Trajtim i diabetit me hormon

E Shtunë, 27 Prill 2013
Leave a comment

Astrit Lulushi, Zëri i Amerikës

insulinShkencëtarë në Institutin e qelizave embrionale në universitetin e Harvardit  thonë se kanë zbuluar një hormon që mund të sigurojë një trajtim më efektiv të diabetit të tipit 2.

Hormon i ri quhet “Betatrofin” dhe ofron shumë shpresa. Vetëm në SHBA, rreth 26 milionë vetë vuajnë nga diabeti i tipit 2.

Në studimin në revistën Cell, në shtyp në maj, thuhet se “betatrofini” i provuar tek minjtë në laborator shtoi 30 herë prodhimin e qelizave Beta të cilat prodhojnë insulinë.

Por këto qeliza të reja Beta mund t’a prodhojnë insulinën vetëm kur trupi ka nevojë, duke ofruar mundësinë për rregullimin natyror të nivelit të insulinës.

Studimi thotë se nëse ky parim vlen edhe për njerëzit, kjo do të thotë se në vend që personi të marrë injeksione insulinë tri herë në ditë, ai/ajo do të merrte një injeksion Betatrofin një herë në javë, një herë në muaj, ose madje një herë në vit.

Autorët thonë se ndërsa studimi është bërë në minj, hormoni Betatrofin dihet se ekziston edhe në njerëz. Megjithatë, ata paralajmërojnë se studime të tjera nevojiten para se Betatrofini të mund të përdoret si ilaç për trajtimin e njerëzve me diabet të tipit 2.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

April 2013
M T W T F S S
« Mar   May »
1234567
891011121314
15161718192021
22232425262728
2930