İlkin Rüstəmzadə: AzTv təbliğatına inanan bir cəmiyyətə sahibik

Posted March 26th, 2013 at 3:37 pm (UTC-4)

O, Azərbaycanda virtual həyatı reallığa gətirməyə nail olub. Əsasən Facebookda “event” yaratmaqla məşhurlaşıb. Amma onun “event” şəklində təşkil etdiyi etiraz aksiyalarına minlərlə insan toplaşıb. 12 yanvar və 10 mart “Əsgər ölümlərinə son!” və 26 yanvar “İsmayıllıya dəstək” aksiyalarının təşkilatçısı məhz o olub – İlkin Rüstəmzadə! Ən son aksiyadan öncə 6 gün müddətinə azadlıqdan məhrum edilsə də, aksiyaların təşkilatçısı olmaqdan çəkinmədiyini bildirir.

Bu həftə Sərbəst Kürsünün qonağı Azad Gənclik Təşkilatının üzvü İlkin Rüstəmzadədir. Martın 27-də İlkin Rüstəmzadə sizin suallarınızı cavablandırıb.

—————————————————————————————

21:00 / 27 mart 2013

Salam əziz Sərbəst Kürsü oxucuları.

Həmişə olduğu kimi bu gün də Sərbəst Kürsü canlı forumunun moderatoru mən Emil Quliyevəm. Sərbəst Kürsüdə sizin suallarınızı İlkin Rüstəmzadə cavablandırır.

21:02
Emil Quliyev [moderator]: İlkin bəy, axşamınız xeyir. Sərbəst Kürsüyə xoş gəlmisiniz.

21:03
İlkin Rüstəmzadə: Çox sağ olun. Hər vaxtınız xeyir

21:04
EQ: İlkin bəy, ilk sualı Xeybər adlı oxucu göndərib, o, aktiv gənclərin taleyindən narahatdır:

– İlkin bəy,Siz bildirirdiniz ki,bu aksiya sırf ictimai aksiyadır və tələb birmənalı olaraq orduya nəzarətin güclənməsi,qayğının artırılması və buna oxşar digər istəklərdən ibarət idi.Bu məsələdə siyasi amil olaraq nəsə görürsünüzmü?Aktiv gənclərə qarşı bir çox dövlət orqanlarının apardığı gülünc,standart hərəkətləri necə təsvir edərsiz?

21:08
Cavab: Aksiya tamamilə sivil, dinc aksiya idi. Bu aksiya heç bir siyasi qurum, təşkilat tərəfindən yox, fərdlər-gənclər tərəfindən təşkil olunmuşdu. Siyasi çalar verməmək üçün maksimum dərəcədə çalışdıq. Amma, əks tərəfin-hökümətin, hüquq mühafizə orqanlarının atdığı addımlar hadisəni siyasiləşdirdi. Həbslər birmənalı olaraq siyasi motivlidir və haqsızdır.

21:09
Sual [Kamil Quliyev]: Sizi 6 günlük saxlamışdılar. Nəsə səbəb göstərmişdilər?

21:14
Cavab: İnzibati Xətalar məcəlləsi 310cu maddə. Polisə tabe olmamaq. Məhkəmədə polis(şahidliyi qanunsuzdur) şahid oldu, daha doğrusu üzümə durdu ki, söyüş söymüşəm. 6 sutka həbs verdilər. Polis 2 gün saxlarkən sanksiyanı 1 gün sonra verdiyindən 7 sutka sayıla bilər.

21:15
Sual [Turan]: Salam Ilkin bey mene maraqlidir?Sizin ve sizin etrafindakilar siz niye daima soyusw vasitesiyle dansirsiz?Qeyd edimki facebook ictimai sosial sebekedir,Facebookdada soyuslerniz kesilmek bilmir,Hardasa sohbet dusende kimse sizi 50 faiz muadife etse onun 30 faizi sizin soyus soyen edebsiz kimi taninmaqnizda dusur ,yeni cemiyyetde mudafie faizniz asaqi dusur.Xususiyle nida teskilati haqqinda cemiyyetde yaxsi fikirler hec yoxdur ,Avropa ya da amerkalasaq deyirsinzse hec bu olklerde bu qeder edebsizlik yoxdur, sozum size Eger lider olmaq istyrsinzse hec bir noqsan etmememlisiz.

21:19
Cavab: 1. Mən lider olmaq istəyirəm deyə bi cümlə heç vaxt işlətməmişəm
2. Söyüşü mən də dəstəkləmirəm, amma söyüş azadlığın bir formasıdır. Söyüşlə mədəniyyət olmadığı kimi mədəniyyətsizlik də olmur. Söyüşdən maksimum istifadə etməməyə çağırıram. Sadəcə, hərdən elə hisslər olur ki, artıq söyüşə zərurət yaranır
3. N!DAçıları bəyənməyən ancaq savadsız, mübarizədən qorxan və cahil insanlar ola bilər. Bu gənclər bizim kimi qapalı cəmiyyətlər üçün yanan işıqdırlar.

21:20
Emil Quliyev: Rasim Alışov adlı oxucu email vasitəsilə yazır ki, Turxan Qarışqanın sizinlə bağlı yazdığına münasibətiniz necədir?

21:23
İlkin Rüstəmzadə: Turxan mənim dəyərli dostumdur. Sadəcə zarafat edir və mən də bunu normal qarşılayıram.

21:25
Sual [Tehmasib]: Axsaminiz xeyir Ilkin bey, Icazeli aksiya teskil etmeyi fikirlesirsiniz?

21:29
Cavab: 1. Axşamınız xeyir. Konstutusiyada kütləvi toplaşma azadlığı açıq şəkildə təsbit olunub və orda icazə sözü yoxdur, xəbərdarlıq var. Sərbəst toplaşma azadlığı haqqında qanun bu baxımdan konstitusiyaya ziddir.
2. Gənclərə qarşı repressiyalara cavab olaraq razılaşdırılmış aksiya təşkil etmək fikrimiz var. Amma, bu halda da cəmiyyətin bir qismindən əks təpki gələ bilər deyə bu barədə müzakirələr aparırıq.

21:30
Sual [GrayWolf]: Salam, sence Azerbaycanda hakimiyyet ne vaxt deyishecek?

21:35
Cavab: Bu siyasi situasiyadan, insanların aktivliyindən və beynəlxalq güclərin məsələyə reaksiyasından aslıdır. Amma, beynəlxalq güclərin dəstəyini qazanmaqçün xalq sözünü deməli, özünü göstərməliyik. Xalqın mövcud siyasi rejimdən narazılığının sürətlə artığını nəzərə alsaq ən geci 2015-ci ildə, məncə, mövcud rejim gedəcək

21:36
Sual [Rehman]: Salam. Ilkin bey Rehim Qaziyeve munasibetiniz necedir ?

21:41
Cavab: Rəhim Qazıyev müdafiə naziri olanda mən hələ yenicə anadan olmuşdum. Bu səbəbdən o dövrü, prosesləri olduğu kimi bilməyim mümkün deyil. Sadəcə oxuduqlarımdan, öyrəndiklərimdən müəyyən bir fikir bildirə bilərəm ki, Azərbaycan tarixi üçün önəmli simalardandır. Pis və ya yaxşı, bunu gələcəkdə həmin illərin arxivləri açılanda dəqiq biləcəyik.

21:42
Emil Quliyev: Oxuculardan biri belə bir şərh yazıb: “Kimə işdiyirsennn ? 😀 ”

21: 47
İlkin Rüstəmzadə: Bu suallarla tez-tez rastlaşıram. Hətta ailəm belə mənim hansısa dövlətə işlədiyimə, kiminsə agenti olduğuma, xarici təşkilatlardan pul aldığıma inanırlar. Ətrafdakı insanları bu səbəbdən qınaya bilmirəm. AzTv, Eynulla Fətullayev təbliğatına inanan bir cəmiyyətə sahibik. İnsanların bu reaksiyası normaldı. Kimə işləməyimə gəlincə, hal-hazırda işsizəm və iş axtarıram.

21:48
Sual [Gunel]: Ilkin size ilk defe Eventler Krali statusun kim vermishdir?

21:50
Cavab: Bu sualı qeyri-ciddi qəbul edirəm və cavablandırmaq istəmirəm.

21:51
Sual [Cəmilə Şəms]: İlkin Rüstəmzadənin ən böyük qorxusu nədir?

21:55
Cavab: İtlər

21:57
Sual [Könül]: Bu gün sizinlə eyni fikirdə, əqidə də olan bir chox gənclər var, amma bezi sərhədlər onlara sizinle daha yaxin əlaqədə olmaga mane ola bilir. Ve siz nece onlarla əlaqə yaradib, daha mohkəm movqedə dayan bilərsiz?

22:02
Cavab: Mən heç vaxt heç kimə sərhəd qoymamışam. Bunun mənfi nəticələrini də görsəm də, sərhəd demək olar ki, yoxdur. Sosial şəbəkələrdə hər kəsə cavab verməyə çalışıram, proseslərə qoşulmaq istəyən insanlarla görüşürəm. Hal-hazırda özüm Azad Gənclik Təşkilatının üzvüyəm. Gənclər qüvvətlənmək, birləşmək, səslərini eşitdirmək, biliklərini artırmaq, dünya görüşlərini artırmaq istəyirlərsə bizim təşkilata qoşula bilərlər.

22:03
Sual [Marshall]: Salam Ilkin. Neye gore “facebookda mehshur olan” bir neche adama (Mehman, Turxan…ve s.) sert reaksiya vermirsen? “Onlar zarafat eliyib, sozum bashqalarinadi” deyib ustunnen kechirsen?

22:07
Cavab: Mehman da, Turxan da dəyərli dostlarımdı. Tənqid də edə bilərlər, zarafat da. Digər insanlar kriteriyasına isə haqsız tənqid edənləri aid edirəm.

22:08
Sual [Orxan]: İlkin nə vaxt birdə aksiya olacaq? Artıq 2-3 aksıyadı və heç bir dəyişiklik yoxdu gənclərdə azadlıq ruhu azda olsa oyandı ama dövlət isə heç bir dəyişiklik etmir.Hansısa planız varmı?

22:12
Cavab: Hal-hazırda bir planımız yoxdur. Müxakirələr aparırıq. Dəyişiklik yoxdu yanlış yanaşmadır. Dəyişiklik var və biz bunu hiss edirik. Dəyişikliyi hökümət etmir, gənclər edir.

22:14
Sual [Prostoy Vətəndaş]: Bu hakimiyyətə aksiya zad təsir etmir, bunu bilə-bilə aksiya təşkil edəndə ruhdan düşmürsən?

22:18
Cavab: Təsir etməsəydi saxta ittihamlarla həbslər olmazdı, hakimiyyət bütün repressiya maşınını işə salıb əks-təbliğat aparmazdı, nazir, PA rəhbəri səviyyəsində reaksiya verilməzdi. Təsir edir.

Digər tərəfdən lap ən pis halı düşünək:
Soljenitsın tək idi, qarşısında 200 milyon var idi. Amma bezmirdi,ruhdan düşmürdü.

22:19
Sual [Samira]: Sizce milletimizde hansi keyfiyyetler tamamlansaysdi rejimde istediyiniz dəyişikliye nail olardiq?

22:22
Cavab: Mübarizlik, mədəni səviyyə, aydın fikir, dünyəvi dəyərlərə inam və bir az səmimilik olsaydı daha yaxşı olardı.

22:23
Emil Quliyev: Email vasitəsilə daxil olan digər bir sual: Sizin fəaliyyətləriniz sizə nələrə başa gəlib, hansı təzyiqlərlə üzləşmisiniz?

22:29
İlkin Rüstəmzadə: 2 dəfə polis tərəfindən saxlandım,birində 6(7) sutka həbsdə yatdım. Bunu keçək, işimdən oldum. Universitetdən qovulmağım an məsələsidir. Şəxsi həyatım pozuldu. Ailəmin, nəsil-kökün etibarını itirdim, “Vətən xaini” damğası aldım. Rayonlarda qalan qohumlarım belə hüquq-mühafizə orqanları tərəfindən incidildi. Və ən pisi N!DAçı dostlarım həbs olundu.

22:30
EQ: Sevil adlı oxucudan daxil olan şərhdə deyilir:

– Sualim yoxdur sadece bunu demek isteyerdim , sene halal olsun ve bele de davam et, ugurlar sene.

22:31
İlkin Rüstəmzadə: Çox sağ olun. Birlikdə davam edəcəyik!

22:32
Sual [Zabil]: Sen heqiqeten bu torpagi sevirsen ve bu torpaqdaki edaletsizliye qarwi cixirsan, yoxsa yox?

22:33
Cavab: Torpağı sevmirəm, insanları sevirəm.

22:35
Sual [Burhan]: Salam. Ilkin bey siz bu qeder teziqlere meruz qalmissiz , qohumlarinizla da uz – goz olmusuz (fb statusunda yazdiginiza esasen ) bbes siz ozunuzde bu mubarize ezmini hardan tapirsiz ?

22:40
Cavab: Demokratik, ədalətli, sosial cəhətdən bərabər, insanların hüququnun qorunduğu cəmiyyətdə yaşamaq istəyi, arzusu, yanğısı. Motivasiya mənbəyim budur.

22:42
Emil Quliyev: Sakina adlı izləyici email vasitəsilə yazır:

– Ilkin, burda dediklərinlə facebookda yazdıqların üst-üstə düşmür. Orada sənə event yaradan deyənləri tənqid edirsən, burada isə dostlarımdır deyirsən. Hansına inanaq?

22:46
İlkin Rüstəmzadə: Siz səhv oxumusunuz. Mən ad çəkmişəm, və həmin insanların dostum olduğunu bildirmişəm. Digər tənqidçilərin yox.

22:47
Sual [Ülvi]: Salamlar. İlkin, yaratdığın eventlər uzun müddətdən sonra Azərbaycanda oyanmaya səbəb oldu. Amma hər aksiyada bir neçə istedadlı gəncimizi qurban verdik. Bəs bundan sonra necə, bu tip aksiyalardan uzaq – uzunmüddətli də olsa insanların maariflənməsi üçün daha təhlükəsiz fəaliyyət göstərmək sənə daha məqsədəuyğun görsənmir ki? Onu da deyim ki, mən bu gün proseslərdə iştirak edən bir çox insanlara tam güvənməsəmdə sənin səmimiyyətinə tam inanıram. Əminəm ki, çoxlarında belədir. Sən indi gənclərin baxıb nümunə götürdüyü bir insansan. Odur ki, şəxsən mən sənin tutulma riskinin yüksəlməsini istəmirəm. İndi maarifləndirmə yolu ilə daha çox fayda verə bilərsən. Özündən muğayat ol.

22:51
Cavab: Mənim həbs olunmağım çox kiçik məsələdir. Mən həbs olunacam, onlarla gənc qoşulacaq. Artıq həbslər xof yaratmır, əksinə, bumeranq effekti verərək gəncləri prosesə yönəldir. Maarifləndirmə məsələsinə gəlincə. Mənim ixtisasım iqtisadiyyatdır və iqtisadi biliklərimin indiki halda cəmiyyətdə maarifləndirməyə xeyri dəyəcəyini düşünmürəm. Sosiologiya, fəlsəfə və ədəbi biliklərimi isə o qədər də yüksək qiymətləndirmirəm və düşünürəm ki, maarifçilik işi üçün mənə baxanda daha uyğun namizədlər var.

22:52
Sual [Nurane]: Ilkin son zamanlar xususile qizlarin sene olan maragindan şikayetlenirsen. Mubariz gencsen ureklisen gencler arasinda mueyyen qeder taninirsan. Bes xanimlarin seni yolda gorerken conub baxmalarini niye normal qarsilaya bilmirsen?

22:54
Cavab: Mən insanların hansısa dividentə, populyarlığa önəm verməsini yaxşı hal saymıram. O ki qaldı mənim münasibətimə. Mənim münasibətim sırf başıma gələnlərlə bağlıdı.

22:55
Sual [Tehmasib]: Sosial sebekeden istifade edenlerden basqa hec kimin bele bir aksiyalardan,hadiselerden xeberi yoxdu.bu meseleni daha cox insana catdirmaq ucun nese fikirlesirsiniz?kanallarimizda sagolsun millete lay-lay deyir.

22:58
Cavab: Yox, hamının xəbəri olur. Hətta, rayonlardakı internetsiz insanların belə. Ən az xəbəri olan kəsim facebook işlətməsinə baxmayaraq səviyyəsiz səhifələrin istifadəçisi olan, düşük sevgi nağıllarıyla nəfəs alan universitet gəncliyidir. Məhz onlar ən passiv kəsimdir. Digər tərəfdən vərəqələrin yayılması, divarlara şürarların yazılması, stikerlərin yapışdırılması və digər vasitələr hələlik ən aktiv istifadə olunan PR metodlarıdır.

22:59
Emil Quliyev [moderator]: Ilkin bəy, Sərbəst Kürsüdə iştirak etdiyiniz üçün sizə minnətdaram. Vaxtınızı ayırdığınız və sualları cavablandırdığınız üçün çox sağ olun.

23:00
İlkin Rüstəmzadə: Siz sağ olun. Buyurun.

23:00
Emil Quliyev: Oxucularımıza da aktiv iştiraka görə təşəkkür edirik. Sərbəst Kürsünün növbəti sayında görüşənədək… SƏRBƏST KÜRSÜ SİZİN BLOQUNUZDUR!

28 comments

Tags: aksiya, amerika, amerikanin sesi, Amerikanın səsi, esger olumu, ilkin, rustemzade, serbest kursu, Sərbəst Kürsü, son

Posted in Azərbaycan, Canlı Forum, Demokratiya, Media, Sərbəst Kürsü, Siyasət, Sosial məsələlər

Zaur Qurbanlı: “Mən Məhəmmədlə, Bəxtiyarla, Şahinlə fəxr edirəm!”

Posted March 12th, 2013 at 4:30 pm (UTC-4)

4 comments

N!DA Vətəndaş Hərəkatı! – Təşkilat 2 il əvvəl təsis edilsə də, 10 martda keçirilən “Əsgər ölümlərinə son!” aksiyasınadək əsasən gənclər arasında populyar idi. Ancaq aksiyadan bir neçə gün öncə 3 üzvünün hüquq-mühafizə orqanları tərəfindən saxlanılaraq dövlət çevrilişində və narkotik vasitələrin daşınmasından ittiham olunduqdan və üzvlərin Azərbaycandakı telekanallar vasitəsilə yayımlanan ifadələrindən sonra bütün Azərbaycanda danışılan başlıca mövzuya çevrildi. 10 mart aksiyasının təşkilatçılarından olan N!DA isə rəsmi bəyanat verərək hər hansı zorakı üsuldan istifadəni qəti şəkildə qınadığını bildirdi. Aksiya zamanı da nümayiş iştirakçıları tərəfindən hər hansı zorakılıq qeydə alınmadı. Buna baxmayaraq N!DA Vətəndaş Hərəkatının 3 üzvü haqda 3 aylıq həbs qətimkan tərbiri seçildi.

“Əsgər ölümlərinə son!” aksiyası və N!DA Vətəndaş Hərəkatı barədə bütün suallara cavab vermək üçün Sərbəst Kürsüyə “N!DA”nın təsisçilərindən Zaur Qurbanlını dəvət etmişik. Martın 13-ü Zaur Qurbanlı sizin suallarınızı canlı olaraq cavablandırıb.
——————————————————————————————————————————-
21:00 / 13 mart 2013

Axşamınız xeyir, Sərbəst Kürsünün növbəti sayında xoş gördük. Canlı forumun moderatoru həmişə olduğu kimi Emil Quliyevdir. Sərbəst Kürsüdə qonağımız isə Nida Vətəndaş Hərəkatının təsisçilərindən Zaur Qurbanlıdır.

21:02
Emil Quliyev: Zaur bəy, axşamınız xeyir olsun. Sizi Sərbəst Kürsüdə oxucularımız adından salamlayıram.

21:03
Zaur Qurbanlı: Hər vaxtınız xeyir, Emil bəy. Oxucuları salamlayıram. Axşamınız xeyir.

21:05
Emil Quliyev [Moderator]: Təşəkkür edirik. Birbaşa suallara keçmək istərdik. İlk sualı Xalis Məmmədli adlı oxucu göndərib. O yazır:

– Yeni yaranmış El hərəkatı ilə bağlı fikirlərinizi öyrənmək istəyərdim. Əgər N!da olaraq hərəkatın fəaliyyətini dəstəkləməyi düşünürsünüzsə hərəkat tərəfindən dəstəklənəcək namizəd kimi kimi görmək istəyərdiniz? Demokratik bir ölkədə yaşasaydıq indiki siyasi arenadan hansı şəxsi namizəd kimi dəstəkləyərdiniz?

21:13
Cavab: “El ” Hərəkatı ilə bağlı məsələ bir az tərsinədir sanki. Belə ki, “N!da”ya rejimin son hücumu zamanı “N!da”nı dəstəkləmək məqsədilə ictimai-siyasi nüfuzu olan bəzi şəxslər və Nizamnaməmizin qadağan etmədiyinə görə bəzi təşkilatlar Hərəkatımıza qoşulduqlarını bəyan etdilər. Bu təşkilatlardan biri də “El” Hərəkatı oldu. Yəni gördüyünüz kimi, “N!da” “El” Hərəkatını yox, “El” Hərəkatı “N!da”nı dəstəkləyib. Hazırda “N!da” olaraq, hansısa namizədi prezident seçkisində dəstəkləmirik. Bizim məqsədimiz Azərbaycanda dinc və sivil yolla hüquqazidd olmayan vasitələrlə inqilab edərək, demokratiyanı bərqərar etməkdir. Bu məqsədə müvafiq gələn hansısa namizədi dəstəkləyə də bilərik, heç bir namizədi dəstəkləmədən fəaliyyətimizə davam da edə bilərik. Bunu zaman göstərəcək.
Demokratik mühitdə hansı namizədi dəstəkləyəcəyimlə bağlı onu deyə bilərəm ki, bunun üçün demokratik mühiti görmək lazımdır. Çünki indiki hər şeyin ağ-qara olduğu mühitdə kimsə özünü normal göstərməyə, potensialını nümayiş etdirməyə bilər, amma normal mühitdə həmin şəxs daha çox reytinq yığa bilər. Ona görə də yanılmamaq məqsədilə indidən fal kimi proqnoz vermək istəmirəm.

21:14
Sual [Kamil Quliyev]: O düzdür ki, Nida ideyası məhz sizin olub? Bir də bu təşkilatı nə məqsədlə yaratmısınız?

21:19
Cavab: “N!da” ideyası bir qrup gəncə məxsusdur. 2011-ci ilin əvvəllərində biz bu Hərəkatı yaratmaq barədə müzakirələr aparanda bir neçə variant var idi. Sonda təsisçilər səs verərək, “N!da” Vətəndaş Hərəkatı fikrinin üzərində durdular. Konkret “Nida” sözünün nə vaxtdan gəlməsi maraqlıdırsa, bu fikir hələ 2009-cu ildən var idi və dostlar ideyanı yaşatdı və 2011-ci ildə praktikaya keçirdik.
Bu Hərəkatı yaratmaqda məqsədimiz Azərbaycanı demokratikləşdirməkdir. Bu məqsədi həyata keçirmək vasitələri isə müxtəlif və şəraitə görə dəyişkəndir.

21:20
Sual [Rustam Baku]: İTV-də N!DAçılar niyə elə danışırdılar? Mən əvvəl inanmırdım onlarda tapılan narkotikaya, amma onlar danışandan sonra elə onların özlərini qınadım. Çünki danışan həqiqətən özləri idi. Elə buna görə də martın 10-da aksiyaya gəlmədim. O dostlarınız doğrudan narkotik paylamaq istəyirdilər? 18 yaşları var, hardan almışdılar onları?

