Ürək xəstəliklərinin müalicəsi sahəsində yeni ümidverici müalicə üsulları aşkar edilir. Mayami Universitetinin keçirdiyi aradırmalara əsasən, sağlam donorlardan alınan gövdə hüceyrələri xəstə ürək toxumlarının müalicəsinə yardım edə bilər.
Alimlər xarici toxumlarının hücumuna məruz qalmayan ilik hüceyrələrindən istifadə edib. Gövdə hüceyrələrinin digər hüceyrələrdə istifadəsi artıq illərdir ki, tibbə yad deyil. Bu hüceyrələr ürək əzələsinin iki ay ərzində yeniləşməsini təmin edir. Hazırda bu metoddan qan bankları kimi istifadə ediləcək.
13 ay sürən tədqiqat infark keçirmiş 30 xəstə üzərində aparılıb. Onların yarısı donor hüceyrələri qəbul edib. Digərləri isə öz iliklərindən hüceyrələr alıb. Ürəyin zərər çəkmiş əzələsinə yeridilən hüceyrələr ürəyin sağlam funksiyasını təmin edib.
Alimlər bu terapiyanın standart xarakter almasından öncə daha geniş klinik araşdırmalar aparacaq.
1994-cü ildən Amerikanın səsinin əməkdaşıyam. Amerikanın səsinin Tibb rubrikası üçün proqramlar hazırladığım üçün son tibbi yenilikləri yaxından izləyir və bu sahəyə xüsusi marağım olduğundan müxtəlif mənbələrdən öyrəndiklərimi sizinlə bölüşürəm. Orta və ali təhsilimi Bakıda almışam. Bakı Dövlət Universitetinin Filologiya fakültəsinin məzunuyam.
