ABŞ Dövlət katibi Hillari Klinton Novruz mesajında azərbaycanlıları da qeyd edib

Posted April 1st, 2011 at 10:10 am (UTC-5)
Leave a comment

ABŞ Dövlət katibi Hillari Klinton martın 20-də Novruz bayramı münasibətilə təbrik mesajı göndərib. “Mən də prezident Obamaya qoşularaq Novruz bayramını qeyd edən amerikalılar, əfqanlar, kürdlər, azərbaycanlılar, iranlılar və Mərkəzi Asiya xalqlarına ən xoş arzularımı çatdırıram”-deyə təbrikdə deyilir.

Bu il Novruz bayramının qeyd edildiyi zaman Yaxın Şərqdə baş verən hadisələrə işarə edən xanım Klinton bildirib ki, ABŞ regionda insan hüquqları və insan ləyaqətinin dinc ifadə edildiyi nümayişlərə yüksək qiymət verir. “Biz bütün dünyada Novruzun gətirdiyi imkanları qarşılayan və onun dəyərlərini müdafiə edən insanlara qoşuluruq. Bu ilin sizin üçün yeni ümidlərlə və universal hüquqlarımız olan insan hüquqları və fundamental azadlıqlara dair yeni təəhhüdlərlə dolu olmasını arzulayıram”-deyə xanım Klinton bildirib.

Bu, artıq ikinci ildir ki, ABŞ Dövlət katibi Novruz münasibətilə təbrik mesajında bu bayramın azərbaycanlılar tərəfindən qeyd edildiyini vurğulayır. ABŞ-da yaşayan azərbaycanlılar Birləşmiş Ştatlar prezidentinin illik Novruz mesajında Azərbaycanın da qeyd edilməsinə nail olmaq üçün dörd ildir kampaniya aparır.

Prezident Barak Obamanın martın 20-də Novruz münasibətilə açıqladığı video mesajında bu il də Azərbaycan qeyd edilməyib.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>