21:29
Cavab: Bu qədər diqqətlisinizsə, görməkdə çətinlik çəkməzdiniz ki, onlara təzyiq olunmuşdu. Təzyiq anlayışına işgəncədən tutmuş psixoloji təzyiqə qədər hər şey daxildir. Mən özüm bunun şahidi olmuşam. Məsələn, mən keçən il sentyabr-oktyabr aylarında Baş Mütəşəkkil Cinayətkarlığa qarşı Mübarizə İdarəsində həbsdə olarkən, həbsdən çıxana qədər həbs qərarımdan apellyasiya şikayəti verilmədi. Çünki içəridə mənə böyük psoxoloji təzyiqlər var idi. İnsanı qadın qohumlarının təzyiqə məruz qalmasına qədər hər şeylə qorxuda biləcək qədər qeyri-humanistdirlər. Ona görə də MTN-də hazırda saxlanılan gənclərin hansı təzyiq və ya işgəncələr altında ifadə verdiklərini bilə bilmərik. Mən o uşaqlara ən azı özüm qədər inanıram. Ona görə də 100% əminəm ki, o sözlər onların deyildi, təzyiq altında əzbərlətdirilmiş sözlər idi. Bu, insan hüquqlarının ən kobud pozuntusudur. Bu provakasiyalara inanmaq isə kütlələrin təbii xüsusiyyətidir. Mən o gənclərlə çiyin-çiyinə mübarizə aparmış biri kimi o ifadələrdən sonra əminliklə deyirəm ki, mən Məhəmmədlə, Bəxtiyarla, Şahinlə fəxr edirəm. Cüzi də olsa, onları qınamıram.

21:31
Emil Quliyev [moderator]: Süsən Qasımova email vasitəsilə yazır:

– Hakimiyyət Nidanı nə üçün bu qədər təhlükəli hesab edir?

21:38
Zaur Qurbanlı: Çünki “N!da” sübut edib ki, Azərbaycan xalqı demokratik seçki keçirə bilir (biz Hərəkatımızda dəfələrlə belə seçki keçirmişik), “N!da” sübut edib ki, Azərbaycan demokratiyaya çoxdan hazırdır, hətta gecikir də, “N!da” bu xalqı, xüsusən gəncləri oyandırmaq üçün klassik müxalifətdən daha fərqli və kreativ vasitələr tətbiq edir. Bu rejim o qədər çürük və ideologiyasızdır ki, sağ, sol kimi konkret ideologiya ortaya qoymadan da normal düşünə bilən bütün insanları rejim əleyhinə səfərbər etmək olur. “N!da” ictimai sektorun ənənəvi simalarından kənara çıxdı, yüzlərlə gənc cəlb etdi mübarizəyə, bu gənclər İdarə Heyətinə seçiləcək qədər, özləri önəmli simalar olacaq qədər inkişaf etdilər. Rejimdə də az da olsa, ağıllı adamlar var. Onlar gördülər ki, həqiqətin gücü və azadlıq istəyi qarşısında duruş gətirmək mükün deyil. Ona görə də hazırda rejimin “N!da”ya qarşı tətbiq etdikləri sadəcə vaxtı gecikdirməkdən başqa bir şey deyil. Onsuz da əvvəl-axır bu xalq layiq olduğunu alacaq.

21:40
Sual [Alməmməd]: Salam Zaur bəy. Sizdən Aqşin Yeniseyin son gunler etirazçi gəncliyə qarşı dediklərinə münasibətinizi öyrənmək istərdim.

21:50
Cavab: Salam. Bu barədə Seymur Baycan və Günel Mövlud daha sərrast ifadələrlə Aqşinə cavab veriblər. Mən sadəcə müqayisə aparmaq istəyirəm. Uşaq vaxtımda kitabdan Süleyman Rüstəmin “Duz-çörək” şeirini oxumuşdum. Atama dedim, şeir çox xoşuma gəlib. Atam dedi, onu yazan adamın o şeirdəki fikirlərə dəxli yoxdur. Anlamadım əvvəlcə, sonra öyrəndim ki, Süleyman Rüstəm kim olub. Amma o şeirə sevgim hələ də qalıb. Aqşində də oxşar vəziyyətdir. Düzdür, o, əvvəllər nisbətən normal ictimai mövqe qoyurdu ortaya (məsələn, Rafiq Tağı ilə bağlı), amma son açıqlamaları, böhtanları onun 21-ci əsrin Süleyman Rüstəmi olduğunu deməyə əsas verir. Mən onun aktiv gəncləri qeyd-şərtsiz dəstəkləməli olduğunu demirəm, amma necə deyərlər, “insaf da dinin yarısıdır”. Bizi tənqid etmək olar və lazımdır, amma yalan demək, şər atmaq, üstümüzə cinayət yıxmaq (şüşə qırmaqda bizi təqsirləndirir, məsələn) çatışmazlıqdır sadəcə. Aqşin gözəl yazır və deyilənə görə, məişət səviyyəsində gözəl insandır. Amma təəssüf ki, onun bu müsbət keyfiyyətləri məişət səviyyəsini aşa bilmədi. Neynək?! Hərə bir yerdə ilişir, azərbaycanlılar da xalq olaraq, məişətdə ilişiblər.

21:54
Sual [Sabir Feteli]: Bəzən sizin təşkilatı Müsavatın gənclər təşkilatı kimi qiymətləndirirləer. Bu nə ilə bağlıdır və bunun üçün bir əsas varmı?

22:02
Cavab: Bunun nə ilə bağlı olması bu iddianı irəli sürənlərə görə 2 yerə ayrıla bilər: əgər iddianı sadəlövh adam irəli sürürsə, deməli, “N!da”nın həmtəsisçisi və hazırda İdarə Heyətinin üzvü olan Turqut Qəmbərin İsa Qəmbərin övladı olduğuna görə bunu belə düşünür. Əgər iddianı qərəzli adam irəli sürürsə, deməli, söhbət “N!da”nı ləkələməkdən gedir. İkinci hala indi diqqət verməyə bilərik, çünki orda məqsəd çirkindir. Birinci halda isə iddia sadəlövh yanılmadan irəli gəlir. Turqutu 2 ildən çoxdur ki, tanıyıram. O, patriarxal ənənələrə sadiq qalan, atasına görə öz fikirlərini qurban verən biri deyil. Turqut müstəqil, o cümlədən ictimai-siyasi məsələlərdə atasından asılı olmayan gəncdir, qərb təhsilli, kifayət qədər yüksək əxlaqi-mədəni keyfiyyətlərə malik mübariz, inqilabçı insandır. Onu atasının planlarını həyata keçirməkdə qınamaq ən azı insafsızlıqdır. “N!da”nın həmtəsisçisi kimi isə deyə bilərəm ki, “N!da” tam müstəqil, müxalif və ya iqtidaryönlü olmasından asılı olmayaraq, heç bir quruma tabe olmayan, hesabat verməyən, yalnız öz üzvlərini iradəsi ilə fəaliyyət göstərən, demokratik idarəçiliyə malik hərəkatdır.

22:05
Emil Quliyev [moderator]: Günay Mürsəlova email vasitəsilə yazır ki, o, İlkin Rüstəmzadədən narahatdır:
– İlkin Rüstəmzadədən sərbəst buraxılıbmı? Ondan nə xəbər var? 2. İlkin NİDAnın üzvüdür?

22:13
Zaur Qurbanlı: İlkin Rüstəmzadə mitinq günü saxlanılıb və ondan 1 gün ərzində xəbər almaq mümkün olmadı. Sonra onun üzv olduğu Azad Gənclik Təşkilatının İdarə Heyətinin üzvü Ülvi Həsənli bildirdi ki, İlkin 6 sutkalıq inzibati həbs inzibati tənbeh tədbiri ilə cəzalandırılıb. Hazırda Binəqədidə müvəqqəti saxlama təcridxanasında saxlanılır. Son dəfə verdiyi məlumatda vəziyyətindən şikayət etməmişdi, sadəcə darıxdığından oxumağa kitab istəmişdi. O da yəqin aparılıb.
Xeyr, İlkin “N!da”nın yox, Azad Gənclik Təşkilatının üzvüdür. Amma biz hamımız bir cəbhənin gəncləriyik.

22:15
EQ: “Rustam Baku” sizin cavabınıza cavab olaraq yazır ki, bəs sizdə “Ölmək var, dönmək yoxdur” prinsipi yoxdur?

22:21
Cavab: Pafosunuzu azaltsanız, daha yaxşı anlaşarıq. İşgəncə elə bir şeydir ki, onun təsiri altında kim necə davranacığını heç vaxt proqnoz edə bilməz. Sizin sualdan belə göründü ki, MTN-də gənclərin ölümlə üzləşəcək qədər ağır vəziyyətə düşdüklərinə inanırsınız. O zaman, lütfən, niyə dövlət idarəsində bu qədər qeyri-qanuni və anti-insani şərait yaradıldığı ilə maraqlanın, bəlkə onda suallarınıza cavab ala bildiniz.

22:23
Sual [Rasim]: “Əsgər ölümlərinə son” dediniz, amma heç nə dəyişmədi. Bu gün yenə ölən əsgər var. Aksiyalar davam edəcəkmi? Aksiyaların bir bəhrə verəcəyinə inanırsınızmı?

22:34
Cavab: Mitinq sərbəst toplaşma azadlığının həyata keçirilmə formalarından biridir. Sərbəst toplaşma azadlığı isə adətən cəmiyyətin və ya onun bir hissəsinin etirazını ifadə etmək üçün işlədilir. Yəni məqsəd etirazı ifadə etməkdir. Orduda əsgərlərin ölümünün qarşısını birbaşa almaq bizim vəzifəmiz deyil, bizim işimiz vətəndaşlar olaraq, bu vəzifənin daşıyıcılarını öz işlərini görməyə məcbur etməkdir. Məcbur edə bildikmi? Demokratik cəmiyyətdə yaşasa idik, bu suala artıq müsbət cavab verə bilərdik. Lakin bizdə hakimiyyət özünü xalqın fövqündə sayır, çünki bu qədər repressiyaya, saxtakarlığa baxmayaraq, heç vaxt seçkini uda bilməyiblər. Xalq onlara heç vaxt inanmayıb, onlar da bunun qisasını alırlar və xalqı dinləmirlər. Ona görə də hazırda dedovşina, orduda yarıtmaz vəziyyət və paralel olaraq, qeyri-döyüş itkiləri davam edir. Lakin bizim etirazımızın müsbət nəticələri oldu. Geniş anlamda mübət nəticə o oldu ki, biz cəmiyyətin ölmədiyni, klassik müxalifətdən kənarda da etirazın olduğunu, hakimiyyətin bundan daha artıq bizim fövqümüzdə qala bilməyəcəyini göstərdik. Daha dar anlamda isə müsbət nəticə o oldu ki, konkret zabitlər, hərbi hissə, korpus komandirləri özlərini yığışdırdılar. Son aksiyada hakimiyyətin qeyri-adekvat güc tətbiqi və zorakılığı göstərdi ki, artıq müdafiə naziri və ali baş komandan da özünü yığışdıracaq. Əgər 500-600 etirazçının qabağına suvuran maşınla, rezin güllə ilə, səs silahı ilə çıxırlarsa, deməli, qorxurlar və bu qorxu onları nədənsə çəkindirəcək. Deməli, bundan sonra daha az əsgər döyüləcək dedovşina çərçivəsində. Bu da uğurdur. Uğurlarımızın davamı üçün fəaliyyətimizə də davam etməliyik. Rejimin özünü aparmasından, əsgərlərimizə və digər vətəndaşlarımıza qarşı davranışından asılı olaraq, sosial sifarişə müvafiq tərzdə etirazlar olacaq, əlbəttə.

22:35
Sual [Yusufova]: Biz sizin kimi gənclərlə fəxr edirik. Nidaçıların və başqa gənclərin həqiqətən intelektinə və cəsarətinə inanırıq. Ənənəvi müxalifətin etmədiklərini siz edirsiniz! var olun!

22:37
Cavab: Təşəkkür edirəm. Qiymətləndirmə və qoşulmalar olduqca bu mübarizə də davam edəcək.

22:39
Sual [Kamil]: Telekanallar istintaq sirrini açdığı üçün onları məhkəməyə verməyi planlaşdırırsınız? Həbs edilənlər arasında 18 yaşına çatmayan üzvləriniz var, onlar barəsində cinayət işi açılmasına qanun icazə verirmi?

22:43
Cavab: İstintaq sirrini qorumaq bizim işimiz deyil. Şəxsi sirr, kommersiya sirri və s. açılsa idi, bizim üzərimizə vəzifə düşərdi. Onsuz da xeyli kobud qanun pozuntusu var və bütün bunlara görə məhkəməyə və digər lazımi prqanlara müraciət olunacaq və sonuna qədər gediləcək, bütün hüquqi vasitələrdən istifadə olunacaq, nəhayət biz ədalətin bərpasına nail ola biləcəyik.
Cinayət məsuliyyətinə cəlb etmə yaşı Azərbaycan Respublikası Cinayət Məcəlləsinə əsasən, 16, bəzi cinayətlərə görə isə 14 yaşdır. Həbsdə olan üzvlərimizin yaşları isə 20, 18 və 17-dir.

22:45
Emil Quliyev [moderator]: AleksiKaramazov Twitter vasitəsilə soruşur:

– Bəy, N!DAnın hakimiyyetdaxili qruplardan birinin (Paşeyevlərin) alətinə çevrilməsi planı kimi bir şaiyə dolaşır. Münasibətiniz.

22:46
Zaur Qurbanlı: Səsli güldüm.

22:48
Sual [Refiqe]: NİDA-nın maraqlı aksiyalarının planını kim cızır?

22:52
Cavab: İnsanlara azadlıq veriləndə (yaxud onlar layiq olduqları azadlıqlarını əldə edəndə) kreativ və yaradıcı olurlar. “N!da”da mühit kreativlik üçün əlverişlidir. Çünki hər kəs layiq olduğu azadlığı təşkilatdaxili münasibətlər çərçivəsində tətbiq edə bilir. Buna görə də keçirdiyimiz aksiyaların, tşkil etdiyimiz tədbirlərin maraqlı keçməsinə görə “N!da” yaranmış ənənəvi mühitə təşəkkür etmək lazımdır. Bu mühit üzvlərimizin potensialının üzə çıxmasına imkan verir. Sağ olsun, üzvlərimiz də, bizi yaradıcı layihələrdən məhrum qoymurlar.

22:53
Sual [Vuqar]: Demokratik cemiyyet movhumunu sizin noqteyi nezerden anliya bilmem uchun hansi kriteriyalari esas tutursunuz bilmek isterdim? Sizce demokratik cemiyyet utopiya deilmi?!

22:56
Cavab: Mütləq bir şeyin olmadığına mən də inanıram. O cümlədən mütləq demokrat olan bir şey, eləcə də cəmiyyət yoxdur, olmayacaq da. Əsas məsələ bizim getdiyimiz yolda daha mükəmmələ nə qədər yaxın olmağımızdır. Demokratik cəmiyyət məfhumunu müəyyən edən amillərdən insan hüquqlarını, azad seçkini, tolerant cəmiyyəti və s.-ni qeyd edə bilərik. Düzdür, qərb ölkələrində insan hüquqları demokratiyadan dah ageniş anlam olaraq, demokratiyanın özbaşnalığına qarşı qorunma vasitəsi kimi çıxış edir, bizim kimi sırf idarə edən rejimə görə bir neçə əsr geri qalmış cəmiyyətlərdə isə insan hüquqları demokratiya anlayışına daxil edilərək, demokratiya adı sanki bütün bu dəyərlər üçün qılaf rolunu oynayır, lakin mən bizim cəmiyyəti əsas götürməyə məcbur oluram.
Demokratik cəmiyyət bir baxımdan utopiyadır, lakin dediyim kimi, əsas məsələ heç vaxt çatmayacağımız ideala nə qədər yaxın olmağımızdadır. İndiki rejim çox uzaqdır, daha doğrusu o yolda deyil heç.

22:57
Emil Quliyev [moderator]: Zaur bəy, 2 saat ərzində oxucularımızın suallarını cavablandırdığınız üçün minnətdarıq.

22:59
Zaur Qurbanlı: Mən “Amerikanın səsi”nə, Emil bəy, sizə və sual ünvanlayan şəxslərə, eləcə də sual ünvanlamadan oxuyanlara minnətdaram. Çox sağ olun.

23:00
Emil Quliyev: Mən də oxucularımıza minnətdarlığımı bildirirəm. Xatırladım ki, Sərbəst Kürsünün qonağı N!DA Vətəndaş Hərəkatının həmtəsisçi Zaur Qurbanlı idi. Sərbəst Kürsünün növbəti sayında görüşənədək… SƏRBƏST KÜRSÜ SİZİN BLOQUNUZDUR!

4 comments

Tags: 10 mart, amerikanin sesi, canlı forum, əsgər ölümlərinə son, həbs, N!DA, nida, qurbanlı, Sərbəst Kürsü, zaur

Posted in Azərbaycan, Demokratiya, Sərbəst Kürsü

“Qazzetti”ni işlədən kimdir?

Posted February 26th, 2013 at 11:19 am (UTC-4)

11 comments

Bu veb səhifə cəmi iki həftə əvvəl yaranıb. Amma Azərbaycanda artıq çox sayda insan hər gün bu vebsayta baş çəkir. Söhbət Azərbaycanda baş verən gündəlik xəbərlərə satirik dad qatan “QAZZETTİ.COM”-dan gedir. Bu onlayn qəzetdə dərc edilən yumorlu yazıları gülmədən oxumaq mümkün deyil. Çoxları üçün bu portalı kimlərin təsis etdiyi və çalışdırdığı hələ də qaranlıq qalmaqdadır. Beləliklə, Sərbəst Kürsünün növbəti qonağı, daha doğrusu bu dəfə qonaqları Qazettinin təsisçisi və redaktorlarıdır. Onların kimliyini forum başlayanadək gizli saxladıq.

Fevralın 27-də QAZETTİ komandası oxucularımızın suallarını cavablandırıb.

—————————————————————————————————————————-

21:00/27 fevral 2013

Salam əziz Sərbəst Kürsü oxucuları, canlı forumda yenidən sizinlə qonaqlarımız arasında moderatorluğu mən edəcəm – Emil Quliyev. Elan etdiyimiz kimi bugünkü qonaqlarımız “Qazzetti.com”un təsisçiləridir. Bəs onlar kimdir? Beləliklə . . .

Musa Əfəndi İstanbuldan, İlham Əkbərli Bakıdan, Teymur Cahangir isə Ankaradan Sərbəst Kürsüyə qoşulur. Qazzetti komandası bu üç nəfərdən ibarətdir.

21:04

Emil Quliyev [moderator]: Salam dostlar, daha doğrusu, həmkarlar : ) Ümid edirəm, həmkar sözünə etiraz etməzsiniz. Sərbəst Kürsüdə hər üçünüzü xoş gördük.

21:06
Musa: Hamınızı salamlayıram.
Teymur: Salamlar.
İlham: Xoş gördük

21:07
EQ: Yeni başlatdığınız layihəyə görə sizi təbrik edirəm və ilk suala keçmək istəyirəm. Gülər adlı oxucumuz soruşur: Qazzetti nə deməkdir?

21:10
Musa: Saytı qurmamışdan əvvəl bir çox ad haqda düşündük. Soxulcan qoymağı da fikirləşmişdik. Bu qədər dərinə getmişdik yəni. Sonra, qazzetti qoymağı qərara aldıq. Qazzetti-nin xüsusi bir mənası yoxdu. Qazzetti də…

21:12
Sual [Misha]: Sən Allah o Bəxtiyar xəbərini kim yazmışdı? #adcek

21:16
İlham Əkbərli: Onu mən yazmamışdım, balaca qardaşım yazmışdı..əlim dəyib, çəkdim, gör necə çıxıb? Bu Mişa da yəqin Mixail Sakaşvilidi. Bakıdadı axı. Salam deyirik Mişaya.
Musa Əfəndi: Can sağlığı, atasına da çoxlu-çoxlu uğurlar.

21:19
Emil Quliyev [moderator]: John adlı bir nəfər yazıb ki, “Bextiyar xeberini biz yazmışdıq”. Buna münasibətiniz?

21:23
Teymur: Belə İlhamı yaxşı tanımıram, amma mən bilən onun John adında balaca qardaşı yoxdu.
İlham Əkbərli: John həmişə belə eləyir də. Bütün xəbərlərin altına girib yazır ki, mən yazmışam. “Bizi Johnnan usandırdı, cəfadan yar usanmazmı ?!” misrasını həsr edirik ona.

21:26
Sual [Vüqar]: Salam. Saytınız xoşuma gəlir, amma hərdən qrammatik səhvlər də olur. Onlara da fikir versəniz, əla olardı.

21:31
Musa: Bu məsələdə maksimum səliqəli olmağa çalışırıq. Bir xəbəri yazan kimi həmin dəqiqə çap etmirik. Hamı oxuyur, üstündə düzəliş edir. Amma hərdən xəbərlərimiz elə gülməli olur ki, öz gözümüzdən də qaçır bu xırdalıqlar. Amma “ş” yerinə “w” yazanlara qarşı da tolerant deyilik.
İlham: Vaxtı saxlayırıq 🙂

21:32
Emil Quliyev: Vurğun Maşiyev Twitter vasitəsilə soruşur:

– Qazzettinin arzusu nədir?

21:40
Musa: Mən İlhamı, Teymuru 4-5 ildir tanıyıram. Elə o vaxtdan bir işə girmək, beş-üç manat pul qazanmaq istəyirdik. Axırda həmişə McDonald’sda offisiant işləməkdə qərarlaşırdıq. Sonra “Theonion” saytının azərbaycanca versiyasını açmaq qərarına gəldik. Tvitterdə, facebook-da yazırdıq. Yazdıqlarımız müsbət qarşılanırdı. Amma bu işə ciddi yanaşırdıq bir tərəfdən də. Facebook səhifəsi, ya da blog həddində qalmasın dedik. Saytı qurduq. Məqsəd satiramızı daha böyük kütlələrə çatdırmaqdır, istəyirik Azərbaycan xalqı səviyyəli zarafatlara güasdffghjkl… Zarafat bir yana, tək arzumuz Qarabağın alınmağıdır.

İlham: Bu Qazzettinin arzusudu. Mən də İlhamıyam, İlham mənbəyi.
Musa: Teymur da bizim Teymur əmimizdi.

21:41
EQ: Etibar Salmanlı Twitterdən soruşur:

– Sizə xəbər yazıb yollansa onları paylaşacaqsınızmı ?

21:48
İlham Əkbərli: Etibar Salmanlı twitterdən soruşursa, ona niyə biz cavab veririk? Twitter versin də. Aralarına girmiş kimi olmayaq…
Teymur Cahangir: Zarafat bir yana, saytda xəbər göndər bölməsi var. Ordan göndərə bilər. Gülməlidisə, səliqəlidirsə, zor xəbərdisə, bomba xəbərdisə, əlbəttə dərc edərik.
Musa Əfəndi: Hə, xəbərlər gülməli olsun. Şey yaransın. Xoş arzular arzulayıram.

21:51
Sual [Aydın Camal – twitter]: Həyata ikinci dəfə gəlsəydiniz Qazzettini yaradardınızmı?

