Veprimtaria fizike, mekanizëm kundër qelizave të kancerit

E Mërkurë, 05 Tetor 2011
2 comments

Astrit Lulushi, Zëri i Amerikës

Dëshmi bindëse se ushtrimet fizike ndihmojnë pacientët e kancerit.

Aktiviteti fizik është lidhur më parë me uljen e rrezikut të kancerit të gjirit dhe zorrës së trashë, por tani shkencëtarët kanë filluar t’a kuptojnë pse.

Dihet se sa më shumë qeliza me shumë yndyrë në trup, aq më shumë insulinë dhe estrogjen, të cilat të dyja mund të ndihmojnë rritjen e qelizave të kancerit.

Dr Jennifer Litton, onkologe në qendrën Anderson të kancerit në Houston të Teksasit, thotë se veprimtaria fizike mund t’i ndryshojë qelizat përreth, si dhe të ulë nivelet e estrogjenit, insulinës dhe kimikateve të tjera që shërbejnë si ushqim për qelizat e tumorit.

Ushtrimet fizike gjithashtu ndihmojnë në uljen e stresit, gjë që ndikon në pakësimin e pezmatimeve. Stresi dhe pezmatimi gjithashtu ndihmojnë rritjen e qelizave të kancerit.

Studimi ku morrën pjesë mbi 4000 gra me kancer të gjirit, zbuloi se ato gra që kishin nivel të lartë aktiviteti fizik ishin 50 përqind më pak në rrezik për të vdekur nga ky lloj kanceri, në krahasim me gratë që nuk kryenin ushtrime fizike.

Një tjetër studim me pjesmarrjen e 3000 grave zbuloi se dobia më e madhe e ushtrimeve fizike ndodh kur gratë ecin me një ritëm mesatar 3 deri në 5 orë në javë. Rezultatet u botuan në revistën Cancer Epidemiologjy.

Dr Jennifer Litton, një nga autoret e studimeve, thotë se çdo njeri ka qelizave abnormale dhe organizmi është programuar për t’i gjetur dhe shkatërruar ato. Ndoshta veprimtaria fizike mund të jetë një prej shumë mekanizmave që e ndihmojnë organizmin t’a bëjë këtë.

2 responses to “Veprimtaria fizike, mekanizëm kundër qelizave të kancerit”

  1. NMR Albania says:

    Interesant ky studim mund te postoni ju lutem titullin e artikullit shkencor ne fjale.

    • astritlulushi says:

      Dy studimet janë botuar ne nje nga numrat e fundit te revistes mjekesore Cancer Epidemiologjy.. Revista mund te gjendet ne biblioteka universitetesh mes literatures mjeksore.
      Kjo revistë ka vite që kryen studime te ngjashme nën temën “Physical Activity and Cancer Prevention”.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

October 2011
M T W T F S S
« Sep   Nov »
 12
3456789
10111213141516
17181920212223
24252627282930
31