Astrit Lulushi, Zëri i Amerikës

Për vitaminën D flitet shpesh – veçanërisht nëse ajo përmirëson shëndetin e kockave.

Një studim i ri u përqëndrua tek personat mbi 65 vjeç – 75 për qind e personave të kësaj grup moshe preken nga fraktura e kockave.

Mes 31 mijë pjesmarrësve në studim, 90 për qind ishin gra. Autorët zbuluan se doza të larta të vitaminës D shtesë – 800 ose më shumë njësi ndërkombëtare në ditë – ishin të dobishme kundër frakturave, duke pakësuar 30 për qind të rasteve të frakturave të legenit dhe një pakësim prej 14 për qind të frakturave jo-vertebrore.

Autorët e studimit të botuar në revistën e shoqatës amerikane të mjekësisë (JAMA), thonë se rezultatet e tyre mbështesin një rekomandim të mëparëshëm, sipas të cilit personat 65 vjeç e sipër të marrin 800 njësi Vitaminë D shtesë në ditë.