Kanada alimlərinin araşdırmalarının nəticəsi göstərib ki, genetik modifikasiya edilən viruslar toxumalara ziyan vurmadan bəzi xərçəng şişlərini müalicə edə bilər. Viruslardan istifadə edilməklə xərçəng xəstəliyi ilə mübarizə yeni elmi-tətqiqat olmasa da, son illərin genetik texnikası virusların modifikasiyasını mümkün edib. 23 xəstə üzərində aparılan eksperiment 5 doza ilə bəzi şişlərin normallaşdığı və ya kiçildiyini göstərib. JX-954 adlanan virusun ciddi yan təsirləri müşahidə edilməyib. Xəstələrin bəzisində bir gün sürən qrip simptomları olub. Lakin alimlər əlavə tədqiqatlara ehtiyac duyulduğunu və virus terapiyasının gələcəkdə xərçənglə mübarizənin yeni səhifəsini açacağını deyir.