Kirurgjia dhe diabeti

Tuesday, 27 March 2012
Leave a comment

Astrit Lulushi, Zëri i Amerikës

Një studim i ri nga mjekët e Klinikës së Klevelandi tregon se pacientët diabetikë mbipeshë që iu nënshtrua operacionit bariatrik u përmirësuan dukshëm ose u shëruan plotësisht nga kjo sëmundje.

Operacion Bariatrik (humbje peshe) përfshin shumëllojshmëri procedurash tek personat mbi peshë. Nëpërmjet ndërhyrjes kirugjike, një pacienti të tillë i zvogëlohet stomaku me anë të një pajisje mjekesore (brez kirurgjik); i hiqet një pjesë e stomakut; i bëhet një rilidhje e zorrëve të holla apo “gastric bypass”.

Në studim thuhet se pacientët diabetikë që iu janë nënshtruar operacionit bariatrik kundër mbipeshës kanë arritur përmirësim të dukshëm ose diabeti u është zhdukur. Sipas studimit, disa pacientë që humbën peshë me anë të ndërhyrjes kirugjike tani kanë arritur nivele normale të sheqerit në gjak, pa përdorimin e ndonjë ilaçi diabetik. Tek pacientë të tjerë, nevoja për insulinë për të kontrolluar sheqerin në gjak u eliminua.

Dr. Philip Schauer, drejtor i Institutit Bariatrik dhe Metabolik në Klinikën e Klevelandit thotë se operacionet bariatrik përbëjnë një strategji të mundshme të vlefshme për kontrollin e diabetit për pacientët tek të cilët trajtimi konvencional nuk jep rezultat.

Përfundimet e studimit u bënë të njohura këto ditë në konferencën vjetore të Kolegjit Amerikan të Kardiologjisë në Çikago.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

March 2012
M T W T F S S
« Feb   Apr »
 1234
567891011
12131415161718
19202122232425
262728293031