له‌ موزیکی یۆنانه‌وه‌………. جۆرج دالاراس

Posted September 2nd, 2012 at 9:15 pm (UTC-5)
Leave a comment

مۆزیکی یۆنانی هه‌ر وه‌کو مێژوه‌که‌ی خاوه‌نی هه‌زاران ساڵه‌ و به‌شێکی هه‌ره‌ گرنگه‌ له‌ مۆزیکی جیهان و پێک هاتووه‌ له‌ دوو به‌ش، مۆزیکی نه‌رێتی وه‌ یاخود سوننه‌تی و مۆزیکی بیزه‌نتینی، که‌ له‌ مۆزیکی ڕۆژهه‌ڵاتیه‌وه‌ نزدیکه‌.
مۆزیکی یۆنانی نزدیکیه‌کی زۆری له‌گه‌ڵ مۆزیکی قوبرسی دا هه‌یه‌ و مۆزیکی مۆدیرنی ئه‌مرۆیان زۆر پێکه‌وه‌ تێکه‌ڵاو بوه‌.
مۆزیک به‌شیکی هه‌ره‌ گرنگه‌ له‌ مۆزیکی هێلانیک، چ له‌ ناوه‌وه‌ وه‌ یاخود له‌ ده‌ره‌وه‌ی یۆنان،
مۆزیکی یۆنانی ده‌گه‌رێته‌وه‌ بۆ یۆنانی کۆن که‌ به‌شێکی هه‌ره‌ گرنگ بوه‌ له‌ شانۆێ یۆنانی و پاشان له‌ ژێر کاریگه‌ری ئیمپراتۆری ڕۆمانی، ئه‌وروپای ڕۆژهه‌ڵات وه‌ ئیمپراتۆری بیزه‌نتینی شێوه‌ و جۆری ووتنی مۆزیکی گۆڕی.
جۆرج دالاراس یه‌کێک له‌ هه‌ره‌ گۆرانبێژه‌ ناوبانگه‌کانی یۆنانه‌ و له‌سه‌ر ئاستێکی جیهانیدا ناوبانگی داوه‌ته‌وه‌ و له‌م دواییانه‌دا وه‌کو Good Will Ambassador باڵیۆزی نیازی باشی بۆ ئاژانسی په‌نابه‌رانی نه‌ته‌وه‌ یه‌کگرتوه‌کان هه‌ڵبژێردراوه‌.
دالاراس له‌ 29/9/1949 له‌Nea Kokinia,Piraeus له‌ داێک بوه و باوکیشی هه‌ر وه‌ها گۆرانبێژ بوه‌. دالاراس یه‌کمین گۆرانی له‌ ساڵی 1967 تۆمار کردووه‌، به‌ڵام ئه‌و تاکه‌ گۆرانیه‌ نه‌گه‌یشتوه‌ته‌ ئاستێک که‌ ناو بداته‌وه‌ وه‌ یاخود به‌وشێوه‌ بڵاو ببێته‌وه‌ به‌ڵکۆ بگره‌ له‌ هه‌وڵێکی زۆردا بوو بۆ خۆ گه‌ێاندن به‌ کاری ئوستۆدیۆیی. ئه‌وه‌ی جێ سه‌رنجه‌ ئه‌و ڕۆژه‌ی که‌ ئه‌و ده‌ه‌ست به‌ کاری ئوستۆدیۆی کرد، ئه‌و ڕۆژه‌ بوو که‌ ئه‌نجومه‌نی له‌شکه‌ری یۆنان ده‌ستی به‌سه‌ر خیابانه‌کانی ئه‌ثینادا گرت‌ و تانکه‌کان هه‌موو ڕێگا و بانه‌کانیان گرتبوو. دالاراس پاش ده‌رکه‌وتنی وه‌کو گۆرانبێژی مێوان له‌ چه‌ندین تۆمار کراودا یه‌کمین ئه‌لبۆمی له‌ ساڵی 1969 بڵاوبوه‌وه‌ که‌ زۆر له‌ گۆرانیه‌کان له‌ لایه‌ن Stavros Kouyioumtzis دانرابوون که‌ له‌ سه‌ره‌تای کاری هونه‌ری دالاراس دا وه‌کو کانیاوێک بوه‌ له‌ یارمه‌تی دان بۆ سه‌رکه‌وتنی له‌ بواری مۆزیکدا و‌ له‌ زۆر چاوپێکه‌وتندا دانی به‌ یارمه‌تیه‌کانی داناوه‌ بۆ ئه‌وه‌ی ببێته‌ گۆرانبێژ که‌ هه‌ره‌ گۆرانیشی له‌ لایه‌ن ئه‌وه‌وه‌ نووسرابو و زۆر پێکه‌وه‌ دۆست و هاورێ بوونه‌ تا کاتی ماڵئاواییکردنی به‌ هۆی ڕاوه‌ستانی دڵیه‌وه‌ له‌ مانگی سێ ساڵی 2006.
“Pou ‘nai ta chronia”, ناوبانگترین گۆرانی بوو له‌ ئه‌لبۆمه‌که‌ێدا وه‌ تا ئه‌مرۆش هه‌ر له‌سه‌ر زاری یۆنانیه‌کاندایه‌. له‌ ساڵی 1970 ئه‌لبۆمی Natane to 21 بڵاو کرده‌وه‌ که‌ ئاماژه‌ 1821 به‌‌ شه‌ڕی یۆنانی ساڵی 1821 بوه‌ بۆ سه‌ربه‌خۆیی. ئه‌لبۆمه‌که‌ سه‌رکه‌وتوتر بوو تاکو ئه‌لبۆمی یه‌کمی که‌ هه‌موو له‌ لایه‌ن Stavros Kouyioumtzis دانرابوو.

