Dukkan ‘Yan Kwallo A Turai Sun Karrama Fabrice Muamba

Posted March 24th, 2012 at 6:15 pm (UTC+0)
2 comments

Fabrice Muamba na Bolton Wanderers, wanda ke kwance a asibiti bayan harbin zuciya. 'Yan wasan kwallon kafa a duk fadin Turai su na karrama shi tare da yi masa addu'ar samun sauki

Fabrice Muamba na Bolton Wanderers, wanda ke kwance a asibiti bayan harbin zuciya. 'Yan wasan kwallon kafa a duk fadin Turai su na karrama shi tare da yi masa addu'ar samun sauki


Ba kasafai ake samun abu guda dake hada kan ‘yan wasan Tamaula na Turai baki daya ba, im ban da irin wannan tsautsayi da ya abka kan Fabrice Muamba na kungiyar Bolton Wanderers, mai wasa a Premier League na Ingila.
Mahaifin Muamba da wasu ‘yan’uwansa sun bayar da sanarwa su na godewa ‘yan kallo, da ‘yan wasan Tamaula da ma’aikatan asibiti a saboda tallafi da goyon bayan da suka nuna musu. Muamba ya fadi kasa haka kwatsam kafin a tafi hutun rabin lokaci a yayin da Bolton ta ke buga wasan kwata fainal na kofin kalubalenka da Tottenham ranar asabar da ta shige.
Har yanzu tsohon dan wasan kungiyar kwallon kafar Ingila ta ‘yan kasa da shekara 21 yana cikin matsanancin hali a Asibitin Kirji na London. An ce sai da ma’aikatan jinya suka shafe mintoci 78 su na aiki a kansa da injin sake tayar da zuciya kafin zuciyar tasa ta sake bugawa da kanta. An ce yayi magana da likitoci ranar litinin.
Mahaifinsa, Marcel Muamba, yace Muamba yana murmurewa duk ad cewa har yanzu yana cikin matsanancin hali, kuma ya roki jama’a da su ci gaba da yi masa addu’a.
A duk fadin nahiyar Turai, ‘yan wasan Tamaula sun sanya rigunan nuna jimami ga Muamba wadanda a jiki aka rubuta “Allah Kawo Sauki Fabrice” ko kuma “Get Well Soon fabrice” a turance.
'Yan Kungiyar Tottenham Hotspur sanye da rigunan addu'ar samun sauki ga Fabrice Muamba kafin karawarsu ta ranar Laraba 21 Maris 2012.

'Yan Kungiyar Tottenham Hotspur sanye da rigunan addu'ar samun sauki ga Fabrice Muamba kafin karawarsu ta ranar Laraba 21 Maris 2012.


Kungiyar kwallon kafa ta Barcelona tana cikin wadanda suka ware lokaci musamman domin jimamin wannan abu da ya samu Muamba. Shi ma shugaban hukumar kwallon kafa ta duniya, FIFA, Sepp Blatter, yayi magana da shugaban kungiyar Bolton, ya kuma nemi da a rika sanar da shi halin da Muamba yake ciki.
Kungiyar Bolton ta ce irin sakonnin fatar alherin da ta rika samu, ta ke kuma kan samu daga magoya bayan kungiyoyi dabam-dabam a fadin duniya, abin ya shige misali.

2 responses to “Dukkan ‘Yan Kwallo A Turai Sun Karrama Fabrice Muamba”

  1. Usman adamu aliero says:

    Kaga turai inda anka san darajjar dan Adam kuma dan kwallo, Gaskiya ina tausaya masa game da irin halin da yashiga

  2. Aminu Jibrin says:

    get well soon muamba

Leave a Reply to Usman adamu aliero Cancel reply

Your email address will not be published. Required fields are marked *

About

Shafin Tamaular Duniya

Dandalin wadanda ke sha’awa, kuma suka san abinda zasu iya fada kan kwallon kafa. Yaro ba ya wargi!!

Categories

Calendar

March 2012
M T W T F S S
« Feb   Apr »
 1234
567891011
12131415161718
19202122232425
262728293031