Disa barna mund të jenë më pak të dobishme se sa mendojnë mjekët

E Mërkurë, 21 Mars 2012
Leave a comment

Astrit Lulushi, Zëri i Amerikës

Sa i informuar është mjeku juaj? Sepse del se rezultatet e disa studimeve të rëndësishme mjekësore nuk arrijnë deri tek mjekët.

Të gjithë duan të trajtohen nga mjekë bazuar në arritjet më të fundit të mundshme të shkencës. Por një studim në revistën “PLoS Medicine” gjen një “pamje të verbër” në këtë autostradë informacioni.

Duke shqyrtuar provat klinike me barnat për trajtimin e psikozës, autorët e studimit zbuluan se 17 përqind e studimeve që iu janë dorëzuar agjencisë së ushqimeve dhe barnave (FDA) nuk janë bërë publike. Më shqetësues është fakti se shumë prej studimeve të pa-publikuara janë ato që hedhin dyshime mbi efektshmërinë e këtyre barnave.

Kjo e ashtuquajtur “njëanshmëri publikimi” do të thotë se mjekët mund të mos kenë një këndvështrim të plotë dhe të balancuar për trajtimet që ata u rekomandojnë pacientëve.

Autorët e studimit thonë se përqasja e zgjeruar në studimet e agjencisë së barnave është thelbësore për të shmangur paqartësitë midis ilaçeve të efektshme dhe të paefektshme.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

March 2012
M T W T F S S
« Feb   Apr »
 1234
567891011
12131415161718
19202122232425
262728293031