Təbriz və Urmiyədəki aksiyalar zamanı tutulanlar barədə dəqiq məlumat yoxdur

Posted September 12th, 2011 at 9:22 pm (UTC-4)
Leave a comment

İnsafəli Hidayət
Təbrizdən aldığımız xəbərlərə görə bu gün minlərlə insan Urmiə və Təbrizdə küçələrə axışaraq Urmiyə gölünün qurumasının qarşısını almaq üçün parlamentə verilən qanun layihəsinin rəddedilməsinə etirazlarını bildirib Urmu gölünün xilas edilməsinə çağırıblar. Təbrizdə əlaqə saxladığımız nümayiş iştirakçıları küçələrdə adamdan dəfələrlə çox təhlükəsizlik qüvvəsi olduğunu deyiblər. Onlar rəsmi paltardakı polis dəsdələrindən dəfələrlə çox mülki paltarda polislərin küçələrdə keşik çəkdiklərini deyiblər.

Nümayişə təşəbbüs edənlərin bir hissəsi polis tərəfindən döyülüb. Yüzlərlə adam yaralanıb. Yüzlərlə adam isə saxlanıb. Şənbə günkü nümayişlərin qarşısını almaq və əhalini dağıtmaq üçün Tehrandan Təbrizə dünən xüsusi təyinatlı qüvvələrin göndərildiyi deyilir.

HRANA bildirib ki, Urmiyəninin Mosom küçəsində yerləşən örtülü bazararın bağlı olmasına baxmayaraq təhlükəsizlik qüvvələri və iğtişaş polisi heç bir səbəb olmadan bazara daxil olub əmlaka zərər veriblər. HRANA Avqustun 27-ndə yaydığı xəbərdə də mülki paltarlı agentlərin Təbrizdə dükanların pəncədərələrini, telefon budkalarını dağıtdıqlarını və belə hadisələrin keşmişdə də Tehranda başverdiyini yazmışdı.

Amerikanın səsinin Təbriz və Urmiyədən aldığı məlumatlara göə minlərlə insanın çox sıxı təhlükəsizlik tədbirlərinə baxmayaraq iştirak elədikləri nümayişlərdə hökümət və rejim əleyhinə şüarlar səslənməyib, aksiyalar siyasiləşdirilməyib və ətraf-mühit məsələsi olaraq qalıb. Ancaq çəkilən videolardan da göründüyü kimi onların aksiyasına qarşı polis tərəfindən heç də güzəştə gedilməyib yüzlərlə adam polisin hücumu nəticəsində aldıqları zərbələrə görə xəstəxanalara yerləşdiriliblər ki, onların da bəziləri xəstəxanada müalicə olunduqları vaxt polis tərəfindən saxlanaraq təhlükəsizlik qüvvələrinin nəzarətindəki xəstəxanalara aparılıblar ki, müalicədən sonra həbs oluna bilsinlər. Həbsdəki nümayiş iştirakçılarının sayı barədə dəqiq məlumat olmasa da mindən çox adamın polisin nəzarətində olduğu təxmin edilir.

Nümayişlərdən əvvəl iftar süfrəsində ikən polis tərəfindən həbs olunan otuz nəfərdən bir hissəsinə həbs cəzası verilməsi barədə yayılan xəbərlər isə hələlik Amerikanın səsi tərəfindən təstiq edilə bilməyib.

Leave a Reply

Your email address will not be published. Required fields are marked *

BLOGLAR

RSS Xəbərlər