دالاراس له ساڵی 1970 له‌گه‌ڵ خانمه‌ گۆرانبێژ هاریس ئه‌لیکسیو بۆ ئه‌لبۆمی ‌ Mikra Asia وه‌ یاخود ئاسیای بچووک خه‌ڵاتی زێڕینیان به‌ ده‌ستهێنا و پاشان له‌ ساڵی 1973 ئه‌لبۆمی Vizantinos Esperinos بڵاو کرده‌وه‌، به‌ڵام ئه‌م ئه‌لبۆمه‌ به‌ ئه‌ندازه‌ی ئه‌لبۆمی یه‌کم فرۆشی نه‌بوو.
دالاراس هه‌ر له‌ ساڵی 1960 وه‌ فه‌ره‌تر له‌ 120 ریکۆردی تۆمار کردووه‌ وه‌ به‌ هه‌مو شیوه‌یه‌ک گورانی چریوه‌ بۆ نموونه‌ ریبیتیکو،لایکۆ،لاتین، پۆپ، ئیسرائیلی،عه‌ره‌بی و له‌گه‌ڵ ژماره‌یه‌ک له‌ هه‌ره‌ ئاهه‌نگ سازان و موزسیونه‌کانی یۆنانی هاوکاری کردووه‌ له‌ نێوانیان میکیس ثیودوراکیس(ئاواز دانه‌ری زۆربا) ستاڤرۆس کویومتزیس،مانۆس لویزۆس،ئه‌پوستۆلۆس کالداراس و چه‌ندینی تر. دالاراس بێجگه‌ له‌وه‌ی گۆرانی چرێکی ناوبانگه‌ له‌ هه‌مان کاتدا گیتار،بزوغ، باغله‌مه‌،تزورا وعودیش ده‌ژه‌نێ. ئه‌و له‌گه‌ڵ زۆر له‌ گۆرانبێژ و موزیک ژه‌نانی جیهان هاوکاری کردووه‌ وه‌کو ئال دیمیولا، پاکۆ دی لوسیا،ستنگ،بروس سپرینگستین،گۆران بریگۆڤیج و چه‌ندینی تر.
دالاراس له‌ ماوه‌ی 40 ساڵی ته‌مه‌نی هونه‌ریدا هه‌زاران کونسێرتی هه‌بوه‌ که‌ هه‌ره‌ دیارترینیان له‌ ئیستادیۆمی ئولۆمپیکی ئه‌ثینا بوه‌ و 160 هه‌زار که‌س تێدا ئاماده‌ بوون.
جورج دالاراس له‌وانه‌یه‌ تا ئێستا فه‌ره‌تر له‌ 12-15 میلیون ئه‌لبۆمی فرۆشتبێت، ئه‌و له‌ سه‌رانسه‌ری جیهان کونسێرتی ساز داوه‌ و بگره‌ بانگهێشت کرابو بۆ ئه‌وه‌ی له‌ ڕۆژی له‌ داێکبوونی نیڵسن ماندیلادا گۆرانی بڵێ.
شایانی ئاماژه‌ پێکردنه‌ به‌ هۆی نزدیکی سۆز و ئاوازی گۆرانیه‌ یۆنانیه‌کان له‌ موزیکی کوردیه‌وه‌، چه‌ندین له‌ گۆرانیه‌کانیان به‌ کوردی ووتراونه‌ته‌وه‌، بگره‌ یه‌کێک له‌ گۆرانیه‌کانی دالاراس که‌ به‌ کوردی ووتراوه‌ له‌ زۆر به‌شه‌کانی کوردستان ده‌نگی دابوه‌وه‌( گۆرانی ده‌ مه‌گری مه‌گری به‌ ده‌نگی زینده‌ یاد ئازاد له‌ تیپی زانکۆی سلێمانی وه‌ زینده‌ یاد لوڕنه‌ژاد له‌ رادیۆ کرماشان) وه‌ هه‌ر وه‌ها گۆرانی به‌و به‌و له‌ ده‌نگی زینده‌ یاد جه‌لال هیمه‌تی له‌ یونانیه‌وه‌ وه‌رگێراوه‌.
دالاراس له‌گه‌ڵ Anna Ragousi هاوسه‌ریه‌تی به‌ستوه‌ که‌ هه‌ر وه‌ها کاروباره‌کانیش به‌رێوه‌ ده‌بات وه‌ خاوه‌ن کچێکه‌ به‌ ناوی Georgianna که‌ گۆرانبێژ،ئه‌کته‌ر و سه‌ماکه‌ره‌.

