Dîsan Kurdistana Serbixwe
Çi deman wek van rojan rêberên Kurd ne gotîye, me Kurdistana serbixwe navê. Lê dîsan li çi deman wek van rojan, ev qas behsê şîyana damezrandina dewleta Kurdî dinav Kurdan de nehatîye kirn. Dîyare ev bixwe pêngavek başe di qonaxên amadekarîyên gel de berev mezintirîn xewna niştimanî ya Kurdî.
Serokê Îraqê Jalal Talabanî gotîye telvizyona El Cezîre, ew bawernaket li paşerojeka nêzîk dewleta Kurdî bêt damezrandin. Serokwezîrê Hikûmeta Herêmê Nêçîrvan Barzanî jî gote rojnamevana, herêma Kurdistanê beşeke ji Îraqê ye û ew girêdayî destûra Îraqê ne.
Gur û germîya vê kêşvekêşa çend mehan di gotina Serokê Herêma Kurdistana Îraqê Mesud Barzanî de bû dema çavsorî li serekwezîrê Îraqê Nurî Malikî kirîn kû eger kêşeyên herdû alîyan çeresernebin, eve ew dê vegerte gelê Kurd heta ew biryara xwe bide. Helbet eger biryar di destê gelê Kurd de be, ew ji serxwebûnê kêmtir qayîl nabe. Lê mucadele dawî nehatîye.
Ji wê rojê were bersivên Malikî gelekê ji gotinên Barzanî tundtir bune. Eger çî hemû alî dizanin kêşeyên navbera Îraqa navendî û herêmê de yên 9 sala ne. Malikî jî destpêkirîye behsê pawankirina desthelatê û dahatê herêmê dike. Çinkû mantalitîya desthelatê di dîroka Îraqê de wesa çoye serê, dema yek çavsorîya bike yê din dest bi hêrîşan dike.
Ev yarî ji Malikî re gelek xweşe û girjîya digel Kurdan jiber Haşimî di qazanca wî deye, heta Kurd karta gûhertina hikumetê bikarneînin. Ew kart eger hatiba bikarînan çavsorîbû li Malikî ne ragihandina Kurdistana serbixwe. Pêşwext Malikî dizanî peyamê Serok Obama û mezine karbidestên dî yên Armerîkî ji Barzanî re wê ev be: bi danûstandinan kêşeyan digel Bexdayê çareserbike û Seraya Spî berê xwe dide dostanîya digel Kurdan weka pişkeka Îraqa yekgirtî.
Her çawa be, gelê Kurd weka rêberên xwe ji encamên ragihandina Kurdistana serbixwe na tirsin û hêşta gelek Kurd wesa bawer dikin serokê herêmê dê wê ragihandinê bide. Eger piranîya wan axaftina Barzanî li Washington ne bihîstbe dema gotîye jimareka mezina revenda Kurdî, her dê rojek hebe dewleta Kurdî bêt ragihandin, lê renge em ne bînin.
Ez ji dostên Washingtonname dixwazim van pisyarên mezintir jixwe bikin: erê ew Kurdistana serbixwe dê her ew parçeya di Îraqê de be? Eger her ew parçe bû, wê rizgar bibe? Kî ji dostên Kurdan wê werin pêş bo piştevanîy? Ev pisyar niha li bîra min tên, gelo pisyarên te çine?
Bo gihandina pisyarên xwe “Click to Comment” dagire û şirovekirina xwe di valahîyê de binivîsîna, di pêre “Submit Comment” dagire.
Dexîl Şemo ji sala 1999 an de di beşê Kurdî ji Radyoya Dengê Amerîka (VOA) de li Waşintonê kar dike. Ji dest pêka sala 1990 î de dest bi karê rojnamvaniyê kirye û bi dehan nivîsîn di rojnameyên Kurdî û Erebî de weşandiye.
Di sala 1962an de li Ênsivnê 'Qeza Şêxan'ê bûye, û xwandina xwe li Gûndê Ba'edrê, Ênsivnê û Mûsilê bi dawî aniye. Di sala 1983an de Dîploma xwe ji Zankoya Teknolojî ya Baxdayê wergirtiye. Di sala 2010 an de bawernameya Bakeloryos, di Zanistên Siyasî û Peywendiyên Navneteweyî ji Zankoya George Mason ya Wîlayeta Virgînya Amerîkî wergirtiye.
Zêdebarî raport û hevpeyvînên rojane û raportên TV sebaret pirsên siyasî yên Amerîka, Kurdistan û cîhanê, Dexîl ê Şemo bernameya bi navê 'Ferheng û Toreya Kurdî' amade dike. Di vê bernamê de ew hevpeyvîna digel nivîskar, hozanvan, çîroknivîs, hunermend û xwedan berhemên ronakbîrên behredar dike, ta guhdarên xwe agehdarî tevgera ronakbîrî ya hevçerxa Kurdî û Cîhanî bike.
Ji bo gûhadarî kirina bernameya 'Ferheng û Toreya Kurdî' vî linkî daxîne: 
3 responses to “Dîsan Kurdistana Serbixwe”
Eger biryara navnetewi bite guhertin bi ali damezrandina dewletek Kurdi we ne tene kurdistan iraqe be
Özgür ve bağımsız Kürdistan, Ortadoğu’daki eli kanlı ve terörist 4devletin ,ekonomik, politik, demografik ve coğrafik olarak yarıya bölünmesi ve onların komşularına ve de özgür dünyaya yönelik cüretkar tehditlerinin bitmesi anlamına geliyor! Bu dört devletten Kürt leri çıkarır iseniz geriye kalan, komşularına ve hiçkimseye tehdit oluşturamayan küçük devletçiklerdir.ve kürtler de bunca savaştan ve kıyımdan sonra tehlike arzedebilecek bir pozisyon için onlarca yıl geçmesi gerek! Büyük ortadoğu bu değilmidir?:Her ulus kendi özgür devletine sahip olsun ama hiçbirzaman komşusunu rahatsız edebilecek bir güce gelmesin!?ABD ve İsRAİL bunu nasıl görmezler anlamıyorum!?
Serxwebuna kürdıstane mezin, xılasbına terörizme a devlet U partiyi nıjadperest dı rojhılata navin’e! É vena neblne kor’e!ki ew devlet gerege li ser riya demorasiya cihanébe!