Kolonoskopia virtuale dhe rrezatimet

E Enjte, 15 Prill 2010
2 comments

Astrit Lulushi, Zëri i Amerikës

Shkencëtarët në SHBA dhe Administrata për Ushqimet dhe Barnat janë të një mendimi se rrezatimi  gjatë procedurës së kolonoskopisë virtuale me aparate skanimi paraqet rrezik për shëndetin. Mjekët të cilët mbështesin këto procedura thonë se kolonoskopia virtuale është më pak e dëmshme dhe më pak e kushtueshme sesa kolonoskopia konvencionale. Por të tjerë thonë se nëpërmjet procedurës kolonoskopike me skanim pacientët marrin rreze të shumta që dëmtojnë organizmin.
Kanceri i zorrës së trashë është një nga sëmundjet më vdekjeprurëse në botë. Shpesh ky lloj kanceri nuk ka smptoma prandaj edhe është vështirë të dallohet që në fazë të herëshme. Kjo është arsyeja përsepse mjekët i kërkojnë të rriturve mbi 50 vjec që të kryejnë një kolonoskopi për të zbuluar ndonjë kancer të mundshëm.

Kolonoskopi do të thotë “për të parë zorrën e trashë”. Kolonoskopia konvencionale kryhet me një tub të gjatë, elastik i quajtur kolonoskop që është e pajisur me një kamera të vogël me fibër-optike dhe një dritë. Ky tub futet në zorrën e trashë të pacientit dhe mjekët mund t’i shohin imazhet  në ekran. Gjatë kësaj procedure, mjekët gjithashtu mund të heqin edhe ndonjë qelizë jonormale ose polypse që shohin në zorrën e trashë të pacientit.

Një tjetër procedurë, por pa ndërhyrë në zorrën e trashë kryehet, quhet “kolonoskopi virtuale”, që kryehet nëpërmjet aparatit të quajtur Cat Scan” i cili nëpërmjet rrezeve përmes barkut të pacientit, bën radiografinë e zorrës së trashë.

Dr Maha-devapa Mahesh, profesor i Radiologjisë  në Universitetin Johns Hopkins, thotë kolonoskopia virtuale mund të shpëtojë jetën e shumë pacientëve. Ai thotë se shumë njerëz kanë frikë, a druhen të kryejnë një kolonoskopi konvencionale. Dhe një ditë këta njerëz mund të bëhen viktima të kancerit në zorrën e trashë. Kolonoskopia virtuale, me radiografi, është mjaft e efektshme, prandja edhe rekomandohet si një alternativë nga Instituti kombëtar mbi sëmundjet e kancerit.

Nëse gjatë kolonoskopisë virtyuale, mjekët dallojnë qeliza jonormale ose polyps, atëherë nevojitet kolonospopia ndërhyrëse a konvencinale për t’i hequr ato.

Por disa mjekë thonë se CT Scan i ekspozon pacientëve ndaj rrezatimeve të dëmshme. Ata thonë se sasia e rrezeve që pacientët mund të marrin nga një skanim i zorrës së trashë është i barabartë me sasinë e rrezeve nga 400 radioskpi të gjoksit.

Dr Julian Nicholas , ka punuar më parë për Administratën e Ushqimeve dhe Barnave. Ai thotë se argumentet për kolonskopi virtuale nuk janë bindëse, sepse nuk ekzistojnë të dhëna të mjaftueshme që të provojnë se kolonoskopia me rreze është e efektshme dhe e padëmshme.

Dr Nikolas dhe shkencëtarë të tjerë kanë paralajmëruar vazhdimisht se kolonoskopia me skanim nuk duhet të përdoret si një procedurë rutinë për shkak të rrezikut nga rrezatimi.

Edhe Dr. Jeffrey Shuren i administratës për ushqime dhe barna e pranon se pacientët mund të mos jenë plotësisht të vetëdijshëm për rreziqet e një kolonoskopie virtuale. Por ai thotë se administrata e ushqimeve dhe barnave kujdeset për cilësinë dhe dobinë e pajisjeve dhe teknologjive që përdoren në mjekësi, dhe nëse ato duhen përdorur ose jo në një rast të veçantë, kjo varet nga mjeku.

Çdo vit në Shtetet e Bashkuara kryen rreth 70 milionë procedura mjekësore me aparate Cat Scan, dhe qeveria tani ndodhet nën trysni për të paraqitur zyrtarisht rekomandimet e veta se deri në çfarë shkalle duhet të jetë rrezatimi që lëshojnë aparatet e skanimit, që ato të mos jenë të dëmshme për shëndetin e pacientit.

2 responses to “Kolonoskopia virtuale dhe rrezatimet”

  1. terezina says:

    Jam nje lexuese e rregullt e informacioneve shendetesore qe ju jepni nepermjet emisionit “Zeri i Amerikes”.Jane shume te vlefshme. Ju falenderoj

  2. Tini says:

    sh.flm per informacionet qe perconi te ne jan shum domethense per ne

Leave a Reply to Tini Cancel reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

April 2010
M T W T F S S
« Mar   May »
 1234
567891011
12131415161718
19202122232425
2627282930