فرمێسک ……. دەنگێک پڕلە ئەڤین و کانییەک بۆ رەوێنەوەی تیونیەتی

Posted June 1st, 2015 at 9:49 pm (UTC-5)
Leave a comment

fir
ژنانی کوردستان ئەگەر بهاتبایە لە ژێر چەپۆکی ئەو وڵاتانەی دەستیان بەسەردا گرتووە نەبوایە، ئەگەر لە ژێر سیستمێکی دووا کەوتووی کۆمەڵایەتی نەبوایە، ئەگەر گیرودەی پابەندبوون بە فەرمایشتە بەسەر چووەکانی ئاێینیدا نەبوایە و ئەگەر لە ژێر دەسەڵاتی پیاو سالاریدا نەبوایە، بێگومان ئەمرۆ لە ئاستێکی تردا دەبوو و لەگەڵ ژنانی تری جیهاندا زووتر دەستی بە هاوماڵی کردن دەکرد و لە کێبرکیدا دەبوو بۆ خۆ گەیاندن بە هەرە لوتکەی خواست و ئارەزوەکانیان.
fir4
ئەمرۆ ژنانی کورد لە تاراوگە خۆشبەختانە بە هۆی ئەو دیموکراسیەی کە لەو وڵاتانەی تێدا دەژینم، ئەو دەرفەتەیان بۆ رەخساوە بۆ ئەوەی لە شەمەندەفەری ژیاندا لە دووا نەمێنن و بە خۆیان گەشە بدەن و بەرەو پێش هەنگاو بنێن.
ئەمرۆ ژنانی کورد نەک هەر گەیشتوونەتە پەرلەمانی ئەو وڵاتانەی تێدا دەژێن بەڵکو گەیشتوونەتە پەرلەمانی یەکێتی ئەوروپا کە هەر باڵاترین دەسەڵاتە لە ئەوروپای رۆژئاوا.
fir3

fir4

fir5
ژنانی قەندیل ساڵەهایە نموونە و نیشانەی خۆڕاگری و قارەمانیەتی بوونە، ژنانی پێشمەرگ لە رۆژهەڵات و باشور،ژنان و شەرڤانانی رۆژئاوای کوردستانیش بە خۆراگری و خۆبەختکردن مێژوویان تۆمار کرد و بۆ جیهان سەڵماندیان کە هەرە نموونەی ئازایەتین.
11282528_10205867464702389_1330960213_o

لە جیهانی هونەریشدا سەرەرای ئەو هەموو سنورداریە، ژنانی کورد و هونەرمەندانێک وەکو Dilba Demirbag و Amira Casar و Belçim Bilgin لە موزیک و سینەمادا توانیویانە خۆیان بگەێینە ناوەندەکانی جیهانی.
لەو وڵاتانەی کوردستان بەسەریاندا دابەش کراوە ژنانێک لە بواری موزیک و سینەمادا لاپەرەی زێڕینیان تۆمار کردوون کە دەکرێ ئاماژە بە هەندێ لەو هونەرمەندانە کرد، مەهناز ئەفزەلی، فەخری خوروش، سورەیا شێرزادی، مەریەم بۆیانی، مەهوەش ئەفشار پەناە، سورەیا بەهەشتی، هولیا ئەفشار Hülya Avşar ، پەری زەنگەنە، قەشەنگ کامکار، مریەم ئیبراهیمپوور، فەتانەی وەلیدی، مەرزیە، لەێلا فەریقی، هانی، Beser Şahın ، Yıldız Tilbe, Aynur Doğan ,Rojin, Mizgin Tahir Songül Öden, Nilufer Akbal تارا جاف و چەندینی تر.
fir2

لە نێوان ئەو هونەرمەندانەدا فرمێسک یەکێک لەو خانمانەیە کە کە سەرەرای ئاستەنگەکان، هەموو ئەو سنورانەی بەسەر ژناندا سەپێندراوە شکاندووە و پێی ناوەتە ئەم جیهانە رەنگاو رەنگە کە بە نەوایەک دەمانگرێنێ و بە نەوایەکی تر بزە دەهێننە سەر لێوانمان.
فرمێسک خاوەن دەنگێکی ئەورشمی و ئاهوراییە، ناسک و شیرین، قووڵ و دڵ رفێن، پڕلە سۆز و ئەڤین و هونەرمەندێک کە هاتووە دەواری دا بکوتێ و لە فرمێسکیدا کانییەک تینیوتیمان بشکێنێ.
11248129_10205867461982321_1354163946_o
با لەم وتو وێژەدا کە لەگەڵ فرمێسک خانم ئەنجاماندا لەزاری خۆیە بەسەر هاتی ببیستین و بزانین چۆن ئەم رێگایەی هەڵبژارد و بەرەو کوێ هەنگاو دەنێ.