21:59
İlham Əkbərli: Aydın Camal bu sualı gülməli sual kimi vermək də artıq gülməli deyil e qardaş…
Teymur: Lap üçüncü dəfə də gəlsəydik edərdik, bəs Aydın Camal həyata ikinci dəfə gəlsəydi yenə bu sualı verərdi?

22:01
Sual [Ilaha]: Sizi bu qədər uzaq coğrafiyalarda birləşdirən dəyər nədir?
Bir də cap olunmaq isterdiz, ya belə daha uğurludur sizcə?
Bol enerji və uğurlar:)

22:10
Ilham: Uzaq coğrafiya deyilki. İki qardaş ölkədi də. Hacıbəy demiş bizi kimsə ayıramaz, siz də aramıza nifaq toxumları səpməyin. Çap məsələsinə də Hacıbəy müəllimdən sitat gətirirəm ki, bu bizim üzerimize çok böyük mesuliyyet koyar, ona görə hələ düşünmürük bunu.
Teymur: Arzuları üçün İlahə xanıma təşəkkür edirik.
Musa: Çap məsələsində yəqin kitab çıxarmağı nəzərdə tutub xanım. Analoji saytlar kitab çıxarıb, amma fəaliyyətə başladıqlarından 8-9 ildən sonra. O vaxta qədər biz hamımız ciddi yazıçılar olacağıq. Bu formatda olmasa da, başqa formatda kitablarımız çıxa bilər :))

22:12
Sual: [Orxan Ata – Twitter]: Qazzettinin idarə heyətinə sualım budur ki, bu qədər suala necə cavab verməyi fikirləşirsiniz? Əvvəl fikirləşmişdiniz bu haqda?

22:15
Musa: Sualların hamısına vaxt çərçivəsində cavab verməyi planlaşdırırıq. Amma, vaxt çatmasa Bəxtiyar Hacıyev demiş, vaxtımızı donduracağıq. Orxan Ataya bu gözəl sual üçün təşəkkür edirik. O yeganə adamdır ki, bizim onunla ata zarafatımız var. Orxan atasına da çoxlu-çoxlu uğurlar.
Ilham: Biz istəsək hələ Emin Millinin də suallarına cavab verərik amma istəmirik, vermirik. Orxan Atayada həmişə diqqətlə qulaq asırıq. Ata nəsihəti faydasız olmaz..

22:17
Emil Quliyev [moderator]: Turan Yusifova sizə uğurlar arzulamaqla məşğuldur.

22:20
Musa: Turan bizim saytın kraliçasıdır. O olmasaydı, biz Amerikalara qədər gedib çıxammazdıq, ordan Amerikanın səsinə səs verəmməzdik.
Teymur: Bizə çox xeyri dəyib. Biz də ona uğurlar arzulayırıq!

22:23
EQ: Toğrul Həsənzadə Twitterdə Qazzettini belə şərh edir:

– Boş olanda flaşmob eliyən insanların qəzeti @qazzetti

22:28
Musa Əfəndi: Biz boş adamlar deyilik. Boş vaxtımız çox olmur. Mən Boğaziçində oxuyuram, Teymur ODTÜ-də. İlham da BDU, kibernetika məzunudur. Ciddiyik biz, fikrimiz ciddidi, Qazzetti qız olsaydı, onunla evlənərdik. Flashmobla da yaxından uzaqdan əlaqəmiz yoxdu. “Ş” yerinə “W” yazanlara baxdığımız gözlə baxırıq moberlərə.
İlham Əkbərli: Adımızdan yalan məlumatlar yaymayın, xahiş edirik. biz ciddi xəbər saytıyıq. Mober qız görsək, uzağı yaxınlaşıb deyərik ki, xanım mober nömrəniz neçədi ? əlaqəmiz ancaq belə ola bilər.
Teymur Cahangir: Sayta gündəlik girişlərə baxaraq deyirəm ki, Azərbaycanda bu qədər mober yoxdu.

22:30
Sual [Ninja]: Salam, sizcə Qazzettinin belə tezlikle məşhurlaşmasının sebebi nedir ? Buna rəqabətsizlik səbəb ola bilərmi? Öncədən təşəkkürlər və uğurlar:)

22:38
Musa: Qazzettinin belə tez məşhurlaşmasının səbəbi apardığımız, uğurlu daxili və xarici PR siyasəti, o cümlədən, çiçəklənən zarafatlarımızdır. Rəqabətsizliyin böyük təsiri olduğunu düşünmürük. Belə layihələrdə vacib olan davamlılıqdır. Səhifə və ya bloq formatında başlayıb, amma davam edə bilməyənlər də var.
İlham: Ninjaya da təşəkkürlər və uğurlar. Həyatımda heç Ninjaya uğurlar arzulamamışdım, həyəcanlandım.
Musa: Biz də sonradan təşəkkür edirik. Öncədən edə bilməsək də.

22:40
Sual [Cavid Ağa – Twitter]: Qazzettinin yaradıcılarına sualım budur ki, evdəkilərin xəbəri var?

22:43
Ilham: Mənim “evim sensin” Cavid Ağa…
Teymur: Mamaya demişəm, papa bilsə öldürər.
İlham: Musa Effendi bu suala cavab vermək istəmir, şəxsi həyatı ilə deyil, sənəti ilə gündəmə gəlmək istəyir… Növbəti suala keçə bilərik.
Musa: Hə, evdə oturub kasetə yazırlar indi.

22:45
Sual [Demet Kurtbas]: Qazzetti’yi Türkiye de biliyor! Şimdiden bu kadar ilgi toplaması
cesur paylaşımlarının sonucudur. Başarılar diliyorum, takibinizdeyim:)

22:48
Musa: Türkiyədə ən az iki nəfər – mənlə Teymur sayta ilk gündən mütəmadi giririk. Sən demə çox imiş. Mənim otaq yoldaşım da türkdür. O da tez-tez girir oxuyur. Tam başa düşməsə də “hacı sizin şiveniz çok güzel eheh” deyir.
Teymur: Türkiyə hər məsələdə olduğu kimi bunda da Azərbaycanın yanındadı. Demet xanıma çox təşəkkür edirik!

22:50
Sual [Etibar Salmanlı – Twitter]: Saytınıza gündəlik neçə nəfər daxil olur, yəni İP nə qədərdir ?

22:52
İlham: Saytımıza giriş o qədər çoxdu ki, vallah İPini yığa bilmirik 🙂
Teymur: Dediyim kimi Azərbaycanda bu qədər mober yoxdu.

22:53
Sual [Atabəy Ağalarbəyli]: Kasıbçılığı da #qzztt edəcəksiz?

22:54
Musa: Biz bu suala Twitterdə cavab verəcəyik.
Ilham Akberli: Allah kasıbçılığın üzünü #qzztt eləsin ay Atabəy, nə deyim vallah.

22:55
Sual [EvezBaku – Twitterdən]: Bruce Lee döyər, yoxsa Van Dame?

22:56
Musa: Van Dam döyər, çünkü onun tapancası var.
Teymur: Van Persie döyər.

22:58
Sual [Vurğun Maşiyev – Twitter]: Nə vaxt köşklərdə Qazzetti almaq üçün sıra olacaq?

22:58
Musa: Biz – azərbaycanlılar sırada durmağı bacaranda. Bəxtiyar Hacıyevin sözləri ilə bitirim, Növbəsizsiniz? Növbə sizsiniz!

22:59
Emil Quliyev [moderator]: Çox sağ olun, mən hər üç qazzettiçiyə iki saat ərzində oxucularımızın suallarını cavablandırdıqları üçün təşəkkürümü bildirirəm və yeni başlayan, amma uğurla başlayan fəaliyyətinizdə daha da uğurlu olmağı arzulayıram.

23:00
Musa: Mən də öz adımdan hamıya təşəkkür edirəm. Bizə bu fürsəti verdiyiniz üçün minnətdarıq. Avqust ayında Teymurun ad günü olacaq. İndidən təbrik edirəm fürsətdən istifadə edib.
Ilham Akberli: Çox sağolun. Qarşıdan gələn 8 mart münasibəti ilə də bütün qızlara qazzetti hədiyyə edirəm.
Teymur: Hər kəsə təşəkkürlər. Bir qazzetti eləyirik. Çox sağolun!

23:00
Emil Quliyev: Mən qazzettiçilərlə yanaşı oxucularımıza da xüsusilə twitterdə göstərdikləri fəallığa görə minnətdarlığımı bildirirəm. Sərbəst Kürsü sizin bloqunuzdur. Gələn görüşlərədək…

11 comments

Tags: amerikanin sesi, Amerikanın səsi, qazzetti, qzztt

Posted in Azərbaycan, Canlı Forum, Media, Siyasət

Turqut Qəmbər: O televizor məndən də yaşlıdır

Posted February 19th, 2013 at 12:02 pm (UTC-4)

5 comments

Məhkəmə icraçıları yanvarın 12-də əsgər ölümlərinə qarşı etiraz aksiyasında iştiraka görə inzibati cərimə kəsilmiş gənc fəalların evlərində əmlakın siyahıya alınmasını və müsadirəsini həyata keçirir.Aksiya zamanı yüksək cərimə olunanlardan 5 nəfər – Turqut Qəmbər, Rəşad Həsənov, Ülvi Həsənli, Tural Abbaslı və Əbülfəz Qurbanlı prinsipial olaraq cərimələri ödəməkdən imtina etdiklərini bildiriblər.

Fevralın 19-u Nida Vətəndaş Hərəkatının idarə həyətinin üzvü Turqut Qəmbərin evinə gələrək, mənzildəki əmlakı siyahıya alınıb.Turqun Qəmbərin atası, Müsavat partiyasının başqanı İsa Qəmbər məhkəmə icraçılarına mənzilin ona məxsus olduğunu, oğlunun ümumiyyətlə bu ünvanda qeydiyyatda olmadığını bildirib.

Yüksək cərimələr və məhkəmə qərarlarına itaətsizlik göstərən gənc fəallarla bağlı sualları cavablandırmaq üçün bu həftə Sərbəst Kürsüyə Nida Vətəndaş Hərəkatının idarə həyətinin üzvü Turqut Qəmbəri dəvət etmişik. Fevralın 20-si gənc fəal sizin suallarınızı cavablandırıb.

————————————————————————————————————————

21:00 / 20 fevral 2013

Axşamınız xeyir, Sərbəst Kürsünün növbəti sayında xoş gördük. Canlı forumun moderatoru həmişə olduğu kimi Emil Quliyevdir. Forumda qonağımız isə Nida Vətəndaş Hərəkatının İdarə Heyətinin üzvü Turqut Qəmbərdir.

21:02
Emil Quliyev [moderator]: Turqut bəy, Sərbəst Kürsüyə xoş gəlmisiniz.

21:03
Turqut Qəmbər: Xoş gördük, Emil bəy. Hamını salamlayıram.

21:06
EQ: Turqut bəy, dünən baş verən hadisələrlə bağlı sizi foruma dəvət etsək də, müxtəlif mövzularda suallar daxil olmaqdadır. Biz daxil olma ardıcıllığı ilə bütün sualları sizə ünvanlayacağıq. Təkrar olduğunu düşünsəniz və ya cavab vermək istəməsəniz, növbəti suala keçəcəyik. İlk sual Mikayıl adlı oxucumuzdan daxil olub olub. O yazır:

– Turqut bəy, sizinlə həmrəylik göstərməyib cərimələri ödəyənlərə və ya ödəməyə çalışanlara münasibətiniz necədir? Onlar düz edir, yoxsa siz?

21:13
Turqut Qəmbər: Fəallar arasında “cərimələri ödəyənlər” və “cərimələri ödəməyənlər” tipli bölgü yoxdur. Ödəyənlərin öz situasiyası var. Bəzilərinin adına mülk var, bəziləri tez-tez xaricə gedib-gəlir, bəziləri cəriməni ödəməsə əllərində olan yeganə gəlir mənbəyi əldən çıxa bilər və s. Nəticədə ödəməyə məcbur olurlar. Yəni cəriməni ödəyənlərə qarşı qətiyyən hər hansı bir qınaq yoxdur. Bəlkə də yaxşıdır ki, cərimələrlə bağlı yaranmış bu yeni situasiyada fəallar hər iki variantdan istifadə edirlər. Burada səhv tərəf yoxdur, yanaşma və situasiya fərqləri var.

21:16
EQ: Növbəti sual email vasitəsilə göndərilib. Rasim soruşur:
Siz nə üçün atanızın başqan olduğu Müsavat Partiyasının gənclər təşkilatının üzvü deyilsiniz, Nidaya üstünlük vermisiniz? Müsavatdan gözünüz su içmir?

21:27
Cavab: Biz dostlarla Nidanı elə bir dövrdə yaratdıq ki, cəmiyyətdə ciddi süstlük var idi. Yeni impulsa ehtiyac var idi. Düşünürdük ki, məqsədi ölkədə köklü siyasi dəyişikliklər, demokratikləşmə olan, lakin heç bir siyasi ambisiyası olmayan (hakimiyyətə gəlmək, vəzifə tutmaq və s.) bir təşkilat yaradaq və o dövrdə heç bir təşkilatın üzvü olmayan, lakin fəallığı olan insanları bir araya gətirək. Düşünürəm ki, bu məqsədə nail olmuşuq.

21:30
Sual [Taha]: Taha adlı istifadəçi yazır: Turqut bəy, “Beş qəpik” kampanyasında iştirak etmişdiniz?
Əgər etmişdinizsə, dünən ailənizin evində mülkiyyətinizin qeydiyatına nəyə görə etiraz edirdiniz?

21:35
Cavab: Mən “5 qəpik” kampaniyasını dəstəkləmişdim, çünki onu 12 yanvar “Əsgər ölümlərinə son!” aksiyasından sonra cəmiyyətdə yaranmış həmrəylik ruhunun qorunmasında əhəmiyyətli bir mərhələ hesab edirdim. Eyni zamanda kampaniya başlanılanda da mən və bir qrup digər fəal bildirmişdik ki, cərimələri ödəmək fikrində deyilik və bizim cərimələrimizin ödənməsi üçün yığılan məbləği şəhid ailələrinə ianə etmək fikrindəyik. Ki, belə də etdik.
Mənim cəriməmə görə atamın və anamın mülkiyyətinin qeydiyyatına görə niyə də etiraz etməyim ki? Mən həddi buluğa çatmış insanam və mənim hərəkətlərimə, o cümlədən cərimələrimə görə valideynlərim məsuliyyət daşımır.

21:36
Emil Quliyev [moderator]: Rüfət Twitter vasitəsilə soruşur:

– Siz Bəxtiyar Hacıyev və Emin Millinin imzalı foto kampaniyalarını necə qiymətləndirirsiniz? Şəxsən mənə çox gülməli gəlir.22:41

21:40
Turqut Qəmbər: Fəallar ianələrin toplanması üçün müxtəlif metodlardan istifadə edirlər. Bu cür fərqli metodu da məqbul hesab edirəm. Xüsusən də bu fəallığın artmasına və daha çox insanın müxtəlif yollarla prosesə dəstək verməsi ilə nəticələnirsə. Heç bir problem görmürəm.22:42

21:41
Sual [Rafik]:O məşhur televizor həqiqətən də səninlə yaşıddı?22:43
Cavab: Məndən də yaşlıdır. Evlilik cehizi kimi gəlmişdi bizim evə. Hesabla, məndən 3 yaş böyük olmalıdır.

21:44
Sual [Tural]:Dünən məhkəmə icraçıları gələndə əmlakı nə üçün siyahıya aldıqlarını dedilər? Bu gün hər hansı təzyiqlə üzləşməmisiniz?

21:47
Cavab: Cəriməni ödəmədiyimə görə yaşadığım evdə əmlakı siyahıya almalı olduqlarını bildirdilər. Nəticədə bütün məntiq və qanun normalarını pozaraq, mənim olmayan əmlakımı deyil, valideynlərimin əmlakını siyahıya aldılar.
Xeyr, bu gün heç bir hadisə baş verməyib.

21:48
Sual [Rafaello]: Siz cəriməni ödəməsəniz nə baş verəcək? Məhkəməyə müraciət etmisiniz? nəsə bir yolla o pulu alacaqlar da onsuz da

21:52
Cavab: Cərimə qərarları ilə bağlı Apelyasiya məhkəməsinə müraciət etmişəm, hamısında qərarlar qüvvədə saxlanılıb. Bununla bağlı prosesi Avropa İnsan Hüquqları Məhkəməsinə qədər aparmaq fikrim var. Vəkillər bu istiqamətdə işləyirlər.
Ən son “siyahıya alınma” insidenti ilə bağlı da məhkəməyə müraciət etmək fikrim var.
Məqsədləri də odur ki, siz demiş, nəsə bir yolla, oğurluq olsun, qanunsuzuq olsun, cərimələrin ödənməsini təmin etsinlər. Biz də öz tərəfimizdən itaətsizlik kampaniyamızı davam etdirəcəyik.

21:53
Sual [Kamran]: Turqut bey, sizce cerimeleri odemeyib , yeni 5 qepik aksiyasi kecirmeden, hakimiyyete daha da direnmek semere vererdimi?

21:57
Cavab: Məncə, hər iki metodun sınaqdan keçirilməsi yaxşı oldu. Bir tərəfdən uğurlu ianə toplanması kampaniyası həyata keçirildi. Digər tərəfdən də dirəniş göstərilir, vətəndaş itaətsizliyi nümunəsi ortaya qoyulur və hakimiyyət ifşa edilir.

21:59
Sual [Gülər]: Turqut bəy, sizin atanız bu il prezidentliyə namizəd olacaq. Sizin evinizdə aparılan siyahıya alınma ilə bunun arasında bir bağlılıq ola bilərmi? və məsələ ilə bağlı hər hansı diplomatik korpus nümayəndəsi və ya beynəlxalq təşkilat nümayəndəsi əlaqə saxlayıb, maraqlanıbmı?

22:05
Cavab: Məncə, mənim cəriməm olmasaydı, bu hadisə baş verməzdi. Mənimlə hər hansı diplomatik korpus və ya beynəlxalq təşkilat nümayəndəsi əlaqə saxlamayıb.

22:07
Sual [Mikayıl]: Siz həm də ictimai fəalsınız. Qarşıdan gələn seçkilərdə nə kimi fəaliyyətlə məşğul olmağı düşünürsünüz?

22:12
Cavab: Həmişə olduğu kimi seçki ilində də insanların fəallaşması, onların demokratik prosesə qoşulması və dəstək verməsi istiqamətində çalışacam. Sadəcə, əhəmiyətli il olduğu üçün daha çox qüvvə və daha çox əzmlə.

22:13
Emil Quliyev [moderator]: Turqut adlı oxucu sizə 4 sual göndərib. Turqut adlı oxucumuz 4 sual göndərib. Xahiş edərdik ayrı-ayrılıqda cavab verərdiniz. İlk sualı belədir:

1. Parlamentin və hökumətin son addımlarına müsabətiniz necədir? Nə demək istəyirlər?

Cavab: Parlamentin və hökumətin son addımları seçki ilində və ümumən Azərbaycanda siyasi aktivliyi boğmağa yönəlib. Həmişə olduğu kimi.

2. Cərminəni ödəməsəniz cinayət işi qaldıracaqlar. Tutulmağa hazırsınız?

Cavab: Belə görünür ki, hakimiyyət bizi tutmağa hazır deyil. Biz bu vətəndaş itaətsizliyi kampaniyasını başlayanda həbsi də gözə almışdıq. Hakimiyyət isə müxtəlif qeyri-qanuni yollarla məhz cərimələrin ödənməsinə çalışır, icbari işləri və həbsi gündəmə gətirmək istəmir.

22:20
3. Hökumətin və parlamentin son qərarlarına etiraz edən aksiyalar olacaq? Yoxsa cərimələri ödəməklə məşğul olacaqsınız?

Cavab: “5 qəpik” kampaniyası da, vətəndaş itaətsizliyi kampaniyası da faktiki etiraz aksiyasıdır. Etiraz aksiyalarının məhz küçədə yığıncaq formasında olması mütləq deyil.

4. Müstəqil və müxalif gənclərin prezidentliyə öz namizədi olacaqmı? Və ya atanızı dəstəkləyəcəksiniz?

Cavab: Gənclərin prezidentliyə namizədliklərini irəli sürməsi 35 yaşlıq senzlə bağlı mümkün deyil. Mən fərd olaraq, olacaqsa, demokratik qüvvələrin vahid namizədinə, olmayacaqsa İsa Qəmbərə səs verəcəyəm.

22:40
Emil Quliyev [moderator]: Turqut bəy, sizə dəyərli vaxtınızı ayırıb, oxucularımızın suallarını cavablandırdığınız üçün minnətdarıq.

22:42
Turqut Qəmbər: Emil bəy, sizə dəvətinizə görə, forum iştirakçılarına isə suallarına görə təşəkkür edirəm.

22:45
Emil Quliyev: Mən də öz növbəmdə oxuculara suallarına və forumda iştiraklarına görə minnətdarlığımı bildirirəm. SƏRBƏST KÜRSÜ SİZİN BLOQUNUZDUR! Növbəti canlı forumlarda görüşənədək…

5 comments

Tags: canlı forum, məhkəmə, serbest kurse, Sərbəst Kürsü, turqut qəmbər

Posted in Azərbaycan, Canlı Forum, Demokratiya, Media, Sərbəst Kürsü

Erkin Qədirli: Sözdə birlikləri çox gördük. Yetər!

Posted February 5th, 2013 at 12:31 pm (UTC-4)

23 comments

Fevralın 4-ü Nəsimi Rayon Məhkəməsi Cinayət Məcəlləsinin 233 və 315.2-ci maddələri ilə REAL Hərəkatının sədri İlqar Məmmədov və Müsavat Partiyası başqanının müavini Tofiq Yaqublu haqqında həbs-qətimkan tədbiri seçib. Hər iki müxalifət lideri ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə, o cümlədən hakimiyyət nümayəndəsinə qarşı müqavimət göstərmə və ya zor tətbiq etməkdə ittiham olunur.

Hadisədən bir gün sonra fevralın 5-i mətbuat konfransı keçirən REAL Hərəkatının üzvləri İlqar Məmmədovun prezidentliyə namizədliyini irəli sürüb.

Məsələ ilə bağlı oxucularımızın suallarını cavablandırmaq üçün Sərbəst Kürsü canlı forumuna REAL: Respublikaçı Alternativ Hərəkatının idarə heyətinin üzvü Erkin Qədirlini dəvət etmişik. Fevralın 6-sı Erkin Qədirli Sərbəst Kürsü oxucularının suallarını canlı olaraq cavablandırıb.

