SHBA, Shtohen rastet e lindjeve në shtëpi

E Hënë, 23 Maj 2011
Leave a comment

Astrit Lulushi, Zëri i Amerikës

Sipas një raporti të ri nga Qendra amerikane për Kontrollin e Sëmundjeve, gjatë vitit 2008 në Shtetet e Bashkuara ka pasur mbi 28-mijë lindje në shtëpi ose 20 përqind më shumë sesa në vitin 2004. Lindjet në shtëpi ende përbëjnë më pak se një për qind të lindjeve në SHBA, por e reja që sjell raporti është se këto shifra janë më të lartat që nga viti 1990 dhe se kjo rritje vihet re më se shumti mes grave të bardha jo-hispanike.

Në vitin 2008, një dekalaratë e Kongresit të gjinekologëve amerikanë paralajmëronte anëtarët e vet që të mos bëhen aspak pjesë e lindjeve në shtëpi që raporti e quan një lëvizjeje ‘trendy” ose modë. Paralajmërimi lëshuar nga Kongresi i gjinekologëve duket se ka pasur efektet e veta. Për shembull, në qytetin e Nju Jorkut, ligjërisht, mamitë duhen patjetër të kenë lidhje me një spital dhe nuk mund të veprojnë privatisht. Por edhe siguria e lindjeve në spitale mund të vihet në pikëpyetje. SHBA-të shpenzojnë shuma të mëdha lidhur me shtatzanitë dhe maternitetet, megjithatë sipas një studimi të vitit 2008 dhe botuar në revistën prestigjioze mjekësore britanike Lancet, Shtetet e Bashkuara kanë një prej niveleve më të larta të vdekshmërisë gjatë lindjeve mes vendeve të industrializuara, duke u renditur në vendin e 39.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

May 2011
M T W T F S S
« Apr   Jun »
 1
2345678
9101112131415
16171819202122
23242526272829
3031