ئەمانەش هەندێ لینکی ڤیدیوەکانی فرمێسک



Leave a Reply

Your email address will not be published. Required fields are marked *

Jani Diylan

له‌ گوندێکدا له‌ دایکبووم که‌ که‌م تیایدا ژیام به‌ڵام هه‌موو یادگارییه‌کانی منداڵیم خسته‌ خورجینێکه‌وه‌و کردم به شانما و وه‌کو ده‌روێش ئه‌م شار و ئه‌و شار و ئه‌م وڵات و ئه‌و وڵاتم پێ کرد، تا ئه‌مرۆش به‌ زیندویی ماونه‌ته‌وه‌.
له‌ دێی کارێز له‌ که‌ناره‌کانی ڕووباری ئه‌ڵوه‌ن و شاری خانه‌قین له‌ دایكبووم، به‌ڵام له‌ خانه‌واده‌یه‌کی کرماشانی که‌ زۆربه‌ی خوشک و زینده‌یاد تاکه‌ براکه‌م له‌وێدا له‌ دایکببوون.
هه‌رچه‌نده‌ من زاده‌ی کوردستانی باشورم به‌ڵام له‌ ڕووی فه‌رهه‌نگه‌وه‌ له‌ ژێر کاریگه‌رییه‌کانی فه‌رهه‌نگی ڕۆژهه‌ڵاتی کوردستان بووم، به‌ تایبه‌تی کاریگه‌رییه‌کانی ڕادیۆی کرماشان و خۆم به‌ خوێنکارێکی ئه‌و زانکۆیه‌ ده‌زانم.
هیواو ئاره‌زووه‌کانم هه‌ر له‌ سه‌ره‌تای ژیانمه‌وه‌ هونه‌ری سینه‌ماو موزیک بوو. خوێندنی سه‌ره‌تایی و ناوه‌ندی و ئاماده‌یم له‌ به‌غدا به‌ کۆتایی گه‌یاند و له‌ ئاموزشگای عالی دانشگای تاران Social Workerم خوێندووه‌. پاشان له‌ ساڵی 1976 بۆ ماوه‌ی دوو ساڵ له‌ کۆلیژه‌کانی مه‌یامی موزیکم خوێند، پاش گواستنه‌وه‌م له‌ مه‌یامیه‌وه‌ بۆ شیکاگۆ و پاشان بۆ کالیفۆرنیا چوومه‌ به‌شی زانسته‌کانی ڕامیاری و له‌ که‌ناردا کلاسه‌کانی ژورنالیزم، فۆتۆگرافی و ئه‌ندازیاری ده‌نگم خوێند. بۆ ماوه‌ی چه‌ندین ساڵ له‌ ڕێگه‌ی American film Technologies بۆ کۆمپانیای Ted Turner له‌ سه‌ر ڕه‌نگکردنی زۆربه‌ی فیلمه‌ ڕه‌ش وسپییه‌کانی هۆلیوود کارم کرد. هه‌روه‌ها دوو ساڵیش بۆ هه‌مان کۆمپانیا له‌ وڵاتی مه‌کسیک کارم ده‌کرد. له‌و 24 ساڵه‌ی که‌ له‌ کالیفۆرنیا بووم ساڵانێکی زۆری له‌ ته‌له‌فیزیۆنێکی خۆجێی کوردیدا کارم ده‌کرد و دڵخوازانه‌ و له‌ سه‌ر ئه‌رکی خۆمان به‌ڕێوه‌مان ده‌برد. زمانه‌کانی کوردی، ئینگلیزی، ئیسپانی، فارسی و عه‌ره‌بی به‌باشی ده‌زانم و شاره‌زاییم له‌ هه‌ندێک له‌ زمانه‌کانی تریش هه‌یه‌.
له‌ ساڵی 1991 له‌گه‌ڵ گروپی موزیکی Darvak که‌ گروپێکی ئاماتۆر له‌ موزسیۆنانی ئێرانی و ئه‌مه‌ریکایی پێکهاتبوو و به‌شه‌ کوردییه‌که‌ی له‌ ئه‌ستۆی مندا بوو ده‌ستم به‌ کاری موزیک کرد.
چه‌ند گۆرانییه‌کم له‌ ته‌له‌فیزیۆنه‌ کوردییه‌کاندا کلیپ کرد به‌ڵام به‌داخه‌وه‌ له‌ شه‌ڕی ناوخۆدا بوون به‌ قوربانی.
له‌ ساڵێ 2002 وه‌ له‌ به‌شی کوردی ده‌نگی ئه‌مه‌ریکا ده‌ستم به‌ کار کرد. بێجگه‌ له‌ ئاماده‌کردن و پێشکه‌شکردنی ده‌نگوباسه‌کان له‌ چه‌ندین به‌رنامه‌ی تردا کارم کردووه‌. ئێستاکه‌ش سه‌رگه‌رمی به‌رنامه‌ی کاروانسه‌رای هونه‌رم.