—————————————————————————————————————————-

21:00 / 06 fevral 2013

Salam əziz oxucular, 3 həftəlik fasilədən sonra Sərbəst Kürsüsündə yenidən xoş gördük. Canlı forumun qonağı Erkin Qədirli, moderatoru isə mən Emil Quliyevəm.
22:02
Emil Quliyev [moderator]: Erkin bəy, Sərbəst Kürsüyə xoş gəlmisiniz.
21:03
Erkin Qədirli: Əməkdaşlarınızı salamlayıram və yaratdığınız fürsətə görə hər birinizə təşəkkür edirəm..
21:05
EQ: Erkin bəy, ilk sual “Murad613″ adlı istifadəçidən daxil olub. Oxucumuz soruşur: – Erkin bəy,
İlqar bəyin həbs olunması (hüquqi baxımdan) prezidentliyə namizəd olmasına
bir maneə törədərmi?
21:11
Cavab: Həbsin özü namizədliyin verilməsi üçün əngəl törətmir. Həbsdə ola-ola da namizəd olmaq mümkündür. Yalnız barəsində qanuni qüvvəyə minmiş ittiham hökmü olarsa, o zaman əngəl yarana bilər. Bütün prosessual müddətləri, o cümlədən müdafiə fürsətlərini nəzərə alaraq, belə bir hökmün seçkilərə qədər qanuni qüvvəyə minəcəyi ehtimalının az olduğunu söyləyə bilərik.
21:14
Sual [Emin]: Mənə maraqlıdır: Niyə REAL hərəkatı həmişə tısbağa kimi yavaş-yavaş hərəkət edir bütün məsələlərdə. İndiyə kimi bir məsələ olmayıb ki siz ona vaxtında reaksiya verəsiniz, ya da bir işi vaxtında görəsiz. Elə İlqar müəllimin prezidentliyə namizəd elan olunması misalı buna əyani sübutdur. Bu yanaşma ilə sizdən cumhuriyyət quran olmaz. İndi çevik qurumların dövrüdür.
21:24
Cavab: “Tısbağa” bənzətməsini, guman ki, mənfi mənada işlətdiniz, amma onun müsbət mənaları da var. Yox, mən Zenonun aporiyasındakı tısbağanı demirəm. Roma qoşunlarının (legionların) “tısbağa” adlanan döyüş düzülüşü var idi. Bənzətmənizi REAL-a daha çox bu mənada aid edərdim. Yəni, biz tələsmədən, itki vermədən irəliləyirik, adamlarımızı və çevrəmizi qoruyuruq, onları güdaza vermirik, bütün məsuliyyəti də rəhbərlik öz üzərinə götürür.

İlqar Məmmədovun namizədliyi fevralın 9-da rəsmən elan olunacaqdı. Biz bu haqda bir ay öncə xəbər vermişdik. Onun həbsi, namizədliyinin onsuz və daha erkən elan olunmasını şərtləndirdi.

Cümhuriyyət quruculuğuna dair yanaşmamız sürətimizdən asılı deyil. REAL-a artan ümidlərin böyüdüyünü görürük, hamı dəyişikliklərin daha tez olmasını arzulayır, amma bizim səhv etməyə haqqımız yoxdur. Biz böyük bir mənəvi məsuliyyətin altına girmişik. Biz də səhv etsək, onda bütöv bir yeni nəslin, artmaqda olan orta sinfin ümidlərini birdəfəlik qırmış olacağıq. Odur ki, nə etdiyimizi çox yaxşı anlayırıq və tərəfdarlarımızın anlayışına güvənirik.
21:26
Emil Quliyev [modaretor]: Növbəti sualı “Elgunois” adlı “Twitter” istifadəçisi göndərib. O soruşur:

– REAL hakimiyyətə gəlsə konkret olaraq atdığı ilk addım nə olacaq?
21:32
Erkin Qədirli: REAL hakimiyyətə gələndə, ilk olaraq bu sistemi təməldən dəyişdirməyə başlayacaq. Mahiyyətcə yeni ana yasanın hazırlığına başlayacağıq. Milli Məclisi və Nazirlər Kabinetini dərhal buraxacağıq, məhkəmə hakimiyyətini gücləndirəcəyik, iqtisadiyyatı liberallaşdıracağıq. Maliyyə amnistiyasını həyata keçirəcəyik. Amma insan haqlarının kobud pozulmasında iştirak edənlər cəzalandırılacaq. Maliyyə amnistiyasına məruz qalanlar 10 il müddətinə siyasi fəaliyyətlə məşğul ola bilməyəcəklər (müvafiq qadağalar təyin olunacaq). Biznesi hakimiyyətdən tamamilə ayıracağıq. Media azad olacaq. Bir müddət bəzi siyasi məhdudiyyətlər təyin olunacaq (keçici olaraq). 5 ildən sonra ölkə parlament respublikası formasına keçəcək. Planlarımız böyükdür, burada çox qısa yazdım.
21:34
Sual [Ruslan]: Salam,

İlqar bəy həbs olunmasaydı, REAL-ın namizədi kim olacaqdı qarşıdakı seçkidə???
21:36
Cavab: İlqar Məmmədovun namizədliyi öncədən razılaşdırılmışdı REAL-ın İdarə Heyətində. Biz seçkiyə İlqar Məmmədovla getdiyimizi qərarlaşdırmışdıq. Odur ki, onun namizədliyi ilə həbsi arasında heç bir əlaqə yoxdur.
21:38
Sual [Elçin]: Binədə və İsmayıllıda baş verənlərdən və bu qədər mitinqlərdən sonra Bakının özündə prezident niyə susur?
21:45
Cavab: Prezident çoxdan susur. 2003-dən bu yana bir dəfə də olsun yerli KİV-lərə müsahibə vermədi, heç bir vacib məsələyə dair millətə səslənmədi, aydınlıq gətirmədi, hakimiyyətin yanlışqlıqlarına görə üzr istəmədi, ölən əsgərlərin ailələrinə baş sağlığı vermədi və d. Hansını deyim? Amma maşın plenkaları, yumurta qiymətləri kimi əhəmiyyətsiz, hər alda Prezident səviyyəli olmadığına şübhə olmayan məsələlərə dair uzun-uzadı danışdı, müşavirə keçirdi və s. Sistemin mahiyyəti budur, getdikcə qapanır, xalqdan uzaq düşür. Artıq böyük bir uçurumun astanasındayıq.
21:46
Sual [Farhad]: 2013-cü il oktyabrda prezident seçkilərində səslərin sayılmasında saxtalaşdırmanın olmayacagına inanırsınızmı? Əgər inanmırsınızsa, iştirak etməkdə REAL-ın məqsədi nədi?
21:52
Cavab: Səslərin saxtalaşdırılmayacağına inanmıram. Bu iqtidar, həmişəki kimi, seçkiləri saxtalaşdırmağa çalışacaq. Biz, REAL olaraq, bir neçə səbəbdən iştirak edəcəyik: 1) təşkilatımızı gücləndirmək və ilk böyük seçkidə sınamaq; 2) çevrəmizi genişləndirmək; 3) xalqa alternativ siyasətin mümkünlüyünü və bu siyasətə uyğun ağıllı və vicdanlı siyasətçilərin olduğunu göstərmək; 4) cəmiyyətimizə ümid vermək – insanlarımızı “olanımız budur”, “başqaları gəlib neyniyəsidi”, “kimimiz var ki” tipli stereotiplərdən qurtarmaq; və s.
21:53
Emil Quliyev [moderator]: “Hsynli” adlı Twitter istifadəçisi soruşur:

– Regionlarda Yap və Müsavatdan başqa heç bir partiya tanınmır. Niyə digər ölkə müxalifətləri kimi siz də bütün ölkədən səs istəmirsiniz?
21:58
Cavab: REAL regionlarda artıq bölgə ocaqlarını yaradır. REAL rəhbərliyi bölgələrə səfərlər edir, bu il daha çox edəcəyik belə səfərləri. Biz təşkilatımızı yuxarıdan-aşağıya qururuq, hansı mühitdə çalışdığımızı yaxşı anlayırıq. Üzvlərimiz və tərəfdarlaımızı güdaza verməməyə çalışırıq. Bölgələrdə də eyni yanaşmanı tətbiq edirik.
21:59
Sual [Sosioloq]: Erkin bey, Azərbaycandakı dindar zümrə ilə bağlı konkret planlarınız varmı? Varsa bir az açıqlaya bilərsinizmi?
22:07
Cavab: Heç bir konkret planımız yoxdur! Biz dini siyasətə gətirmirik. Bizim üzvlərimiz və tərəfdarlarımız arasında inanclı insanlar az deyil, amma onların hamısı dünyəvi cümhuriyyət quruluşunun müdafiəçiləridirlər. Ümumiyyətlə, dünyəvi cümhuriyyətin tərəfdarı olmayanların REAL-da yeri yoxdur. Amma REAL, elə məhz dünyəvi cümhuriyyətin müdafiəçisi olduğuna görə, dini etiqad azadlığını da müdafiə edir. Biz bütün dinlərin bərabər hüquqlu fürsətlərdən yararlanmasının tərfdarlarıyıq. Odur ki, biz inanclı kəsimin haqlarını qorumağa hazır olduğumuzu dəfələrlə nümayiş etdirmişik. Bizim bir neçə dini icma ilə saf münasibətimiz var. Onlara hər şeyi açıq ifadə edirik, onlardan da anlayışlı münasibət görmüşük. Biz, inanclı insanlara “dini ekstremizm” damğası altında edilən basqılara və digər haqsızlıqlara qarşıyıq. Cümhuriyyətimizi bərpa edəndən sonra dini azadlıqlar da öz yerini tutacaq və hər kəs bundan faydalana biləcək.
22:08
Sual [Rüfət Abdulla]: Erkin müəllim, sizi salamlayıram!
Sizi 15 ildir ki, tanıyıram, əvvəl Universitetdə müəllimim olmusunuz, sonra qısa müddət də olsa həmkar olmuşuq, ində də ictimai-siyasi fəaliyyətinizi yaxından izləyirəm. 2 sualım olacaq:

– Birincisi, biraz eqostik səslənəcək, çünki özüm də hüquqşünasam, mən hər zaman hüquqşünasları ziyalıların elitası hesab etmişəm, əlbəttə ki, idealda. BDU-nun el arasında “prokurorluq fakultəsi” və onun məzunlarının bu siyasi rejimin susan cəza alətinə çevrildiyi vəziyyəti deyil. Amma 90-ların sonu, 2000-lərin əvvəlində o cümlədən və birinci növbədə sizin sayənizdə hüquqa hələ romalıların dediyim “haqq-ədalət elmi” kimi baxan yeni nəsil hüquqşünaslar yetişməyə başladı. Nədən siz siyasətə qoşulmaq qərarına gəldiniz? Bəyəm biz, hüquqşünaslar bundan üstün olmalı deyilikmi?

– İkinci sual: İlqar Məmmədov sizin təşkilatın sədridir və “ən yaxşı” Azərbaycan ənənələrində məhz sədrin namizədliyinin irəli sürülməsi ağlabatandır. Halbuki, məsələn ABŞ ənənəsində namizədlər heç də partiyanın liderləri olmaya bilər. Nədən məhz İlqar Məmmədov? Alternativ partiyadaxili müzakirələr oldumu? Yoxsa onun həbsi bu seçimi alternativsiz etdi. Sizin gənclər arasında daha populyar olduğunuzu desəm yəgin ki, yanılmaram. Çünki sizin ən azından daha yaxın tanıyırq.

Təşəkkür.
22:15
Cavab: Mən siyasətə xəcalətimə görə qoşuldum. Peşə daxilində nə mümkün idi, etməyə çalışdım. Amma vəziyyət getdikcə pisləşdi, siyasi səhnə daraldı. Artıq heç bir peşənin nüfuzu qalmadı cəmiyyətdə. Digər tərəfdən, cəmiyyətimizə “siyasət” və “siyasətçi” adı altında elə pis örnəkləri sırıyırlar ki, şəxsən mən buna etiraz olaraq, “var millətimizdə layiqli adamlar” yanaşması ilə siyasətə gəldim. Çox şadam ki, REAL-da məndən də layiqli insanlarla birlikdə çalışıram.

İlqar Məmmədov REAL-da heç də alternativsiz namizəd deyildi. REAL-ın İdarə Heyətində buna dair ciddi müzakirələr oldu. Mənim də namizədliyimi istəyənlər var idi REAL-da. Elə, İlqar Məmmədov da mənim namizədliyimi təklif etmişdi iclaslarımızın birində. Sadəcə, mən hələ özümü hazır saymadığıma görə, namizədliyimin verilməsinə razı olmadım. İlqar Məmmədov bu gün REAL-da ən hazırlıqlı, təcrübəli və tanınmış siyasətçidir. Bu, çox böyük resursdur. Təşkilat olaraq bundan faydalanmamaq ağıllı olmazdı.
22:16
Sual [Mixail]: İlqar Məmmədovdan ən son nə xəbər var?
22:22
Cavab: İlqar Məmmədov Kürdəxanı təcridxanasındadır. Şəraiti yaxşıdır, yeganə şikayəti içməli su ilə bağlıdır, onu da həll etməyə çalışırıq (su göndərəcəyik ona). Vəkillərdən başqa kimsə onunla görüşə bilmir. Həbsi ilə bağlı bir şikayət artıq bu gün verildi, biri də sabah veriləcək (apelyasiya şikayətlərini nəzərdə tuturam). Ailəsinə də yardım edəcəyik, şübhəsiz ki. 9 yaşlı qızı var, atası üçün çox darıxır. Elə İlqar da qızına görə narahatdır. Uşaqdır, axı hələ. Başqa məsələlərdə isə İlqar mökhəmdir!
22:23
Sual [J.A.]: Erkin bəy, salamlar! Rasul Quliyev axırıncı video-danışığında müxalifətdən yeganə namizəd olmasının tam əleyhinə olduğunu söylədi, heç olmasa təmiz seçkilərə nail olana kimi. Siz bu barədə nə düşünürsünüz?
22:31
Cavab: REAL dəfələrlər (ilk dəfə 2012-nin iyulunda) buna dair mövqeyini ifadə edib. Biz müxalifətin birləşməsini çox istəyirik. Biz istəyirik ki, vahid namizəd olsun. Vahid namizədin kimliyi də bizi qayğılandırmır. Əsas odur ki, ideoloji şərtlər razılaşdırılsın və ona uyğun komanda formalaşsın. REAL bu komandada yer almamağa da razı ola bilər, təki müxalifətin birləşmiş səyləri nəticəsində bu rejim dəyişdirilə bilsin. İdeoloji şərtlər çox vacibdir. Hər kəsə aydın olmalıdır ki, vahid namizəd və onu irəli verən komanda nələri heç zaman etməyəcək və nələri ilk olaraq edəcək. Dəstək və seçim kor-koranə olmamalıdır. Bizim təklifimizə cavab gəlmədi. Odur ki, biz də öz namizədimizlə gedirik hələki. Biz başqaların əvəzinə onların işini görəsi deyilik, bizim öz planlarımız var. Amma görsək ki, müxalifət öncə qeyd etdiyim şərtlərlə birləşə bilir, biz bu birləşmiş müxalifəti dəstəkləyəcəyik. Hətta, öz namizədimizi geri çəkmək ehtimalını da istisna etmirik. Amma, ancaq dedyimiz şərtlər gerçəkləşə bilərsə, biz oyun pozan deyilik. Biz, tarixi vəzifəni bu rejimi dəyişdirməkdə, ölkədə gerçək demokratik cümhuriyyəti qurmaqda görürük. Gerisi detallardır.
22:32
Sual [Cavad]: Erkin bəy, elektoratın yalnız virtual aləmdəki “follower/user”-lərdən ibarət olmadığı aydındır. Böyük bir kütlə var ki, sizin kimi insanlardan, REALlıqdan bixəbərdirlər. İndiki məhdud şəraitdə onlarla əlaqə qurmağın ən məntiqli yolunu nədə görürsünüz?
22:37
Cavab: Mən “virtual-real” bölgüsünü qəbul etmirəm. Hər şey realdır və REAL da bunun üçündür. Son etirazlar, xüsusilə 12 yanvar etirazı, facebook vasitəsilə təşkil olunmadımı? Minlərlə adam gəldi, özü də necə adamlar gəlmişdi oraya. Yüksək maaş alan şirkət işçiləri, kiçik sahibkarlar, aşağı rütbəli məmurlar və s. Əvvəllər belə adamlar etirazlara çıxmaq haqqında heç düşünmürdülər. Amma, o cümlədən elə REAL-ın internet vasitəsilə qurduğu təbliğatın sayəsində, onlar fəallaşıblar. “REAL-dan bixəbər”lər məsələsi də xeyli dərəcədə uydurmadır. Bizi getdikcə daha çox adam tanıyır, o cümlədən bölgələrdə. Nə etdiyimizi, haraya getdiyimiz yaxşı bilirik.
22:37
Emil Quliyev [moderator]: Twitter vasitəsilə Aleksey Karamazov yazır:

– Erkin bəy, internetə girməyən və məncə girənlərdən sayca daha çox olan seçici kontingenti REALa lazım deyil? Lazımdırsa belələri ilə işi necə aparırsınız? Məsələn, “İlqar Məmmədovu tanıyırsanmı” sualına internetə girən və ya girməyən heç kimdən müsbət cavab ala bilməmişəm.
22:43
Erkin Qədirli: İnternet məsələsində bu sualın cavabı əvvəlki sualın cavabı ilə üst-üstə düşür.

İlqar Məmmədov və ya başqa üzvümüz haqqında “müsbət cavab” ala bilməmənizin səbəblərini şərh etməkdə çətinlik çəkirəm (aydınlatmaya ehtiyac var). Biz özümüzü “yaxşı adamlar” kimi təqdim etməkdən çox uzağıq. Siyasətdir bu! Burada sentimental və ya romantik olmağa dəyməz. Biz özümüzü başqalarından üstün saymırıq. Siyasətə başqalarına ağıl vermək, əxlaq dərsi keçmək üçün gəlmirik. Biz çox adi adamlarıq, cəmiyyətimizdə bizdən də yaxşıları var, heç şübhəsiz. Amma biz bütün səmimiyyətimizlə gəlirik siyasətə, yanlışlıqlarımızı görürük, tənqidlərdən nəticələr çıxarırıq, haqsız olduğumuz halda üzr istəməyi bacarırıq. Məsuliyyətin də altına girməkdən çəkinmirik.
22:43
EQ: Twitter vasitəsilə daxil olan digər sual Samir Gulusoy adlı istifadəçidəndir:

– Erkin bəy, səhv etmirəmsə, siz qələbəni 2018-ə planlaşdırırsınız, bu belədirmi?
22:45
Cavab: 2018-ci ildə Azərbaycan Xalq Cümhuriyyətinin 100 illiyi olacaq. Mən həmin ildə Azərbaycanda parlament respublikasının bərpası uğrunda çalışıram. REAL-da, demək olar ki, hamı belə düşünür. Əsl qələbəmizi də bunda görürük, ona doğru gedirik.
22:46
Sual [Subhi]: Hormətli Erkin bəy, salam…Necə düşünürsünüz son hadisələrdən sonra demokratik düşərgə seçkilərə az müddət qalmış vahid namizəd məsələsini müsbət reallaşdıra biler?

22:51
Cavab: Səmimi deyirəm – bilmirəm. REAL öz planları ilə məşğuldur, digər müxalif partiyaların arasında vasitəçilik etmək niyyətində deyil. Zaman bizə işləyir, tələsən yerimiz yoxdur, gələcək bizimdir. Onlar isə ciddi düşünməlidirlər, hələ də gec deyil. Biz ümid etmirik onların birləşəcəyinə, amma birləşəcəkləri təqdirdə onları dəstəkləyə bilərik. Birləşmənin də sağlam təməli və aydın üfüqləri olmalıdır. Sözdə birlikləri çox gördük. Yetər!
22:52
Sual [Kamran]: REAL mənə Baltikada 80-ci illərin sonlarında fəaliyyət göstərən intellektual klublari xatırladır. Onlar o zamanlar xalq hərəkatına çox böyük təkanlar vermişdilər. Amma sonradan böyük bir siyasi qüvvəyə çevrilə bilməmişdilər. Siz, bu il Azərbaycanda seçki ili olduğunu nəzərə alıb, daha çox elektorata malik olan müxalif güclərlə birleşib, hərəkat şəklində seçkilərə getmək haqqında düşünmürsünüzmü (meselen “EL”? Azərbaycanda böyük hərəkat yaratmadan, məhz normal seçkilərlə hakimiyyəti dəyişmək Sizcə mümkündürmü?
22:55
Cavab: Bu sualın cavabı əvvəlki suallara cavablarımla üst-üst düşür. Odur ki, təkrarlanmaq istəmirəm.
Tək bir şeyi əlavə edim. Siyasi təşkilat mütləq seçkilərə hazırlaşmalıdır (seçkilərin necə keçirilməsindən asılı olmayaraq).
Fürsət + Fərasət > İmkan
22:56
Sual [Selim Milli]: Erkin bəy, REAL-ın seçkiyə qatılmağının əsas məqsədi? Real təşkilatlandırma baxımında seçkiyə hazırdır, yoxsa təşkilatlanmamış müxalif elektoratın səsləri uğrunda mübarizə aparacaq?
22:58
Cavab: Bu sualın da cavabı əvvəlki sualların cavablarında var.

Ölkəmizdə seçicilərin böyük əksəriyyəti heç kimindir. Nə iqtidarındır, nə də müxalifətin. REAL həmin bu əksəriyyətin səsləri uğrunda çalışır.
22:59
Emil Quliyev [moderator]: Erkin bəy, təəssüf ki, bizə ayrılan vaxt artıq başa çatdı.
İki saatdan çox vaxtınızı Sərbəst Kürsüyə ayırıb sualları cavablandırdığınız üçün Sizə təşəkkürümüzü bildiririk.

23:00
Erkin Qədirli: Siz də çox sağ olun. Bu fürsətə görə bir daha təşəkkür edirəm. Suallara görə də hər kəsə təşəkkür edirəm. Yazılı formatda məhdud vaxt ərzində hamının sualına cavab vermək mümkün olmadığına görə iştirakçılardan üzr istəyirəm. İnanıram ki, əlavə fürsətlərimiz olacaq və onları sualları cavabsız qalmayacaq. Sağ olun!

23:00
Emil Quliyev: Mən də eyni zamanda oxucularımıza göstərdikləri diqqətə görə minnətdaram. SƏRBƏST KÜRSÜ SİZİN BLOGUNUZDUR! Sərbəst Kürsünün növbəti sayında görüşənədək.

23 comments

Tags: amerikanin sesi, Amerikanın səsi, canlı, erkin qedirli, erkin qədirli, forum, gadirli, həbs, ilgar mammadov, ilqar məmmədov, namizəd, prezident seçkiləri, serbest kursu, Sərbəst Kürsü, voa azerbaijani

Posted in Azərbaycan, Canlı Forum, Demokratiya, Media, Prezident Seçkiləri 2013, Sərbəst Kürsü, Siyasət

Elşad Abdullayev: “400-dən çox ifşaedici videom var”

Posted January 15th, 2013 at 10:54 am (UTC-4)

10 comments

Son aylar gizli video görüntülər və açıqlamaları ilə Azərbaycanda gündəmdən düşməyən Elşad Abdullayev hər gün yeni ittihamlarla çıxış etməkdədir. Oxucularımızın çoxsaylı xahişlərini nəzərə alaraq Sərbəst Kürsüyə fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevi dəvət etmişik.

Hazırda Fransada yaşayan E.Abdullayev uzun sürən danışıqlardan sonra Sərbəst Kürsü canlı forumunda oxucularımız suallarını cavablandırmağa razılıq verib. Yanvarın 17-də keçirilən forumda Elşad Abdullayev sizin suallarınızı cavablandırıb.

————————————————————-

21:00 / 17 yanvar 2013

Salam əziz Sərbəst Kürsü oxucuları.

Həmişə olduğu kimi bu gün də Sərbəst Kürsü canlı forumunun moderatoru mən Emil Quliyevəm. Sərbəst Kürsüdə sizin suallarınızı fəaliyyəti dayandırılmış Azərbaycan Beynəlxalq Universitetin sabiq rektoru Elşad Abdullayev cavablandırır.

21:02
Emil Quliyev [moderator]: Elşad müəllim, sizi Sərbəst Kürsüdə xoş gördük.

21:05
Elşad Abdullayev: Təşəkkür edirəm, ümid edirəm ki sizin radionuzun kürsüsündə özümü daha sərbəst hiss edəcəm.)

21:08
EQ: Elşad müəllim qısaca olaraq xatırladım ki, mən daxil olan bütün sualları sizə ünvanlamalıyam, sizin istədiyiniz sualı cavablandırmamaq hüququnuz var.

