AQSh elchixonasi jurnalistlar uchun tanlov e’lon qildi

Posted November 24th, 2013 at 9:48 pm (UTC-5)
Leave a comment

© Photo State.gov

AQSh bilan bog‘liq masalalarni professional darajada yoritishni rag‘batlantirish maqsadida Toshkentdagi AQSh elchixonasi  O‘zbekistondagi jurnalistlar uchun tanlov e’lon qiladi.

Tanlovda O‘zbekistonda faoliyat yuritayotgan barcha telekanal, radio, gazeta va internet jurnalistlari ishtirok etishi mumkin. Viloyatlarda yashab ijod qilayotgan jurnalistlarning tanlovda ishtirok etishi qizg‘in qo‘llab-quvvatlanadi.

Tanlovga topshiriladigan ishlar AQSh va O‘zbekiston o‘rtasidagi munosabatlarga, jumladan, ta’lim, madaniyat, iqtisodiyot va siyosatga oid bo‘lishi mumkin.

Jurnalistlar yuqoridagi mavzulardan biriga yoki bir nechtasiga oid materiallaridan eng yaxshi bir yoki ikkitasini yuborishlari lozim. Materiallar o‘zbek, rus va/yoki ingliz tillarida taqdim etilishi mumkin.

Tanlovda ishtirok etish uchun 2013-yilning 15-dekabridan kechikmasdan TashkentPressCenter@state.gov elektron adresiga quyidagi ma’lumotlarni yuborish lozim:

1.      Muallif ism-sharifi, tashkilotining nomi va telefon raqami/el.pochta adresi.

2.      Material matni.

3.      Material bosilgan/efirga uzatilgan/internetga kiritilgan yoki kelgusida e’lon qilinadigan sana.

4.      Gazeta/TV va radiokanal/vebsayt nomi yoki adresi.

Material 2013-yilda chop etilgan/efirga uzatilgan bo‘lishi kerak. AQSh elchixonasi vakillari eng yaxshi ishlarni saralab oladi. G‘oliblar 2013-yil dekabr oyida bo’lib o’tadigan Press-Gapda e’lon qilinadi.

Topshirilgan ishlar quyidagi mezonlarga asosan baholanadi:

·         Chuqur ma’noli, yaxshi tadqiq etilgan, mazmundor material.

·         Misollar va ishonarli faktlarga asoslangan material.

·         G‘oyasi aniq ifodalangan material.

·         O‘ziga xos, e’tiborni tortadigan uslubda yoritilgan material.

·         O‘zbekistonda Qo‘shma Shtatlarni tushunishni chuqurlashtirishga qaratilgan material.

Mukofotlar:

Birinchi mukofot:

–          faxriy yorliq

–          planshet

Ikkinchi mukofot:

–          faxriy yorliq

–          mini-planshet

Uchinchi mukofot:

–          faxriy yorliq

–          fotoapparat/diktofon

Tanlov bilan bog‘liq barcha savollarni TashkentPressCenter@state.gov adresiga yo‘llashingiz mumkin.

Leave a Reply

Your email address will not be published. Required fields are marked *

Muallif haqida


Behzod AQShning Shimoliy Karolina universitetida jurnalistika bo'yicha tahsil olgan. Ijtimoiy-madaniy va ma’rifiy mavzularda yuzlab maqolalari matbuotda e’lon qilingan. “Talabalar shaharchasi” sahifasining muallifi va bosh muharriri.

Talabalar shaharchasi haqida


Amerikada o'qishni xohlaysizmi? O'qish uchun grantlarni qanday topish yoki viza olish yo'l-yo'riqlari haqida ma'lumot qidirayotgandirsiz? Balki Amerikadagi vatandoshlarimiz hayoti, ular erishgan muvaffaqiyatlar haqida o'qishni istarsiz? Shu va yana boshqa ko'plab mavzular haqida "Amerika Ovozi" barcha sobiq, hozirgi va bo'lajak talabalarni Talabalar shaharchasiga muloqot uchun taklif etadi.
Talabalar shaharchasi - Sizning minbaringiz. Bu yerda Siz o'z tajribalaringizni boshqalar bilan baham ko'rishingiz, ijodiy ishlaringiz va fikr-mulohazalaringiz bilan blogimizda muntazam ishtirok etishingiz mumkin. Ijodiy hamkorlik uchun uzbek@voanews.com elektron manzili orqali bizga bog'lanishingizni so'raymiz.