Yoga si fizioterapi

E Premte , 27 Korrik 2012
Leave a comment

Astrit Lulushi, Zëri i Amerikës

Shumë njerëz adhurojnë yogan, veçanërisht kur është fjala për shëndetin mendor dhe formën fizike. Por sipas një studimi të ri, kjo disiplinë mjaft e përhapur mund të përmirësojë edhe cilësinë e jetës për një grup pacientësh.

Goditja në tru është diagnoza më e zakonëshme mes pacientëve që trajtohen me fizioterapi rehabilituese. Pas goditjeve në tru, persona të tillë vuajnë nga paraliza. Ata kanë veçanërisht vështirësi në ruajtjen e drejtpeshimit. Mbi 80 përqind e viktimave të goditjeve në tru preken nga prishja e drejtpeshimit dhe rreth 70 përqind e tyre aktualisht rrëzohen. Dhe frika nga rrëzimi lidhet drejtpërdrejt me cilësinë e jetës së pacientit.

Por një studim botuar në revistën ‘Stroke‘ tregon se përfshirja e yogas së pjesë e terapisë fizike përmirëson ndjeshëm drejtpeshimin dhe pakëson frikën e pacientit për t’u rrëzuar. Studimi tregoi se yoga përmirësoi dukshëm cilësinë e jetës, dhe se kjo mënyrë trajtimi mund të jetë më pak e kushtueshme nga ana financiare për përjetuesit e goditjeve në tru.

Në studim u përfshinë një numër relativisht i vogël pacientësh, rreth 50 vetë, por rezultatet nxisin për studime të mëtejshme më të gjëra.

Pacientët e  intervistuar pas studimit thanë se për arsye të përmirësimit të drejtpeshimit, ata kishin më shumë mundësi të kryenin veprimtari të tjera dhe në mjedise më sfiduese –  edhe pse ndjenin frikën se mos rrëzoheshin, vetëbesimi i tyre ishte më i madh përsa i përket ruajtjes së balancës trupore.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

July 2012
M T W T F S S
« Jun   Aug »
 1
2345678
9101112131415
16171819202122
23242526272829
3031