Astrit Lulushi, Astrit Lulushi
Gatimi dhe ushtrimi fizik janë dy mënyra për të mbajtur trupin në formë – por duket se secila priret të tregohet më e rëndësishme se tjetra.
Një studim i kryer nga shoqata e popullsisë së Amerikës, tregon se gatimi dhe ushtrimi janë në konkurencë me njëri tjetrin.
Shkencëtarët shqyrtuan të dhënat nga më shumë se 110 mijë amerikanë të rritur dhe zbuluan se ata që përgatisnin vetë ushqimet e tyre dhe në të njëjtën ditë ushtroheshin fizikisht, kishin gjasa të shpenzonin më shumë kohë për gatim duke lënë pas dore të ushtruarit, dhe anasjelltas.
Për shembull, 10 minuta kohë shtesë në përgatitjen e ushqimit pasqyrohej me 10 minuta më pak ushtrime fizike. Me fjalë të tjera, një sjellje zevendësohej proporcionalisht me tjetrën.
Një person, që të ushtrohet mirë, duhet të hajë mirë, prandaj autorët e studimit argumentojnë për balancimin e kohës midis gatimit dhe ushtrimit – në mënyrë që këto dy menyra të shëndetëshme të mos anulojnë njëra tjetrën.
