest of this entry »

3 comments
Tags: ,
Posted in Turli xil

Muallif haqida


Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.