Shkencëtarët; “Fondet, jo të mjaftueshme”

E Diel, 03 Shkurt 2013
1 comment

Astrit Lulushi, Zëri i Amerikës

logoNjë grup shkencëtarësh amerikanë shprehin shqetësim se fondet e pamjaftueshme po pengojnë kërkimet në fushën e sëmundjeve të syve dhe trurit. Fondacioni BrightFocus, një organizatë jofitimprurëse, publikoi rezultatet e një ankete me përfshirjen e më shumë se 170 shkencëtarëve biomjekësorë.

Ata thonë se mungesa e fondeve të rregullta po krijon një deficiti për shkencëtarë të kualifikuar, ndërkohë që Amerika mund të përballet së shpejti me një krizë të kujdesit shëndetësor për shkak të sëmundjeve shkatërruese si Alzheimer, degjenerimi makular, dhe glaukoma.

Shkencëtarët besojnë se për këto sëmundje mund të gjenden kura nëse atyre u jepen burimet dhe mjetet e nevojëshme që kërkojnë. Sipas statistikave, gati 20 milionë njerëz në SHBA janë prekur nga sëmundja Alzheimer, degjenerimi makular, ose glaukoma. Ky numër rritet, ndërsa popullsia plaket, duke kërcënuar familjet, kujdesin shëndetësor dhe ekonominë. Shkencëtarët thonë se zhdukja e këtyre sëmundje duhet të jetë një nga përparësitë kryesore në shkallë vendi.

Sipas studimit;
– 94 për qind e shkencëtarëve të anketuar ishin të një mendimi, se mungesa e fondeve federale për kërkime rreth sëmundjeve të trurit dhe syve ka penguar zbulimet shkencore.
– 91 për qind thanë se mungesa e fondeve kërkimore po bën qe shkencëtarët të largohen nga fusha e kërkimeve.
– 96 për qind pohuan se financimet e kufizuara përbëjnë pengesë të lartë të hyrjes së shkencëtarëve të rinj në fushat kërkimore rreth sëmundjeve të trurit dhe të syve.

Studimi thotë se kostoja për trajtimin e sëmundjeve është shumë më e vogël në krahasim me koston e dështimit për ta bërë këtë. Sipas Fondacionit BrightFocus, kostoja e përgjithëshme e kujdesit shëndetësor vetëm për Alzheimerin është 200 miliardë dollarë në vit dhe pritet të ngrihet në 1 presje 1 trilionë dollarë deri në vitin 2050, nëse zbulime shkencore nuk bëhen të mundura nga fondet kërkimore. Gjithashtu, ndërsa pakësimet buxhetore në fushën kërkimore vazhdojnë, shqetësime ngrihen se talente të një brezi shkencëtarësh po humbasin.

One response to “Shkencëtarët; “Fondet, jo të mjaftueshme””

  1. zerina says:

    Te finacosh ne mbrojtje te shendetit eshte shume me e cmuar se cdo lloj financimi tjeter. Mendoj, se me vullnet dhe me deshiren e mire edhe fonde dhe donacione , gjenden.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

February 2013
M T W T F S S
« Jan   Mar »
 123
45678910
11121314151617
18192021222324
25262728