Autizmi – në kërkim të shenjës më të hershme

E Enjte, 17 Maj 2012
1 comment

Astrit Lulushi, Zëri i Amerikës

Nuk ka prind që të besojë se fëmija ka problem. Por kur vjen puna për autizëm, dallimi i sëmundjes që në fillim sjell ndryshim të madh.

Ekspertët thonë se sa më herët të dallohet ky çrregullim aq më i madh është edhe ndikimi i trajtimit të simptomave dhe problemeve të tjera zhvillimore të fëmijës. Pra, shikimi për shenja paralajmëruese të autizmit që kur fëmija është foshnje ka rëndësi jetike.

Një në çdo 88 fëmijë diagnostikohet me autizëm deri në moshën 8 vjeç. Deri tani mosha 1 vjeç deri 18 muajsh, kur fëmija fillon të flasë, sillet e komunikojë, është konsideruar si mosha më ideale për dallimin e shenjave të autizmit në fazat e hershme. Por një grup shkencëtarësh mendojnë se kanë zbuluar një shenjë edhe më të hershme të shfaqjes së autizmit – Ata thonë se mund t’a dallojnë autizmin që kur fëmija është 4 – 5 muajsh.

Mjekët e kanë ditur se varja i kokës së foshnjes mbrapa kur prindi e ndihmon t’a ngrejë nga qëndrimi shtrirë, mund të jetë një shenjë e vonesës në zhvillim. Por studimi i ri është i pari që e lidh këtë shenjë me autizmin. Dhe për arsye se ndërhyrja sa më e herëshme është faktor kyç, mjekët thonë se zbulimi mund të sjellë ndryshime të thella në trajtimin e autizmit. Duke njohur këtë shenjë, prindërit dhe mjekët tani nuk presin derisa fëmija të mbushë 1 vjeç a më shumë për të kuptuar se fëmija ka ndonjë shenjë autizmi.

Studimi u krye nga shkencëtarë të Institutit Kennedy-Krieger në Baltimor. Në shqyrtim u morrën foshnje 4 – 5 muajsh me rrezik më të lartë – ata që kishin një vëlla ose motër me autizëm. Rezultatet treguan se 75 për qind e foshnjeve, koka e të cilëve anonte mbrapa kur ngriheshin nga shtrirë në qëndrimin ulur, u diagnosatikuan me autizëm kur mbushën 2 vjeç. Dhe pa këtë shenjë të herëshme, prindërit kurrë nuk do të kishin dyshuar se fëmija e tyre ishte autistik. Për fëmijët, tek të cilët autizmi zbulohet që në foshnjëri, mjekët e prindërit mund të marrin masa për të ndihmuar që fëmija të zhvillohet më mirë e të zvogëlojë deri në eleminim pasojat e këtij çrregullimi – dhe kjo falë një prove fare të thjeshtë që sjell trajtimin e hershëm.

One response to “Autizmi – në kërkim të shenjës më të hershme”

  1. John says:

    If some one desires to be updated with most up-to-date technologies afterward
    he must be go to see this web site and be up to date everyday.

Leave a Reply to John Cancel reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

May 2012
M T W T F S S
« Apr   Jun »
 123456
78910111213
14151617181920
21222324252627
28293031