ABŞ-da yaşayan azərbaycanlılar 20-ci əsrin əvvəllərində azərbaycanlıların kütləvi şəkildə qətlə yetirildiyi faciəli hadisələrin anılması üçün bu il də məktub kampaniyasını davam etdirib. Birləşmiş Ştatlar Konqresi, yerli qanunvericilik orqanları və mətbuat üzvlərinə göndərilən məktublarda1918-ci il martın 31-də baş vermiş faciəli hadisələr izah edilir.

ABŞ-da azərbaycanlıların şəbəkəsi USAN-nın məktublarında martın 31- gününün 1919-cu ildə Azərbaycan Demokratik Respublikası tərəfindən rəsmi olaraq Faciə günü kimi anıldığı qeyd edilir. Məktub kampaniyasının nəticəsi olaraq ABŞ-ın Nevada ştatının qubernatoru artıq ikinci dəfədir martın 31-ni azərbaycanlıların anım günü elan etmişdir.

Nevada ştatının qubernatorunun sərəncamı martın 31-ni azərbaycanlıların milli faciəsi kimi Azərbaycanın hüdudlarından kənarda tanıyan ilk rəsmi sənədlərdən biridir.

Amerikanın səsinin Nevada ştatının qubernatorunun martın 31 günü ilə bağlı sərəncamı haqda məlumatını bu linkdə tapa bilərsiniz:
http://www.voanews.com/azerbaijani/news/Nevada-Proclamation-Azerbaijan-Remembrance-Day-01-03-2011-112814444.html