Shpërblim financiar për rënie nga pesha

E Martë, 27 Janar 2009
1 comment


feetonscaleShumë kompani tani ofrojnë shpërblime financiare për të nxitur punojësit e tyre që të bien nga pesha. Por a është i efektshëm shpërblimi financiar? Një studim i ri tregon se po, të paktën për një farë kohe. Njerëzit që u paguan për të rënë nga pesha, humbën 3 herë më shumë kilogram sesa ata që nuk u shpërblyen për këtë qëllim. Sipas studimit, paraja mund të jetë një faktor motivues i fuqishëm për të ulur peshën trupore. Mjekët pranë universitetit të Pensilvanisë morrën në shqyrtim 57 persona që përpiqeshin për të rënë nga pesha gjysmë kilogrami në ditë për 16 javë. Ata u ndanë në dy grupe. Pjesmarrësve të njërit grup nuk iu dha shpërblim financiar për të rënë nga pesha. Antarëve të grupit tjetër iu dha një shumë prej 100 dollarësh secilit. Në fillim të studimit, këtyre iu tha që të depozitonin një shumë të hollash në ditën e parë të çdo muaji. Në se binin nga pesha atyre iu ktheheshin paratë si dhe u jepej një shumë tjetër si shpërblim. Rezultatet treguan se personat e paguar për të rënë nga pesha humbën 6 kilogram ose tre herë më shumë sesa personat e grupit tjetër që humbën vetëm 2 kilogram. Por kur ndikimi i parave u hoq, gjendja ndryshoi. Autorët e studimit thonë se 7 muaj më vonë, këta persona kishin rifituar 25 deri 50 përqind të kilogramëve të humbur, gjë që lë të kuptohet se njerëzit kanë nevojë për një nxitje të brendëshme apo vullnet, dhe se se pakësimi i peshës trupore duhet të shihet më tepër si shpërblim dhe jo si detyrim.

One response to “Shpërblim financiar për rënie nga pesha”

  1. lula says:

    kam deshire te dobesohem por nuk mundem

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

January 2009
M T W T F S S
« Dec   Feb »
 1234
567891011
12131415161718
19202122232425
262728293031