Barnat kundër tensionit dhe kanceri i gjirit

E Hënë, 05 Gusht 2013
Leave a comment

Astrit Lulushi, Zëri i Amerikës

calciumblockerMiliona të rritur kanë tension të lartë gjaku – dhe shumë prej tyre marin ilaçe për t’a kontrolluar atë. Por këto barna, edhe pse të dobishme, nuk janë pa efektet anësore.

Deri në 1 në 3 të rritur amerikanë kanë presion të lartë të gjakut. Shumë prej tyre marrin barna të quajtur “bllokues kanali kalciumi” për t’a kontrolluar atë. Në fakt, mjekët në SHBA japin gati 98 milionë receta për këtë ilaç çdo vit.

Tani, shkencëtarët kanë zbuluar se “bllokues kanali kalciumi” mund të jetë i lidhur me rrezikun e kancerit të gjirit. Një studim i ri i financuar nga Instituti Kombëtar i Kancerit tregon se ky ilaç i dobishëm mund të ketë lidhje me shtimin e rrezikut të kancerit të gjirit për gratë e moshuara.

Shkencëtarët shqyrtuan më shumë se 1 mijë e 700 gra të moshës 55 vjeç e sipër. Ato që kishin marrë bllokues kanali kalciumi për 10 vjet ose më shumë kishin një rrezik dy herë e gjysmë më të madh për t’u prekur nga dy forma të rënda të kancerit të gjirit.

Sigurisht, lidhja e saktë mes këtij ilaçi dhe kancerit të gjirit është ende e paqartë – sepse kanceri i gjirit mund të ndodhë për një sërë arsyesh tek gratë e të gjitha moshave.

Përfundimi: Nëse një grua është duke marrë ‘Bllokues Kanali Kalciumi’ dhe shqetësohet rreth kancerit të gjirit, studimi këshillon që ajo të bisedojë me mjekun a mjeken e saj për udhëzim se si duhet të veprojë për të mbajtur larg rrezikun e kancerit në gji.

Leave a Reply

Your email address will not be published. Required fields are marked *

Rreth autorit

Rreth autorit

brainAstrit Lulushi shkruan a sjell njoftime mbi zhvillime në mjekësi, shkencë e fusha të tjera.

Të gjitha informatat në këtë blog jane vetëm për njohuri të përgjithshme dhe jo për zëvendësim të këshillave mjekësore dhe trajtimeve për kushte të veçanta shëndetësore, për të cilat ju duhet të konsultoheni me mjekun tuaj. Lidhje të jashtme website ofruar në këtë blog janë të destinuara për lehtësi sqarimi dhe vetëm për qëllime informative.

Kalendar

August 2013
M T W T F S S
« Jul   Sep »
 1234
567891011
12131415161718
19202122232425
262728293031