ABŞ senatoru Xocalı faciəsinin tanınması səylərinə dəstək verib

Posted August 7th, 2012 at 11:49 am (UTC-5)
1 comment

ABŞ-ın Şimali Karolina ştatını təmsil edən senator Key Heyqan Amerikada fəaliyyət göstərən diaspor təşkilatlarının Xocalı qırğınının tanınması ilə bağlı məktub kampaniyasına dəstəyini bildirib.

Azərbaycan və türk diaspor təşkilatlarının üzvlərinə ünvanladığı məktubda senator Xocalı faciəsinin Konqres səviyyəsində soyqırım kimi tanınması ilə bağlı məsələnin onun diqqətinə çatdırılmasına görə razılığını ifadə edib.

“1992-ci ildə fevralın 25-dən 26-a keçən gecə Azərbaycanın Xocalı şəhərində azərbaycanlıların kütləvi qırğını baş verib. Bu, kütləvi qırğın həm də Xocalı soyqırımı adlandırılır”-deyə senator qeyd edib.

Senator Hoqan ABŞ hökumətinin mülki vətəndşalara qarşı kütləvi qətliamların qarşısının alınması ilə bağlı kursunun müəyyən edilməsinin vacibliyni vurğulayıb. O, 2010-cu ildə soyqırım və mülki vətəndaşların kütləvi şəkildə qətlinin qarşısının alınmasının ABŞ-ın milli maraqlarında olduğuna dair Konrqesin 71 saylı qətnaməsinin ABŞ Senatına təqdim edildiyini bildirib. Eyni ildə dekabr ayında Senatda qəbul edilmiş qətnamə bu məqsədlərə nail olmaq üçün Obama administrasiyasını fəaliyyət göstərməyə çağırır.

Senator Heyqan bildirir ki, Senatda Xocalı qətliamının tanınmasına və Ermənistanı bu faciəyə, habelə Dağlıq Qarabağ müharibəsi dövrü digər zorakılıq aktlarına görə məsuliyyəti üzərinə götürməsinə çağıran xüsusi bir qanunvericilik layihəsi olmasa da, Senatın qəbul etdiyi 71 saylı qətnamə soyqırım və kütləvi qırğınların qınanması və əvvəllər kütləvi şəkildə qətlə yetirilmiş insanların xatirəsinin anılması kimi bir borcun olduğunu xatırlatmaq istiqamətində mühüm bir addımdır.

Demokrat senator Key Heyqan 12 ildir ABŞ Senatında Şimali Karolina ştatını təmsil edir.

Xocalıda və Srebrenitsada baş vermiş kütləvi qırğınların tanınması ilə bağlı məktub kampaniyası ABŞ-da və Kanadada fəaliyyət göstərən Amerika-Azərbaycan Şurası və Pax Turcica institutunun təşəbbüsü, habelə Amerika-Azərbaycan Cəmiyyəti, Türk-Amerika Assosiasiyalar Birliyi və Türk-Amerika Assosiasiyalar Federasiyasının dəstəyi ilə keçirilib.

One response to “ABŞ senatoru Xocalı faciəsinin tanınması səylərinə dəstək verib”

  1. Fərhad Turanlı says:

    Xocalı qətliamı ‒ azərbacanlıların soyqırımı!
    Xocalı faciəsinin (azərbaycanlılara qarşı törədilən qətliamın) ABŞ Konqresi səviyyəsində -aərbaycanlıları soyqırımı- olaraq tanınması üçün:
    1. Beynəlxalq hüquq tələblərinə görə “soyqırımı milli mənsubiyyətinə görə əhaliyə əzab verilərək öldürülməsi, qətlə yetirilməsi hadisəsidir”. Qanunları nəzərə alaraq bu faciənin adını “Xocalı qətliamı ‒ azərbacanlıların soyqırımı” adlandırılaraq tanıtdırılması lazımdır;
    2. Xocalı qətliamını (26 fevral 1992 il), -azərbaycanlıların soyqırımı- olaraq sübut edilməsi üçün Beynəlxalq kriminal-hüquq tələblərinə görə dəyərləndirilməlidir;
    3. Azərbaycan və Beynəlxalq Ali Məhkəmələrində (Hərbi Tribunalında) -aszərbaycanlıların soyqırımı- qərarının (qanununun) çıxarılması və bunun əsasında xarici dövlətlərin parlamentləri, o cümlədən də ABŞ Konqresində və digər rəsmi qurumlarda “Xocalı qətliamı ‒ azərbacanlıların soyqırımı” qanunlarının qəbul etdirilməsinə nail olmaq mümkündür.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>