Amerika azərbaycanlıları 11 sentyabr hadisələrini anır, terroru unutmamağa çağırır

Posted September 11th, 2012 at 4:06 pm (UTC-5)
Leave a comment

ABŞ-da fəaliyyət göstərən Azərbaycan diaspor təşkilatları 2001-ci ildə Biriləşmiş Ştatlarda 11 sentyabr terror hücumlarının 11-ci ildönmünü qeyd edərək, hadisə qurbanlarının xatirəsini anır.

ABŞ azərbaycanlılarının şəbəkəsi USAN, Amerika-Azərbaycan Şurası və Amerika-Azərbaycan Cəmiyyətinin hadisələrin ildönümü münasibətilə verdiyi açıqlamalarda sentyabr hücumlarının Amerika tarixində ən dəhşətli hadisə olduğunu, Nyu-York, Vaşinqton və Pensilvaniyada hücumlarda 3 mindən çox insanın həyatını itirdiyini bildirir.

Diaspor təşkilatları eyni zamanda terrorizmi qınayaraq, Azərbaycanın 11 sentyabr hücumlarından sonra Birləşmiş Ştatlara qlobal terrorizmə qarşı mübarizədə dəstək verən ilk ölkələrdən biri olduğunu qeyd edib.

Azərbaycanın ABŞ-a terror hücumlarından sonra dərhal dəstək verməsinin təsadüfi olmadığını bildirən diaspor təşkilatları eyni zamanda, terrorun bütün formalarını qınayır və Azərbaycan-Ermənistan Dağlıq Qarabağ münaqişəsi nəticəsində çox sayda azərbaycanlının qətllərin qurbanı olduğunu vurğulayır.

Açıqlamalarda Azərbaycanın ABŞ-ın başçılığı ilə Əfqanıstanda və İraqda səylərə dəstək verən ilk ölkələr arasında olduğu, Kaliforniyanın San Diyeqo şəhərindən olan amerikalı azərbaycanlı, ABŞ-ın hərbi dənizçisi Murad Rəhimovun İraqda əməliyyatlar zamanı həyatını itirdiyi göstərilir.

Amerika azərbaycanlıları 11 sentyabr hücumları zamanı həyatını itirən insanların xatirəsini anaraq, terrorizmin bütün formalarını qınadığını bildirir və terrorizmin qarşısının alınmasına çağırır.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>