İlk sual Elmir adlı daimi istifadəçidən daxil olub:

– Elşad müəllim salam. Belə bir fikir var ki, ən önəmli videoları axıra saxlayırsınız, yəni prezident seçkilərinə az qalmış yayacaqsınız?

21:13
Cavab: Sualınıza görə təşəkkürlər. Maraqlı sualdı, belə bir sualın olması, əslində bizim atdığımız addımların cəmiyyətdə nə qədər ictimai maraq doğurduğunu göstərir. İndidən bu suala qəti cavab vermək istəmirəm.

Biz bu addımları ona görə atırıq ki, qardaşım, MTN zabiti Mahir Abduullayevin oğurlanmasının 10-cu ilidir. Bu müddətdə 4 oktyabr 2012-ci ildə prezident İlham Əliyevin sərəncamıyla müstəqil istintaq komissiyası yaradılıb. Buna qədər bu cinayət işinə 12 müstəntiq baxıb, araşdırıb, istintaqını aparıb, ancaq zərərçəkmişi işdən yayındırmaqdan başqa addımlar atılmayıb, hər 12 istintaq qərəzli aparılıb və bütün müstəntiqlərin işi Azərbaycanda mütəşəkkil cinayətkar təşkilatı gizlətmək olub. Eyni zamanda da zərərçəkmişi bu dövrdə susdurmağa və cinayət işini bağlama fəaliyyəti içində olublar. Bu ilk sualın cavabıydı.

21:15
Sual [Hikmət]: Elşad bəy hər vaxtınız xeyir. Sizə iki sualım var.
1. Səmimi cavab vermənizi rica edirəm. 1-cisi ABU ilə bağlıdır. Minlərlə insan orada rüşvətlə universitetə düzəlmə, imtahanlardan keçmək sisteminin olduğunu deyir və bunu heç kim təkzib etmir, siz necə təkzib edirsiniz mi?
2. Ramiz Mehdiyevin istefasını tələb edirsiniz, amma prezidentin yox, sizcə prezidentin ölkədə formalaşmış sistemdən xəbəri yoxdur yoxsa siz kobud desək ayaq yeri qoyursunuz?

21:30
Cavab: 1. Hamı bilməlidi ki, Azərbaycan Beynəlxalq Universitetinin bağlanması, başqa səbəblərə görə yox, məhz mənim susdurulmağıma yönəldilmiş bir addımdır. Mahir Abdullayevin oğurlanma faktını ört-basdır etmək üçündü və onların son təklifi mənim ya universiteti ya da qardaşımın cinayət işini seçmə təklifi olmuşdu. Mən bu iki seçimdən birini etməliydim. Mən qardaşımın tapılmasını və bu cinayəti edənlərin cəzalandırılmasını seçdim və Avropa İnsan Haqları Məhkəməsinə müraciət etdim və beləliklə sahib və rektor olduğum universiteti bağladılar. Qeyd edim ki, mən hələ Azərbaycanda olanda Avropa İnsan Haqqları Məhkəməsinə artıq müraciət etmişdim.

2.İlk olaraq bildirim ki, Ramiz Mehdiyevin istefa tələbi hüquqi tələbdi. Cinayət prosesual qanunvericiliyinə görə əgər hər hansı vəzifəli şəxsin adı hansısa irimiqyaslı cinayət işində adı keçirsə həmin şəxs müvəqqəti olaraq vəzifəsindən kənarlaşdırılmalıdır. Həmçinin istintaqa cəlb olunmalı və ona ünvanlanan suallara cavab verməlidir. Ramiz Mehdiyevin adı bu cinayət işində hallandığı video görüntülərlə maddi sübutlarla təsdiq olunur. Ramiz Mehdiyev nəinki deputatlıq məsələsində aldığı pullara görə, Mahir Abdullayevin oğurlanması işində sehrli əl olması artıq bir faktdır və buna görə də o, cavab verməlidir.

21:32
Sual [Elşad]: Merhaba elshad bey (biz adashig) sizlere oz hormet ve ehtiramimi bildiriem. Evveller ne yapdiginiz meni ilgilendirmez. sizlerin indi bu murdar rejime garshi apardiginiz mucadileni ise tam olarag destekleyirem. elshad bey bu mucadileni sona qeder aparmag ezminde olduguza inanmag isterdim. sizlere can sagligi en esasi ise zafer (hem tum azerbaycan xalgina) arzulari ile adasniniz!

21:36
Cavab: Mən də hörmətli adaşıma təşəkkür edirəm. Baxmayaraq ki, məni susdurmağa yönəlik əleyhimdə çoxsaylı saxta cinayət işləri açıblar, mən bu işi axıra çatdıracam və qətiyyən geri çəkilmə fikrim yoxdu. Dünənə qədər mən bu işdə tək idimsə, bu gün bütün Azərbaycan xalqının ictimai dəstəyini öz armada hiss edirəm. Bizə dəstək duran hər kəsə, gənclərə, siyasi pariyalara, qht-lərə, mətbuata, media nümayəndələrinə öz təşəkkürümü bildirirəm.

21:37
Sual [Ruslan]: Elshad muellim salam.son vaxtlar hakimiyyetin shexsen ramiz mehdiyevin tabeciliyinde olan metbuat orqanlari cox calishir sizin videolari gundemden cixartsin.amma millet bezib artiq xalqda dushmenimin dushmeni menim dostumdur fikiri formalashib.biz bilirik sizde cox ifshaedici videolar var amma bilin bunlar butun gucleri ile sizi susdurmaq isteyirler.yaxshi olardi ki yaxin gunlerde sizde olan o dehshetli videolardan 20 yanvara kimi birininden 10-15 deqiqelik fraqment gonderesiniz bu millete.ramiz mehdiyevin qizinin,yeznesinin,oglunun aile haqqinda danishdigi o iyrenc aciqlamalari bu xalqa catdirin millet bilsin ki bunlar kimdirler.SIZ INANIRSINIZMI KI PRIZEDINTIN NEZARETINDE OLAN HANSI SA BIR CINAYET ISHI ACILACAQ?EGER INANIRSINIZSA COX YANILIRSINIZ.TANRI SIZI QORUSUN

21:55
Cavab: Ruslan bəyə suala görə təşəkkür edirəm. Sizin sualınız mənə dünən Azadlıq qəzetində çıxan, müəllifi mənimlə yanaşı iki dəyərli hüquqşünasın olduğu Ölüm Eskadronu (Azərbaycanda 4-cü idarə) məqaləsini xatırlatdı. Biz orada bir sıra məqamlara toxunmuşuq və bu cinayət işinin başqa ölkələrdəki bənzər proseslərlə analoji müqayisəsini aparmışıq. Bu məqaləni sizə və digər oxuculara oxumağı tövsiyyə edirəm, mən inanıram ki, siz sualınızın daha ətraflı cavabını həmin məqalədə tapacaqsınız. Həmçinin Ramin Nağıyevin Hacı Məmmədovun həbsxanadan göndərdiyi məktub əsasında prezident İlham Əliyevə 2004-cü ildə sui-qəsd planıyla bağlı müsahibəsinə diqqət yetirmənizi xahiş edirəm. Həmin sui-qəsd planındakı sehrli əl də məhz Ramiz Mehdiyevdir. Son olaraq demək istəyirəm ki, Ramiz Mehdiyev öz mətbuat orqanlarıyla həqiqəti gizlətməyə, xalqı çaşdırmağa çalışsa da buna nail ola bilməyəcək. Təcrübə onu göstərir ki, ölüm eskadronunun təşkilatçıları, vəzifəsindən asılı olmayaraq gec-tez cinayət məsuliyyətinə cəlb olunurlar.

21:57
Sual [Yaşar]: Elshad bey,salam.

Sualim beledir: Eger istintaq sizin qardashinizla bagli ishe ciddi yanashib cinayetin ustunu acsa, qardashiniz haqda deqiq melumat verse ve cinaetkarlari cezalandirsa(hansi ki Azerbaycan realliginda bu inanilasi deyil),bu o demekdir ki,siz sizde olan elave videolari ve ses yazilarini donduracaqsiniz ?? Yoxsa istintaqin gedishinden ve neticesinden asili olmayaraq yene de ictimaiyyete yayacaqsiniz hamisini???

22:03
Cavab: Videoların yayılması həm də Müstəqil İstintaq Komissiyasının fəaliyyətindən asılıdır, əgər istintaq düzgün, qərəzsiz, qanuni və şəffaf şəkildə gedərsə bu onu göstərəcək ki, dövlət həqiqətən də bu cinayət işinin açılmasında maraqlıdı. Lakin sizin də qeyd etdiyiniz kimi Azərbaycancan reallığı tam başqadı və 9 ildi biz bu reallıqda öz mübarizəmizi aparırıq. Mənim üçün qardaşımın tapılması və onu oğurlayanların, bu cinayəti törədənlərin, həmçinin bu cinayətinin sifarişçilərinin cəzalandırılması vacibdir.

22:04
Sual [Ruslan]: Salam Elsad muellim. Ne vaxtsa Bakiya gelmek fikriniz varmi?

22:10
Cavab: Əlbəttə fikrim var. Hər bir insan öz vətənində yaşamağı data üstün tutmalıdı. Mən bir azərbaycanlı olaraq öz ölkəmi sevirəm, fəxr edirəm ki, azərbaycanlıyam. Harda olmağımdan asılı olmayaraq Azərbaycanın maraqları mənim üçün üstündü. Azərbaycanda dövlət resurslarından istifadə edən mütəşəkkil cinayətkar dəstə, yəni ölüm eskadronu və onun rəhbərləri cinayət məsuliyyətinə cəlb olunarsa və həqiqi cəzasını alarsa mən böyük məmnuniyyətlə öz vətənimə qayıdacam. Ancaq indiki şəraitdə mənə qarşı plan hədələri və təxribat cəhdlərini nəzərə alsaq mənim Azərbaycana qayıtmağım mümkün deyil.

22:11
Emil Quliyev [moderator]: Elşad Abdullayev Qara Qalxan adlı istifadəçinin sualını cavab vermək istəmir. Növbəti sualı Azər adlı oxucumuz göndərib:
– Elşad müəllim, Siz Azərbaycanda ölüm eskadronların mövcudluğunu ilk defe olaraq dediniz. Bu barədə yazınızın ardı bu gün çıxmalı idi, amma çıxmadı. Nə vaxt çıxacaq? Sizcə Azərbaycanda ölüm eskaronların başında kim dayanır? Bu insalar nə vaxtsa ifşa olunacaqmı?

22:17
Elşad Abdullayev: Hacı Məmmədov ölüm eskadronunda icraçı kiçik bir fiqur idi. O eskadronun adını osminok qoymuşdu, lakin bu sözün həqiqi mənasında ölüm eskadronudu. Yəni bu mütəşəkkil cinayətkar dəstəyə veriləcək hüquqi qiymət və qoyulacaq kriminoloji hüquqi ad məhz budur. Hesab edirəm ki, Ramiz Mehdiyev bu eskadronun sehrli əlidir.

Yazının davamı olacaq. Qısa zamanda Ölüm Eskadronu adlı məqaləmizin davamı olacaq, orada da bir sıra faktlara toxunacayıq.

22:19
Sual [Elnur]: Salam. Elshad bəy istintaqın gedişatından asılı olmayaraq videoların hamısını yayacaqsınızmı?

22:29
Cavab: 400-dən çox videodu və bu videoların hamısını birdən vermək mümkün deyil, həmçinin fiziki olaraq qısa zamanda hamısına baxıb təhlil etmək də çox çətindi. Biz çalışırıq ki, videoları doğru zamanda və proseslərin gedişinə uyğun olaraq yayınlayaq. Bu günə qədər yayılan videoların bəziləri videodakə şəxslərin müstəqil istintaq komissiyasına verdikləri yanlış ifadələrə görə, başqa dillə desək video görüntülərdəki öz danışıqlarını təkzib etmələrinə görə olmuşdur.

Xatırladım ki, bütün videolar müstəqil istintaq komissiyasına, baş prokurorluğa verilib, həmçinin Avropa İnsan Haqqları məhkəməsinə təqdim olunub.

22:31
Sual [Amelya Serbina]: En ifsa edici video varmi,varsa haçan yayimlanacaq?

22:42
Cavab: Bizim yayınladığımız videolar həqiqəti ortaya çıxarma xarakteri daşıyır. Siz video görüntülərdə olan və həqiqəti danışan iki şəxsin (Rövşən Abbasquliyev – DİN 7-ci idarənin polkovniki, Hacı Ağababa Ağayev – həmin dövrdə Nərimanov rayon məhkəməsinin sədri) işdən çıxarıldığının, birinin isə (Sevinc Babayeva) öldürüldüyündən xəbərdarsınız. Burdan ortaya çıxır ki, videogörüntülərdə bizə kömək etmək istəyində olan şəxslər ancaq cəzalandırılır, lakin cinayətdə adı keçən və birbaşa cinayətdə iştirak edən şəxslərdən sadəcə birinin əlindən deputatlıq mandatı alınır, digərləri və onların rəhbərləri heç bir məsuliyyətə cəlb olunmur. Bu məqamı da sizə xatırlatmağı özümə borc bilirəm.

Başqa deyişlə cinayətin icraçıları və sifarişçiləri cinayət məsuliyyətinə cəlb olunmurlar, bu da Azərbaycanın hüquqi böhran vəziyyətində olduğunu göstərir. Həm də bu ona sübutdur ki, ölüm eskadronunun üzvləri sehrli əl vasitəsiylə toxunulmazlıq hüququ əldə edirlər və adları hallanan heç bir cinayət işinə cəlb edilmirlər.

22:43
Sual [Rufət]: Türkiyə polisi mərhum Sevinc Babayevanın gizli polis olması ehtimalını araşdırır. Siz də demisiniz ki, MTN dördüncü idarə var. Sevinc Babayeva bu idarənin üzvü ola bilərmi? Əgər üzvü olubsa, bəs görən nə üçün öldürüblər?

22:47
Cavab: Sevinc Babayevanın öldürülməsinin əsas məqsədi əhəmmiyyətli bir şahidin götürülməsidir və bir cinayətin üstünü örtmə cəhdləri kimi dəyərləndirmək lazımdır. Sevinc Babayeva günahsız olduğu bir prosesdə arxasını döndüyü və arxayın olduğu şəxslər tərəfindən aradan götürülmüşdür. Sevinc Babayevanın oğlu Ayxanın dedikləri həqiqətdir və onun verdiyi ifadələr ciddi şəkildə araşdırılmalıdır.

22:48
Sual [Nizami]: Elşad m. əminsiniz ki nəyəsə nail olacaqsınız? yoxsa ümid ancaq Avropa Mehkemesinedi?

22:55
Cavab: Deputatlıq prosesində mənim deputat seçilməklə bağlı bir məqsədim olub, o da qardaşımı geri qaytarmaq olub. Mən deputat seçilsəydim Milli Məclisdə bu cinayəti data açıq şəkildə dilə gətirə biləcəkdim, toxunulmaz hüququ qazanacağım üçün onlar mənim fəaliyyətimin qabağını almaqda çətinlik çəkəcəkdilər və həmçinin bu cinayəti səsləndirmək üçün siyasi tribuna əldə edəcəkdim. Gülər Əhmədova da mənə demişdi ki, deputat seçiləndən sonra qardaşımı qaytaracaqlar, bu işə girməyimin əsas məqsədi də məhz bu club.

22:56

Emil Quliyev [moderator]: Twitter vasitəsilə Bakulavr adlı istifadəçidən daxil olan sual: Azərbaycanda 4-cü idarə var?

22:58

Elşad Abdullayev: Əlbəttə ki var. Azərbaycanda MTN-nin 9 idarəsi var və təxminən 160-a yaxın şöbəsi var və bu şərti olaraq dəyişə bilər.

22:59
EQ:Elşad müəllim vaxtınızı ayırıb, iki saat ərzində oxucularımızın suallarını cavablandırdığı

nız üçün sizə minnətdarlığımızı bildiririk.

22:59
Elşad Abdullayev: Emil Tapdıqoğu mən də moderatorluğa görə sizə təşəkkür edirəm.

23:00

Emil Quliyev [moderator]: Həmişə olduğu kimi mən Sərbəst Kürsünün dəyərli oxucularına da minnətdarlığımı bildirirəm. SƏRBƏST KÜRSÜ SİZİN BLOQUNUZDUR! Növbəti forumda görüşənədək…

10 comments

Tags: abdullayev, amerikanin sesi, Amerikanın səsi, canlı, elsad, forum, serbest kursu, Sərbəst Kürsü

Posted in Azərbaycan, Canlı Forum, Media, Sərbəst Kürsü

İsa Qəmbər namizəd olmaqdan bezibmi?

Posted January 8th, 2013 at 3:19 pm (UTC-4)

10 comments

Müsavat Partiyasının Məclisi partiyanın başqanı İsa Qəmbərin 2013-cü il prezident seçkilərində namizədliyinin irəli sürülməsi barədə qərar qəbul edib. 2003-cü ildə namizəd olmuş İsa Qəmbər bu dəfəki seçkilərdə qələbəsinə əminlik ifadə edib. Onun fikrincə, son video qalmaqalları Azərbaycanın hakim rejimini tamamilə ifşa edib, onun korrupsiyaya uğradığını və hakimiyyətin kriminal xarakterini nümayiş etdirib.

Oxucularımızın suallarını cavablandırmaq üçün Sərbəst Kürsüyə İsa Qəmbəri dəvət etmişik. Yanvar ayının 9-u Müsavat başqanı sizin suallarınızı canlı olaraq cavablandırıb.

Forumu olduğu kimi təqdim edirik:

——————————————————————–

21:00 / 9 yanvar 2012

Salam əziz oxucular, hamınızı yeni ilin ilk Sərbəst Kürsüsündə xoş gördük. Canlı forumun qonağı İsa Qəmbər, moderatoru isə mən Emil Quliyevəm.

21:02
Emil Quliyev [moderator]: İsa bəy, axşamınız xeyir. Sərbəst Kürsüyə xoş gəlmisiniz.

21:06
İsa Qəmbər: Salam, Emil bəy, məni 3-cü dəfə dəvət etdiyiniz üçün təşəkkür edirəm və bütün dinləyici və oxucularınızı salamlayıram!

21:07
EQ: İlk sualı Kənan adlı istifadəçi göndərib. O soruşur:
– İsa bey seçkiyə qədər vətndaş cəmiyyətinin demokratiya sahəsində heç bir dəyişikliyə nail olmayacağı təqdirdə seçki yolu ilə hakimiyyətin dəyişikliyinə inanırsınızmı? Azad seçki keçirilməsi üçün Seçkiyə qədər hakimiyyəti hansı addımları atmağa vadar etmək lazımdır və bu istiqamətdə planınız varmı? Seçkinin talehin seçkiyə qədər həll etmək lazımdır bu haqda nə düşünürsünüz?

21:20
Cavab: Seçkiyə qədərki müddətdə konkret hədəflərimiz var. Həm Müsavat partiyası, həm də İctimai Palata fəaliyyət istiqamətləri barədə sənəd hazırlayıb və qəbul edib. Bu sənədlərdə Seçki Məcəlləsinin təkmilləşdirilməsi, seçkiqabağı mühitin demokratiklləşdirilməsi, azadlıqların (söz, mətbuat, sərbəst toplaşma, siyasi fəaliyyət və s.) bərqərar edilməsi, seçki prosesinin bütün tərəfləri üçün bərabər imkanlar yaradılması və bir sıra digər prioritetlər müəyyənləşdirilib. Biz İctimai Palata, Ziyalılar Forumu və digər qüvvələrlə birgə bu hədəflərin reallaşdırılması naminə mübarizəmizi davam edəcəyik.
Mən bu il Müsavat olaraq, demokratik düşərgə olaraq qalib gələcəyimizə inanıram. Seçki ili ölkədə vəziyyəti dəyişmək üçün önəmli fürsətdir. Biz bütün dinc vasitələrdən istifadə edərək xalqın hakimiyyətini formalaşdırmağa çalışacayıq. Nəzəri cəhətdən bu istənilən mərhələdə baş verə bilər.

21:21
Sual [Vüqar Feyzulla]: İsa bəy, 93-cü ildə Heydər Əliyevi hakimiyyətə gətirməklə bir siyasətçi kimi uzaqgörən olmadığınızı etiraf edirsinizmi?

21:28
Cavab: Vüqar bəy, mənim 16 iyul 1993-cü ildə (Heydər Əliyev rejimi tərəfindən həbs olunduğum gün) Parlamentdə çıxışımı dinləsəniz məni uzaqgörən olmamaqda ittiham etməzdiniz. Bu gün Mehriban Vəzirin “Yeni Müsavat” qəzeyində maraqlı bir məqaləsi nəşr olunub. Onu oxumağı da tövsiyə edirəm.
Ümumiyyətlə isə, bizim hakimiyyəti 1993-cü il iyun qiyamının qarşısını ala bilməməkdə ittiham edənlərə haqq versəm də çox önəmli bir məqamı vugulamaq istəyirəm: Bizi qınamaqla yanaşı bir həqiqəti düşünün ki, əslində bizim yalnız bir il hakimiyyədə qala bilməyimizi qeyd etməklə yanaşı, bu bir ili (1992may-1993 iyun) sovet-kommunist nomenklatrasından qoparıb xalqa bir illik “azadlıq dadızdıra” (c) bilməyimizi də qeyd etmək lazımdır.

21:29
Sual [Letif]: Salam Isa bey ! Namizedliyinizi verdiyiniz ucun tebrik edirem ve ugurlar arzulayiram size. seckiye 10 aydan az vaxt qalib. menim size 3 sualim var.
1) Bolgelerde yasayan insanlarin desteyini qazanmaq ucun sizin ve partiyanizin ne planlari var ?
2) Secki komandanizi ictimaiyyete ne zaman aciqlayacaqsiniz ?
3) Her siyasetcinin seckide yadda qalan bir tebligat formasi olur. misal ucun qapi-qapi gezib insanlara anlatma yolu ve.s. Sizinde bu veya benzeri planlariniz varmi ?

21:36
Cavab: Lətif bəy, salam və təşəkkür!
Müsavat hər bir zaman mükəmməl seçki sənədləri, problemlərin həlli konsepsiyaları, konkret və real vədləri, müasir və original seçki plakatları və s.-lə fərqlənib. İndi də maraqlı sürprizlərimiz olacaq.
Seçkidə iştirak qərarımızı 4 yanvarda qəbul etmişik və bir gün də itirmədən konkret seçki hazırlıqlarına başlamışıq. Seçki komandamızı, seçki platformasını, xalqa və cəmiyyətin bütün kəsimlərinə müraciətlərimizi qısa müddətdə hazırlayıb təqdim etmək fikrindəyik. Hər bir şəhərə, rayona, kəndə, evə gəlməyə, hər bir vətəndaşımızla söhbətə çalışacayıq.

21:37
Sual [Arzu Şirinova]: İsa Qəmbər namizəd olmaqdan bezməyib?

21:39
Cavab: Arzu xanım, mən yalnız bir dəfə 2003-cü ildə namizəd olmuşam. Və mən xalqımızın azadlığı, xoşbəxtliyi uğrunda mübarizədən heç bir zaman bezmərəm.
Siz necə– bu oğru rejimin hakimyyəti altında yaşamaqdan bezməmisiniz?

21:40
Emil Quliyev [moderator]: Mənsur İsrafilli Twitter vasitəsilə soruşur:

– ABŞ departamenti İqbal Ağazadəni parlamentdə tək müxalifət partiyası namizədi kimi tanıyır bə siz niyə qəbul etmirsiz?

