Kaliforniyanın İrvin universitetində Xocalı konfransı

Posted March 4th, 2013 at 12:49 pm (UTC-5)
Leave a comment

ABŞ-da Azərbaycan diaspor təşkilatları, eləcə də Amerikada yaşayan azərbaycanlılar Xocalı faciəsinin 21-ci ildönümü ilə əlaqədar bir sıra tədbirlər keçirib. Kaliforniyanın İrvin universitetində fəaliyyət göstərən Azərbaycan Tələbə Assosiasiyası “Dağlıq Qarabağ Münaqişəsi: Məhv edilmiş şəhərin tarixçəsi” mövzusunda seminar təşkil edib. Amerika Azərbaycan Şurası və AYNA şəbəkəsinin təşəbbüsü ilə keçirilən tədbirdə tələbə assoasiyasının üzvləri Aytən Nəbiyeva, Rəfiqə Qurbanzadə, Montana ştatının universitetinin professoru Tomas Qolts, Amerika Azərbaycan Şurasının baş direktoru Cavid Hüseynov məruzə ediblər.

Qarabağdan məcburi köçkün olan olan Rəfiqə Qurbanzadə toplaşanlara hazırkı Xocavənd (əvvəl Hadrut) rayonunda Çərəkənd kəndi haqda xatirələrini bölüşüb. O, bir zaman uşaqlıq illərini keçirdiyi Qarabağa qayıdıb babasının qəbrini ziyarət edə biləcəyinə ümid etdiyini deyib.

Tədbirdə jurnalist və yazar Tomas Qoltsun Xocalı haqda çəkdiyi sənədli film nümayiş etdirilib. Tədbirə Azərbaycan və türk icmaları, eləcə də Kaliforniyanın Orenc dairəsini təmsil edən erməni icmasının üzvləri qatılıblar. Auditoriyada olan erməni tələbələr Azərbaycan cəmiyyətində mənfi münasibətin güclənməsi və Əkrəm Əylislinin “Daş yuxular” kitabı ilə bağlı suallar verib, onlardan biri isə Azərbaycanda dini tolerantlıq və müxtəlif dinləri təmsil edən qruplar arasında münasibətlərin öyrənilməsinə maraq göstərdiyini bildirib.

Amerika Azərbaycan Şurasının yaydığı məlumata görə, tədbirin sonunda bəri erməni tələbələr məruzəçilərə maraqlı prezentasiyaya görə təşəkkür edib və Xocalı qurbanlarının ailələrinə başsağlığı bildiriblər.

Leave a Reply

Your email address will not be published. Required fields are marked *

Dilşad Əliyarlı

Dilşad Əliyarlı jurnalist və yazardır. 15 ildir Amerikanın Səsində çalışır. Bu illər ərzində radio və televiziya proqramları üçün müxtəlif mövzularda reportajlar hazırlayıb, ABŞ və Azərbaycanın yüksək səviyyəli rəsmiləri ilə müsahibələr aparıb. Dilşad Əliyarlı Amerikanın Səsinin Azərbaycan dilində ilk televiziya proqramı olan "Newsflash" xəbər bülleteninin, sonra isə "Amerika İcmalı" tele-jurnalınının ilk aparıcısı olub.

Azərbaycan xidməti ilə yanaşı, Amerikanın Səsinin rus xidmətində də radio proqramlarının aparıcısı kimi çalışıb. Amerikanın Səsindən öncə BBC radiosunun Azərbaycan xidmətinin Bosniyada müxbiri olub. Bakı Dövlət universitetinin Şərqşünaslıq fakültəsinin ərəb dili şöbəsini bitirib. Ərəb dilinin tədrisini Tunis paytaxtında Burqiba adına dillər institutunda davam etdirib.

Videolarınızı bizə göndərin!

Bizi Facebook-da izləyin

AzeriDiaspor bloqunun Facebook səhifəsinə üzv olmaq üçün buraya tıklayın

Azblog-dan ən son blog yazıları

Azərbaycanın İlk Blog Şəbəkəsi
<div style="background-color: none transparent;"></div>