Chelsea Ta Kori Andre Villas-Boas

Posted March 4th, 2012 at 4:23 pm (UTC+0)
2 comments

Andre Villas-Boas

Andre Villas-Boas


Ina cire hula ta ma Mohammed Dan Indiya, domin tun ranar da na fara rubutu a wannan dandalin, yayi mini hasashen cewa Chelsea zata kori Andre Villas-Boas.
Yau ina tashi ke nan sai na yi ta ganin sakonnin cewa a karshenta dai Roman Abramovich ya kori Villas-Boas, kuma ya maye gurbinsa da mataimakin manaja Roberto Di matteo, tsohon dan wasan ita Chelsea din, wanda zai jagoranci kungiyar har zuwa karshen shekara.
Tun lokacin da Abramovich dan kasar Rasha ya sayi Chelsea a shekarar 2003, kungiyar ta lashe Premier sau 3, ta lashe kofin FA (kalubalenka na Ingila) sau 3, ta kuma lashe lig-lig na Turai sau biyu.
Amma ba ta taba lashe kofin Zakarun Kulob-Kulob na Turai ba, kofin da aka ce shi mai kulob din ya fi kwadayin lashewa a kan komai.
Babban abinda ya kara fusata Ambramovich shi ne cewa yanzu Chelsea ta koma ta 5 a teburin Premier bayanda ta West Bromwich Albion ta doke ta jiya asabar, kuma a karon farko tun 1979.
Wannan shi ne karo na 8 cikin shekaru 9 da kulob din Chelsea zata shiga cikin kasuwar neman manaja.

2 responses to “Chelsea Ta Kori Andre Villas-Boas”

  1. Mohammed 'Dan India says:

    Haka ya ke AVB ya zama tarihi a Chelsea sai dai ya tafi ya bar kungiyar cikin rikita-rikita wanda gara ma Avram Grant da shi tunda Grant ya buga akalla final na Champions league da Carling cup,sannan kuma ya zama na biyu a gasar premier kafin a kore shi.Su kam su Mourinho da Ancelotti na san da za a bude zuciyar Abamovic sai an ga ta na cewa mai ya sa na kore wa’dannan kocinan.Idan Di Matteo ya yi sa’a ya yi iya bakin kokarin sa mai yuwa ya zarce.Idan ko ba haka ba sai a shiga neman sabon koci!su Rafael Benitez dama kwanan baya har an fara jita-jiatan cewar manajan sa ya fara tattaunawa da kungiyar.Ko ma yaya ta kaya dai Chelsea ta samu koma bayan da dole ne sai an sake komawa drawing boad a dubi menene matsalolin kafin samun bakin zaren…..

  2. deenyeldu says:

    wani aiki sai mourenho…
    Amma wani hanzari ba gudu ba, ya kamata chelsea su sayarda yan wasa kamar haka
    1. Molouda.
    2. Kalou.
    3. Lampard.
    4. Alex.
    5. Obi.
    Sai su shiga neman garaken yan wasa kuma coach

Leave a Reply to Mohammed 'Dan India Cancel reply

Your email address will not be published. Required fields are marked *

About

Shafin Tamaular Duniya

Dandalin wadanda ke sha’awa, kuma suka san abinda zasu iya fada kan kwallon kafa. Yaro ba ya wargi!!

Categories

Calendar

March 2012
M T W T F S S
« Feb   Apr »
 1234
567891011
12131415161718
19202122232425
262728293031