21:43
İsa Qəmbər: Mənsur bəy, siz elə bilirsiniz ki, bizim fikrimiz ABŞ dövlət departamenti ilə hər zaman üst-üstə düşür?
Bizim üçün əsas xalqımızın rəyidir.

21:45
Sual [Cavid]: Salam. Isa bey esger ölümləri ilə bağlı ne deyə bilərsiniz. Deyə bilərsiniz niyə Telekanallar, Müdafiə Nazirliyi, Cəmiyyət susub.?

21:50
Cavab: Cavid bəy, salam,
Əsgər ölümləri sadəcə bir gəncin itirilməsi, bir ailənin faciəsi olamqla bitmir, bu hamımız üçün bir zərbədir, ordumzun nüfuzuna ciddi xələl gətirir və Qarabağımızın işğaldan azad edilməsinə inamı azaıldır. Bu rejim bütövlükdə xalqa biganə olduğu kimi, hər bir vətəndaşımızın həyatına da laqeyddir. Ona görə də rəsmi strukturlar susurlar.
Amma cəmiyyət susmamalıdır, hər birimiz narahatlığımızı, etirazımızı bildirməliyik və uca səslə hakimiyyəti məsuliyyətə çağırmalıyıq.

21:52
Sual [Sadiq]: Isa bəy reallıq budur ki indi xalqı informasiya idarə edir. İnformasiya isə hakimiyyətin əlindədir.Nə formada istəsə insanları yönəldə bilir. Sizcə belə vəziyyətdə seçkidən qalib çıxmaq olar?

22:02
Cavab: Sadıq bəy, haqlısınız, informasiya əsrində yaşayırıq. Hakimiyyət də bunu bildiyi üçün bizi TV-lərə buraxmır, mitinqləri, xalqla görüşlərimizi qadağan edir, mediaya təzyiq edir. Amma, axtaran tapar, biz yeni informasiya texnologiyalarını, sosial şəbəkələri istifadə edirik. Təsadüfi deyil ki, sosial şəbəkələrdə ən böyük qruplar məhz bizim- müxalifətin qruplarıdır. Seçki kampaniyasından da maksimum yararlanmağa çalışacayıq. Hər bir vətədaşımızla canlı təmas quracayıq. Əslində xalqın hər şeyi gördüyünü, bildiyini də nəzərə alsaq, qalib gəlmək tamamilə realdır.

22:04
Sual [Elmir]: İsa bəy, Seymur Baycanın “Müxalifətin qış, yaz, yay, payız yuxusu” belə bir fikir var
“Xalq hərəkatı olmasaydı, İsa Qəmbər Elmlər Akademiyasında hansısa elmi iş yazmaqla məşğul olacaqdı, Əli Kərimli də Saatlının hansısa kəndində dərs deyəcəkdi. Hər şeylərini itirmiş bu adamlar yenə də cəsarətsizlik nümayiş etdirməkdədir. Səfirliklərdən, xarici fondlardan qorxurlar. Ən pisi də odur ki, bu adamlar bir-birlərinə inanmırlar.”
Ümumiyyətlə bu fikirə və yazıya münasibətiniz maraqlıdır.

22:13
Cavab: Elmir bəy, salam,
Yazıçının özünə- Seymur Baycana münasibətim əladır. Onu xalqımızın ən güclü və ən perspektivli yazıçılarından biri, Azərbaycan ictimai fikrinin ən önəmli nümayəndələrindən biri hesab edirəm. Bu fikirləri ilə isə razı deyiləm, hesab edirəm ki, bu, epatajdır. Seymur həm bizi iynələməyə, həm də cəmiyyəti hərəkətə gətirməyə çalışır.
1. Azərbaycanda hər şey qaydasında olsa idi, mən elmi işlə məşğul olmağı, xalqımızn tarixini araşdırmağı özüm üçün ən böyük xoşbəxtlik hesab edərdim.
2. Əli Kərimli ilə bir-birimizi yaxşı tanıdığımızdan bir-birimizə inanırıq.
3. Mən nəinki xarici səfirliklərdən və fondlardan qorxmuram. Mən heç Seymur Baycandan da qorxmuram:)

bitdi, amma x.e. gülüş işarələrini də saxlayın.

22:14
Sual [Sedaget]: İsa bey secki ilimiz mübarek, inanırıq ki, en qeddar rejimde bu xalqın sesini aldığınız kimi, menfur rejimin mahiyyetinin bu qeder aşkar olduğu hazırkı zamanda da Siz hakkın ve xalqın sesini qazanacaqsınız. Bu yolda Size ve milletimize xeyirli olsun. İsa bey, sualım budur ki, siyasetde söz oynadanları, gercek hedeflerden fikir yayındıranalrın mahiyyetini acmaq zamanı deyilmi?

22:19
Cavab: Sədaqət xanım, təşəkkür edirəm.
Yəqin siz xatırlayırsınız ki, mən 2013-cü ildə maskaların yırtılacağını demişəm. İlin ilk 10-günlüyüdəyik. Gördüyünüz kimi maskaların yırtıması çox sürətlə gedir, bəziləri isə özləri əsil simalarını göstərməyə başlayıblar. Biz prosesi diqqətlə izləyirik. Gərəkən anda qalan maskaların da düşməsini, oyunbazların əsil simasının görünməsini təmin edəcəyik.
Amma, onu da unutmayın ki, bizim əsas hədəfimiz ölkədə köklü demokratik dəyişikliklərə nail olmaqdır. Və biz bunu edəcəyik!

22:20
Sual [Nailə Hüseynzadə]: Rəsul Quliyevi özünüzə rəqib görürsünüzmü?

22:30
Cavab: Nailə xanım,

Mən prezident seçkilərində namizəd kimi iştirak edəcək hər bir şəxsi korrekt rəqabət şəraitində rəqib kimi qiymətləndirəcəm. Rəsul Quliyev seçkilərə qatılacaqsa, bu, ona da aid olacaq.

22:31
Sual [Nərminə Ramazanova]: Salam,Isa bəy.Əksər vətəndaş kimi mən də indiki hakimiyyətdən narazıyam.Lakin məni başqa namizədlər də qane etmir.Mənim sizə bir neçə sualım var: 1.Siz prezidentlik vəzifəsini necə görürsünüz? 2.Siz kifayət qədər uzun müddətdir ki,Müsavat partiyasının sedrisiniz və bildiyimiz kimi indiki prezidentimiz də uzun illərdi prezidentdi.sizin ondan fərqiniz nədir? Mən sizə necə inanmaliyam ki, siz də onun kimi uzun illər hakimiyyətdə qalmayacaqsınız? 3.Sizi dəstəkləyən gənclərin ( əsasən QHT təşkilatında olan gənclər) şüarları haqqında fikriniz nədir. Onlar tez-tez rejimi dağıtmaq,onları məhv edəcəyik kimi sözlərindən istifadə edirlər. Suallarıma cavab verəcəyiniz üçün öncədən təşəkkür edirəm.

22:41
Cavab: Nərminə xanım, salam,
1. Mən bütövlükdə siyasətçi peşəsini və konkret olaraq prezident vəzifəsini xalqa xidmət imkanı kimi qiymətləndirirəm. Eyni zamanda hesab edirəm ki, xalqın səsi ilə hakimyyətə gələcək şəxs islahatlar apararaq prezident səlahiyyətlərini ciddi şəkildə məhdudlaşdırmalı, ölkəmizin parlament respublikasına keçməsi istiqamətində addımlar atmalıdır.
2. Əvvəla, partiya ilə dövləti eyniləşdirmək düzgün deyil. İkincisi, indiki dövlət başçısı seçki saxtakrlıqıarı və dinc əhaliyə qarşı zorakılıq sayəsində hakimiyyətdədir. Mən isə müsavatçıların əksəriyyətinin iradəsi ilə başqanam. Üçüncüsü, 1 ildən artıqdı biz qurultay üçün yer istəyirik, hakimiyyət bizə uyğun yer vermir. Bu məsələ həll edilən kimi Müsavat partiyası öz qurultayını keçirəcək və mən bu qurultayda namizədliyimi irəli sürməyəcəm. Və nəhayət mən hakimiyyətə gələndə prezident səlahiyyətlərini mimimuma endirmək istiqamətində addımlar atacam və zaman bitən kimi vəzifədən gedəcəm.
3. Sualınız çox ümümi olduğu üçün mən də konkret bir söz deyə bilmərəm. Müsavatçılardan kimsə qanuna və etikaya zidd bir söz deyirsə, ad çəkin, bildirin, biz də məsələni həll edək.

22:43
Sual [Ilyas]: Salam, Əli Kərimli namizədliyini irəli sürərsə necə olavcaq? Onu özünüzə rəqib sayırsınızmı?

22:46

Cavab: İlyas bəy, salam,
Biz AXCP-ni, Əli Kərimlini müttəfiq hesab edirik. Qalan məsələləri ortaya çıxdıqca həll edəcəyik.

22:47
Sual [Elxan Salahov]: Hörmətli, İsa bəy!
1. Prezident seçkilərinə hansı iqtisadi platforma ilə gedirsiniz və nəzərdə tutduğunuz islahatları həyata keçirmək üçün iqtisadçı komandanızı güclü sayırsınızmı?
2. Seckiyə çox az vaxt qalıb. İqtisadi planlarınızı həyata keçirəcək komandanızı başınıza yığıb ciddi və hərtərəfli müzakirələr aparmısınızmi? Yoxsa, secki hazırlıqlarında ümumi yanaşmaya üstünlük verəcəksiniz?

22:57
Cavab: Elxan bəy, salam,
Müsavat partiyasında bütün digər sahələr kimi iqtisadiyyat sahəsində də çox güclü mütəxəssislər var. Elə təkcə Qubad İbadoğlununu xatırlayın, o yalnız ölkəmizdə deyil, beynəlxaq miqyasda da güclü mütəxəssis kimi qəbul edilir. Biz iqtisadiyyat məsələlərini, xalqımızın sosial problemlərini daim diqqətdə saxlayırıq. Müntəzəm müzakirələr keçirir, konsepsiyalar, təkliflər hazırlayırıq. Eyni zamanda, biz seçki sənədlərinə xüsusi məsuliyyətlə yanaşırıq. Burada ümumi yanaşmadan söhbət belə gedə bilməz. Seçkidə iştirakla bağlı qərarımızı cəmi 5 gün əvvəl qəbul etmişik. Bütün gücümüzlə hazılığa başlamışıq. Seçki platformamızda sosial-iqtisadi bölmə və sənədlər ciddi müzakirələrdən sonra qəbul ediləcək və xalqa, seçiciyə təqdim olunacaq.

22:58
Emil Quliyev [moderator]: İsa bəy, sizə forumda iştirakınız üçün təşəkkür edirik və seçkilərdə uğurlar arzulayırıq!

22:59
İsa Qəmbər: Emil bəy, mən də sizə təşəkkür edirəm. 2013-cü ildə ilk qonaq olaraq məni dəvət etdiyiniz üçün çox sağ olun. Bütün oxucu və dinləyicilərə iştirak üçün təşəkkür! Hamınıza yeni ildə uğurlar olsun!

23:00
Emil Quliyev: Mən də oxucularımıza göstərdikləri diqqətə görə minnətdaram. Sərbəst Kürsünün növbəti qonağı Azərbaycan Beynəlxalq Universitetinin sabiq rektoru Elşad Abdullayev olacaq.

10 comments

Tags: amerikanin sesi, isa qambar, isa qəmbər, prezident, seçkiləri

Posted in Azərbaycan, Demokratiya, Prezident Seçkiləri 2013, Siyasət

Qənimət Zahid: Azadlıq yarananda Qubadlıda rota komandiri idim!

Posted December 24th, 2012 at 3:42 pm (UTC-4)

9 comments

Dekabrın 24-də Azərbaycanın ilk müstəqil mediası – “Azadlıq” qəzetinin 23 yaşı tamam olub. Azərbaycan Xalq Cəbhəsinin yaradıcılarından, baş redaktor Nəcəf Nəcəfovun rəhbərliyi ilə qəzetin ilk sayı 1989-cu il dekabrın 24-də işıq üzü görüb.

Kommunist rejimi dövründə hökm sürənalternativsizlik səbəbi ilə qəzetin ilk nömrələri Azərbaycan boyu əldən-ələ gəzir, bütün meydanlarda, küçələrdə, evlərdə oxunurdu. Keçmiş kommunist rejiminin kəskin tənqidi yer alan qəzet insanlar üçün alternativ fikir, bir növ təmiz hava idi. Odur ki, qəzetin tirajı indiki vaxt üçün ağlasığmaz idi – 250 min nüsxə. Qəzet milli azadlıq hərəkatında və Azərbaycanın müstəqilliyinin bərpasında mühüm rol oynayıb.

Azadlığın keçdiyi yola, qazandığı uğurlara və hazırda yaşadığı problemlərə nəzər salmaq üçün bu həftə Sərbəst Kürsüyə Azadlığın baş redaktoru Qənimət Zahidi dəvət etmişik. Dekabrın 26-ı Qənimət Zahid sizin suallarınızı cavablandırıb.

———————————————————————————

21:00 / 26 dekabr 2012

Salam, əziz oxucularımız. Hamınızı qarşıdan gələn Həmrəylik Günü və Yeni İl bayramı münasibətilə təbrik edirik. Artıq elan etdiyimiz kimi bugünkü qonağımız 23 yaşını qeyd edən Azadlıq qəzetinin baş redaktoru Qənimət Zahiddir. Canlı Forumda moderatorluğu isə mən Emil Quliyev edirəm.

21:03
Emil Quliyev [moderator]: Hər vaxtınız xeyir, Qənimət bəy! Sizi və kollektivinizi, qəzetin ərsəyə gəlməsində əməyi olan hər bir şəxsi təbrik edirik!

21:05
Qənimət Zahid: Təşəkkür edirəm, sağ olun!

Mən də Azadlığın kollektivini ve oxucularını ürəkdən təbrik edirəm.

21:06
EQ:İlk sual Kamil Quliyev adlı oxucudan daxil olub. O yazır:Qənimət bəy, salamlar. Sizi və kollektivinizi təbrik edirəm!Sualım belədir: Siz Azadlığa nə zaman gəlmisiniz və neçə ildir jurnalistika ilə məşğulsunuz?

21:16
Cavab: 1990-cı ildə Bakı Dövlət Universitetini bitirəndə mərhum Əbülfəz Elçibəy BDU-ya tələbnamə yolladı ki, məni Xalq Cəbhəsinin Azadlıq qəzetində işləmək üçün yollasınlar. O zamanlar belə qayda vardı ki, idarə və təşkilatlar ali məktəblərdən məzunları tələb edirdilər.. BDU da həmin tələbnamə əsasında məni oraya göndərdi. Mən rəsmən Xalq Cəbhəsinə təyinat götürmüş ilk gənc mütəxəssis kimi Azadlıqda işə başlamışam. Əslində Əbülfəz bəyin mənim üçün tələbnamə göndərməsi təsadüfi və ya şəxsi münasibətlərə bağlı deyildi. 1990-cı ilin 20 yanvarında ruslar komendant saatı elan etdikdən sonra televiziya və qəzetlər qapadılmışdı. Ölkədə ciddi informasiya böhranı vardı. O zaman men dostlarla meslehetleşerek Tbilisiye getdim ve orada YURD adlı qezetin esasını qoydum. YURD 25-30 mın tirajla Tiflisde derc edilirdi, biz onu Azerbaycanda yayırdıq. Elçibey de bunu nezere alaraq menim Azadlıqda işlemeyimi istemişdi. Jurnalistika ile de hemin vaxtdan, yeni YURD qezeti neşre başlayandan meşğulam. 1990-cı ilin iyun ayında Azadlıq fealiyyetin berpa etdi ve men de hemin ay universiteti bitirerek bu qezetde işlemeye başladım.

21:17

Sual [Anar Yasef]: Sözsüz ki, Azadlığın hazırda necə çətinliklər yaşadığı hamıya məlumdur. Bilmək istərdim ki, sizin ən böyük, mühüm əhəmiyyət kəsb edən çətinlikləriniz hansılardır.

21:27
Cavab: Azadlıq yarandığı zamandan çetinlikler icerisindedir. Qezetin fealiyyetinin bir ayı tamam olmamış onu ruslar qapatdılar. Sonra Azerbaycanda Heyder Eliyev zamanının uzun ve ağrılı senzuraları, teqib ve tezyiqleri başlandı. Açığı, keçdiyimiz zamana baxanda müeyyenleşdirmek çetin olur ki, hansu tezyiqler bizim üçün daha ağır olub. Çünki belli bir müddet keçenden sonratezyiqler sanki adileşir, amma yeni bir dehşet merhelesi başlayır. Meseleni, yadıma gfelen en ağır olaylardan biri Azadlıqın Xaqani 33 deki binasının elinden alınması olub. Emekdaşlarımıza qarşı ağla gelmeyecek derecede repressiyalar olub. Meselen, Aqil Xelilin bıçaqlanması olayını xüsusi ağrılı hisslerle xatırlayıram, çünki bu, bütün dövlet aparatının genc ve tecrübesiz bir gencle müharibe aparması demek idi…. Qezetin esassız ve edaletsiz mehkeme qerarları ile üzleşmesi, bank hesablarına hebs qoyulması neticesinde emekdaşların yaşadığı maddi sıxıntılar, qezetin özünün defelerle qapanma tehlükesi ile üz-üze qalması… bütün bunlar çox ağır, edaletsiz ve haqsız teqiblerdir. Bu gün de davam edir. Amma kollektiv bu qeder sınaqlara tab getirib. Başqa heç bir kollektiv bu qeder ağır teqib ve tezyiqlere davam getire bilmezdi, deye düşünürem…

21:28

Sual [Sabir]: Azadlığın yaranması barədə tarixi və ədalətli məlumat verməyinizi istərdim. Ətraflı olsa gələcək nəsillər Azadlığın necə bir şəraitdə formalaşmasından məlumatlı olar.23 yaşınızı təbrik edirəm!

21:36
Cavab: Açığı Azadlıqın yarandığı ilk günleri xatırlamıram ve bir başa iştirak etmemişem. Hemin erefede men könüllü telebe rotasının komandiri olaraq Qubadlıdaydım. O zaman biz BDU telebelerinden ibaret iki jkönüllü rota teşkil etmişdik. Bunların birine men, o birine ise Eli Kerimli (Laçında) rehberlik edirdi. Men Qubadlıda olanda eşitdim ki, Xalq Cebhesinin Azadlıq adlı qezeti neşre başlayıb ve onun baş redaktoru Necef Necefovdur. Men Necef beyi ela tanıyırdım ve düşünürem ki, ondan daha layiqli namized ola bilmezdi. Amma açığı, orada daha çox ermenilerle üz-üze senger qazaraq müdafie işi ile meşğul olduğumdan Bakıdakı bu sayaq yenilijkleri sadece olaraq, ela bir fakt olaraq deyerlendirirdim. Men oradan yanvarın 19-da döndüm, ayın 20-si melum hadiseler baş verdi… Ve Azadlıq qapandı…

21:37
Emil Quliyev [moderator]:Növbəti sual Facebook vasitəsilə göndərilib. Rıza Talebinin sualı belədir:- Zatən Mən Güney Azərbaycan üçün bir sorum var, belə görürünür ki Rəhmətlik bəydən sonra Quzeyin Muxalifətində Güney məsələsi sadəcə lafadadır, bu sürəcdə belkə belə yazmaq lazım ki, Güney Milli hərəkatı təmamilə unudulubdur, özəllikcə milli fəalların durumu bakıda çox bərbad, hakimiyətdə bu məsələləri qabartmaq istəmir, sizcə niyə Quzey muxalifəti , Samballı şəkildə Güney Azərbaycan Partiyalarilə Münasibət qurammır, hal bu açıq aydın bəllidir ki İlham Əliyev, Güneyi Qullanır Və Onu Bir Özgür şəkildə görmək istəmir, Müsavat qazetinə baxanda , İran Rejiminə Bir eləşdidir yox, aşırı dərəcədə islamçılar muxalifətə girirlər, və dəstəklənirlər!Buna hamısı mənim sorum deyil, bəlkə çoxlu insanın qafasına yerləşən paradokslardır. yenədə Azadlıq qazetində Güney məsələsinə yer vermənizdən təşəkkür edirəm, Sayqılar.

21:50

Qənimət Zahid: Azadlıq qezetinde Güney Azerbaycan meselesi hemişe diqqet merkezinde olub. Uzun iller erzinde şexsen men özüm Güney Azerbaycan meselesi ile bağlı silsile yazılar yazmış, sonra ise hemin yazıları merhum Ebülfez beyin yazdığı ön sözle birlikde İkiye Bölünmüş Veten adlı bir kitab şeklinde çap etdirmişem. Biz Güney Azerbaycan, oradakı herekatla bağlı analitik yazılar yaza bilerik ve indi de ara sıra bu cür yazılar yazılır. Amma oradakı herekata informasiya desteyi veren, baş veren hadiseler haqqında operativ melumatlara esaslanan şerhler yazılmalıdır. Çox teessüf ki, Güney Azerbaycandan olan feallar bu kampaniyada, yeni Quzey Azerbaycanın informasiya resurslarından faydalanmaqla müntezem yazılar yazmaqda passivlik gösterirler. Son zamanlar Rza Talibinin, Elçin Hatemi adlı soydaşımızın yazdığı yazıları xatırlada bilerem. Rza beyle bir mühüm meselede razılaşıram ki, İlham Eliyevin platforması ile Güney Azerbaycan herekatı ile bağlı teşkil edilen bir çox tedbirler, epizodik olmaqla, cenab Eliyevin diqqeti öz rejiminin töretdiyi qanunsuzluqlardan yayındırmaq meqsedini güdür. Bu prosese celb edilen resurslar Güney Azerbaycandan kenardakı, ölkenin içi ile elaqesi olmayan merhelelere serf edilir. Amma bütün hallarda, Güney Azerbaycan herekatının fealları daha konstruktiv fealiyyet formaları tapmalı, informasiya-analitika işinin teşkilinde daha peşekar yollar aramalıdır. Öz adımdan bildirirem ki, bu istiametde hazırlanan bütün normal yorum ve xeberler üçün Azadlıq qezetinin qapıları açıqdır. Azadlıq ın internet versiyası günden-güne reytinqini artıran bir portala çevrilir. Bu qezetde neşr olunmaq, bu qezetle xeber yaymaq bu baxımdan da mühüm ve faydalıdır…

21:52
Sual [Azer]: Salam Qənimət bəy. “Azadlıq” böyük məktəbdir. Azərbaycan jurnalistikasını bu məktəbin yetişdirməsi mainlander olar. Şəxsən 9-cu ildir ki, bu qəzetlə əməkdaşlıq edən bir şəxs olaraq mənim üçün “Azadlıq” qəzeti Bakı Dövlət Universitetinin Jurnalistika fakültəsi, Qənimət Zahid bu fakültənin dekanı, redaksiyanın əməkdaşları isə tələbələridir. Qənimət bəy tələbələrindən məmnundurmu? Azər, Mingəçevir.

