Zora li dijî Rojnamevan û Xwepêşanderan li Kurdistanê

Posted June 2nd, 2011 at 6:14 pm (UTC-5)
Leave a comment

Komela Çavdêrîya Mafên Mirovan HRW di raporta xwe ya roja 2 meha 6 xizîran ê de dibêje, ‘‘divê hêzên parastinê li Herêma Kurdistana Îraqê êdî bizavkaran nekin armanc.’’
Raporta nû ya HRW sebaret rewşa mafên mirovan li Îraq û Herêma Kurdistanê behsê girtin, revandin û lêdana bizavkaran dike.
Cîgirê birêveberê HRW li Rojhilata Navîn Joe Stork got, karbidest li Bexdayê û li Herêma Kurdistanê rê nadin hevwelatîyên xwe xwepêşandanên bi aştî bikin.
Raport dibêje, hêzên parastina Hikûmeta Herêma Kurdistanê KRG û yên partîyên desthilatdar zorê li rojnamevan û xwepêşanderan kirîye ji demê despêkirina nerazîbûna li bajarê Silêmanîyê li 17 meha 2 Şubatê bi mebesta dawî anîna gendelîya berbelav û her wesa jibo mafên sîyasî û medenî yên zêdetir.
HRW ji hikûmeta Herêmê dixwaze vekolîna wê soz dayî bike, rewa û zelal be û rê xweş be berpisiyarên wan pêşêlîyan bikevin pêş dadgehan.
Erê li Herêma Kurdistanê kes heye guhê xwe bide van renge daxwazan?
Bi bawerîya te, kî perbisyar e jivan pêşêlîya û kî dikare rawestîne?
Ji b o gihandina bawerîya xwe “Click to Comment” dagire û şirovekirina xwe di valahîyê de binivîsîna, di pêre “Submit Comment” dagire.
Jibo xwendina raporta HRW bi Îngilîzî linkê xwarê dagire:
http://www.hrw.org/en/news/2011/06/02/iraq-protest-organizers-beaten-detained
Jibo xwendina raportên dî yên HRW bi Erebî linkê xwarê dagire:
http://www.hrw.org/ar/middle-eastn-africa/iraq

Leave a Reply

Your email address will not be published. Required fields are marked *

Dakhil Shammo Elias

Dexîl Şemo ji sala 1999 an de di beşê Kurdî ji Radyoya Dengê Amerîka (VOA) de li Waşintonê kar dike. Ji dest pêka sala 1990 î de dest bi karê rojnamvaniyê kirye û bi dehan nivîsîn di rojnameyên Kurdî û Erebî de weşandiye. Di sala 1962an de li Ênsivnê 'Qeza Şêxan'ê bûye, û xwandina xwe li Gûndê Ba'edrê, Ênsivnê û Mûsilê bi dawî aniye. Di sala 1983an de Dîploma xwe ji Zankoya Teknolojî ya Baxdayê wergirtiye. Di sala 2010 an de bawernameya Bakeloryos, di Zanistên Siyasî û Peywendiyên Navneteweyî ji Zankoya George Mason ya Wîlayeta Virgînya Amerîkî wergirtiye. Zêdebarî raport û hevpeyvînên rojane û raportên TV sebaret pirsên siyasî yên Amerîka, Kurdistan û cîhanê, Dexîl ê Şemo bernameya bi navê 'Ferheng û Toreya Kurdî' amade dike. Di vê bernamê de ew hevpeyvîna digel nivîskar, hozanvan, çîroknivîs, hunermend û xwedan berhemên ronakbîrên behredar dike, ta guhdarên xwe agehdarî tevgera ronakbîrî ya hevçerxa Kurdî û Cîhanî bike. Ji bo gûhadarî kirina bernameya 'Ferheng û Toreya Kurdî' vî linkî daxîne: http://www.voanews.com/kurdi/news/special-reports/lifestyle/Ferheng-u-Tore-ye-Kurdi--112558729.html

Derbarê Me

Ez dixwazim tebînî û dîtinên we li ser van babetên taybet bi pirsên siyasî li Washington bizanim. Ji kerema xwe, bi Emaileka kurt ji min re binivîsin: delias@voanews.com , yan telefona vê jimare bikin 1 202 203 4858. Têbinîyên we tên weşandin eger gotinên kirêt yan bêrêzkirina kesekî-ê têde nebin.