Leave a Reply

Your email address will not be published. Required fields are marked *

Jani Diylan

له‌ گوندێکدا له‌ دایکبووم که‌ که‌م تیایدا ژیام به‌ڵام هه‌موو یادگارییه‌کانی منداڵیم خسته‌ خورجینێکه‌وه‌و کردم به شانما و وه‌کو ده‌روێش ئه‌م شار و ئه‌و شار و ئه‌م وڵات و ئه‌و وڵاتم پێ کرد، تا ئه‌مرۆش به‌ زیندویی ماونه‌ته‌وه‌.
له‌ دێی کارێز له‌ که‌ناره‌کانی ڕووباری ئه‌ڵوه‌ن و شاری خانه‌قین له‌ دایكبووم، به‌ڵام له‌ خانه‌واده‌یه‌کی کرماشانی که‌ زۆربه‌ی خوشک و زینده‌یاد تاکه‌ براکه‌م له‌وێدا له‌ دایکببوون.
هه‌رچه‌نده‌ من زاده‌ی کوردستانی باشورم به‌ڵام له‌ ڕووی فه‌رهه‌نگه‌وه‌ له‌ ژێر کاریگه‌رییه‌کانی فه‌رهه‌نگی ڕۆژهه‌ڵاتی کوردستان بووم، به‌ تایبه‌تی کاریگه‌رییه‌کانی ڕادیۆی کرماشان و خۆم به‌ خوێنکارێکی ئه‌و زانکۆیه‌ ده‌زانم.
هیواو ئاره‌زووه‌کانم هه‌ر له‌ سه‌ره‌تای ژیانمه‌وه‌ هونه‌ری سینه‌ماو موزیک بوو. خوێندنی سه‌ره‌تایی و ناوه‌ندی و ئاماده‌یم له‌ به‌غدا به‌ کۆتایی گه‌یاند و له‌ ئاموزشگای عالی دانشگای تاران Social Workerم خوێندووه‌. پاشان له‌ ساڵی 1976 بۆ ماوه‌ی دوو ساڵ له‌ کۆلیژه‌کانی مه‌یامی موزیکم خوێند، پاش گواستنه‌وه‌م له‌ مه‌یامیه‌وه‌ بۆ شیکاگۆ و پاشان بۆ کالیفۆرنیا چوومه‌ به‌شی زانسته‌کانی ڕامیاری و له‌ که‌ناردا کلاسه‌کانی ژورنالیزم، فۆتۆگرافی و ئه‌ندازیاری ده‌نگم خوێند. بۆ ماوه‌ی چه‌ندین ساڵ له‌ ڕێگه‌ی American film Technologies بۆ کۆمپانیای Ted Turner له‌ سه‌ر ڕه‌نگکردنی زۆربه‌ی فیلمه‌ ڕه‌ش وسپییه‌کانی هۆلیوود کارم کرد. هه‌روه‌ها دوو ساڵیش بۆ هه‌مان کۆمپانیا له‌ وڵاتی مه‌کسیک کارم ده‌کرد. له‌و 24 ساڵه‌ی که‌ له‌ کالیفۆرنیا بووم ساڵانێکی زۆری له‌ ته‌له‌فیزیۆنێکی خۆجێی کوردیدا کارم ده‌کرد و دڵخوازانه‌ و له‌ سه‌ر ئه‌رکی خۆمان به‌ڕێوه‌مان ده‌برد. زمانه‌کانی کوردی، ئینگلیزی، ئیسپانی، فارسی و عه‌ره‌بی به‌باشی ده‌زانم و شاره‌زاییم له‌ هه‌ندێک له‌ زمانه‌کانی تریش هه‌یه‌.
له‌ ساڵی 1991 له‌گه‌ڵ گروپی موزیکی Darvak که‌ گروپێکی ئاماتۆر له‌ موزسیۆنانی ئێرانی و ئه‌مه‌ریکایی پێکهاتبوو و به‌شه‌ کوردییه‌که‌ی له‌ ئه‌ستۆی مندا بوو ده‌ستم به‌ کاری موزیک کرد.
چه‌ند گۆرانییه‌کم له‌ ته‌له‌فیزیۆنه‌ کوردییه‌کاندا کلیپ کرد به‌ڵام به‌داخه‌وه‌ له‌ شه‌ڕی ناوخۆدا بوون به‌ قوربانی.
له‌ ساڵێ 2002 وه‌ له‌ به‌شی کوردی ده‌نگی ئه‌مه‌ریکا ده‌ستم به‌ کار کرد. بێجگه‌ له‌ ئاماده‌کردن و پێشکه‌شکردنی ده‌نگوباسه‌کان له‌ چه‌ندین به‌رنامه‌ی تردا کارم کردووه‌. ئێستاکه‌ش سه‌رگه‌رمی به‌رنامه‌ی کاروانسه‌رای هونه‌رم.