22:00
Cavab: Esteğfurullah, bey. Men özümü o kateqoriyadan olanlardan saymaq istemezdim. Ammaher halda, bütün bu müddet erzinde Azadlıqla emekdaşlıq edenlerin ekseriyyetini memnuniyyetle xatırlayıram. Memnuniyyetle xatırlanadıqlarım var, amma heç ad çekmek istemezdim. Her kesin sebri bir yere qeder çatır. Söz azadlığı mücerred anlayış ola biler, amma onunh formalaşmasında ve genişlendirilmesinde bütün vicdanlı jurnalistika iştirak etmelidir. Bu işi başqalarının ümidine buraxan, çoxları var. Bir zamanlar Azerbaycanda müsteqil KİV-in hüdudları asılı KİV in hüdudlarından qat-qat artıq idi. Amma Heyderizm bu nisbeti ehemiyyetli şekilde deyişe bildi. İndi ölkede barmaqla sayılacaq qeder az sayda azad KİV var. Amma buna göre men yalhız diktaturanı ittiham etmirem. AZERBAYCANDA SÖZ AZADLIĞININ LEYAQETİNİ QORUMALI OLAN ONLARLA insan teqiblere tab getire bilmeyerek geri durdu. amma bütün hallarda, bu meydanda qalan insanlar var ve bu insanların her birini memnuniyyetle xatırlayıram))

22:01

Sual [CINGIZ]: SALAM BEY .QENIMET BEYE TESEKKUR EDIN BELE SINMAYAN KOLLEKTIV YARATDIGINA GORE MUBARIZENIN BERABER OLMAMASI BAXMAYARAQ MUBARIZE APARILIR MEN KOYDE YASAYIRAM 7000 EHALININ ADINDAN AZADLIQA VE ONUN VEDAKAR ISKILERINE TESEKKUR EDIREM 23 YASINIZ MUBAREK.

22:04

Cavab: Sağ olun, Çingiz bey, teşekkür edirem. Yaxşı sözler hemişe insanı ruhlandıran nemetdir))

22:05
EQ [moderator]: Gülnarə adlı oxucu email vasitəsilə soruşur: Türkiyədə yaşamağınız baş redaktorluq işinizə çətinlik yaratmır ki? 2. Azadlıq qəzetinin maliyyə çətinliklərini necə həll etməyi düşünürsünüz?

22:12

Qənimət Zahid: Men birmenalı olaraq, Türkiyede yaşayıram, deye bilmerem. Amma Türkiyede daha çox oluram. Burada çox ehemiyyetli bir layihe ile meşğul olduğumu bilirsiniz, yeqin. Düşünürem ki, Azerbaycan Saatı TV proıqramının auditoriyası çox genişdir ve bütün ölkede sevilen obyektiv informasiya proqramıdır. Buna göre de Türkiyede daha çox vaxt keçirmeye mecbur oluram. Amma Azadlıq ın işlkeri ile müntezem olaraq maraqlanıram. Açığı, hetta Bakıda olanda da Azadlıq menim vaxtımın hemişe çoxunu aparmayıb. Qezetin mükemmel bir kollektivi var ve neyi nece etmeyin lazım olduğunu orada bilmeyen yoxdur. O ki qaldı, qezetin maliyye çetinliklerine.… buna verdiş etmişik, deye bilerem. Doğrudur, yaxşı verdiş deyil, amma her halda bu da bizim en ciddi çetinliklerimizden biridir. İndi qezet yaxşı satılır. Eger kenardan süni problemler, haqsız hücumlar, metbuat yayım firmalarının, özellikle de Qasid firmasının yaratdığı problemler olmasa, Azadlıq ın bu istiqametde ciddi problemlerinin olmadığını söyleye bilerem. Amma hmı bilir ve bilmeyenleri de emin edirem ki, Azadlıq ın şeffaf olmayan, çirkli maliyye menbeleri yoxdur…

22:13
Sual [Mammad Ibrahim]: Salam Qənimət bəy. Sizi salamlayır və bir daha təbrik edirəm. Sualım belədir ki, siz Baş Redaktor təyin olarkən, nə vaxtsa qəzetin Qafqazın ən böyük qəzeti olacağınına inanırdınızmı və buna görə ən çox nəyə və kimə borclusunuz?

22:22
Cavab: Azadlıq zaten hele 90-ın evvellerinde Qafqazın en böyük qezeti idi. Sadece olaraq. 1995-96-cı illerden sonra bir sıra obyektiv ve subyektiv problemler üzünden onun reytinqi ciddi xesaret aldı. Amma son iller hamı görür ve derk edir ki, Azadlıq obyektiv informasiya uğrunda hansı mehrumiyyetlere sine gerir. Oxuculara da doğru ve obyektiv xeber lazımdır. Biz bu qezetin ezemetinin berpa edilmesi üçün çox mehrumiyyetler yaşadıq ve yaşamağa davam edirik. Mesele. Qafazın en böyük qezetinin olub-olmamasında deyil, Qafqazın en doğruçu ve en merd qezetinin olmasındadır. Esas olan doğruluq ve obyektivlik standartlarının qaldırılması, onlarla neşr ve yüzlerle jurnalist üçün esl dogru informasiya işinin örneyinin yaradılmasıdır. Bir anlıq tesevvür etsek ki, Azerbaycanda çıxan azadlıq qezeti daha yoxdur, o zaman bu standartkların hansı dehşetli süretle deqradasiya ola bileceyini de tesevvür etmek çetin deyil. Azadlıq ın ehemiyyeti onun tirajında deyil, bu standartları qoruyub saxlamasındadır. Tebii, tiraj da ehemiyyetlidir ve biz her gün daha çox oxyucuya xidmek etmek üçün çalışırıq.

22:24
Sual [Rəsul]: Yeni əfv fərmanından xəbəriniz varmı? Bəlkədə Azərbaycanda siyasi məhbusların ən az olduğu dövrə daxil oluruq. Bunu necə qiymətləndirərdiniz? Ölkədə siyasi inkişaf gözləniləndirmi?

22:32
Cavab: Fermandan xeberim var ve Azerbaycanda siyasi mehbusların en az olduğu dövre qedem qoyduğumuzu düşünmürem. Avropa Şurası İlham Eliyeve lobbiçilik etmeyin daha mümkün olmadığını görende; onu geriye çekmeyi bacarır. Amma en qısa zaman sonra bu siyahının yeniden böyüyeceyine şübhe etmirem. Serbest toplaşma azadlığını mehdudlaşdıran Qanunun qebulunden; yeqin ki; xeberiniz var. Bu qanun siyasi mehbusların yeni neslini doğuracaq. Üstelik; Evez Zeynallının şerlenme neticesinde mezheke seviyyesine enen mehkeme istintaqının davam etmesi, AŞ PA siyasi mehbuslar üzre meruzeçisinin siyahısında olan çoxlu sayda insanların hele de hebsde saxlanması veziyyetin qetiyyen ürekaçan olmadığının göstericisidir. Men bu baxımdan nikbin deyilem. Azadlıqa çıxan dostlarımı ve bütün siyasi mehbusları ise tebrik edirem. Onları daha hebsde saxlamaq mümkün olmadığına göre onlar azadlıqa çıxıblar.

22:33
Sual [İntigam İbrahimoğlu]: Öncə Amerikanın səsi verlişində çalışan soydaşlarımı salamlayıram. Qonağnınız Qənimət Bəyi salmlayandan sonra Ona Azərbaycanın həqiqi Azadlığa çıxması münasibətilə, mücadiləsində ugurlar diləyirəm. Sualıma gəlincə : “Hamımız bilirik ki, 1988-91-ci illər Xalq hərakatı dövründə Heydər Əliyevin Moskva və ondan sonra Naxçıvana gəldiyi dövrlər, eləcə də 93-cü illər ərzində nə siyasi qüvvəsi və nə də sərmayə baxımından güclü deyildi. Sizə elə gəlmirmi ki, onun hakimiyyətə gəlməsini birinci içimizdən olan siyasətçilər sonra da xarici ölkə tərəfdarları vasitəsilə anlaşmalarının səyi nəticəsində mümkün olmuşdur ?
Yalız mənim fikirimcə əgər o, zamanında yəni 1988-ci illərdən başlayaraq hakimiyyətdə olsaydı Qarabağ və onun ətrafındakı torpaqlar işqal altında olacaqdımı ?
Ondan sonrada onun hakimiyyətdə qalması keçmiş post sovet ölkələrindəki bir cox prezidentlər kimi hakimiyyət başında qalması qeyri-mümkün hesab edilə bilərdimi ?” Öncədən təşəkkür edirəm.

22:40
Cavab: Sual daha çox siyasetçiye ünvanlanacaq sualdır, men ise siyasetçi deyilem. Amma düşünmürem ki, Heyder Eliyev Azerbaycana qayıdanda onun heç bir dayağı yox idi. Bu dayaqlar vardı: KGB nin hele strukturunu qoruyub saxlayan agentura şebekesi, onun eski rehberliyi zamanında imtiyazları ile ferqlenen elementler az da olsa dayaq sayıla bilerdi. Amma Heyder Eliyevi maliyye resursları ile o zamankı Türkiye hökumeti temin etdi, Bunu ne üçün etdikleri çox geniş söhbetin mövzusudur. Eyni zamanda, hesab edirem ki, Heyder Eliyevin hakimiyyete gelmesi Dağlıq Qarabağ etrafındakı erazilerin işğal edilmesini şerlendirdi ve Qarabağ etrafındakı indiki yaramaz durumun yaranmasının esasını qoydu. Bu barede Turqut Erin Azadlıqdan Tiranlığa… adlı mkitabında, mühaciretde olan polkovnik >İsa Sadıqovu Azadlıq da geden silsile yazılarında ve dövri metbuatda etraflı yazılar derc edilib…

22:42
Sual [Mikayıl]: Azadlıq qəzetini qərəzsiz qəzet adlandırmaq olarmı? Yoxsa siz də həqiqətlərlə yanaşı, həm də bir qədər müxalifətin mövqeyindən çıxış edirsiniz?

22: 51
Cavab: Ola biler ki, Azadlıq qezetinde de herden qerezli yazılar derc edilsin. Bunu istisna etmirem. Amma bütövlükde Azadlıq qerezli qezetdir söylemek insaf ve mürüvvet çerçivesine sığmaz. Azadlıq ölkedeki yolsuzluqlara ve qanunsuzluqlara qarşı barışmaz qezetdir. Bezileri bunu müxalif mövqe adlandıra bilerler, amma qezet ne üçün hökumetyanlı olmalıdır ki? Mütereqqi dnyada iqtidaryönlü qezet anlayışı yoxdur. Yalnız Azerbaycan kimi gerizekalı idareçiliyin olduğu ölkelerde hökumet qezeti anlayışı ve gerçekliyi var. KİV ictimai nezaretin mühüm bir qoludur, eger bu nezaret hakimiyyetin eline keçirse, avtoritarizm yaranır, diktatura derinleşir. Azadlıq ise hökumetin metbuatı inhisara almasına yol vermeyen qezetdir.

22:54
Emil Quliyev [moderator]: Qənimət bəy, dəyərli vaxtınızı ayırıb dəvətimizi qəbul etdiyiniz və oxucularımızın suallarını cavablandırdığınız üçün təşəkkür edirik.

22:56
Qənimət Zahid: Çox sağ olun Emil bey!

23:00
EQ: Forumun əsas iştirakçıları oxucularımız olduğundan onlara da dərin təşəkkürümüzü bildiririk. Sərbəst Kürsünün növbəti sayıdan görüşmək ümidi ilə…

9 comments

Posted in Azərbaycan, Canlı Forum, Demokratiya, Media

Rəsul Quliyev: İştirak etməyə nail olsam mən, ola bilməsəm Əliyev!

Posted December 10th, 2012 at 3:38 pm (UTC-4)

18 comments

1996-cı ildən ABŞ-a mühacirət etmiş Azərbaycan Milli Məclisinin keçmiş spikeri Rəsul Quliyev Azərbaycanın siyasi gündəmini diqqətdə saxlayan siyasətçilərdəndir. Açıq Cəmiyyət Partiyasının lideri habelə 2013-cü ildə prezidentliyə namizəd olacağını bəyan edib. 1990-cı illərdə Azərbaycanın siyasi həyatında mühüm rol oynamış Rəsul Quliyev 2013-cü ili hakimiyyət dəyişikliyi üçün son şans kimi görür.

Bu və digər məsələlərlə bağlı oxucularımızın suallarını cavablandırmaq üçün sabiq spikeri Sərbəst Kürsü canlı forumuna dəvət etmişik. Rəsul Quliyev dekabrın 12-si sizin suallarınızı cavablandırıb.

————————————————————-

21:00 / 12 dekabr 2012

Axşamınız xeyir, Sərbəst Kürsünün növbəti sayında xoş gördük. Canlı forumun moderatoru həmişə olduğu kimi Emil Quliyevdir. Bugünkü qonağımız iki gün əvvəl 65 yaşı tamam olan Azərbaycan Milli Məclisinin sabiq spikeri Rəsul Quliyevdir.

21:02
Emil Quliyev [moderator]: Rəsul bəy, hər vaxtınız xeyir olsun. Sizi Sərbəst Kürsüdə salamlayırıq və 65 illik yubileyiniz münasibəti ilə təbrik edirik!

21:03
Rəsul Quliyev: Sağ olun!

21:04
EQ: Sualların çox olduğunu nəzərə alaraq birbaşa ilk suala keçirik. Mirzə adlı oxucu soruşur:

Salam Rəsul məllim..icazənizlə belə bir sualım var. Azərbaycanın daxilindəki siyasilərin nə vaxtsa seçkiyə əl qoyub 2013-də qalıb ola biləcəkləri şansına siz inanırmısınız?

21:08
Cavab: Azərbaycan xalqı tamamilə şansını itirmiş xalq deyildir,bu günkü siyasətçilər ilə olmasa sonradan gələnlərlə olacaq,yaxşı olardı indikilər reallığı anlayıb düzgün siyasət yeritməyi bacarardılar. Hələki reallığa söykənənlərin sayı çox azdır.

21:10
Sual [Rəşad]: Rəsul müəllim bu “bədbəxt dövlətin” yaxın 10 ildə taleyini necə görürsünüz?

21:15
Cavab: Əgər 2013-cü ildə normal seçki atmosferi yaradılıb azad seçkilər keçirilməsə bu bədbaxt dövlətin 2020-ci ilə qədər iflasını görürəm. Bədbaxt xalqın qanının tökülməsini görürəm. Xarici ölkələrin öz maraqlarını təmin etmək üçün bu neqativ hadisələri daha da alovlandırdığını görürəm.

21:16
Sual [Elvin]: Rasul bey biz hemishe sizinle fexr etmiwik sonadek sizinleyik.sizin gelewinizi gozleyirik.

21:18
Rəsul Quliyev: Sağ olun.

21:20
EQ [moderator]: Adını açıqlamayan oxucu soruşur: Salam Rəsul bəy. Məni bir sual maraqlandırır. Əgər 2013 ci il seçkisində sizin seçkidə iştirak etmək imkanınız olmazsa, sizin Mirmahmud Mirəlioğlunun namizədliyini müdafiyə etmək fikriniz olmazkı ? Əgər Mirmahmud bəyin namizədliyi keçərsə. Mən ona görə Mirmahmud bəyi dedim ki, 2003 ci ildə siz İsa Qəmbəri dəstəklədiniz yaqin ki,nəticə sizidə məyus etdi.

21:30
Cavab: İlk növbədə Mir Mahmud bəy və ya başqa birisi özü kifayət qədər dəstəyi olduğuna inanmalı və nəyin xatirinə prezident olmaq istədiyini bilməlidir. Əgər prezident seçilərsə bu işləri görə biləcəyinə əmin olmalıdır. Məsələn Qarabağı azad edəcəyəm bəyanəti ilə Qarabağı real azad etmək arasında uçurumlu fərq var. 2003-cü dəstəyin tamamilə başqa səbəbi var idi. O vaxt danışılmışdı ki,seçilmiş prezident bir il müddətində həm parlament həmdə prezident seçkiləri təşkil edir vəssəlam.Yəni müvəqqəti keçid höküməti kimi bir strukturanın yaradılmasından söhbət gedirdi. Təəssüf ki buna nil ola bilmədik. Bu dəfə real şansı olmayan heç kimə dəstək verilməyəcək. Yəni mən Azərbaycanda dərin demokratiyanın yaradılması üçün konkret və real planı olan, kimisə dəstəkləyə bilərəm. O adamın Mir Mahmud Ağa və ya bir başqasının olmasını hələ deyə bilmərəm. İdeal variantə özümə dəstək verməkdə görürəm.

21:31
Sual [Elçin]: Salam Rəsul bəy bu günədək Azərbaycanla arası heçdə mehriban olmayan iranın son zamanda belə yaxınlaşması hətta hərbi təlim belə keçirmək sazişini imzalamasını və azad ticarət zonasını yaratmasını nə ilə əlaqələndirmək olar? Təxmini bilirəm amma sizdən eşitmək daha maraqlı və dəqiq olardı…

21:39
Cavab: Azərbaycanın Rusiya ilə müəyyən problemləri var və onlar inkişaf etməkdədir. Bu problemlərin başında Türkmən ola bilərki Qazax və Özbək qazının xəzər dənizinin altı ilə çəkilmiş truba vasitəsilə Avropaya daşınmasına qarşı RF və İranın çıxış etməsidir.Qəbələ radiolokatorunun istifadə müddətinin uzadılmamasıda əlaqələrin kəskinləşməsindən xəbər verir. Azərbaycan İrana yaxınlaşmaqla cənubdan baş verə biləcək aqresiyadan özünü sığorta etmək istəyir. Həmin bu qaz boru kəməri vasitəsilə həm rejiminin ömrünü uzatmaq,həmdə korrupsiya və rüşvətin yeni mərhələsinə başlamaq istəyir,daha doğrusu xalqdan oğurlanmış pulların problemsiz xaricdə investisiyaya qoymasına qarant alsın.

21:40
Sual [Rafiq]: Salam Resul bey siz uzun zaman bu olkenin siyasetine yaxin olan adamlardan biri olmusuz.Menim size vereceyim sual mende olan umudleri oldurede biler yashadada biler. sualim beledir bu hakimyeti nece kreslodan qopartmag olar ve birde bu yaxin geleceyde bash vere bilerdmi? Teshekur edirem..

21:46
Cavab: Hakimiyyəti kreslodan qoparmağın iki yolu var.1. Hərbi yolla dövlət çevrilişi etmək. Bildiyiniz kimi bu yol adətən yeni diktatorun gəlməsi ilə qurtarır. 2.Xalqın etiraz iradəsi mitinqlərlə, insanların kütləvi şəkildə küçələrə çıxmasıdır. Azərbaycanda ikinci variantın baş verməmə şansı yoxdur,xüsusilə enerji xammalın qiymətləri aşağı düşəcəyi şəraitdə. Pessimizə qapılmaq əvəzinə əl ələ verib indiki rejimi 2013-cü il seçkilərində kreslolarından qaldırıb tullamaq lazımdır.

21:47
Sual [Tofiq]: Salam, Rəsul bəy! Ölkəmiz elə bir vəziyyətdədir ki, komplmentlər və təriflər yeri deyil. Görürük ki, Siz siyasətlə, iqtisadiyatla, dövlətçiliklə yanaşı, dünyanın tarixi hadisələrindən də mükəmməl səviyyədə məlumatlısınız. Dünya tarixində bizim ölkə səviyyəsində olan avtoritar, totalitar, monarxiya rejimli bir ölkədə AZAD DEMOKRATİK SEÇGİ keçirilmə halı müşahidə olunubmu? Axı bu loqikaya görə də uyğun gəlmir… belə seçgi keçirilən ölkəyə bu adlari da vermək omaz… Belə halda biz nəyə ümuduq?

Bir də ki, bəlkə, gözü diletantlar İsa bəyin spikerliyi, Elçi bəyin prezidentliyindən qorxmuş və bu gün özləri də dolanmaları üçün hakimiyyət kimi əyri yollarla pul əldə edən xalqın 80- 90%-i elə İlhamın yenidən seçilməsini istəyir?

21:53
Cavab: Sözsüz dedikləriniz həqiqətdir. Ancaq əhalinin 80-90 faizi Əliyevin seçilməsini istəyir şişirdilib. Əgər biz prezidentliyə ləyaqətli namizəd tapa bilməsək,40 faizə yaxın doğrudanda Əliyevə səs verəcək. Məsələ ondadırki ikinci yerdə gələn maksimum 10 faiz səs toplayacaq. Seçkilərdə isə ən azı 10-12 nəfər iştirak edəcək.İndiki hökümət seçkiləri rahat saxtalaşdırmaq üçün hörməti və şansı olmayanlardan namizədlər təşkil edəcəkdir.

O ki qaldı dünyada bizim ölkə vəziyyətində olub sonradan demokratiyaya keçən ölkələrin siyahısına o çox genişdir. Yəni 20-ci əsrin 60-cı illərindən 10-larla ölkələrdə belə dəyişiklər baş verib. Meksika, Brazilya, Çili, Argentina, Kolumbiya son Ərəb ölkələrində baş verənlər,cənubi Koreya BƏƏ,Qatar və sairələri misal göstərmək olar.İndoneziya,malaziya və sair.

21:55
Sual [Hikmət İbrahimoğlu]: Salam Resul müellim. Bilindiyi kimi rejimin ölkemizden qacirdigi 50 milyard pulun aqibeti qaranliqlara qerq olsa da, teyinati üzre sef etdikleri deqiq ünvanlar müeyyenlesmeye baslamisdir. Bele ki, ogurlanan pullar vasitesiyle xaricde alinan mülk ve emlaklari (dasinan ve dasinmayan emlaklar) Azerbaycanin mülkiyyeti olaraq geri qaytarmaq mümkün olacaqmi? 2 ci sual: Dünyanin bir nece inkisaf etmis demokratik dövletlerinin ölkemizdeki rejimle six biznes fealiyyetleri mövcuddur ve istenilen meqamlarda bu ölkelerin bir sira diplomatlari sülale rejiminin xeyrine dolayisiyla ve ya birbasa süarlar seslendirir, ona haqq qazandirmaqdan bele cekinmirler. Bu kimi neqativ hallarin qarsisini almaq ve bu dövletlere tesir etmek ücün hansi addimlari atib, diplomatik vasitelerden istifade etmeyi düsünürsünüz? Önceden Size tesekkürlerimizi bildiririk.

22:07
Cavab: Rejimin oğurladığı pulların onların və ya övladlarının rahat yeyəcəkləri mümkün olan məsələ deyildir. Tək İran Şahı Rza Pəhləvinin taleyi göstərir ki,bu heç 70-ci illərdə mümkün olmayıb indi necə ola bilər. Ancaq o mülkiyətlərin,pulların qaytarılması çox uzun çəkən bir prosesdir.O mülkiyətlərə həbs qoyulması bir il ərzində mümkün olacaq,ancaq geri qaytarılması 10 illər uzanacaq. 2-ci sualla əlaqədar deyə bilərəmki o tip ölkələr var.Türkiyə,Fransa,qismən İtaliya,şərq Avropa ölkələri bu qəbildən olan ölkələrdir. Ancaq xalq hərəkətə gəlsə bu ölkələr bir gündə dostlarının arxasından çəkiləcəklər.

22:08
Sual [Hatəm Əsədov]:

Salam Resul müellim!

Bildiyiniz kimi, ABS Dövlet katibinin müavini Tomas Melia Azerbaycana sefer edib ve ölke prezidenti ile görüshüb. Görüshle bagli ona ünvalnan “Azerbaycan resmiləri ile görüslərinizde prezident seckisi erefesinde veziyyeti deyisecek hansı sehrli sözlerden yararlandınız?” sualina “Bu meseleleri Azerbaycanın yüksek rütbeli resmileri ile müzakire etdim. Onlar cözüm yollarını bilirler. Azerbaycanın problemini ne ABS cözecek, ne de basqa ölkeler – bunu yaddan cıxarmaq olmaz. Öz geleceyini Azerbaycan xalqı ve resmiler tapıb-bilmelidir. Bizim Azerbaycana yatırımlarımız var” kimi cavablandirmishdir.

