Politoloq Hikmət Hacızadə Azərbaycanda demokratik mübarizəyə qatılmış gənclərin kifayət qədər fəallıq nümayiş etdirdiyini və bir çox məsələlərdə əvvəlki nəsillərdən daha qabaqcıl olduğunu deyir. Hazırda ABŞ-da elmi araşdırma aparan FAR Mərkəzinin rəhbəri Amerikanın Səsinə müsahibədə gənclərin çətin siyasi mühitdə fəaliyyəti, sosial şəbəkələrin icma yaradılmasındakı rolu və nəsil fərqləri haqda danışıb. O, indiki nəslin əlində ölkəni irəliyə doğru aparmaq üçün xeyli imkanlar və yeni növ vasitələr olduğunu vurğulayıb.