سکاڵای گرتووانی سیاسی ژن له‌ ئێران له‌ خه‌راپی باری گرتووخانه‌ی قرچک وه‌رامین

Posted May 10th, 2011 at 1:57 pm (UTC-5)
Leave a comment

به‌ پێ ماڵپه‌ری ‘کلمه‌’ گرتووانی سیاسی ژ‌ن که‌ له‌ ڕۆژانی ڕابوردو بۆ گرتووخانه‌ی قرچک‌ وه‌رامین گواستراونه‌ته‌وه‌ نامه‌یه‌کیان بۆ ڕای گشتی ئێران و ناوه‌نده‌کانی مافه‌کانی مرۆڤ له‌ سه‌رتانسه‌ری جیهان بڵاوکردۆته‌وه. ئه‌وان ده‌ڵێن هه‌رچه‌نده‌ پێشتر له‌ گرتووخانه‌ی ‘ ڕه‌جایی شهر’ له‌ بارێکی یه‌کجار زۆر ناخۆشدا بوون به‌ڵام ئه‌وه‌ی ئێستا له‌ گرتووخانه‌ی قرچک وه‌رامین ده‌بینن ناچێته‌ خه‌یاڵ و هزری مرۆڤ وئه‌م باره‌ “به‌دووره‌ له‌ که‌ڕامه‌تی مرۆڤ‌” وه‌ ده‌ڵێن له‌ خۆمان پرسیار ده‌که‌ین باشه‌ له‌ چ ‌شوێنێکی ئه‌م جیهانه‌دا‌ هێندێک پیاوی باتوم به‌ده‌ست ده‌کرێن به‌ پاسه‌وانانی ژنانی به‌ندکراو به‌ ئامانجی لێدان.

ئاسۆ ساڵح ڕۆژنامه‌وان و بزاڤکاری مافه‌کانی مرۆڤ ئێستا له‌ سوید ده‌ژیت باسی باری خه‌راپی گرتووخانه‌کانی ئێران ده‌کات.  ئه‌و ده‌ڵێت هێشتا دیار نیه‌ چه‌ند که‌س بۆ ئه‌و گرتووخانه‌یه‌ گواستراونه‌ته‌وه‌ به‌ڵام ژماره‌که‌ له‌ 150 که‌سه‌وه‌ هه‌یه‌ بۆ 600 که‌س که‌ گوایا گوازراونه‌ته‌وه‌. به‌لام ئه‌وه‌ی ڕوونه‌ ئه‌وه‌یه‌ که‌ ئه‌م ژنانه زۆربه‌ی‌ له‌ گرتووخانه‌ی ڕه‌جایی شار بوون که‌ پاش داخرانی بۆ  قرچک-ی‌ وه‌رامین گوازرانه‌وه. ئه‌و ده‌ڵێت به‌ پێ بنه‌ماڵه‌ی گرتووه‌کان، ئه‌وه‌ی که‌ چکۆله‌ترین پێوه‌ندی به‌ مڕۆڤایه‌تی وه‌ هه‌بێت له‌و‌ێ وه‌به‌رچاو ناگیرێت.

به‌ بۆچونی ئێوه‌ ئایا کۆمه‌ڵگای ناونه‌ته‌وه‌یی ‌ده‌توانێت کارێک بکات بۆ باشتر کردنی باری گرتووخانه‌کانی ئێران؟ یا خود به‌ هاواری گرتووانه‌وه‌ بچێت و له‌م باره‌ ناخۆشه‌ رزگاریان بکات؟

ئاسۆ به‌م شێوه‌یه‌ وڵامی پرسیاره‌که‌ ده‌داته‌وه‌.

Leave a Reply

Your email address will not be published. Required fields are marked *

موعته‌به‌ر شێروانی

من موعته‌به‌ر شێروانی له‌وه‌تای ساڵی1992 له‌گه‌ڵ به‌شی کوردی ده‌نگی ئه‌مه‌ریکا کارم کردووه‌ واته‌ نیزیکه‌ێ ‌پێنج مانگ پاش دامه‌زراندنی به‌شی کوردی. له‌ ماوه‌ی ئه‌م ساڵانه‌دا، ڕوماڵی ڕوداوه‌کانی هه‌رێمی و جیهانم بۆ به‌شی کوردی ده‌نگی ئه‌مه‌ریکا کردووه‌. سه‌باره‌ت به‌ ڕوداوه‌کان، گفت وگۆم له‌گه‌ڵ شاره‌زایان و پسپۆران کردووه‌. بۆ ماوه‌ی چه‌ندین ساڵان، میوانداره‌تی و هاومیوانداره‌تی ژماره‌یه‌ک به‌رنامه‌ی هه‌فتانه‌م کردووه وه‌ک به‌رنامه‌ی پڕۆسه‌ی سیاسی له‌ ئه‌مه‌ریکا و به‌رنامه‌ ماڵبات و خێزان‌. ئێستا به‌ به‌رده‌وامی یه‌کێکه‌ له‌ میوانداره‌کانی به‌رنامه‌ی هه‌فتانه‌ی هه‌لۆ واشنتنم که‌ تێدا زۆربه‌ی سره‌نج ده‌درێته‌ سه‌ر ڕوداوه‌ سیاسیه‌کانی ڕۆژ. هاوکات له‌گه‌ڵ کارکردن له‌گه‌ڵ به‌ شی کو‌ردی ده‌نگی ئه‌مه‌ریکا، له‌سه‌ر خوێندن به‌رده‌وام بوم و بڕوانه‌مه‌ی ماجسته‌رم له‌ ڕۆژنامه‌وانی و کاروباری گشتی وه‌رگرت. پێشتریش، بروانا‌مه‌ی به‌که‌لییوره‌سم له‌ توێژینه‌وه‌ ناونه‌ته‌وییه‌کان وه‌رگرت.

ده‌رباره‌ی ئه‌م بڵاگه‌

مه‌به‌ست له‌م بڵۆگه‌ ئاڵوگورکردنی بیروڕا له‌گه‌ڵ تۆ خوێنه‌ری به‌ڕێزه‌ له‌مه‌ڕ ڕوداوه‌کانی ناو ئێران، بزاڤی بزوتنه‌وه‌ی ئۆپۆزسیون ناسراو به‌ بزوتنه‌وه‌ی سه‌وز به‌ ڕێبه‌رایه‌تی میر حسێن موسه‌وی و مێهدی که‌رروبی ، مه‌سه‌له‌ی ئازادی ده‌ربڕینی بیروڕا، وه‌ پێشێلکاریه‌کانی مافه‌کانی مرۆڤ له‌م وولاته‌.