Bu cavab onu demeye esas verir ki, gelen il kecirilecek prezident seckisinde evveliki illerdeki kimi, ABS ve Avropa dövletleri yenede öz maraqlarini üstün tutaraq Azerbaycanin demokratikleshmesi prossesinin daha besh il yubanmasina göz yumacaqlar?

Xalqin hal-hazirki veziyyeti yüksek faizle, 20 il erzinde hedsiz varlanan rejim qarshisinda imkansiz ve taqetsiz durumdadir.

22:16
Cavab: Məsələ ondadır ki, qərb ölkələri və ABŞ-ın maraqları Azərbaycanda demokratiyanın bərqərar olmasındadır. Məgər demokratiyalı Azərbaycan qərbin maraqlarının əksinə çıxacaq,bu ki,absurddur. İndi ABŞ maraqlarının yerinə yetrilməsi üçün məcburdu Azərbaycan höküməti ilə çirkin alver etsin. Məsələn insan haqlarını pozmağa ,korrupsiya və rüşvətə kəskin reaksiya verməsin. Elə bilirsiniz bu ABŞ-ın xoşuna gəlir,yox.Ancaq bu rejimdən xilas olmaq üçün ABŞ-ın söykənəcəyi güc yoxdu ölkədə. Bu gücün konturlarının görünməsi ilə,ABŞ-ın mövqeyinin sərtləşməsi üst üstə düşəcək.

22:18
Sual [Şahin]: Salam Resul bey 2 sualım var 1. hakimiyyətə gəldiyiniz tədqirdə xalqımız üçün heçde fəxr sayılmıyan heyder əliyevin məzarını fəxri xiyabandan çıxarılması üçün qərar qəbul edəcəksinizmi bilirsiniz ki onun məzarından ötrü xalqımızın fəxri sayılan şəxslərin məzarlarının yeri dəyişdirilib.2. ümuiyyətlə H. Əliyevin cəsədinin həmin məzarda olduğuna inanırsınızmı.

22:28
Cavab: Ümumiyyətlə fəxri xiyaban adlandırılan yerin və orada dəfn olunanların statusu nəhayət müəyyənləşdirilməlidir. Əgər orada insanların dəfn edilməsi davam edəcəksə əvvəlcədən o insanların adları müəyyən qanunlar çərçivəsində müəyyənləşməlidir. Düşünürəm ki, komisiya yaranmalıdır və o komisiya kimliyindən asılı olmayaraq orada dəfn olanların o statusa uyğun gəlib gəlmədiyi müəyyənləşdirilməlidir. Düşünürəmki orada dəfn olunların 90 faizi o statusa uyğun gəlməyəcək.Meyitləri çıxarmamaq üçün qohumlarının qəbrini orada saxlamaq istəyənlərə imkan verməliyik ki, məsələn ildə yer haqqı qəbrə qulluq etmək haqqı kimi 10 min manatdan tutmuş 1 milyona qədər pul ödəməlidir və ya qohumunun qəbrini başqa qəbrstanlığa keçirməlidir. Çox ehtimal H.Əliyev bu qrupa daxil olacaq. Həmçinin atasının məsələn qəbrini orada saxlamaq istəyənlərin nəzərinə çatdırılacaq ki,qəbr daşının üstündə atasının xalqa qarşı törətdiyi bütün cinayətlər yazılacaq.

22:30
Sual [Ədalət]: Salam! Rəsul müəllim, siz necə düşünürsünüz, ilk öncə vahid namizədi müəyyən etmək üçün indiki müxalifət liderlərinin keçmişdən indiyəqədərki mövqeyini nəzərdən keçirib vahid müxalif mövqeli lideri üzə çıxarmaq lazım deyilmi?
Məncə, buna razı olsalar yeganə şəxs siz olacaqsınız.

22:40
Cavab: Mənim yeganə namizəd kimi düşündüyünüz şəxslər tərəfindən dəstəklənib dəstəklənməməsinin elə bir fərqi yoxdur. Mən Azərbaycana gəlib seçkilərdə iştirak etmək istəyirəm. Mənim Azərbaycanı tamamilə başqa bir Azərbaycan etmək niyyətim və planım var. Mənim kimlərləsə məni dəstəklə baş nazir və ya nazir və ya kimsə olacaqsan kimi alver etməyə nə həvəsim var nə də əxlaqım imkan verməz. Çünki mənə kreslo ancaq ideyalarımı keçirmək üçün lazımdır.Bu işdə mənə kömək edə bilməyənlə istənilən variantda işləyə bilmərəm.Bir çoxlarının özlərini real yox miraj prezident kreslosunda görməsi xalq heç vaxt xidmət edə bilməz.Başqa sözlə heç vaxt kimlərləsə vəzifə alveri üzərində qurulmuş danışıqlar aparmaram.

22:41
Sual [Razi Nurullayev]: Xalq birlik və vahid namizəd axtarışındadır. Çətinliklər var. Xalqı siz də hərdən qınayırsınız ki, ayağa qalxmır, mitinqə çıxmır. Haqlısınız. Azərbaycnada kifayət qədər siyasətçilər də bu cür düşünür. Amma, məncə xalq elə həmin xalqdır ki, yüz minlərlə meydanlara çıxırdı və tankın tırtılları altına uzanırdı. Heç hərdən özünüzə sual verirsinizmi ki, bu xalqa birdən-birə nə oldu? Bu xalq niyə üz döndərdi? Xalq, bir çoxları təsdiq edir ki, həm iqtidardan, həm də müxalifətdən üz döndərib. Bununla yanaşı, müxalifətin xalqı öz tərəfinə çəkmə ehtimalı tam tükənməyib. Potensial çoxdur. Onu inandırmaq lazımdır. O müxalifətin səmimiliyinə inanmalıdır. Bu inam olmasa, 2013 çətin olacaq. Bu inamın ayranması üçün birlik lazımdır. Birliyin başında xalqın inandığı, ziyalıların istədiyi, hamının pis-yaxşı qəbul edəcəyi bir lider olmalıdır. 2013 yalnız iqtidar üçün yox, həm də müxalifət üçün bir imtahandır. Bunun üçün nələr edə bilərsiniz? Gələcəyi necə görürsünüz?

Hörmətlə,

Razi Nurullayev,
AXCP sədrinin xarici əlaqələr üzrə müavini

22:52
Rəsul Quliyev: 100 minlərlə çıxan xalqla nə baş verdi indi belə passivləşib sualını verirsiniz və sonra qeyd edirsinizki xalq həmin xalqdır. Birincisi xalq həmin xalq deyildir. Çünki 1990-cı ilin yanvarından sonra xalq demək olarki bir dəfədə ayağa qalxa bilmədi. 1991-ci ildə SSSR-i tərkibində qalmaq istəyirsən referendumu,avqust putçundan sonra Mütəllibovun özünü prezident elan etməsində heç bir müqavimət göstərmədi.Xalq niyə passivləşdi.Gördükü önun özünü tankın altına atması heç bir xoşbəxtlik gətirmədi. Müxalifətin xalqı öz tərəfinə çəkmək imkanı tükənməyibsə niyə istifadə etmir,kim mane olur.O çox potensialdan niyə istifadə edilmir. Birliyin başında sadaladığınız keyfiyətlərə malik lider dayanmalıdır. Daha doğrusu saydığınız qruplar elan etməlidirki filan vaxtdan filankəs bizim liderimizdir. Siz bilirsiniz ki,lideri seçmirlər o elan olunmamış liderlik statusunu özünün keçmişi və bu günü ilə qazanır. Bunun üçün məni dəstəkləyənlərin qondarma yox real lideri olmaq istəyirəm. Özümə və silahdaşlarıma lider axtarışında deyiləm.

22:52
Sual [Nailə Hüseynzadə]: Növbəti prezident kim ola bilər?

22:53
Cavab: İştirak etməyə nail olsam mən, ola bilməsəm Əliyev.

22:54
Sual [Salman Əliyev]: Salam Rəsul müəllim! Rusiya Azərbaycanda kecirilən bütün seckilərə güclü dəstək verib. Seckilərin nəticələrini taniyan ilk dövlət olub. Sizcə 2013-ci ildə keciriləcək seckidə yenə bu hakimiyyətə dəstək verəcəkmi?

22:57
Cavab: Rusiyanın seçkilərin saxtalaşdırılmasına dəstək verməsinin nə isti soyuğu var bilmirəm. Rusiya kim udsa istənilən variantda onada dəstək verəcək.

22:58
Emil Quliyev [moderator]: Rəsul bəy, Sərbəst Kürsüdə iştiraka görə minnətdarlığımızı bildiririk!

22:59
Rəsul Quliyev: Sizdə sağ olun!Sürətiniz zəif idi, yoxsa daha çox sualları cavablandıra bilərdim.

23:00
EQ: Demək olar ki, daxil olan bütün suallara cavab vermək imkanımız oldu. Bir daha təşəkkürlər.
Mən eyni zamanda forumda iştirak edən oxucularımıza da təşəkkürümü bildirirəm. Sərbəst Kürsünün növbəti sayında görüşənədək…

18 comments

Posted in Azərbaycan, Canlı Forum, Demokratiya, Media, Siyasət

Mehman Hüseynov: İşlərimi Səyyad Əlizadə ilə davam etdirməyi düşündüm!

Posted November 19th, 2012 at 4:34 pm (UTC-4)

21 comments

Adətən Sərbəst Kürsüyə Azərbaycanda virtual məkanın gündəmini zəbt edən insanları dəvət etməyə çalışırıq. Bu dəfə də ənənəmizə sadiq qalırıq, ancaq məsələ ondadır ki, video blogger Mehman Hüseynovun hazırladığı video artıq sosial şəbəkələrdən kənara çıxaraq Azərbaycan televiziyalarının diqqətini cəlb edib. Belə ki, Mehman Hüseynovun Azərbaycan müğənnisi Səyyad Əlizadənin Metropoliten mahnısının görüntülərini cənubi koreyalı müğənninin məşhur “Gangnam style” musiqili birləşdirməsi çoxsaylı insanın xoşuna gəlsə də, qəzəblənənlər də az deyil. Hətta Mehman Hüseynov bu video-montaja görə məhkəmə qarşısına da çıxa bilər.

Qeyd etdiyimiz mövzuya aydınlıq gətirmək və eləcə də video-bloggerin digər fəalliyətləri barədə sualları cavablandırmaq üçün Sərbəst Kürsüyə Mehman Hüseynovu dəvət etmişik. Noyabr ayının 21-i video-blogger sizin suallarınızı cavablandırıb.

————————————————————————-

21:00 / 21 noyabr 2012

Axşamınız xeyir, Sərbəst Kürsünün bu həftə qonağı video-blogger Mehman Hüseynovdur. Canlı forumda oxucularımızla gənc blogger arasındakı təması isə Emil Quliyev qurur.

21:04
Emil Quliyev [moderator]: Mehman salam, Sərbəst Kürsüdə xoş gördük səni.

21:06
Mehman Hüseynov: Salam. Xoş gördük.

21:08
EQ: İlk sualı İrmak Əliyev gödərib. O, yazır: “Axşamınız xeyir. Sualım budu: Səyyad Alizadə səni məhkəməyə versə özünü necə müdafiə eləməyi düşünürsən?”

21:12
Cavab: Birincisi mən düşünürəm ki, Səyyad Əlizadə məhkəməyə verməsi bir az çətin məsələdir. Çünki ciddi bir səbəb də görmürəm. amma məhkəməyə versə belə Müdafiəmi 100 % yüksək səviyyədə təmin olunacaq. Həmdə Səyyadın məni məhkəməyə verməsi bir az gülünc və onun uçun utandırıcı haldır. Sadəcə gundəmdə qalmaq üçün bu cür bəhanələri gətirir.

21:14
Sual [Seymur]: Salam necəsiniz? Mənim sualım budur ki, siz xalqı ayağa qaldirib gözəl günə çixacaqsınız? Əgər o günə çixacaqsınızsa o gün deyil. Misal üçün, Suriya, Misir, Liviya onlar hələ də qırılmaqdadılar.

21:20
Cavab: Mən foto və video blogerəm, reportyoram. Mənim işim xalqı ayağa qaldırmaq deyil. Mənim işim cəmiyyətə həqiqətləri çatdırmaqdır. Ayağa qalxıb qalxmamağı xalq ozü müəyyənləşdirəcək.

21:22
EQ [moderator]: Növbəti sualı göndərən şəxs kimliyini açıqlamayıb:

1.kak vi reagiruyete na kritiku v vaw adres ? wto vi otvecaete koqda vas kritikuyut ?
2.skolko let yavlayetes bloggerom i kak vam eto priwlo v qolovu zanimatsa etoy deyatelnostyu ?
3.izvinite , a u vas devuwka est ?

21:33
Cavab:

1) Reaksiyam əlbətdəki normaldır. Əgər məni tənqid eliyən haqqlıdırsa. Çünki bilirsiz necədi bizim ölkədə əsl tənqidçilər yoxdu ya özlərini görsətmək üçün yazırlar yadaki ağıllı görsətmək üçün . Əks halda mən həmin o şəxsi ya öz işlərindən məşqul olmağa göndərirəm ya da ki çox vaxtlar onu biabır edirəm ki, gələn dəfə özünü ağıllı göstərməsin.

2) Artıq 4 ildir ki, mənim video blogum var. İdeya elə yaranıb ki, bizim ölkədə azad televiziya olmadığı üçün xalqın problemlərini, reallıqları televiziyalarda göstərmirlər, ona görə də mən qərara gəldim ki, video bloq açım və cəmiyyətdə ölkədə nə baş verirsə bunu çəkib sosial şəbəkələr xəbər sayları vasitəsi ilə oxucuya çatdırım. Yeri gəlmişkən video bloguma 4 millyondan çox baxış var və bu az izləyici də deyil.

3) Sual şəxsi həyatımla bağlı olmağına baxmayaraq cavab verərəm. Mənim üşün sevgili qız elə bir kəlmə yoxdu. Mənim çox istədiyim qızlar var.

21: 35
Sual [Vahid]: Mənim Mehman bəydən sualım budur.
Nədən bir mədəni fəal olaraq amma mədəni davranmır. Bir çox zaman Facebook statuslarında söyuşlər yazır. Düşünmürmü söyüşü toplum insan hörmətini aşağılayır.

21:40
Cavab: Mən özüm kompleksiz bir insanam. Yani mən fikrimi bildirmək üçün bütün üsullardan istifadə edirəm və hesab edirəm ki mənim bucür ifadələrimi dostluğumda olan dostları heç də narahat etmir sadəcə kimsə demədiyi kəlməni mən deyə bilirəm. O birsi tərəfdən isə mənim şəxsi səhifəmdir. Mən söyüş də yaza bilərəm hər şey edə bilərəm və heç kimin də huquq yoxdur ki kimsə mənə bu barədə nəsə desin. Şəxsi səhifənmdir özüm bilərəm kimin xoşuna gəlmirsə yaxşı yol. oxumasın. Bunu hörmətə heç dəxlisi yoxdur.

21:41
Sual [Kamil Quliyev]: Mehman, Səyyad Əlizadə deyirdi ki, Mehman kimdi? O özünü təsdiq etməyib. Sən özünü necə və kim kimi təqdim edərdim. Özün haqqında bir qədər ətraflı danışa bilərsənmi?
Təşəkkürlər,
Maraqlı videolarını gözləyirik.

21:46
Cavab: Səyyad Əlizadə çox yaxşı da bilir mən kiməm və nə işlərnən məşğulam. Sadəcə bü cür bir hərəkət eliyir guya bu məni tanımır və s. Özü mənə etiraf eləmişdir ki Mehman videodan sonra sənin facebook səhifəvi tapdım və bütün işlərinnən tanış oldum. Çox yaradıcı gəncsən gözəl gələcəyin var işlərivi izlədim amma nə edirsənsə yaxşı tərəfə elə. Yani bu sözlər Səyyad mənə deyib danışığımızda. Mən də dostlarım da təstiq eliyə bilər Mən Özümü bu cəmiyyətdə təstiq eləmişəm də hörmət qazanmışam da. Yeni videolar da əlbəttə ki hər həftə olacaq.

21:47
Sual [Qiraqdan baxan]: Mehman HOST-dan niye cixdin?

21:49
Cavab: HOSTdan ona görə çıxdim ki artıq o qrupnan gələcəyimi görməmişdim və işlərimi Səyyad Əlizadə ilə davam etməyə düşündüm.:)

21:51
Sual [Ülvi]: Hazırda hansısa videonu üstündə işləyirsən? Müğənnilərlə bağlı növbəti videon nə vaxt olacaq?

21:55
Cavab: Hazırda hələki heç bir video üzərində işləmirəm. amma gələn həftəyə mütləq yeni bir video üzə çıxacaq.

21:58
Sual [Fəridə]: Mehman, mən bildiyimə görə, sizin təhsil aldığınız fakultə tamamilə jurnalistikadan uzaqdı, mediaya marağınız hardan yarandı və ya səbəb?

22:02
Cavab: Düzdü oxudugum fakultə İnformatika və İdarəetmədir. Təhsil aldığım universitetdə elə də güclü təhsil yoxdur və bu səbəbə gorə mən uzaqlaşdım öz ixtisasımdan və başladım vizual işlərnən məşqul olmağa. Buna düzünü desəm maraq yox insanda yaradiciliq hissləri varsa ideyaları varsa avtomatik olaraq həmin insan başlayır foto və ya video süjetlər çəkməyə. Mən dədə elə alınıb. yani bu uşağlığımın arzusu deyil idi.

22:04
Sual [İsmail]: Mehman,fotoqraf kimi ozunu kifayet qeder tesdiq elemisen.Fotoreportyor olaraq da mence kifayet qeder tecruben var.Bes bu sahede her hansi bir master-klass vermek,telim kechirdmek niyyetin var?
2.RATI’den elave hansisa metbu orqanla elaqen var?

22:08
Cavab: Bu fikir həmişə məndə var idi. Və fikirləşirəm ki yeni ildən sonra artıq master klassdar və təlimlər keçməyə tam hazır olacam. Bunnan əvəəlki aylarda da fotojurnalistikadan təlimlər keçmişəm. RATİ dən başqa əlbətdəki bəzi başqa media təşkilatlarda bəzi layihələrdə işləyirəm və beynəlxalq media təşkilatlarda muqavilə əsasında işləyirəm.

22:10
Sual [Emin Axundov ]: SalamlarMehman bey, hem muxalifetin, hem de iqtidarin aksiyalarin lente alirsan. Bunu nece izah etmek olar?

22:15
Cavab: Bunu məncə heç bir izaha ehtiyac yoxdur. Mən müstəqil foto və video reporteram. Və mənim həm iqtidarın həm muxalifətin aksiyalarını tədbirlərini çəkməyim də normal bir haldır. Hər iki tərəfdə olan aksiyalarda baş verən hadisələrini çəkirəm və fərgi də cəmiyyət görür.

22:17
Sual [Emin İbadov]: Evvela, bir neçe insanın üzünü turşudsanız da ekser insanların üzünü güldürdüyünüz üçün teşekkürler! Melum mahnını ABŞda prezident namizedlerinin de (Mitt Romney ve Barack Obama) videolarına montaj edib eylenceli videolar hazırlanmış, bu videolar YouTube’da paylaşılmışdı. Sizce buna benzer videolar Azerbaycan siyasetçileri, xüsusile de prezidenti haqqında hazırlana bilermi. Cavabınızın sebebini de deseniz şad olaram. Ümumiyyetle, sizce xalqımız niye zarafatla tehqiri ayırd ede bilmir?

22:25
Cavab: Onnan başlıya ki Azərbaycan kimi ölkədə azad internet belə yoxdur. Sosial şəbəkələrdə isə senzura tıdbiq olunur. Hər şey etmək olar amma bizim kimi ölkədə bunu etmək çox təhlükəlidir. Bildiyivizə görə video blogerlər Emin və Adnan məs elə siyasetci haqqinda satira bir videorolika gora hebs olunublar. Ölkədə ki azad cəmiyyət azad söz azad internet olmuyunca bu cür videoları eləmək bir az təhlükəlidir. Bizim siyasətçilər əsasən də prezident belə deyək özünə sığışırmır bucür hərəkətləri. Bunlara ancaq Aztvdə ki kimi videolar lazimdi Ugurlu inkiwaf Ilham Eliyevin ugurlu siyaseti ve s. Adi elə mən elə də popular olmuyan muganni Səyyad haqqında belə bir video hazırladım vaxt keçməmiş artıq məni məhkəməyə verir siz indi təsəvvür edin siyasətçilər prezident nə edər.

22:27
Sual [Orxan Əhmədoğlu]: Salam. Menim 2 Sualım var. 1.Sizce Azerbaycanda hakimiyet xalqa bağlıdı yoxsa xalq hakimiyyete. ?

2. Sizin hakimiyyetin adamı olduğunuzu deyirler bu ne derecede doğrudu ?

22:30
Cavab:

1) Azərbaycanda elbətəki heç bir bağlılıqlar yoxdu bir birinə. Çunki Azərbaycan avtoritar bir hökümət var.

2) Yenə də düz deməyiblər. Bu absurd bir söhbətdir. Mən hakimiyyətin adamı deyiləm! Mən AGENTƏM!

22:32
Sual [Cavid]: Tv yaratmaq maraqlı video çarxlar hazırlamaq fikri necə olduki sizdə yarandı? və niyə məs fotoqraflıq?

22:39
Cavab: İnternet tv yaratmaq maraqli videolar hazirlamaq bayaq bu cur bir sual verildi cavab vermiwam. Birda qeyd eliya bilaram ki olkede azad televiziya olmadigi ucun cemiyyatda olan problemlari cekib internet vasite ila xalqa catdirmaq. Fotoqrafliq sozudnan zehlem gedir. Fotoreporter foto blogger desak daha duz olar. Cunki vizual yaradiciliqa daha cox hevesim var.

22:41
Sual [Arzu]:Salam, Mehman! Sizcə Səyyad Əlizadə ilə bağlı gördüyünüz iş etdiyiniz böyük işlərdən sonra reputasiyanıza ziyan vurmur ki?22:44
Cavab: Heç elə düşünmürəm. Tərsinə reputasiyamı daha da ucaltdı show biznesa yenilik gatirdiyim ucun.

22:45
Sual: Pəşakar video production şirkəti yaratmaq haqda düşünmüsünüzmü?

22:50
Cavab: Düşünürəm deyəndə ki, artıq yaratmışıq. Satirik Siyasi video production. Adını da SANCAQ production qoymuşuq.

22:53
Emil Quliyev [moderator]:Mehman çox sağ ol, dəvətimizi qəbul edib, iki saatını bizə ayırdığın üçün

Sənə fəaliyyətində uğurlar arzu edirik!

22:55
Mehman Hüseynov: Buyurun Emil bəy. Sizlərə də təşəkkürlər dəvət etdiyiniz üçün. Çox sağ olun.

22:59
Emil Quliyev: Dəyməz!
Oxucularımıza da öz dəyərli sualları və şərhləri üçün minnətdarıq. SƏRBƏST KÜRSÜ – Sizin Bloqunuzdur! Sərbəst Kürsünün nğvbəti sayında görüşənədək.

21 comments

Posted in Azərbaycan, Canlı Forum, Media, Sərbəst Kürsü

Page 3 of 7
<
1
2
3
4
5
6
7
>

English Worldwide

Eastern & Central Europe

Eurasia

Central Asia

East & Southeast Asia

South Asia

Africa

Middle East / North Africa

Latin America

BLOGLAR

Categories

Archives

Xidmətlər

Haqqımızda

Xidmətlər

Linklər

Sosial şəbəkə