Operacioni i pare në botë për transplantimin e 3 organeve tek një femijë

E Enjte, 08 Mars 2012
1 comment
Astrit Lulushi, Zeri i Amerikes
 
Në një spital të Miamit në Florida, mjekët pediatër kryehen operacionin e parë në botë për transplantimin njëkohëshit të tre organeve – mëlçisë, pankreasit, dhe veshkave tek një fëmijë me sindrom Wolcott-Rallison.Pacientja është shqiptarja 6 vjeçare Angela Bushi, e prekur nga sindromi Wolcott-Rallison (WRS), thuhet në një komunikatë për shtyp të Shkollës Mjekësore Miller të Universitetit të Miamit. Sindromi Wolcott-Rallison shfaqet me probleme të shumta, duke përfshirë dëmtimin e mëlçisë, diabet, mosfunskionim të veshkave, probleme të kockave dhe të rritjes, infeksione të përsëritura, dëmtime të intelektit.Për shumicën e fëmijëve të prekur nga ky sindrom, sëmundja rezulton në vdekje.Për fat të mirë, për 6-vjeçaren Angela Bushi, mjekët në spitalin e fëmijëve Holtz dhe Shkollën Mjekësore Miller në Universitetin e Miamit, ishin në gjendje të diagnostikonin gjendjen e saj para se shumë prej komplikimeve t’i merrnin jetën. Dhe më e rëndësishmja, mjekët arritën t’a sigurojnë jetën e saj me një transplantim të kombinuar të veshkave, mëlçisë dhe pankreasit, duke ruajtur shëndetin e organeve të tjera.Në komunikatë thuhet se ky lloj transplantimi nuk është i pari për një fëmijë, por është hera e parë në botë që transplantimi i kombinuar është përdorur për të trajtuar sindromin Wolcott-Rallison.Qendra të tjera klinike e spitalore janë përpjekur për transplantimin e mëlçisë për fëmijët me këtë sindromë, por kanë hequr dorë për shkak të shqetësimeve per komplikime me organet e tjera. Nga transplantimit i 3 organeve njëherësh, ndërlikimet u minimizuan dhe rasti i Angela Bushit ka dhënë një shans për fëmijët e tjerë me këtë sëmundje të rrallë, që të mund trajtohen në të njëjtën mënyrë.Angela u lind e shëndetshme, por u prek nga diabeti kur ishte 1 vjeç. Në shtator të vitit 2011 – në moshën 5 vjeçare – tek Angela filluan të shfaqeshin simptoma të ngjashme me ato të gripit dhe pastaj ndodhi dëmtimi i mëlçisë.

Vetëm disa muaj më herët, Angela kishte humbur motrën e saj 18 muajshe, Alicia Bushi. e cila gjithashtu kishte zhvilluar simptoma si të gripit që çuan në mosfunksionimin fatal të mëlçisë.

Në Spitalin e Fëmijëve Holtz, Dr Olaf Bodamer, drejtor i programit të pediatrisë gjenetike, arriti t’a diagnostikojë Angelan me sindromin Wolcott-Rallison, një sëmundje tepër e rrallë – vetëm rreth 60 raste të raportuara në të gjithë literaturën mjekësore. Një ekip i përbërë nga një gastro-enterologist, Dr.Jennifer Garcia, dhe kirurgët Dr. Andreas Tzakis e Dr. Akin Tekin, dhe ekipet e kujdesit kritik në Spitalin e Fëmijëve Holtz, zhvilluan së bashku një plan novator në mënyrë që Angela të mos pësonte fatin e motrës së saj.

Angela u vendos në listën e personave që kanë nevojë për transplantim, dhe më 29 dhjetor 2011, ajo iu nënshtrua operacionit për transplantimin e kombinuar të mëlçisë, veshkave dhe pankreasit. Ky është operacioni i parë i kombinuar në botë tek një fëmijë me sindromin WRS.

Rimëkëmbja e Angelas pas operimit nuk ishte e lehtë, por më 23 shkurt, 2012, ajo doli nga spitali Holtz dhe nuk ka më nevojë për trajtim me insulinë. Angela Bushi dhe familja e saj tani jetojnë në Jacksonville të Floridës.

Në një bisedë telefonike me Zërin e Amerikës, e ëma e Anxhelës, Valbona Bushi thotë se deri në moshën 1 vjeç Anxhela ishte një fëmijë i shëndetshëm. Por vitet që pasuan u bënë të vështira.Dëgjo intervistën

One response to “Operacioni i pare në botë për transplantimin e 3 organeve tek një femijë”

  1. Viktor Ceka says:

    Lavdi Zotit per kete lloj nderhyrje te veshtire dhe u roje nga zemra shendet te plote dhe paqja e Zotit ne kete familje.

Leave a Reply to Viktor Ceka Cancel reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

March 2012
M T W T F S S
« Feb   Apr »
 1234
567891011
12131415161718
19202122232425
262728293031