Amerikada moliyaviy rejalash – o’zbek mutaxassislaridan maslahat

Posted March 4th, 2015 at 12:43 am (UTC+4)
Leave a comment

Amerikaga kelgan o’zbeklar bu yurtdagi imkoniyatlar bilan tanishar ekan, kimdir mustaqil ravishda, kimdir esa vatandoshlari yordamida oyoqqa turmoqda. “Tadbirkorlar fabrikasi” yaqinda Nyu-Yorkda bo’lib, bu jamoaga moliyaviy rejalash haqida ma’lumot ulashayotgan o’zbeklarni suhbatga tortdi.

Moliyaviy rejalash – Amerikada muvaffaqiyat qozonishning asosiy omillaridan. Ammo bu ishni to’g’ri qilish lozim. Malakali mutaxassislarning maslahatisiz ish bitmaydi. O’zbek jamoasining ingliz tilini mukammal bilmaydigan vakillari endi xavotir olmasa ham bo’ladi.

Amerikadagi o’zbeklar Farhod Sultonovni “Vatandosh” gazetasi va “Vatandosh” jamiyati orqali yaxshi taniydi. Jamoaga ko’p foydasi tekkan inson. “New York Life” sug’urta kompaniyasida yetti yildan beri ishlab kelgan Farhod shirkat xizmatlarini endi o’z jamoasiga taklif etmoqda.

Oliy o’quv yurtiga kirish uchun pul jamg’arish, hayotni sug’urta qilish, nafaqa haqida oldindan qayg’urish kabilar “Nyu York Life” kompaniyasi taklif etayotgan xizmatlar qatoriga kiradi.

Amerikaga to’rt yil avval kelib, hozirda Bruklinda yashayotgan jizzaxlik Charos Muxtorova moliyaviy rejalashning foydasini tez anglab yetdi.

Rik Madan “Nyu-York Life” shirkatida 33 yildan beri ishlaydi. Uning aytishicha, 170 yillik tarixga ega kompaniya 2008-yilgi global moliyaviy inqiroz paytida hukumatdan bir sent olmay o’zini tiklab oldi. Shuning o’zi shirkatimizga bo’lgan yuqori ishonchdan dalolat, deydi u.

“O’zbek jamoasi ajoyib jamoa, safi kengaymoqda, ayniqsa Nyu-York va uning atrofida. Kompaniyamizda shu jamoaning unga xizmat qilishga tayyor ikki vakillari ishlashidan xursandman. Dilshod Rahmonov va Farhod Sultonov. Ishimiz, mahsulotlarimiz haqida ular batafsil ma’lumot bera oladi. Chunki biror narsa haqida chuqur bilimga ega bo’lsangiz, to’g’ri qaror qabul qilishda adashmaysiz”, – deydi u.

Farhod Sultonovning aytishicha, hayot sug’urtasi musofirchilikda yashayotgan o’zbeklar uchun ayniqsa zarur. Sug’urta bevaqt o’lim bilan bog’liq xarajatlarni qoplashda yordam berishdan tashqari farzandlarga yirik miqdorda pul qoldirish imkonini ham beradi.

Dilshod Rahmonov asli Farg’onadan. Amerikaga kelganiga 17 yil bo’ldi. “New York Life” shirkatida 2009-yildan beri ishlaydi. Asosiy ishi Farhodga o’xshash sug’urta agentlarini yollash.

Amerikaga 20 yil oldin Toshkentdan kelgan Sanobar opa Boboxonova intervyu uchun borganimizda sumalak pishirayotgan edi. Navro’zga hali ancha vaqt borligiga qaramay, taraddudini hozirdan ko’rayotgan ekan.

“Hayot sug’urtasi ham erta taraddudni talab etadi”, – deydi u.

Farhod Sultonov o’zbek jamoasiga moliyaviy rejalashda yordam berish bilan birga uddaburo vatandoshlarni “New York Life” kompaniyasida ishlashga ham da’vat etmoqda.

Maqolalar arxivi

Leave a Reply

Your email address will not be published. Required fields are marked *