Autizmi dhe skizofrenia

E Hënë, 05 Mars 2012
Leave a comment

Astrit Lulushi, Zëri i Amerikës

Autizmi dhe skizofrenia janë dy çrregullime neurologjike me karakteristika të veçanta, por të ngjashëm në mosfunksionim shoqëror. Për shumë vite, kjo ngjashmëri ka rezultuar në diagnoztikim të gabuar, kur shumë të rinj me çrregullime të spektrit të autizmit (ASD) mendohej se vuanin nga një version i skizofrenisë – thuhet në një studim nga shkencëtarë të universitetit të Teksasit në Dallas (UTD).

Studimi merret me veçoritë e këtyre dy çrregullime; simptomat e autizmit mund të shihen që në fillim të jetës, ndërsa ato të skizofrenisë zakonisht shfaqen në moshë rinore. Gjithashtu, individët me skizofreni shpesh kanë përvojë halucinacionesh dhe deliresh të ndryshme, të cilat janë shumë më pak të zakonshme tek individët me autizëm.

Një problem i përbashkët për këto dy çrregullime është se, si personat me ASD edhe ata me skizofreni kanë vështirësi në ndërkomunikim shoqëror. Ata shpesh kanë vështirësi të identifikojnë emocionet e të tjerëve, prandaj edhe reagimet e tyre mund të duken të papërshtatshëm, gjë që krijon problem për ndërkomunikim.

Sipas studimit, për shkak se dy çrregullimet dallojnë në shumë drejtime, kuptimi i këtyre dallime mund të jetë kyçi për zhvillimin e trajtimeve efektive, të veçanta për secilin çrregullim, autizëm dhe skizofreni.

Në kërkime të mëparëshme, një nga autorët e studimit, Dr. Sasson dhe kolegët e tij në universitetin e Teksasit, kanë përdorur “teknologjinë e ndjekjes së lëvizjes së syve” dhe kanë zbuluar se reagimi shoqëror i të rriturve me autizëm dhe atyre me skizofreni ndikohet nga paranoja, por dallimi është se pacientët me autizëm priren ta shohin mjedisin rrethues me një farë cinizmi, rezultat i sfidave që ata ndeshin në jetë për shkak të gjendjes së tyre; ndërsa personat me skizofreni e shohin rrethin shoqëror me një farë armiqësie, për shkak të delirive.

Duke bërë ndarjen midis skizofrenisë dhe autizmit, dhe duke shqyrtuar mënyrën se si pacientët reagojnë në marrëdhëniet shoqërore, autorët e studimit shpresojnë se do të zhvillohen mënyra të reja për të luftuar përvojat negative të pacientëve. Dhe kjo mund të rezultonte në një përmirësim të thellë të aftësive e tyre për të jetuar suksesshëm.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

March 2012
M T W T F S S
« Feb   Apr »
 1234
567891011
12131415161718
19202122232425
262728293031